Periods ਅਤੇ ਠੋਡੀ ਦੇ ਵਾਲਾਂ ਵਿਚਕਾਰ ਕੀ ਹੈ ਸਬੰਧ? ਔਰਤਾਂ ਨਾ ਕਰਨ ਇਸ ਨੂੰ ਨਜ਼ਰਅੰਦਾਜ਼
ਖੂਬਸੂਰਤ ਦਿੱਖ ਲਈ, ਕੁੜੀਆਂ ਅਣਚਾਹੇ ਵਾਲਾਂ ਤੋਂ ਛੁਟਕਾਰਾ ਪਾਉਣ ਲਈ ਚਿਹਰੇ ‘ਤੇ ਥ੍ਰੈਡਿੰਗ, ਵੈਕਸਿੰਗ ਜਾਂ ਸ਼ੇਵਿੰਗ ਕਰਦੀਆਂ ਹਨ। ਆਈਬਰੋ ਅਤੇ ਉਪਰਲੇ ਬੁੱਲ੍ਹਾਂ ‘ਤੇ ਵਾਲਾਂ ਦਾ ਆਉਣਾ ਆਮ ਗੱਲ ਹੈ ਪਰ ਠੋਡੀ ‘ਤੇ ਵਾਲ ਵਧਣਾ ਆਮ ਗੱਲ ਨਹੀਂ ਹੈ। ਲੰਬੇ ਕਾਲੇ ਅਤੇ ਸਖ਼ਤ ਵਾਲ ਵੀ ਬਿਮਾਰੀ ਦਾ ਸੰਕੇਤ ਦਿੰਦੇ ਹਨ। ਕਈ ਔਰਤਾਂ Threading ਕਰਵਾਉਂਦੀਆਂ ਹਨ ਜਦੋਂ ਉਨ੍ਹਾਂ ਦੀ ਠੋਡੀ ‘ਤੇ ਵਾਲ ਦਿਖਾਈ ਦਿੰਦੇ ਹਨ, ਪਰ ਇਹ ਸਖ਼ਤ ਵਾਲ ਵਾਪਸ ਉੱਗਦੇ ਹਨ। ਜੇਕਰ ਕਿਸੇ ਔਰਤ ਦੀ ਠੋਡੀ ‘ਤੇ ਇਸ ਤਰ੍ਹਾਂ ਦੇ ਵਾਲ ਉੱਗ ਰਹੇ ਹਨ ਤਾਂ ਉਸ ਨੂੰ ਡਾਕਟਰ ਦੀ ਸਲਾਹ ਲੈਣੀ ਚਾਹੀਦੀ ਹੈ।
ਹਾਰਮੋਨਲ ਅਸੰਤੁਲਨ
ਮੈਕਸ ਸਮਾਰਟ ਸੁਪਰ ਸਪੈਸ਼ਲਿਟੀ ਹਸਪਤਾਲ, ਸਾਕੇਤ, ਦਿੱਲੀ ਦੇ ਸਕਿਨ ਦੇ ਮਾਹਿਰ ਡਾਕਟਰ ਕਸ਼ਿਸ਼ ਕਾਲੜਾ ਦਾ ਕਹਿਣਾ ਹੈ ਕਿ ਜੇਕਰ ਕਿਸੇ ਔਰਤ ਦੀ ਠੋਡੀ ‘ਤੇ ਸਖ਼ਤ ਵਾਲ ਹੋਣ ਤਾਂ ਇਸ ਨੂੰ ਡਾਕਟਰੀ ਭਾਸ਼ਾ ਵਿੱਚ ਹਿਰਸੁਟਿਜ਼ਮ ਕਿਹਾ ਜਾਂਦਾ ਹੈ। ਇਸ ਦਾ ਕਾਰਨ ਹਾਰਮੋਨਸ ਹੈ। ਹਰ ਔਰਤ ਵਿੱਚ ਫੀਮੇਲ ਹਾਰਮੋਨ ਜਿਵੇਂ ਐਸਟ੍ਰੋਜਨ ਅਤੇ ਪ੍ਰੋਜੇਸਟ੍ਰੋਨ ਦੇ ਨਾਲ-ਨਾਲ ਮੇਲ ਹਾਰਮੋਨ ਦੀ ਥੋੜ੍ਹੀ ਮਾਤਰਾ ਹੁੰਦੀ ਹੈ। ਕਈ ਵਾਰ ਕੁਝ ਕਾਰਨਾਂ ਕਰਕੇ ਉਨ੍ਹਾਂ ਦੇ ਸਰੀਰ ਵਿੱਚ ਮੇਲ ਹਾਰਮੋਨ ਵਧਣ ਲੱਗਦੇ ਹਨ। ਇਹਨਾਂ ਨੂੰ ਐਂਡਰੋਜਨ ਕਿਹਾ ਜਾਂਦਾ ਹੈ। ਇਹ ਹਾਰਪਰਸ ਐਂਡਰੋਜਨਮੀਆ ਨੂੰ ਦਰਸਾਉਂਦੇ ਹਨ, ਯਾਨੀ ਖੂਨ ਵਿੱਚ ਐਂਡਰੋਜਨ ਦਾ ਪੱਧਰ ਵੱਧ ਜਾਂਦਾ ਹੈ, ਜਿਸ ਕਾਰਨ ਠੋਡੀ ਉੱਤੇ ਵਾਲ ਉੱਗਣੇ ਸ਼ੁਰੂ ਹੋ ਜਾਂਦੇ ਹਨ।
PCOD ਨਾਲ ਹੁੰਦਾ ਹੈ ਕਨੈਕਸ਼ਨ
ਡਾ: ਕਸ਼ਿਸ਼ ਕਾਲੜਾ ਦਾ ਕਹਿਣਾ ਹੈ ਕਿ ਠੋਡੀ ‘ਤੇ ਵਧਦੇ ਵਾਲ ਔਰਤਾਂ ਵਿੱਚ ਪੀਸੀਓਡੀ ਹੋਣਂ ਵੱਲ ਇਸ਼ਾਰਾ ਕਰਦਾ ਹੈ। ਪੀਸੀਓਡੀ ਵਿੱਚ ਜ਼ਰੂਰੀ ਨਹੀਂ ਪੀਰੀਅਡਜ਼ ਮਿਸ ਹੋ ਜਾਣ। ਜਿਨ੍ਹਾਂ ਕੁੜੀਆਂ ਨੂੰ ਪੀਰੀਅਡਜ਼ ਅਨਿਯਮਿਤ ਹੁੰਦਾ ਹੈ, ਉਹ ਡਾਕਟਰ ਕੋਲ ਜਾਂਦੀਆਂ ਹਨ, ਪਰ ਇਸ ਬਿਮਾਰੀ ਵਿੱਚ 70% ਕੁੜੀਆਂ ਨੂੰ ਅਨਿਯਮਿਤ ਪੀਰੀਅਡਜ਼ ਦੀ ਸਮੱਸਿਆ ਨਹੀਂ ਹੁੰਦੀ।
ਠੋਡੀ ‘ਤੇ ਵਾਲ ਵਧਣ ਦੇ ਨਾਲ-ਨਾਲ ਅਜਿਹੀਆਂ ਲੜਕੀਆਂ ਦੇ ਚਿਹਰੇ ‘ਤੇ ਮੁਹਾਸੇ, ਗੰਜਾਪਣ ਦਾ ਸ਼ਿਕਾਰ ਹੋ ਜਾਂਦੀਆਂ ਹਨ। ਇਨ੍ਹਾਂ ਸਾਰੇ ਲੱਛਣਾਂ ਨੂੰ ਦੇਖਦਿਆਂ ਡਾਕਟਰ ਪੀਸੀਓਡੀ ਦੇਖਣ ਲਈ ਅਲਟਰਾਸਾਊਂਡ ਕਰਾਉਂਦੇ ਹਨ। ਇਸ ਤੋਂ ਇਲਾਵਾ ਕੁਝ ਖੂਨ ਦੇ ਟੈਸਟ ਕਰਵਾਏ ਜਾਂਦੇ ਹਨ ਜਿਸ ਰਾਹੀਂ ਖੂਨ ਵਿੱਚ ਮਰਦ ਹਾਰਮੋਨਸ ਦਾ ਪੱਧਰ ਦੇਖਿਆ ਜਾਂਦਾ ਹੈ। ਪੀਸੀਓਡੀ ਦਾ ਪਤਾ ਲੱਗਣ ਤੋਂ ਬਾਅਦ, ਇਸਦਾ ਇਲਾਜ ਸ਼ੁਰੂ ਕੀਤਾ ਜਾਂਦਾ ਹੈ।
ਜੈਨੇਟਿਕ ਵੀ ਹੋ ਸਕਦੇ ਹਨ
ਕਈ ਵਾਰ ਕੁੜੀਆਂ ਦੀ ਠੋਡੀ ‘ਤੇ ਵਧਦੇ ਵਾਲ ਜੈਨੇਟਿਕ ਵੀ ਹੋ ਸਕਦੇ ਹਨ। ਜੇਕਰ ਲੜਕੀ ਦੀ ਮਾਂ, ਦਾਦੀ ਜਾਂ ਨਾਨੀ ਦੀ ਠੋਡੀ ‘ਤੇ ਵਾਲ ਹਨ ਤਾਂ ਲੜਕੀ ਦੇ ਵੀ ਹੋ ਸਕਦੇ ਹਨ। ਪਰ ਜੇ ਇਹ ਜੈਨੇਟਿਕ ਨਹੀਂ ਹੈ ਤਾਂ ਡਾਕਟਰ ਕੁਝ ਟੈਸਟ ਕਰਨ ਲਈ ਕਹਿੰਦਾ ਹੈ।
ਕਈ ਵਾਰ ਦਵਾਈਆਂ ਵੀ ਸਮੱਸਿਆਵਾਂ ਕਰਦੀਆਂ ਹਨ ਪੈਦਾ
ਕਈ ਵਾਰ ਸਟੀਰੌਇਡ ਜਾਂ ਅਜਿਹੀਆਂ ਦਵਾਈਆਂ ਲੈਣ ਨਾਲ ਵੀ ਠੋਡੀ ‘ਤੇ ਵਾਲ ਉੱਗ ਜਾਂਦੇ ਹਨ। ਕਈ ਔਰਤਾਂ ਵੀ ਆਪਣੇ ਚਿਹਰੇ ‘ਤੇ ਸਟੀਰੌਇਡ ਵਾਲੀਆਂ ਕਰੀਮਾਂ ਲਗਾਉਣੀਆਂ ਸ਼ੁਰੂ ਕਰ ਦਿੰਦੀਆਂ ਹਨ ਤਾਂ ਕਿ ਰੰਗ ਗੋਰਾ ਹੋ ਜਾਵੇ, ਜਦਕਿ ਇਸ ਨਾਲ ਉਨ੍ਹਾਂ ਦੇ ਚਿਹਰੇ ਦੀ ਸੁੰਦਰਤਾ ਹੀ ਖਰਾਬ ਹੁੰਦੀ ਹੈ। ਸਕਿਨ ਦੇ ਮਾਹਿਰ ਦੀ ਸਲਾਹ ਤੋਂ ਬਿਨਾਂ ਕੋਈ ਵੀ ਬਿਊਟੀ ਕਾਸਮੈਟਿਕ ਨਹੀਂ ਲਗਾਉਣਾ ਚਾਹੀਦਾ ਹੈ।
ਇਲੈਕਟ੍ਰੋਲਾਈਸਿਸ ਵੀ ਵਿਕਲਪ
ਇਲੈਕਟ੍ਰੋਲਾਈਸਿਸ ਤਕਨੀਕ ਨਾਲ ਠੋਡੀ ਦੇ ਵਾਲ ਵੀ ਹਟਾਏ ਜਾ ਸਕਦੇ ਹਨ। ਇਸ ਵਿੱਚ ਇੱਕ-ਇੱਕ ਵਾਲ ਇੱਕ ਤਾਰ ਨਾਲ ਸਾੜਿਆ ਜਾਂਦਾ ਹੈ। ਇਸ ਤਾਰ ਵਿੱਚ ਕਰੰਟ ਨਿਕਲਦਾ ਹੈ ਜੋ ਵਾਲਾਂ ਨੂੰ ਜੜ੍ਹ ਤੋਂ ਨਸ਼ਟ ਕਰ ਦਿੰਦਾ ਹੈ। ਇਸ ਤਕਨੀਕ ਨਾਲ ਬਹੁਤ ਦਰਦ ਹੁੰਦਾ ਹੈ। ਜੇਕਰ ਕਿਸੇ ਔਰਤ ਦੀ ਠੋਡੀ ‘ਤੇ ਸਫੇਦ ਵਾਲ ਹਨ, ਤਾਂ ਉਨ੍ਹਾਂ ਨੂੰ ਇਲੈਕਟ੍ਰੋਲਾਈਸਿਸ ਤਕਨੀਕ ਰਾਹੀਂ ਹਟਾ ਦਿੱਤਾ ਜਾਂਦਾ ਹੈ। ਇਸ ਪ੍ਰਕਿਰਿਆ ਨਾਲ ਚਿਹਰੇ ‘ਤੇ ਦਾਗ-ਧੱਬੇ ਵੀ ਹੋ ਸਕਦੇ ਹਨ।
ਠੋਡੀ ‘ਤੇ Threading ਜਾਂ ਵੈਕਸਿੰਗ ਨਾ ਕਰੋ
ਡਾ: ਕਾਲੜਾ ਅਨੁਸਾਰ ਔਰਤਾਂ ਅਕਸਰ ਵੈਕਸਿੰਗ ਜਾਂ Threading ਦੁਆਰਾ ਠੋਡੀ ਦੇ ਵਾਲਾਂ ਨੂੰ ਹਟਾਉਂਦੀਆਂ ਹਨ। ਜਦਕਿ ਅਜਿਹਾ ਨਹੀਂ ਕਰਨਾ ਚਾਹੀਦਾ। ਜੇਕਰ ਕੋਈ ਔਰਤ ਲੇਜ਼ਰ ਨਹੀਂ ਕਰਵਾ ਸਕਦੀ ਤਾਂ ਉਹ ਠੋਡੀ ਦੇ ਵਾਲ ਸ਼ੇਵ ਕਰ ਸਕਦੀ ਹੈ ਅਤੇ ਜੇਕਰ ਉਨ੍ਹਾਂ ਨੂੰ ਬਲੀਚਿੰਗ ਤੋਂ ਐਲਰਜੀ ਨਹੀਂ ਹੈ ਤਾਂ ਉਹ ਬਲੀਚ ਵੀ ਕਰ ਸਕਦੀ ਹੈ। ਠੋਡੀ ਨੂੰ ਥਰੈਡਿੰਗ ਜਾਂ ਵੈਕਸਿੰਗ ਕਰਨ ਨਾਲ ਮਾੜੇ ਪ੍ਰਭਾਵਾਂ ਜਿਵੇਂ ਕਿ ਮੁਹਾਸੇ ਜਾ ਧੱਫੜ ਹੋ ਸਕਦੇ ਹਨ।
ਮੀਨੋਪੌਜ਼ ਦੌਰਾਨ ਵੀ ਵਧ ਸਕਦੇ ਹਨ ਵਾਲ
ਕਈ ਵਾਰ ਮੀਨੋਪੌਜ਼ ਦੇ ਸਮੇਂ ਠੋਡੀ ‘ਤੇ ਵਾਲ ਵੀ ਉੱਗਦੇ ਹਨ ਕਿਉਂਕਿ ਔਰਤਾਂ ਦੇ ਅੰਡਕੋਸ਼ ਕੰਮ ਕਰਨਾ ਬੰਦ ਕਰ ਦਿੰਦੇ ਹਨ ਜਿਸ ਕਾਰਨ ਉਨ੍ਹਾਂ ਦੇ ਸਰੀਰ ‘ਚ ਫੀਮੇਲ ਹਾਰਮੋਨ ਨਹੀਂ ਨਿਕਲਦੇ। ਪਰ ਇਸਨੂੰ PCOD ਨਹੀਂ ਕਿਹਾ ਜਾਂਦਾ। ਕਈ ਵਾਰ ਗਰਭ ਅਵਸਥਾ ਦੌਰਾਨ ਹਾਰਮੋਨਲ ਉਤਰਾਅ-ਚੜ੍ਹਾਅ ਕਾਰਨ ਠੋਡੀ ਦੇ ਵਾਲ ਵਧਦੇ ਹਨ।
