ਇਸ ਲਾਪਰਵਾਹੀ ਕਾਰਨ ਆਊਟ ਹੋ ਸਕਦੇ ਸੀ ਵਿਰਾਟ ਕੋਹਲੀ, ਜੇ ਪਾਕਿਸਤਾਨ ਅਪੀਲ ਕਰ ਦਿੰਦਾ ਹੈ ਖੁੰਝ ਸਕਦਾ ਸੀ ਸੈਂਕੜਾ – News18 ਪੰਜਾਬੀ
ਵਿਰਾਟ ਕੋਹਲੀ ਦੇ 51ਵੇਂ ਸੈਂਕੜੇ ਦੀ ਬਦੌਲਤ ਭਾਰਤ ਨੇ ਚੈਂਪੀਅਨਜ਼ ਟਰਾਫੀ ਦੇ ਮੈਚ ਵਿੱਚ ਪਾਕਿਸਤਾਨ ਨੂੰ ਛੇ ਵਿਕਟਾਂ ਨਾਲ ਹਰਾਇਆ। ਕੋਹਲੀ ਦਾ ਸੈਂਕੜਾ ਮੈਚ ਦਾ ਸਭ ਤੋਂ ਵੱਡਾ ਆਕਰਸ਼ਣ ਸੀ ਪਰ 111 ਗੇਂਦਾਂ ਵਿੱਚ 100 ਦੌੜਾਂ ਦੀ ਆਪਣੀ ਅਜੇਤੂ ਪਾਰੀ ਦੌਰਾਨ, ਭਾਰਤੀ ਬੱਲੇਬਾਜ਼ ਨੇ ਕੁਝ ਅਜਿਹਾ ਕੀਤਾ ਸੀ, ਜਿਸ ਕਾਰਨ ਉਹ ਆਪਣੀ ਵਿਕਟ ਸਸਤੇ ਵਿੱਚ ਗੁਆ ਸਕਦੇ ਸੀ।
ਦਰਅਸਲ, ਭਾਰਤ ਦੀ ਪਾਰੀ ਦੇ 21ਵੇਂ ਓਵਰ ਦੌਰਾਨ, ਕੋਹਲੀ ਨੇ ਕਵਰ ਅਤੇ ਪੁਆਇੰਟ ਦੇ ਵਿਚਕਾਰ Haris Rauf ਦੀ ਗੇਂਦ ‘ਤੇ ਇੱਕ ਤੇਜ਼ ਸਿੰਗਲ ਲੈ ਲਿਆ। ਜਿਵੇਂ ਹੀ ਉਹ ਕ੍ਰੀਜ਼ ‘ਤੇ ਪਹੁੰਚੇ, ਉਹ ਅਚਾਨਕ ਝੁਕ ਗਏ ਅਤੇ ਆਪਣੇ ਵੱਲ ਆ ਰਹੇ ਥ੍ਰੋਅ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ।
ਸਰੀਰ ਨੂੰ ਫੈਟ ਤੋਂ ਫਿਟ ਕਰ ਦੇਵੇਗੀ ਇਹ ਸਬਜ਼ੀ
ਕੋਹਲੀ ਦੀ ਕਾਰਵਾਈ ਸਮਝ ਤੋਂ ਪਰੇ ਸੀ ਕਿਉਂਕਿ ਗੇਂਦ ਲੈਣ ਲਈ ਉਸ ਦੇ ਪਿੱਛੇ ਕੋਈ ਪਾਕਿਸਤਾਨੀ ਫੀਲਡਰ ਨਹੀਂ ਸੀ। ਬਾਬਰ ਆਜ਼ਮ ਨੇ ਥ੍ਰੋਅ ਨੂੰ ਟਰੈਕ ਕਰਨਾ ਸ਼ੁਰੂ ਕਰ ਦਿੱਤਾ ਸੀ ਪਰ ਅਜੇ ਵੀ ਕੁਝ ਦੂਰੀ ‘ਤੇ ਸੀ, ਜਿਸ ਨਾਲ ਕੋਹਲੀ ਦਾ ਐਕਸ਼ਨ ਹੋਰ ਵੀ ਹੈਰਾਨੀਜਨਕ ਹੋ ਗਿਆ। ਕੁਮੈਂਟਰੀ ਬਾਕਸ ਵਿੱਚ ਮੌਜੂਦ ਗਾਵਸਕਰ ਨੇ ਇਸ ‘ਤੇ ਪ੍ਰਤੀਕਿਰਿਆ ਦਿੱਤੀ ਅਤੇ ਕੋਹਲੀ ਪ੍ਰਤੀ ਆਪਣੀ ਨਾਰਾਜ਼ਗੀ ਜ਼ਾਹਰ ਕੀਤੀ।
ਸਾਬਕਾ ਭਾਰਤੀ ਕਪਤਾਨ ਨੇ ਕਿਹਾ, ‘ਉਹ ਖੁਸ਼ਕਿਸਮਤ ਹੈ ਕਿ ਕਿਸੇ ਨੇ ਅਪੀਲ ਨਹੀਂ ਕੀਤੀ।’ ਗਾਵਸਕਰ ਨੇ ਸੰਭਾਵਿਤ Obstructing- the -Field ਆਊਟ ਹੋਣ ਦਾ ਸੰਕੇਤ ਦਿੱਤਾ, ਪਰ ਜਦੋਂ ਉਸ ਨੇ ਥ੍ਰੋਅ ਰੋਕਿਆ, ਤਾਂ ਕੋਹਲੀ ਆਰਾਮ ਨਾਲ ਕ੍ਰੀਜ਼ ਦੇ ਅੰਦਰ ਸੀ।
ਪਾਕਿਸਤਾਨ ਦੇ ਸਾਬਕਾ ਕਪਤਾਨ ਰਮੀਜ਼ ਰਾਜਾ, ਜੋ ਗਾਵਸਕਰ ਨਾਲ ਆਨ-ਏਅਰ ਸਨ। ਉਸ ਨੇ ਪਿਛਲੇ ਓਵਰ ਵਿੱਚ ਕੋਹਲੀ ਦੀ ਗੇਮ-ਅਵੇਅਰਨੈੱਸ ਦੀ ਪ੍ਰਸ਼ੰਸਾ ਕੀਤੀ ਸੀ। ਉਹ ਵੀ ਹੱਸਣ ਲੱਗ ਪਏ ਅਤੇ ਕਹਿਣ ਲੱਗੇ, ‘ਮੈਂ ਇੱਥੇ ਉਸ ਦੀ ਗੇਮ-ਅਵੇਅਰਨੈੱਸ ਬਾਰੇ ਗੱਲ ਕਰ ਰਿਹਾ ਸੀ ਅਤੇ ਉੱਥੇ ਇਹ ਇੰਨੀ ਗਲਤੀ ਕਰ ਰਿਹਾ ਹੈ।’
ਇਸ ਤੋਂ ਬਾਅਦ ਵਿਰਾਟ ਕੋਹਲੀ ਨੇ ਮੈਚ ਨੂੰ ਆਪਣੇ ਲਈ ਯਾਦਗਾਰ ਬਣਾ ਦਿੱਤਾ। ਉਹ ਪਾਕਿਸਤਾਨ ਖਿਲਾਫ ਮੈਚ ਦੌਰਾਨ 14,000 ਵਨਡੇ ਦੌੜਾਂ ਪੂਰੀਆਂ ਕਰਨ ਵਾਲੇ ਕ੍ਰਿਕਟ ਇਤਿਹਾਸ ਦੇ ਤੀਜਾ ਬੱਲੇਬਾਜ਼ ਬਣ ਗਏ। ਮੈਚ ਸ਼ੁਰੂ ਹੋਣ ਤੋਂ ਪਹਿਲਾਂ ਉਹ ਸਿਰਫ਼ 15 ਦੌੜਾਂ ਪਿੱਛੇ ਸਨ। ਇਸ ਦੇ ਨਾਲ, ਕੋਹਲੀ ਆਪਣੇ ਹਮਵਤਨ ਅਤੇ ਮਹਾਨ ਬੱਲੇਬਾਜ਼ ਸਚਿਨ ਤੇਂਦੁਲਕਰ ਨੂੰ ਪਛਾੜ ਕੇ ਇਸ ਮੀਲ ਪੱਥਰ ‘ਤੇ ਪਹੁੰਚਣ ਵਾਲੇ ਸਭ ਤੋਂ ਤੇਜ਼ ਖਿਡਾਰੀ ਬਣ ਗਏ ਹਨ।
