‘Chhaava’ ਸਭ ਤੋਂ ਤੇਜ਼ 300 ਕਰੋੜ ਕਮਾਉਣ ਵਾਲੀ ਬਣੀ ਫਿਲਮ, KGF ਨੂੰ ਵੀ ਛੱਡਿਆ ਪਿੱਛੇ
ਛਤਰਪਤੀ ਸ਼ਿਵਾਜੀ ਮਹਾਰਾਜ ਦੇ ਪੁੱਤਰ ਸੰਭਾਜੀ ਮਹਾਰਾਜ ਦੇ ਜੀਵਨ ‘ਤੇ ਆਧਾਰਿਤ ਇੱਕ ਪੀਰੀਅਡ ਡਰਾਮਾ ਫਿਲਮ, ਛਾਵਾ (Chhaava) ਸਾਲ 2025 ਦੀ ਪਹਿਲੀ ਬਾਲੀਵੁੱਡ ਅਤੇ ਭਾਰਤੀ ਫਿਲਮ ਬਣ ਗਈ ਹੈ ਜਿਸਨੇ ਸਭ ਤੋਂ ਵੱਧ ਕਮਾਈ ਕੀਤੀ ਹੈ। ਇਹ ਫਿਲਮ ਹੁਣ ਬਹੁਤ ਜਲਦੀ ਬਲਾਕਬਸਟਰ ਸ਼੍ਰੇਣੀ ਵਿੱਚ ਸ਼ਾਮਲ ਹੋਣ ਜਾ ਰਹੀ ਹੈ। ਵਿੱਕੀ ਕੌਸ਼ਲ ਦੀ ਸ਼ਾਨਦਾਰ ਅਦਾਕਾਰੀ ਅਤੇ ਲਕਸ਼ਮਣ ਉਤੇਕਰ ਦੇ ਸ਼ਾਨਦਾਰ ਨਿਰਦੇਸ਼ਨ ਹੇਠ ਬਣੀ ‘Chhaava’ ਨੇ ਹੁਣ ਤੱਕ ਕਿੰਨਾ ਕੁ ਕਲੈਕਸ਼ਨ ਕੀਤਾ ਹੈ ਅਤੇ ਬਾਕਸ ਆਫਿਸ ‘ਤੇ ਇਸਨੇ ਕਿਹੜੇ ਰਿਕਾਰਡ ਬਣਾਏ ਹਨ, ਆਓ ਜਾਣਦੇ ਹਾਂ…
Chhaava ਦਾ ਬਾਕਸ ਆਫਿਸ ਕਲੈਕਸ਼ਨ
ਫਿਲਮ ਦੇ ਨਿਰਮਾਤਾਵਾਂ ਵੱਲੋਂ ਦਿੱਤੇ ਗਏ ਅਧਿਕਾਰਤ ਅੰਕੜਿਆਂ ਅਨੁਸਾਰ, Chhaava ਨੇ 9 ਦਿਨਾਂ ਵਿੱਚ 293.41 ਕਰੋੜ ਰੁਪਏ ਦਾ ਸ਼ਾਨਦਾਰ ਕਲੈਕਸ਼ਨ ਕੀਤਾ ਹੈ। ਤੁਹਾਨੂੰ ਦਸ ਦੇਈਏ ਕਿ ਛਾਵਾ 300 ਕਰੋੜ ਕਲੱਬ ਵਿੱਚ ਦਾਖਲ ਹੋਣ ਵਾਲੀ 8ਵੀਂ ਸਭ ਤੋਂ ਤੇਜ਼ ਫਿਲਮ ਬਣ ਗਈ ਹੈ। ‘ਛਾਵਾ’ ਨੇ 10ਵੇਂ ਦਿਨ 300 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਲਿਆ ਹੈ ਅਤੇ ਉਹ ਉਨ੍ਹਾਂ 10 ਹਿੰਦੀ ਫਿਲਮਾਂ ਦੀ ਸੂਚੀ ਵਿੱਚ ਸ਼ਾਮਲ ਹੋ ਗਈ ਹੈ ਜਿਨ੍ਹਾਂ ਨੇ ਸਭ ਤੋਂ ਤੇਜ਼ੀ ਨਾਲ 300 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕੀਤਾ ਹੈ।
ਸਰੀਰ ਨੂੰ ਫੈਟ ਤੋਂ ਫਿਟ ਕਰ ਦੇਵੇਗੀ ਇਹ ਸਬਜ਼ੀ
ਇਸ ਸੂਚੀ ਵਿੱਚ, ਪੁਸ਼ਪਾ 2 (5 ਦਿਨ) ਪਹਿਲੇ ਨੰਬਰ ‘ਤੇ, ਜਵਾਨ (6 ਦਿਨ) ਦੂਜੇ ਨੰਬਰ ‘ਤੇ, ਪਠਾਨ ਅਤੇ ਐਨੀਮਲ (7 ਦਿਨ) ਤੀਜੇ ਨੰਬਰ ‘ਤੇ, ਗਦਰ 2 (8 ਦਿਨ) ਚੌਥੇ ਨੰਬਰ ‘ਤੇ ਅਤੇ ਸਤ੍ਰੀ 2 (9 ਦਿਨ) ਪੰਜਵੇਂ ਨੰਬਰ ‘ਤੇ ਹੈ। ਬਾਹੂਬਲੀ 2 ਨੇ 10ਵੇਂ ਦਿਨ ਇਹ ਅੰਕੜਾ ਪਾਰ ਕਰ ਲਿਆ ਸੀ। ਹੁਣ ਇਸ ਦੇ ਨਾਲ, Chhaava ਵੀ 10ਵੇਂ ਦਿਨ ਇਸ ਅੰਕੜੇ ਨੂੰ ਪਾਰ ਕਰਨ ਤੋਂ ਬਾਅਦ ਇਸ ਸੂਚੀ ਵਿੱਚ 6ਵੇਂ ਸਥਾਨ ‘ਤੇ ਪਹੁੰਚ ਗਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਯਸ਼ ਦੀ ਫਿਲਮ KGF 2 ਨੂੰ ਇਹ ਅੰਕੜਾ ਪਾਰ ਕਰਨ ਵਿੱਚ 11 ਦਿਨ ਲੱਗੇ ਸਨ।
Chhaava ਦੀ ਸਟਾਰਕਾਸਟ ਅਤੇ ਬਜਟ:‘ਛਾਵਾ’ ਲਗਭਗ 130 ਕਰੋੜ ਰੁਪਏ ਦੇ ਬਜਟ ਨਾਲ ਬਣੀ ਹੈ ਅਤੇ ਫਿਲਮ ਨੇ ਸਿਰਫ਼ 10 ਦਿਨਾਂ ਵਿੱਚ ਢਾਈ ਗੁਣਾ ਕਮਾਈ ਕਰ ਲਈ ਹੈ। ਵਿੱਕੀ ਕੌਸ਼ਲ ਦੇ ਨਾਲ, ਫਿਲਮ ਵਿੱਚ ਰਸ਼ਮਿਕਾ ਮੰਡਾਨਾ, ਵਿਨੀਤ ਕੁਮਾਰ ਸਿੰਘ, ਆਸ਼ੂਤੋਸ਼ ਰਾਣਾ ਅਤੇ ਅਕਸ਼ੈ ਖੰਨਾ ਵੀ ਹਨ।
