iPhone 16 ਦਾ ਇਹ ਪ੍ਰੀਮੀਅਮ ਫ਼ੀਚਰ ਪੁਰਾਣੇ iPhone ਨੂੰ ਦੇ ਸਕਦਾ ਹੈ Apple, iOS ਅਪਡੇਟ ਨਾਲ ਕੀਤਾ ਜਾਵੇਗਾ ਰੋਲ ਆਊਟ
Apple iPhone ਉਪਭੋਗਤਾਵਾਂ ਲਈ ਇੱਕ ਚੰਗੀ ਖਬਰ ਹੈ। ਕੰਪਨੀ ਨੇ ਐਲਾਨ ਕੀਤਾ ਹੈ ਕਿ ਹੁਣ iPhone 16 ਸੀਰੀਜ਼ ਦਾ ਵਿਜ਼ੂਅਲ ਇੰਟੈਲੀਜੈਂਸ ਫੀਚਰ iPhone 15 ਪ੍ਰੋ ਅਤੇ ਪ੍ਰੋ ਮੈਕਸ ਵਰਗੇ ਪੁਰਾਣੇ ਮਾਡਲਾਂ ਵਿੱਚ ਉਪਲਬਧ ਹੋਣ ਜਾ ਰਿਹਾ ਹੈ। ਆਉਣ ਵਾਲੇ ਸਾਫਟਵੇਅਰ ਅਪਡੇਟ ਤੋਂ ਬਾਅਦ ਉਪਭੋਗਤਾ ਇਸ ਫੀਚਰ ਦੀ ਲਾਭ ਆਪਣੇ ਪੁਰਾਣੇ ਆਈਫੋਨ ਵਿੱਚ ਵੀ ਲੈ ਸਕਨਗੇ। ਹੁਣ ਤੱਕ ਇਹ ਫੀਚਰ ਸਿਰਫ਼ iPhone 16 ਸੀਰੀਜ਼ ਦੇ ਡਿਵਾਈਸਾਂ ਵਿੱਚ ਹੀ ਉਪਲਬਧ ਹੈ। ਪਰ ਹੁਣ ਇਸਦਾ ਦਾਇਰਾ ਵਧਾਇਆ ਜਾ ਰਿਹਾ ਹੈ। ਆਓ ਜਾਣਦੇ ਹਾਂ ਇਹ ਫੀਚਰ ਕਿਵੇਂ ਕੰਮ ਕਰਦਾ ਹੈ…
Apple ਦਾ ਵਿਜ਼ੂਅਲ ਇੰਟੈਲੀਜੈਂਸ ਫੀਚਰ
ਇਸ ਫੀਚਰ ਦੀ ਮਦਦ ਨਾਲ, ਉਪਭੋਗਤਾ ਕਿਸੇ ਵੀ ਵਸਤੂ ਜਾਂ ਟੈਕਸਟ ਨੂੰ ਉਸ ‘ਤੇ ਕੈਮਰਾ ਫੋਕਸ ਕਰਕੇ ਉਸ ਬਾਰੇ ਜਾਣਕਾਰੀ ਪ੍ਰਾਪਤ ਕਰ ਸਕਦੇ ਹਨ। ਇਹ ਵਸਤੂ ਬਾਰੇ ਸਾਰੀ ਜਾਣਕਾਰੀ ਦਿਖਾ ਸਕਦਾ ਹੈ ਅਤੇ ਉਪਭੋਗਤਾ ਟੈਕਸਟ ਦਾ ਟ੍ਰਾਂਸਲੇਸ਼ਨ ਵੀ ਕਰ ਸਕਦੇ ਹਨ। ਇਸ ਤੋਂ ਇਲਾਵਾ, ਇਹ ਕਿਤਾਬਾਂ ਦੀ ਸਮਰੀ ਪੇਸ਼ ਕਰਨ, ਕੁੱਤਿਆਂ ਦੀਆਂ ਨਸਲਾਂ ਦੀ ਪਛਾਣ ਕਰਨ ਆਦਿ ਵਰਗੇ ਕੰਮ ਵੀ ਕਰ ਸਕਦਾ ਹੈ। ਇਹ ਕਿਸੇ ਵੀ ਵਿਦੇਸ਼ੀ ਭਾਸ਼ਾ ਦਾ ਅਨੁਵਾਦ ਕਰ ਸਕਦਾ ਹੈ ਅਤੇ ਇਸ ਦੇ ਲਈ ਉਪਭੋਗਤਾਵਾਂ ਨੂੰ ਕਿਸੇ ਹੋਰ ਐਪ ‘ਤੇ ਜਾਣ ਦੀ ਜ਼ਰੂਰਤ ਨਹੀਂ ਹੈ। ਇਸ ਦੀ ਸਰਚ ਸਮਰੱਥਾ ਨੂੰ ਵਧਾਉਣ ਲਈ, ਗੂਗਲ ਅਤੇ ਚੈਟਜੀਪੀਟੀ ਨੂੰ ਇਸ ਵਿੱਚ ਜੋੜਿਆ ਗਿਆ ਹੈ।
ਕਲਾਵਾਂ ਨੂੰ ਹੱਥਾਂ ਤੋਂ ਕਦੋਂ ਹਟਾਉਣਾ ਚਾਹੀਦਾ ਹੈ? ਜਾਣੋ
iPhone 15 ਪ੍ਰੋ ਯੂਜ਼ਰਸ ਇਸ ਫੀਚਰ ਨੂੰ ਐਕਸ਼ਨ ਬਟਨ ਜਾਂ ਕੰਟਰੋਲ ਸੈਂਟਰ ਤੋਂ ਐਕਸੈਸ ਕਰ ਸਕਣਗੇ। ਤੁਹਾਨੂੰ ਦੱਸ ਦੇਈਏ ਕਿ ਕੰਪਨੀ ਨੇ iPhone 16 ਵਿੱਚ ਵੀ ਇਹ ਫੀਚਰ ਦਿੱਤਾ ਹੈ ਅਤੇ ਇਸ ਵਿੱਚ ਵੀ ਯੂਜ਼ਰਸ ਕੈਮਰਾ ਬਟਨ ਤੋਂ ਬਿਨਾਂ ਇਸਦਾ ਫਾਇਦਾ ਉਠਾ ਸਕਣਗੇ। iPhone 16 ਸੀਰੀਜ਼ ਵਿੱਚ ਇਸਨੂੰ ਐਕਸੈਸ ਕਰਨ ਲਈ ਇੱਕ ਡੈਡੀਕੇਟਿਡ ਕੈਮਰਾ ਬਟਨ ਹੈ। iPhone 15 ਪ੍ਰੋ ਉਪਭੋਗਤਾਵਾਂ ਨੂੰ ਵੀ ਇਸ ਫੀਚਰ ਦੀ ਪੇਸ਼ਕਸ਼ ਇਹ ਦਰਸਾਉਂਦੀ ਹੈ ਕਿ ਵਿਜ਼ੂਅਲ ਇੰਟੈਲੀਜੈਂਸ ਤੱਕ ਪਹੁੰਚ ਕਰਨ ਲਈ ਡੈਡੀਕੇਟਿਡ ਕੈਮਰਾ ਬਟਨ ਦੀ ਕੋਈ ਲੋੜ ਨਹੀਂ ਹੁੰਦੀ ਹੈ। Apple ਨੇ ਅਜੇ ਤੱਕ ਇਸ ਫੀਚਰ ਨੂੰ ਪੁਰਾਣੇ ਉਪਭੋਗਤਾਵਾਂ ਲਈ ਰੋਲ ਆਊਟ ਕਰਨ ਦੀ ਤੈਅ ਡੇਟ ਦਾ ਐਲਾਨ ਨਹੀਂ ਕੀਤਾ ਹੈ, ਪਰ ਮੰਨਿਆ ਜਾ ਰਿਹਾ ਹੈ ਕਿ ਇਹ iOS 18.4 ਅਪਡੇਟ ਦੇ ਨਾਲ ਰੋਲ ਆਊਟ ਹੋ ਸਕਦਾ ਹੈ। ਇਹ ਅਪਡੇਟ ਅਪ੍ਰੈਲ ਵਿੱਚ ਆਉਣ ਦੀ ਉਮੀਦ ਹੈ।
