20 ਵਿੱਚੋਂ 12 ਪੁਲ ਤਿਆਰ, ਜਲਦੀ ਬੁਲੇਟ ਟਰੇਨ ਚਲਾਉਣ ਲਈ NHSRCL ਨੇ ਦਿਨ-ਰਾਤ ਕੀਤਾ ਇਕ railways mumbai ahmedabad bullet train 12 river bridges completed in gujarat – News18 ਪੰਜਾਬੀ
Bullet Train: ਨੈਸ਼ਨਲ ਹਾਈ-ਸਪੀਡ ਰੇਲ ਕਾਰਪੋਰੇਸ਼ਨ ਲਿਮਿਟੇਡ (NHSRCL) ਮੁੰਬਈ-ਅਹਿਮਦਾਬਾਦ ਵਿਚਕਾਰ ਬੁਲੇਟ ਟਰੇਨ ਚਲਾਉਣ ਲਈ ਦਿਨ-ਰਾਤ ਕੰਮ ਕਰ ਰਹੀ ਹੈ। ਇਸ ਹਾਈ-ਸਪੀਡ ਰੇਲ ਕੋਰੀਡੋਰ ਪ੍ਰੋਜੈਕਟ ਦੇ ਨਿਰਮਾਣ ਵਿੱਚ ਮਹੱਤਵਪੂਰਨ ਪ੍ਰਗਤੀ ਹੋਈ ਹੈ।
ਗੁਜਰਾਤ ਵਿੱਚ ਵਾਪੀ ਅਤੇ ਸੂਰਤ ਬੁਲੇਟ ਟਰੇਨ ਸਟੇਸ਼ਨਾਂ ਦੇ ਵਿਚਕਾਰ ਪੈਂਦੀਆਂ ਸਾਰੀਆਂ ਨੌਂ ਨਦੀਆਂ ਉੱਤੇ ਪੁਲਾਂ ਦਾ ਨਿਰਮਾਣ ਕਰ ਲਿਆ ਗਿਆ ਹੈ। ਹਾਲ ਹੀ ‘ਚ ਨਵਸਾਰੀ ਜ਼ਿਲ੍ਹੇ ‘ਚ ਖਰੇਰਾ ਨਦੀ ਉਤੇ 120 ਮੀਟਰ ਲੰਬੇ ਪੁਲ ਦੀ ਉਸਾਰੀ ਦਾ ਕੰਮ ਪੂਰਾ ਹੋਇਆ ਹੈ। ਇਸ ਨਾਲ ਗੁਜਰਾਤ ਵਿੱਚ ਬਣਨ ਵਾਲੇ ਕੁੱਲ 20 ਨਦੀਆਂ ਉਤੇ ਪੁਲਾਂ ਵਿੱਚੋਂ 12 ਦਾ ਨਿਰਮਾਣ ਹੋ ਚੁੱਕਾ ਹੈ।
ਖਰੇਰਾ ਨਦੀ ਵਾਪੀ ਬੁਲੇਟ ਟਰੇਨ ਸਟੇਸ਼ਨ ਤੋਂ ਲਗਭਗ 45 ਕਿਲੋਮੀਟਰ ਅਤੇ ਬਿਲੀਮੋਰਾ ਬੁਲੇਟ ਟ੍ਰੇਨ ਸਟੇਸ਼ਨ ਤੋਂ 6 ਕਿਲੋਮੀਟਰ ਦੂਰ ਹੈ। ਖਰੇਰਾ ਨਦੀ ‘ਤੇ ਬਣੇ ਪੁਲ ਦੀ ਲੰਬਾਈ 120 ਮੀਟਰ ਹੈ। ਇਸ ਵਿੱਚ 40-40 ਮੀਟਰ ਦੇ 3 ਫੁੱਲ ਸਪੈਨ ਗਰਡਰ ਹਨ ਅਤੇ ਇਸਦੇ ਪਿਅਰਾਂ ਦੀ ਉਚਾਈ 14.5 ਮੀਟਰ ਤੋਂ 19 ਮੀਟਰ ਤੱਕ ਹੈ। ਇਸ ਵਿੱਚ 4 ਮੀਟਰ ਦਾ ਇੱਕ ਗੋਲਾਕਾਰ ਪਿਅਰ ਅਤੇ 5 ਮੀਟਰ ਵਿਆਸ ਦੇ ਤਿੰਨ ਗੋਲਾਕਾਰ ਖੰਭੇ ਹਨ। ਇਹ ਪੁਲ ਵਾਪੀ ਅਤੇ ਬਿਲੀਮੋਰਾ ਬੁਲੇਟ ਟਰੇਨ ਸਟੇਸ਼ਨਾਂ ਵਿਚਕਾਰ ਹੈ। ਖਰੇਰਾ ਨਦੀ, ਅੰਬਿਕਾ ਨਦੀ ਦੀ ਇੱਕ ਸਹਾਇਕ ਨਦੀ, ਗੁਜਰਾਤ ਦੇ ਨਾਲ ਮਹਾਰਾਸ਼ਟਰ ਰਾਜ ਦੇ ਸਰਹੱਦੀ ਖੇਤਰ ਵਿੱਚ ਵੰਸਦਾ ਤਾਲੁਕਾ ਦੀਆਂ ਪਹਾੜੀਆਂ ਵਿੱਚੋਂ ਨਿਕਲਦੀ ਹੈ।
ਇੱਥੇ ਵੀ ਪੁਲ ਬਣਾਏ ਗਏ ਹਨ
ਨੈਸ਼ਨਲ ਹਾਈ-ਸਪੀਡ ਰੇਲ ਕਾਰਪੋਰੇਸ਼ਨ ਲਿਮਟਿਡ (NHSRCL) ਨੇ ਹੁਣ ਤੱਕ ਗੁਜਰਾਤ ਵਿੱਚ 12 ਨਦੀ ਪੁਲਾਂ ਦਾ ਨਿਰਮਾਣ ਕੀਤਾ ਹੈ। ਖਰੇਰਾ ਨਦੀ ਦੇ ਪੁਲ ਤੋਂ ਇਲਾਵਾ ਨਵਸਾਰੀ ਜ਼ਿਲ੍ਹੇ ਵਿੱਚ ਕਾਵੇਰੀ, ਪੂਰਨਾ, ਮਿੰਧੋਲਾ, ਅੰਬਿਕਾ ਅਤੇ ਵੇਂਗਨੀਆ ਉੱਤੇ ਪੁਲ ਬਣਾਏ ਗਏ ਹਨ। ਵਲਸਾਡ ਜ਼ਿਲ੍ਹੇ ਵਿੱਚ ਕੋਲਕ, ਪਾਰ ਅਤੇ ਔਰੰਗਾ ਨਦੀਆਂ ਅਤੇ ਖੇੜਾ ਜ਼ਿਲ੍ਹੇ ਵਿੱਚ ਮੋਹਰ ਅਤੇ ਵਾਟਰਕ ਨਦੀਆਂ ਉੱਤੇ ਪੁਲ ਬਣ ਚੁੱਕੇ ਹਨ। ਇਸੇ ਤਰ੍ਹਾਂ ਵਡੋਦਰਾ ਜ਼ਿਲ੍ਹੇ ਵਿੱਚ ਧਾਧਰ ਨਦੀ ’ਤੇ 120 ਮੀਟਰ ਦਾ ਪੁਲ ਵੀ ਬਣਾਇਆ ਗਿਆ ਹੈ।
ਨੈਸ਼ਨਲ ਹਾਈਵੇ ‘ਤੇ ਵੀ ਪੁਲ ਬਣਿਆ
ਨੈਸ਼ਨਲ ਹਾਈ-ਸਪੀਡ ਰੇਲ ਕਾਰਪੋਰੇਸ਼ਨ ਲਿਮਟਿਡ ਨੇ ਨਵਸਾਰੀ ਦੇ ਸਿਸੋਦਰਾ ਪਿੰਡ ਵਿਖੇ ਨੈਸ਼ਨਲ ਹਾਈਵੇ (NH) 48 ਉਤੇ 210 ਮੀਟਰ ਲੰਬੇ ਪ੍ਰੀ-ਸਟਰੈਸਡ ਕੰਕਰੀਟ (PSC) ਪੁਲ ਦਾ ਨਿਰਮਾਣ ਵੀ ਪੂਰਾ ਕਰ ਲਿਆ ਹੈ। ਇਹ ਪੁਲ ਸਪੈਨ-ਬਾਈ-ਸਪੈਨ (SBS) ਤਕਨੀਕ ਨਾਲ ਬਣਾਇਆ ਗਿਆ ਹੈ ਅਤੇ ਇਸ ਵਿੱਚ 72 ਪ੍ਰੀਕਾਸਟ ਹਿੱਸੇ ਹਨ। ਪੁਲ ਦੇ ਚਾਰ ਸਪੈਨ ਹਨ, ਜਿਨ੍ਹਾਂ ਵਿੱਚੋਂ ਦੋ 40 ਮੀਟਰ ਅਤੇ ਦੋ 65 ਮੀਟਰ ਦੇ ਹਨ। ਇਹ ਪੁਲ ਹਾਈਵੇਅ ਦੇ ਦੋਵੇਂ ਪਾਸੇ ਟ੍ਰੈਫਿਕ ਲੇਨਾਂ ਨੂੰ ਪਾਰ ਕਰਦਾ ਹੈ।
ਇਹ ਪੁਲ NH-48 ਨੂੰ ਪਾਰ ਕਰਦੇ ਸਿਸੋਦਰਾ ਪਿੰਡ ਦੇ ਉੱਚੇ ਰਸਤੇ ਦਾ ਇੱਕ ਹਿੱਸਾ ਬਣੇਗਾ। ਇਹ ਪੁਲ ਬਿਲੀਮੋਰਾ ਅਤੇ ਸੂਰਤ ਬੁਲੇਟ ਟਰੇਨ ਸਟੇਸ਼ਨਾਂ ਵਿਚਕਾਰ ਸਥਿਤ ਹੈ।
