ਸੰਜੇ ਮਲਹੋਤਰਾ ਨੂੰ ਭਾਰਤੀ ਰਿਜ਼ਰਵ ਬੈਂਕ (ਆਰਬੀਆਈ) ਦਾ ਨਵਾਂ ਗਵਰਨਰ ਨਿਯੁਕਤ ਕੀਤਾ ਗਿਆ ਹੈ। ਕੇਂਦਰੀ ਮੰਤਰੀ ਮੰਡਲ ਨੇ ਸੰਜੇ ਮਲਹੋਤਰਾ ਦੀ ਨਿਯੁਕਤੀ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਸੰਜੇ ਮਲਹੋਤਰਾ ਆਪਣੀ ਸ਼ਾਨਦਾਰ ਅਗਵਾਈ ਯੋਗਤਾ ਅਤੇ ਵਿੱਤੀ ਮਾਮਲਿਆਂ ਦੀ ਡੂੰਘੀ ਸਮਝ ਲਈ ਜਾਣੇ ਜਾਂਦੇ ਹਨ। ਸੰਜੇ 1990 ਦੇ ਆਈਏਐਸ ਬੈਚ ਦੇ ਅਧਿਕਾਰੀ ਹਨ ਜੋ ਵਰਤਮਾਨ ਵਿੱਚ ਮਾਲ ਸਕੱਤਰ ਹਨ। ਉਨ੍ਹਾਂ ਦੀ ਨਿਯੁਕਤੀ 3 ਸਾਲ ਲਈ ਹੋਵੇਗੀ। ਭਲਕੇ ਮੰਗਲਵਾਰ ਨੂੰ ਮੌਜੂਦਾ ਗਵਰਨਰ ਸ਼ਕਤੀਕਾਂਤ ਦਾਸ ਦਾ ਕਾਰਜਕਾਲ ਖਤਮ ਹੋ ਰਿਹਾ ਹੈ।
9 ਦਸੰਬਰ ਨੂੰ ਡੀਪੀਓਟੀ ਵੱਲੋਂ ਜਾਰੀ ਨੋਟੀਫਿਕੇਸ਼ਨ ਅਨੁਸਾਰ, ਮਾਲ ਸਕੱਤਰ ਸੰਜੇ ਮਲਹੋਤਰਾ ਤਿੰਨ ਸਾਲਾਂ ਦੀ ਮਿਆਦ ਲਈ ਅਗਲੇ ਆਰਬੀਆਈ ਗਵਰਨਰ ਹੋਣਗੇ। ਸੰਜੇ ਮਲਹੋਤਰਾ 11 ਦਸੰਬਰ ਨੂੰ ਅਹੁਦਾ ਸੰਭਾਲਣਗੇ। ਸੰਜੇ ਮਲਹੋਤਰਾ (revenue secretary ) ਮਾਲ ਸਕੱਤਰ ਵਜੋਂ ਸੇਵਾ ਨਿਭਾਅ ਰਹੇ ਸਨ ਅਤੇ ਰਾਜਸਥਾਨ ਕੇਡਰ ਦੇ 1990 ਬੈਚ ਦੇ ਆਈਏਐਸ ਅਧਿਕਾਰੀ ਹਨ।
ਮਲਹੋਤਰਾ ਨੇ ਪਹਿਲਾਂ ਸਰਕਾਰੀ REC ਦੇ ਚੇਅਰਮੈਨ ਅਤੇ ਮੈਨੇਜਿੰਗ ਡਾਇਰੈਕਟਰ ਦੇ ਤੌਰ ‘ਤੇ ਕੰਮ ਕੀਤਾ ਹੈ। ਟੈਕਸ ਵਸੂਲੀ ਵਿੱਚ ਹਾਲ ਹੀ ਵਿੱਚ ਆਏ ਵਾਧੇ ਨੂੰ ਹਾਸਲ ਕਰਨ ਵਿੱਚ ਅਹਿਮ ਭੂਮਿਕਾ ਨਿਭਾਈ ਹੈ। ਉਹ ਬਜਟ ਲਈ ਟੈਕਸ ਸੰਬੰਧੀ ਪ੍ਰਸਤਾਵਾਂ ‘ਤੇ ਵਿਚਾਰ ਕਰਨਗੇ। ਉਹ ਜੀਐਸਟੀ ਪ੍ਰੀਸ਼ਦ ਦੇ ਸਾਬਕਾ ਸਕੱਤਰ ਹਨ।
ਮਲਹੋਤਰਾ IIT-ਕਾਨਪੁਰ ਦੇ ਸਾਬਕਾ ਵਿਦਿਆਰਥੀ ਹਨ ਅਤੇ ਉਨ੍ਹਾਂ ਨੇ ਪ੍ਰਿੰਸਟਨ ਯੂਨੀਵਰਸਿਟੀ, US ਤੋਂ ਪਬਲਿਕ ਪਾਲਿਸੀ ਵਿੱਚ ਮਾਸਟਰ ਦੀ ਡਿਗਰੀ ਵੀ ਪ੍ਰਾਪਤ ਕੀਤੀ ਹੈ। ਇਸ ਘਟਨਾਕ੍ਰਮ ‘ਤੇ ਪ੍ਰਤੀਕਿਰਿਆ ਕਰਦੇ ਹੋਏ, ਸਾਬਕਾ ਅੰਕੜਾ ਵਿਗਿਆਨੀ ਪ੍ਰਣਬ ਸੇਨ ਨੇ CNBC-TV18 ਨੂੰ ਦੱਸਿਆ ਕਿ ਉਹ ‘ਥੋੜਾ ਹੈਰਾਨ ਸੀ, ਪਰ ਪੂਰੀ ਤਰ੍ਹਾਂ ਨਹੀਂ’। ਵਿੱਤ ਮੰਤਰਾਲੇ ਦੇ ਨੌਕਰਸ਼ਾਹ ਆਰਬੀਆਈ ਵਿੱਚ ਰਹੇ ਹਨ, ਇਸ ਲਈ ਮੈਂ ਬਹੁਤ ਹੈਰਾਨ ਨਹੀਂ ਹਾਂ।
- First Published :
