FASTag Rule Change: ਫਾਸਟੈਗ ਰੀਚਾਰਜ ਕਰਦੇ ਸਮੇਂ ਕੀਤੀ ਇਹ ਗਲਤੀ ਤਾਂ ਹੋ ਜਾਵੇਗਾ ਬਲੈਕਲਿਸਟ, ਦੇਣਾ ਪਵੇਗਾ ਦੁੱਗਣਾ ਟੋਲ…
ਕਾਰ ਹੋਵੇ ਜਾਂ ਕੋਈ ਹੋਰ ਵਾਹਨ, ਇਹ ਦੱਸਣ ਦੀ ਜ਼ਰੂਰਤ ਨਹੀਂ ਹੈ ਕਿ ਫਾਸਟੈਗ ਹੁਣ ਕਿੰਨਾ ਮਹੱਤਵਪੂਰਨ ਹੋ ਗਿਆ ਹੈ। ਨੈਸ਼ਨਲ ਪੇਮੈਂਟ ਕਾਰਪੋਰੇਸ਼ਨ ਆਫ਼ ਇੰਡੀਆ (NPCI) ਨੇ ਫਾਸਟੈਗ ਦੇ ਨਿਯਮਾਂ ਵਿੱਚ ਵੱਡਾ ਬਦਲਾਅ ਕੀਤਾ ਹੈ। ਜੇਕਰ ਤੁਸੀਂ ਵੀ ਫਾਸਟੈਗ ਦੀ ਵਰਤੋਂ ਕਰਦੇ ਹੋ ਅਤੇ ਤੁਹਾਨੂੰ ਨਵੇਂ ਨਿਯਮ ਦਾ ਪਤਾ ਨਹੀਂ ਹੈ, ਤਾਂ ਤੁਹਾਡਾ ਟੈਗ ਟੋਲ ਬੂਥ ‘ਤੇ ਬਲੈਕਲਿਸਟ ਕੀਤਾ ਜਾਵੇਗਾ ਅਤੇ ਤੁਹਾਨੂੰ ਦੁੱਗਣੀ ਰਕਮ ਅਦਾ ਕਰਨੀ ਪਵੇਗੀ। NPCI ਨੇ ਫਾਸਟੈਗ ਨਿਯਮਾਂ ਵਿੱਚ ਹੋਰ ਵੀ ਕਈ ਬਦਲਾਅ ਕੀਤੇ ਹਨ।
NPCI ਦੇ ਅਨੁਸਾਰ, ਹੁਣ ਜੇਕਰ ਤੁਸੀਂ ਟੋਲ ਬੂਥ ‘ਤੇ ਪਹੁੰਚਣ ਤੋਂ ਬਾਅਦ ਆਪਣਾ ਫਾਸਟੈਗ ਰੀਚਾਰਜ ਕਰਦੇ ਹੋ, ਤਾਂ ਇਸਨੂੰ ਬਲੈਕਲਿਸਟ ਕੀਤਾ ਜਾਵੇਗਾ ਅਤੇ ਤੁਹਾਨੂੰ ਬੂਥ ‘ਤੇ ਦੁੱਗਣਾ ਟੋਲ ਦੇਣਾ ਪਵੇਗਾ। ਫਾਸਟੈਗ ਰੀਚਾਰਜ ਨਿਯਮਾਂ ਵਿੱਚ ਇਹ ਬਦਲਾਅ ਸੋਮਵਾਰ, 17 ਫਰਵਰੀ ਤੋਂ ਲਾਗੂ ਹੋਣਗੇ। ਇਸ ਤਹਿਤ, ਬੂਥ ‘ਤੇ ਪਹੁੰਚਣ ਤੋਂ ਘੱਟੋ-ਘੱਟ ਇੱਕ ਘੰਟਾ ਯਾਨੀ 60 ਮਿੰਟ ਪਹਿਲਾਂ ਰੀਚਾਰਜ ਕਰਨਾ ਚਾਹੀਦਾ ਹੈ, ਤਾਂ ਹੀ ਤੁਹਾਡਾ ਰੀਚਾਰਜ ਸਫਲ ਹੋਵੇਗਾ। ਜੇਕਰ ਇਸਨੂੰ ਇੱਕ ਘੰਟੇ ਤੋਂ ਘੱਟ ਸਮੇਂ ਵਿੱਚ ਰੀਚਾਰਜ ਕੀਤਾ ਜਾਂਦਾ ਹੈ, ਤਾਂ ਇਸਨੂੰ ਉਸ ਬੂਥ ‘ਤੇ ਨਹੀਂ ਵਰਤਿਆ ਜਾ ਸਕਦਾ।
ਬੂਥ ਛੱਡਣ ਤੋਂ ਬਾਅਦ ਵੀ ਤੁਹਾਨੂੰ ਇੰਤਜ਼ਾਰ ਕਰਨਾ ਪਵੇਗਾ…
NPCI ਨੇ ਕਿਹਾ ਕਿ ਨਵੇਂ ਨਿਯਮ ਦੇ ਤਹਿਤ, ਡਰਾਈਵਰ ਟੋਲ ਬੂਥ ਛੱਡਣ ਤੋਂ ਤੁਰੰਤ ਬਾਅਦ ਵੀ ਆਪਣਾ ਫਾਸਟੈਗ ਰੀਚਾਰਜ ਨਹੀਂ ਕਰ ਸਕਣਗੇ। ਉਹਨਾਂ ਨੂੰ ਘੱਟੋ-ਘੱਟ 10 ਮਿੰਟ ਉਡੀਕ ਕਰਨੀ ਪਵੇਗੀ। ਇਸ ਤੋਂ ਬਾਅਦ ਹੀ ਉਹ ਆਪਣਾ ਫਾਸਟੈਗ ਦੁਬਾਰਾ ਰੀਚਾਰਜ ਕਰ ਸਕਣਗੇ। ਇਸਦਾ ਮਤਲਬ ਹੈ ਕਿ, ਤੁਹਾਡਾ ਫਾਸਟੈਗ ਬੂਥ ‘ਤੇ ਪਹੁੰਚਣ ਤੋਂ 60 ਮਿੰਟ ਪਹਿਲਾਂ ਅਤੇ ਜਾਣ ਤੋਂ 10 ਮਿੰਟ ਬਾਅਦ ਰੀਚਾਰਜ ਕਰਨ ‘ਤੇ ਬਲੈਕਲਿਸਟ ਰਹੇਗਾ।
ਕਦੋਂ ਬਲੈਕਲਿਸਟ ਹੁੰਦਾ ਹੈ ਫਾਸਟੈਗ ?
ਫਾਸਟੈਗ ਨੂੰ ਬਲੈਕਲਿਸਟ ਕੀਤੇ ਜਾਣ ਦੇ ਕਈ ਕਾਰਨ ਹਨ। ਇਸ ਵਿੱਚ, ਤੁਹਾਡੇ ਫਾਸਟੈਗ ਵਿੱਚ ਘੱਟ ਬੈਲੇਂਸ ਹੋਣ ਕਾਰਨ, ਇਹ ਬਲੈਕਲਿਸਟ ਹੋ ਜਾਂਦਾ ਹੈ। ਦੂਜਾ, ਤੁਹਾਡੇ KYC ਪੂਰੇ ਨਾ ਹੋਣ ਕਾਰਨ ਹੋ ਤੁਹਾਡਾ ਫਾਸਟੈਗ ਬਲੈਕਲਿਸਟ ਵੀ ਸਕਦਾ ਹੈ। ਮੰਨ ਲਓ ਤੁਹਾਡੇ FASTag ਦਾ ਬੈਲੇਂਸ ਘੱਟ ਹੈ ਅਤੇ ਇਹ ਬਲੈਕਲਿਸਟ ਦੱਸ ਰਿਹਾ ਹੈ, ਫਿਰ ਵੀ ਫਿਰ ਵੀ ਤੁਸੀਂ ਟੋਲ ਪਾਰ ਕਰ ਲਿਆ ਹੈ, ਤਾਂ ਤੁਸੀਂ ਇਸਨੂੰ 10 ਮਿੰਟਾਂ ਦੇ ਅੰਦਰ ਰੀਚਾਰਜ ਕਰਦੇ ਹੋ ਤਾਂ ਤੁਹਾਡੇ ਤੋਂ ਦੁੱਗਣੀ ਰਕਮ ਨਹੀਂ ਲਈ ਜਾਵੇਗੀ।
ਕਿਵੇਂ ਐਕਟੀਵੇਟ ਕਰੀਏ ਫਾਸਟੈਗ ?
ਟਰਾਂਸਪੋਰਟ ਵਿਭਾਗ ਦੀ ਵੈੱਬਸਾਈਟ ‘ਤੇ ਜਾ ਕੇ ਈ-ਚਲਾਨ ਸਟੇਟਸ ਚੈੱਕ ਕਰੋ।
ਇਸ ਤੋਂ ਬਾਅਦ ਆਪਣਾ ਰਜਿਸਟਰਡ ਵਾਹਨ ਨੰਬਰ ਦਰਜ ਕਰੋ।
ਇਸ ਨਾਲ ਤੁਹਾਨੂੰ ਪਤਾ ਲੱਗੇਗਾ ਕਿ ਫਾਸਟੈਗ ਐਕਟਿਵ ਹੈ ਜਾਂ ਨਹੀਂ।
ਜੇਕਰ ਇਹ ਡੀਐਕਟਿਵੇਟ ਹੈ ਤਾਂ ਪਹਿਲਾਂ ਇਸਨੂੰ ਰੀਚਾਰਜ ਕਰੋ ਅਤੇ ਘੱਟੋ-ਘੱਟ ਬੈਲੇਂਸ ਰੱਖੋ।
ਆਪਣੇ ਭੁਗਤਾਨ ਦੀ ਪੁਸ਼ਟੀ ਕਰੋ ਅਤੇ ਤੁਹਾਨੂੰ ਕੁਝ ਹੀ ਸਮੇਂ ਵਿੱਚ ਫਾਸਟੈਗ ਸਥਿਤੀ ਦਾ ਪਤਾ ਲੱਗ ਜਾਵੇਗਾ।
ਕੁਝ ਸਮੇਂ ਬਾਅਦ ਤੁਹਾਡਾ ਫਾਸਟੈਗ ਐਕਟਿਵ ਹੋ ਜਾਵੇਗਾ।
