ਕੇਂਦਰ ਵੱਲੋਂ ਨਵੀਂ ਯੋਜਨਾ ਲਾਗੂ, ਹਾਦਸੇ ‘ਚ ਜ਼ਖਮੀ ਹੋਏ ਵਿਅਕਤੀ ਦਾ ਹੋਵੇਗਾ ਮੁਫ਼ਤ ਇਲਾਜ, ਨਹੀਂ ਦੇਣਾ ਪਵੇਗਾ ਇਕ ਵੀ ਪੈਸਾ…

ਭਾਰਤ ਵਿੱਚ ਸੜਕ ਦੁਰਘਟਨਾ ਦੇ ਸ਼ਿਕਾਰ ਹੋਏ ਲੋਕਾਂ ਨੂੰ ਹੁਣ ਹਸਪਤਾਲਾਂ ਵਿੱਚ ਕੈਸ਼ਲੈੱਸ ਇਲਾਜ ਦੀ ਸਹੂਲਤ ਮਿਲੇਗੀ। ਕੇਂਦਰ ਸਰਕਾਰ ਨੇ 5 ਮਈ 2025 ਤੋਂ ਇੱਕ ਨਵੀਂ ਯੋਜਨਾ ਲਾਗੂ ਕੀਤੀ ਹੈ। ਨਵੀਂ ਯੋਜਨਾ ਦਾ ਨਾਮ ashless Treatment of Road Accident Victims Scheme, 2025 ਹੈ। ਇਸ ਯੋਜਨਾ ਦੇ ਤਹਿਤ, ਸੜਕ ਹਾਦਸੇ ਵਿੱਚ ਜ਼ਖਮੀ ਹੋਏ ਕਿਸੇ ਵੀ ਵਿਅਕਤੀ ਨੂੰ 1.5 ਲੱਖ ਰੁਪਏ ਤੱਕ ਦਾ ਮੁਫ਼ਤ ਇਲਾਜ ਮਿਲੇਗਾ। ਉਹ ਵੀ ਹਾਦਸੇ ਦੇ 7 ਦਿਨਾਂ ਤੱਕ। ਇਸ ਦੇ ਲਈ ਮਰੀਜ਼ ਨੂੰ ਹਸਪਤਾਲ ਵਿੱਚ ਦਾਖਲ ਹੋਣ ਤੋਂ ਪਹਿਲਾਂ ਕੋਈ ਪੈਸੇ ਨਹੀਂ ਦੇਣੇ ਪੈਣਗੇ।

ਕਿਸਨੂੰ ਮਿਲੇਗਾ ਲਾਭ ?
ਜੇਕਰ ਕਿਸੇ ਮੋਟਰ ਵਾਹਨ ਨਾ ਜੁੜੇ ਹਾਦਸੇ ਵਿੱਚ ਸੱਟ ਲੱਗਦੀ ਹੈ, ਤਾਂ ਉਹ ਕਿਸੇ ਵੀ ਨਾਮਿਤ ਹਸਪਤਾਲ ਵਿੱਚ ਜਾ ਕੇ ਕੈਸ਼ ਲੈੱਸ ਇਲਾਜ ਕਰਵਾ ਸਕਦਾ ਹੈ। ਜੇਕਰ ਮਰੀਜ਼ ਨੂੰ ਕਿਸੇ ਗੈਰ-ਨਮਿਤ ਹਸਪਤਾਲ ਵਿੱਚ ਲਿਜਾਇਆ ਜਾਂਦਾ ਹੈ, ਤਾਂ ਇਸ ਸਕੀਮ ਦੇ ਤਹਿਤ ਸਿਰਫ਼ ਸ਼ੁਰੂਆਤੀ ਇਲਾਜ (ਸਥਿਰੀਕਰਨ) ਦਾ ਖਰਚ ਹੀ ਯੋਜਨਾ ਤੋਂ ਕਵਰ ਹੋਵੇਗਾ।

ਕਿਵੇਂ ਮਿਲੇਗੀ ਇਹ ਸਹੂਲਤ ?
ਮਰੀਜ਼ ਜਾਂ ਕੋਈ ਵੀ ਵਿਅਕਤੀ ਹਾਦਸੇ ਦੀ ਜਾਣਕਾਰੀ 24 ਘੰਟਿਆਂ ਦੇ ਅੰਦਰ-ਅੰਦਰ ਪੁਲਿਸ ਨੂੰ ਦੇਵੇਗਾ। ਹਸਪਤਾਲ ਵਿੱਚ ਮਰੀਜ਼ ਦੇ ਪਹੁੰਚਦੇ ਹੀ ਇਲਾਜ ਸ਼ੁਰੂ ਕਰ ਦਿੱਤਾ ਜਾਵੇਗਾ। ਜੇਕਰ ਹਸਪਤਾਲ ਵਿੱਚ ਇਲਾਜ ਸੰਭਵ ਨਹੀਂ ਹੈ, ਤਾਂ ਉਹ ਮਰੀਜ਼ ਨੂੰ ਕਿਸੇ ਹੋਰ ਹਸਪਤਾਲ ਵਿੱਚ ਰੈਫਰ ਕਰੇਗਾ ਅਤੇ ਐਂਬੂਲੈਂਸ ਦੀ ਵੀ ਵਿਵਸਥਾ ਕਰੇਗਾ।
ਕਿਵੇਂ ਕੰਮ ਕਰੇਗੀ ਇਹ ਯੋਜਨਾ ?
ਸਰਕਾਰ ਨੇ ਇਸ ਲਈ ਇੱਕ ਨੋਡਲ ਏਜੰਸੀ ਨਿਯੁਕਤ ਕੀਤੀ ਹੈ। ਇਹ ਏਜੰਸੀ ਰਾਸ਼ਟਰੀ ਸਿਹਤ ਅਥਾਰਟੀ ਦੇ ਸਹਿਯੋਗ ਨਾਲ ਮਿਲ ਕੇ ਕੰਮ ਕਰੇਗੀ, ਹਸਪਤਾਲਾਂ ਦਾ ਰਜਿਸਟ੍ਰੇਸ਼ਨ, ਮਰੀਜ਼ਾਂ ਦਾ ਇਲਾਜ ਟ੍ਰੈਕ ਕਰਨਾ ਅਤੇ ਸਮੇਂ ਸਿਰ ਪੇਮੈਂਟ ਤੈਅ ਕਰਨਾ ਇਸਦੀ ਜ਼ਿੰਮੇਵਾਰ ਹੋਵੇਗੀ। ਇਸ ਯੋਜਨਾ ਦਾ ਵਿਸਤਾਰ ਰਾਜ ਏਜੰਸੀਆਂ ਦੇ ਸਹਿਯੋਗ ਨਾਲ ਮਿਲ ਕੇ ਕੀਤਾ ਜਾਵੇਗਾ ਅਤੇ ਧੋਖਾਧੜੀ ‘ਤੇ ਨਜ਼ਰ ਰੱਖੀ ਜਾਵੇਗੀ। ਇਲਾਜ ਪੂਰਾ ਹੋਣ ਤੋਂ ਬਾਅਦ, ਹਸਪਤਾਲ ਇੱਕ ਔਨਲਾਈਨ ਪੋਰਟਲ ‘ਤੇ ਕਲੇਮ ਦਰਜ ਕਰੇਗਾ। ਰਾਜ ਏਜੰਸੀ ਇਸਦੀ ਜਾਂਚ ਕਰੇਗੀ, ਇਸਨੂੰ ਮਨਜ਼ੂਰੀ ਦੇਵੇਗੀ ਅਤੇ 10 ਦਿਨਾਂ ਦੇ ਅੰਦਰ ਭੁਗਤਾਨ ਕਰੇਗੀ। ਜੇਕਰ ਨਿਯਮਾਂ ਸੰਬੰਧੀ ਕੋਈ ਉਲਝਣ ਹੈ, ਤਾਂ ਸਿਰਫ਼ ਮੁੱਖ ਯੋਜਨਾ ਦੇ ਨਿਯਮ ਹੀ ਵੈਧ ਹੋਣਗੇ।
ਕਿਉਂ ਜ਼ਰੂਰੀ ਹੈ ਇਹ ਯੋਜਨਾ ?
ਕੇਂਦਰੀ ਸੜਕ ਆਵਾਜਾਈ ਮੰਤਰੀ ਨਿਤਿਨ ਗਡਕਰੀ ਨੇ ਦੱਸਿਆ ਕਿ 2024 ਵਿੱਚ ਸੜਕ ਹਾਦਸਿਆਂ ਵਿੱਚ 1.8 ਲੱਖ ਲੋਕਾਂ ਦੀ ਜਾਨ ਗਈ, ਜਿਨ੍ਹਾਂ ਵਿੱਚੋਂ 30,000 ਲੋਕਾਂ ਦੀ ਮੌਤ ਹੈਲਮੇਟ ਨਾ ਪਹਿਨਣ ਕਾਰਨ ਹੋਈ। ਉਨ੍ਹਾਂ ਕਿਹਾ ਕਿ ਸੜਕ ਹਾਦਸਿਆਂ ਵਿੱਚ ਮਰਨ ਵਾਲੇ 66% ਲੋਕ 18 ਤੋਂ 34 ਸਾਲ ਦੀ ਉਮਰ ਦੇ ਹੁੰਦੇ ਹਨ ਅਤੇ ਕਰੀਬ 10, 000 ਬੱਚੇ ਸਕੂਲਾਂ ਅਤੇ ਕਾਲਜਾਂ ਦੇ ਨੇੜੇ ਹਾਦਸਿਆਂ ਵਿੱਚ ਮਾਰੇ ਗਏ ਹਨ।