VIDEO- ਟਿਊਬਵੈੱਲ ਲਾਉਂਦੇ ਸਮੇਂ ਅਚਾਨਕ ਫਟੀ ਧਰਤੀ, ਹਰ ਪਾਸੇ ਜਲਥਲ, ਮਸ਼ੀਨਾਂ ਵੀ ਗਾਇਬ, ਵੇਖੋ ਹਾਲਾਤ

ਰਾਜਸਥਾਨ ਦੇ ਰੇਗਿਸਤਾਨ ਵਿਚ ਸਥਿਤ ਜੈਸਲਮੇਰ ਜ਼ਿਲ੍ਹੇ ਵਿੱਚ ਵਾਪਰੀ ਇੱਕ ਘਟਨਾ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਜੈਸਲਮੇਰ ਦੇ ਰੇਤਲੇ ਟਿੱਬੇ ਵਿੱਚ ਇੱਕ ਖੇਤ ਵਿੱਚ ਟਿਊਬਵੈੱਲ ਪੁੱਟਦੇ ਸਮੇਂ ਧਰਤੀ ਫਟ ਗਈ ਅਤੇ ਪਾਣੀ ਲਗਾਤਾਰ ਬਾਹਰ ਨਿਕਲ ਰਿਹਾ ਹੈ। ਪਾਣੀ ਦੀ ਰਫ਼ਤਾਰ ਇੰਨੀ ਸੀ ਕਿ ਇਹ ਤਿੰਨ ਤੋਂ ਚਾਰ ਫੁੱਟ ਦੇ ਕਰੀਬ ਉਪਰ ਉਛਲ ਰਿਹਾ ਹੈ। ਇਸ ਤੋਂ ਬਾਅਦ ਇਹ ਪਾਣੀ ਕਰੀਬ 50 ਘੰਟੇ ਇਸੇ ਰਫ਼ਤਾਰ ਨਾਲ ਬਾਹਰ ਨਿਕਲਦਾ ਰਿਹਾ। ਕਿਸੇ ਨੂੰ ਸਮਝ ਨਹੀਂ ਆ ਰਹੀ ਕਿ ਇਹ ਕਿਵੇਂ ਹੋ ਰਿਹਾ ਹੈ।

ਜਾਣਕਾਰੀ ਅਨੁਸਾਰ ਇਹ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਵਿਕਰਮ ਸਿੰਘ ਭਾਟੀ ਦੇ ਖੇਤ ਵਿੱਚ ਵਾਪਰੀ ਹੈ। ਉਸ ਦਾ ਖੇਤ ਜੈਸਲਮੇਰ ਦੇ ਨਹਿਰੀ ਖੇਤਰ ਚੱਕ 27 ਬੀਡੀ ਦੇ ਤੀਨ ਜੌੜਾ ਮਾਈਨਰ ਕੋਲ ਹੈ। ਵਿਕਰਮ ਸਿੰਘ ਭਾਜਪਾ ਦੇ ਮੋਹਨਗੜ੍ਹ ਮੰਡਲ ਪ੍ਰਧਾਨ ਹਨ। ਉਹ ਆਪਣੇ ਖੇਤ ਵਿੱਚ ਟਿਊਬਵੈੱਲ ਲਗਾ ਰਹੇ ਸੀ। ਇਸ ਲਈ ਟਿਊਬਵੈੱਲ ਪੁੱਟਣ ਵਾਲੀ ਮਸ਼ੀਨ ਲਗਾਈ ਗਈ ਸੀ। ਸ਼ਨੀਵਾਰ ਸਵੇਰੇ ਪੰਜ ਵਜੇ ਦੇ ਕਰੀਬ ਅਚਾਨਕ ਧਰਤੀ ‘ਚੋਂ ਪਾਣੀ ਬਾਹਰ ਨਿਕਲਣ ਲੱਗਾ। ਪਾਣੀ ਦਾ ਦਬਾਅ ਇੰਨਾ ਜ਼ਿਆਦਾ ਸੀ ਕਿ ਇਹ ਤਿੰਨ ਤੋਂ ਚਾਰ ਫੁੱਟ ਦੀ ਉਚਾਈ ਤੱਕ ਉਪਰ ਗਿਆ। ਇਹ ਦੇਖ ਕੇ ਵਿਕਰਮ ਸਿੰਘ ਅਤੇ ਆਸਪਾਸ ਦੇ ਲੋਕ ਘਬਰਾ ਗਏ। ਇਹ ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਟਿਊਬਵੈੱਲ 850 ਫੁੱਟ ਡੂੰਘਾਈ ਤੱਕ ਪੁੱਟਿਆ ਗਿਆ। ਇਸ ਤੋਂ ਬਾਅਦ ਪਾਈਪ ਕੱਢਦੇ ਸਮੇਂ ਤੇਜ਼ ਰਫਤਾਰ ਨਾਲ ਪਾਣੀ ਨਿਕਲਣ ਲੱਗਾ।

ਟਿਊਬਵੈੱਲ ਪੁੱਟਣ ਵਾਲੀ ਮਸ਼ੀਨ ਵੀ ਧਸ ਗਈ
ਜਲਦੀ ਹੀ ਟਿਊਬਵੈੱਲ ਪੁੱਟਣ ਵਾਲੀ ਮਸ਼ੀਨ ਵੀ ਅੰਦਰ ਧਸਣ ਲੱਗੀ। ਉੱਥੇ ਕੰਮ ਕਰ ਰਹੇ ਲੋਕਾਂ ਨੇ ਪਾਣੀ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਪਰ ਅਸਫਲ ਰਹੇ। ਉਨ੍ਹਾਂ ਨੇ ਸੋਚਿਆ ਕਿ ਕੁਝ ਸਮੇਂ ਬਾਅਦ ਪਾਣੀ ਘਟ ਜਾਵੇਗਾ। ਪਰ ਅਜਿਹਾ ਨਹੀਂ ਹੋਇਆ। ਜ਼ਮੀਨ ਵਿੱਚੋਂ ਪਾਣੀ ਉਸੇ ਰਫ਼ਤਾਰ ਨਾਲ ਨਿਕਲਦਾ ਰਿਹਾ। ਇਹ ਪਾਣੀ ਹੌਲੀ-ਹੌਲੀ ਨੇੜਲੇ ਖੇਤਾਂ ਵਿਚ ਫੈਲਣ ਲੱਗਾ।ਕੁਝ ਹੀ ਸਮੇਂ ‘ਚ ਇਹ ਮਾਮਲਾ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਗਿਆ ਅਤੇ ਇਸ ਦੀਆਂ ਵੀਡੀਓਜ਼ ਵਾਇਰਲ ਹੋ ਗਈਆਂ। ਵਿਕਰਮ ਸਿੰਘ ਦਾ ਕਹਿਣਾ ਹੈ ਕਿ ਖੇਤ ਵਿੱਚ ਚਾਰ ਤੋਂ ਪੰਜ ਫੁੱਟ ਪਾਣੀ ਭਰ ਗਿਆ ਹੈ।