YouTube ਨੇ ਲਾਂਚ ਕੀਤੇ ਦੋ ਨਵੇਂ ਫੀਚਰ, ਜਾਣੋ Creators ਤੇ ਯੂਜ਼ਰਸ ਨੂੰ ਕਿਵੇਂ ਹੋਵੇਗਾ ਫਾਇਦਾ…
YouTube ਦੁਨੀਆ ਦਾ ਸਭ ਤੋਂ ਵੱਧ ਵਰਤਿਆ ਜਾਣ ਵਾਲਾ ਵੀਡੀਓ ਸਟ੍ਰੀਮਿੰਗ ਪਲੇਟਫਾਰਮ ਹੈ। 2024 ਤੱਕ, YouTube ਦੇ 2.5 ਬਿਲੀਅਨ ਤੋਂ ਵੱਧ ਮਾਸਿਕ ਐਕਟਿਵ ਉਪਭੋਗਤਾ ਹਨ। ਇਹ ਗੂਗਲ ਸਰਚ ਤੋਂ ਬਾਅਦ ਦੁਨੀਆ ਦੀ ਦੂਜੀ ਸਭ ਤੋਂ ਵੱਧ ਵੇਖੀ ਜਾਣ ਵਾਲੀ ਵੈੱਬਸਾਈਟ ਹੈ। ਯੂਟਿਊਬ ਇਹ ਜਾਣਦਾ ਹੈ, ਅਤੇ ਇਸ ਗਿਣਤੀ ਨੂੰ ਬਣਾਈ ਰੱਖਣ ਲਈ, ਇਹ ਆਪਣੇ ਉਪਭੋਗਤਾਵਾਂ ਅਤੇ ਕਾਂਟੈਂਟ ਕ੍ਰੀਏਟਰਾਂ ਨੂੰ ਵੱਧ ਤੋਂ ਵੱਧ ਸਹੂਲਤਾਂ ਪ੍ਰਦਾਨ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ। ਇਸੇ ਲਈ YouTube ਸਮੇਂ ਸਮੇਂ ਉੱਤੇ ਆਪਣੇ ਪਲੇਟਫਾਰਮ ਉੱਤੇ ਨਵੇਂ ਫੀਚਰ ਲਿਆਉਂਦਾ ਰਹਿੰਦਾ ਹੈ।
ਹੁਣ YouTube ਨੇ ਦੋ ਨਵੇਂ ਫੀਚਰ ਲਾਂਚ ਕੀਤੇ ਹਨ, ਜਿਸ ਨਾਲ ਕਾਂਟੈਂਟ ਕ੍ਰੀਏਟਰਾਂ ਦੇ ਨਾਲ-ਨਾਲ ਉਪਭੋਗਤਾਵਾਂ ਦਾ ਕੰਮ ਕਾਫੀ ਹੱਦ ਤੱਕ ਆਸਾਨ ਹੋ ਗਿਆ ਹੈ। ਇਹਨਾਂ ਵਿੱਚੋਂ ਇੱਕ ਫੀਚਰ ਕਾਂਟੈਂਟ ਕ੍ਰੀਏਟਰਾਂ ਨੂੰ ਆਪਣੇ ਪ੍ਰਸ਼ੰਸਕਾਂ ਨਾਲ ਬਿਹਤਰ ਢੰਗ ਨਾਲ ਜੁੜਨ ਵਿੱਚ ਮਦਦ ਕਰੇਗੀ। ਜਦੋਂ ਕਿ ਦੂਜਾ ਫੀਚਰ ਉਪਭੋਗਤਾਵਾਂ ਨੂੰ ਵੀਡੀਓ ਨੂੰ ਜਲਦੀ ਦੇਖਣ ਵਿੱਚ ਮਦਦ ਕਰੇਗਾ।
ਕਾਂਟੈਂਟ ਕ੍ਰੀਏਟਰਾਂ ਲਈ ਆਪਣੇ ਪ੍ਰਸ਼ੰਸਕਾਂ ਨਾਲ ਜੁੜਨਾ ਆਸਾਨ ਹੋਵੇਗਾ: ਪਹਿਲਾ ਫੀਚਰ ਯੂਟਿਊਬ ਕਮਿਊਨਿਟੀ ਨਾਲ ਸਬੰਧਤ ਹੈ। ਇਸ ਵਿੱਚ, ਯੂਟਿਊਬ ਆਪਣੇ ਡੈਡੀਕੇਟਿਡ ਕਮਿਊਨਿਟੀ ਸਪੇਸ ਫੀਚਰ ਕਮਿਊਨਿਟੀਜ਼ ਦਾ ਵਿਸਤਾਰ ਕਰ ਰਿਹਾ ਹੈ। ਇਸ ਫੀਚਰ ਦੀ ਮਦਦ ਨਾਲ, ਕਾਂਟੈਂਟ ਕ੍ਰੀਏਟਰ ਹੁਣ ਆਪਣੇ ਪ੍ਰਸ਼ੰਸਕਾਂ ਜਾਂ ਫਾਲੋਅਰਜ਼ ਨਾਲ ਸਿੱਧੇ ਜੁੜ ਸਕਣਗੇ ਅਤੇ ਇਸ ਲਈ ਉਨ੍ਹਾਂ ਨੂੰ ਕਿਸੇ ਥਰਡ ਪਾਰਟੀ ਪਲੇਟਫਾਰਮ ਦੀ ਮਦਦ ਨਹੀਂ ਲੈਣੀ ਪਵੇਗੀ। ਯੂਟਿਊਬ ਨੇ ਪਿਛਲੇ ਸਾਲ ਸਤੰਬਰ ਵਿੱਚ ਕਮਿਊਨਿਟੀਜ਼ ਫੀਚਰ ਦੀ ਘੋਸ਼ਣਾ ਕੀਤੀ ਸੀ, ਜੋ ਹੁਣ ਮੋਬਾਈਲ ‘ਤੇ ਵੀ ਉਪਲਬਧ ਕਰਵਾ ਦਿੱਤੀ ਗਈ ਹੈ। ਇਸ ਵਿਸ਼ੇਸ਼ਤਾ ਰਾਹੀਂ, ਕਾਂਟੈਂਟ ਕ੍ਰੀਏਟਰਾ ਆਪਣੇ ਪ੍ਰਸ਼ੰਸਕਾਂ ਨਾਲ ਤਸਵੀਰਾਂ ਅਤੇ ਟੈਕਸਟ ਪੋਸਟਾਂ ਸਾਂਝੀਆਂ ਕਰ ਸਕਦੇ ਹਨ, ਜਿਸ ਨਾਲ ਸਿੱਧੀ ਗੱਲਬਾਤ ਆਸਾਨ ਹੋ ਜਾਂਦੀ ਹੈ। ਹਾਲਾਂਕਿ, ਇਸ ਵੇਲੇ ਇਹ ਫੀਚਰ ਸੀਮਤ ਗਿਣਤੀ ਵਿੱਚ ਕਾਂਟੈਂਟ ਕ੍ਰੀਏਟਰਾਂ ਨੂੰ ਸਿਰਫ਼ ਇਨਵਾਈਟ ਓਨਲੀ ਰਾਹੀਂ ਦਿੱਤਾ ਜਾ ਰਿਹਾ ਹੈ। ਪਰ ਆਉਣ ਵਾਲੇ ਸਮੇਂ ਵਿੱਚ, YouTube ਇਸ ਨੂੰ ਸਾਰੇ ਕਾਂਟੈਂਟ ਕ੍ਰੀਏਟਰਾਂ ਲਈ ਉਪਲਬਧ ਕਰਵਾ ਸਕਦਾ ਹੈ।
4 ਗੁਣਾ ਸਪੀਡ ਨਾਲ ਯੂਟਿਊਬ ਵੀਡੀਓ ਦੇਖ ਸਕੋਗੇ ਤੁਸੀਂ…
ਯੂਟਿਊਬ ਨੇ ਵੀਡੀਓ ਦੇਖਣ ਦੇ ਅਨੁਭਵ ਨੂੰ ਬਿਹਤਰ ਬਣਾਉਣ ਲਈ ਇੱਕ ਨਵਾਂ 4x ਸਪੀਡ ਪਲੇਬੈਕ ਫੀਚਰ ਪੇਸ਼ ਕੀਤਾ ਹੈ। ਇਸ ਵਿਸ਼ੇਸ਼ਤਾ ਦੀ ਮਦਦ ਨਾਲ, ਉਪਭੋਗਤਾ ਚਾਰ ਗੁਣਾ ਤੇਜ਼ ਗਤੀ ਨਾਲ ਵੀਡੀਓ ਦੇਖ ਸਕਣਗੇ, ਜੋ ਉਹਨਾਂ ਨੂੰ ਜਾਣ-ਪਛਾਣ, ਸਪਾਂਸਰਡ ਸੈਗਮੈਂਟ ਜਾਂ ਬੇਲੋੜੇ ਹਿੱਸਿਆਂ ਨੂੰ ਜਲਦੀ ਸਕਿੱਪ ਵਿੱਚ ਮਦਦ ਕਰੇਗਾ। ਇਹ ਨਵਾਂ ਫੀਚਰ ਇਸ ਵੇਲੇ ਐਂਡਰਾਇਡ ਅਤੇ ਆਈਓਐਸ ਦੋਵਾਂ ਪਲੇਟਫਾਰਮਾਂ ‘ਤੇ ਉਪਲਬਧ ਹੈ, ਪਰ ਇਸ ਵੇਲੇ ਇਸਨੂੰ ਸਿਰਫ਼ ਪ੍ਰੀਮੀਅਮ ਗਾਹਕਾਂ ਲਈ ਜਾਰੀ ਕੀਤਾ ਗਿਆ ਹੈ। ਜੇਕਰ ਤੁਸੀਂ ਯੂਟਿਊਬ ਪ੍ਰੀਮੀਅਮ ਯੂਜ਼ਰ ਹੋ ਅਤੇ ਇਸ ਫੀਚਰ ਨੂੰ ਅਜ਼ਮਾਉਣਾ ਚਾਹੁੰਦੇ ਹੋ, ਤਾਂ ਇਸਦੇ ਲਈ ਤੁਹਾਨੂੰ ਯੂਟਿਊਬ ਐਕਸਪੈਰੀਮੈਂਟਸ ਪੇਜ ‘ਤੇ ਜਾ ਕੇ ਇਸ ਨੂੰ ਮੈਨੂਅਲੀ ਐਕਟੀਵੇਟ ਕਰਨਾ ਹੋਵੇਗਾ।
