WhatsApp ਦੁਨੀਆ ਦੀ ਸਭ ਤੋਂ ਵੱਧ ਵਰਤੀ ਜਾਣ ਵਾਲੀ ਮੈਸੇਜਿੰਗ ਐਪ ਹੈ। ਇੰਨਾ ਵੱਡਾ ਯੂਜ਼ਰ ਬੇਸ ਹੋਣ ਕਰਕੇ WhatsApp ਨੇ ਸਮੇਂ ਦੇ ਨਾਲ ਆਪਣੀ ਐਪ ਵਿੱਚ ਕਈ ਨਵੇਂ ਫੀਚਰ ਐਡ ਕੀਤੇ ਹਨ। ਹਰ ਥੋੜ੍ਹੇ ਸਮੇਂ ਬਾਅਦ WhatsApp ਵਿੱਚ ਨਵਾਂ ਫੀਚਰ ਐਡ ਕੀਤਾ ਜਾਂਦਾ ਹੈ, ਤਾਂ ਜੋ ਯੂਜ਼ਰਸ ਨੂੰ ਬਿਹਤਰ ਅਨੁਭਵ ਮਿਲ ਸਕੇ। ਅੱਜ ਅਸੀਂ ਤੁਹਾਨੂੰ WhatsApp ਦੇ ਕੁਝ ਅਜਿਹੇ ਟ੍ਰਿਕਸ ਦੱਸਾਂਗੇ ਜੋ ਤੁਹਾਡੀ WhatsApp ਚੈਟਿੰਗ ਨੂੰ ਹੋਰ ਮਜ਼ੇਦਾਰ ਬਣਾ ਸਕਦੇ ਹਨ।
HD ‘ਚ ਭੇਜੋ ਫੋਟੋ ਤੇ ਵੀਡੀਓ ਕੀ ਤੁਸੀਂ ਜਾਣਦੇ ਹੋ ਕਿ ਤੁਸੀਂ ਹੁਣ WhatsApp ਉੱਤੇ ਹਾਈ ਕੁਆਲਿਟੀ ਫੋਟੋ ਭੇਜ ਸਕਦੇ ਹੋ? ਸੈਟਿੰਗਾਂ ‘ਤੇ ਜਾਓ ਅਤੇ “ਸਟੋਰੇਜ ਅਤੇ ਡੇਟਾ” ਵਿਕਲਪ ਵਿੱਚ, ਤੁਹਾਨੂੰ “ਮੀਡੀਆ ਅਪਲੋਡ ਕੁਆਲਿਟੀ” ਦਾ ਵਿਕਲਪ ਮਿਲੇਗਾ। ਇੱਥੋਂ ਤੁਸੀਂ ਆਪਣੀ ਪਸੰਦ ਦੇ ਅਨੁਸਾਰ ਕੁਆਲਿਟੀ ਦੀ ਚੋਣ ਕਰ ਸਕਦੇ ਹੋ। ਇਸ ਲਈ ਤੁਹਾਨੂੰ ਉਹ ਚੈਟ ਖੋਲ੍ਹਣੀ ਹੋਵੇਗੀ ਜਿਸ ਨੂੰ ਤੁਸੀਂ HD ਫੋਟੋਆਂ ਅਤੇ ਵੀਡੀਓ ਭੇਜਣਾ ਚਾਹੁੰਦੇ ਹੋ। ਫਿਰ ਫੋਟੋ ਅਤੇ ਵੀਡੀਓ ਵਿਕਲਪ ‘ਤੇ ਟੈਪ ਕਰੋ। ਫੋਟੋ ਜਾਂ ਵੀਡੀਓ ਨੂੰ ਅਟੈਚ ਕਰਨ ਲਈ, ਅਟੈਚਮੈਂਟ ਆਈਕਨ/ਪਲੱਸ ਆਈਕਨ ‘ਤੇ ਕਲਿੱਕ ਕਰੋ। ਫਿਰ ਫੋਟੋ ਚੁਣੋ ਅਤੇ ਤੁਹਾਨੂੰ ਇੱਥੇ HD ਵਿਕਲਪ ਮਿਲੇਗਾ, ਉਸ ਦੀ ਚੋਣ ਕਰੋ। ਇਸ ਤੋਂ ਬਾਅਦ ਤੁਹਾਨੂੰ Send ਆਪਸ਼ਨ ‘ਤੇ ਟੈਪ ਕਰਨਾ ਹੋਵੇਗਾ।
ਔਨਲਾਈਨ ਸਟੇਟਸ ਨੂੰ ਹਾਈਡ ਕਰੋ: ਹੁਣ ਤੁਸੀਂ ਆਪਣੀ ਇੱਛਾ ਅਨੁਸਾਰ ਆਪਣੇ ਔਨਲਾਈਨ ਸਟੇਟਸ ਨੂੰ ਹਾਈਡ ਕਰ ਸਕਦੇ ਹੋ। ਇਸ ਨੂੰ ਕਰਨ ਲਈ ਸੈਟਿੰਗਾਂ ਵਿੱਚ ਜਾਓ ਅਤੇ “ਪ੍ਰਾਈਵੇਸੀ” ਵਿਕਲਪ ਵਿੱਚ, ਤੁਹਾਨੂੰ “ਲਾਸਟ ਸੀਨ ਅਤੇ ਔਨਲਾਈਨ” ਦਾ ਵਿਕਲਪ ਮਿਲੇਗਾ। ਇੱਥੋਂ ਤੁਸੀਂ ਚੁਣ ਸਕਦੇ ਹੋ ਕਿ ਤੁਹਾਡਾ ਔਨਲਾਈਨ ਸਟੇਟਸ ਕੌਣ ਦੇਖ ਸਕਦਾ ਹੈ।
ਬਲੱਡ ਕੈਂਸਰ ‘ਚ ਸਰੀਰ ‘ਤੇ ਦਿਖਾਈ ਦਿੰਦੇ ਹਨ ਇਹ ਲੱਛਣ
ਬਿਨਾਂ ਨੰਬਰ ਸੇਵ ਕੀਤੇ ਚੈਟ ਕਰੋ: ਹੁਣ ਤੁਹਾਨੂੰ ਕਿਸੇ ਨੂੰ ਮੈਸੇਜ ਕਰਨ ਲਈ ਉਸ ਦਾ ਨੰਬਰ ਸੇਵ ਕਰਨ ਦੀ ਲੋੜ ਨਹੀਂ ਹੈ। ਤੁਸੀਂ ਉਸ ਨੰਬਰ ਨੂੰ ਕਾਪੀ ਕਰਕੇ WhatsApp ‘ਤੇ ਪੇਸਟ ਕਰ ਸਕਦੇ ਹੋ ਅਤੇ ਸਿੱਧੇ ਉਸ ਵਿਅਕਤੀ ਨਾਲ ਚੈਟਿੰਗ ਸ਼ੁਰੂ ਕਰ ਸਕਦੇ ਹੋ। ਜੇ ਤੁਸੀਂ ਆਪਣੇ ਕਿਸੇ WhatsApp ਗਰੁੱਪ ਦੇ ਵਿਅਕਤੀ ਨਾਲ ਚੈਟ ਕਰਨਾ ਚਾਹੁੰਦੇ ਹੋ ਤਾਂ ਇਸ ਲਈ ਤੁਸੀਂ ਗਰੁੱਪ ਚੈਟ ਨੂੰ ਖੋਲ੍ਹੋ ਅਤੇ ਉਸ ਵਿਅਕਤੀ ਦਾ ਨਾਮ ਲੱਭੋ ਅਤੇ ਉਸ ਦੇ ਨਾਮ ਦੀ ਪ੍ਰੋਫਾਈਲ ‘ਤੇ ਕਲਿੱਕ ਕਰੋ। ਉੱਥੇ “ਮੈਸੇਜ” ਵਿਕਲਪ ਨੂੰ ਚੁਣੋ ਅਤੇ ਆਪਣਾ ਮੈਸੇਜ ਟਾਈਪ ਕਰੋ ਅਤੇ ਇਸ ਨੂੰ ਭੇਜੋ।
ਤੁਸੀਂ ਆਪਣੇ ਆਪ ਨੂੰ ਵੀ ਮੈਸੇਜ ਭੇਜ ਕੇ ਵੀ ਇਹ ਕੰਮ ਕਰ ਸਕਦੇ ਹੋ। ਇਸ ਨੂੰ ਕਰਨ ਲਈ ਆਪਣੇ WhatsApp ‘ਤੇ ਜਾਓ ਅਤੇ “New Chat” ‘ਤੇ ਕਲਿੱਕ ਕਰੋ। ਸਭ ਤੋਂ ਉੱਪਰ ਤੁਹਾਡੇ ਨਾਮ ਦੇ ਨਾਲ ਤੁਹਾਡਾ ਨੰਬਰ ਦਿਖਾਈ ਦੇਵੇਗਾ, ਇਸ ਨੂੰ ਚੁਣੋ। ਇੱਥੋਂ ਆਪਣੇ ਆਪ ਨੂੰ ਉਹ ਨੰਬਰ ਭੇਜੋ ਜਿਸ ‘ਤੇ ਤੁਸੀਂ ਮੈਸੇਜ ਭੇਜਣਾ ਚਾਹੁੰਦੇ ਹੋ। ਚੈਟ ਵਿੱਚ ਉਸ ਨੰਬਰ ‘ਤੇ ਕਲਿੱਕ ਕਰੋ ਅਤੇ “Chat with this number” ਨੂੰ ਚੁਣੋ। ਹੁਣ ਤੁਸੀਂ ਨੰਬਰ ਸੇਵ ਕੀਤੇ ਬਿਨਾਂ ਉਸ ਵਿਅਕਤੀ ਨੂੰ ਸੰਦੇਸ਼ ਭੇਜ ਸਕਦੇ ਹੋ।
