Live ਸ਼ੋਅ ਦੌਰਾਨ ਸਟੇਜ ‘ਤੇ Guru Randhawa ਨੂੰ ਮਹਿਲਾ ਫੈਨ ਨੇ ਕੀਤੀ KISS, ਵੀਡੀਓ ਹੋਈ ਵਾਇਰਲ
ਮਸ਼ਹੂਰ ਗਾਇਕ ਗੁਰੂ ਰੰਧਾਵਾ ਇਸ ਸਮੇਂ ਸੁਰਖੀਆਂ ਵਿੱਚ ਬਣੇ ਹੋਏ ਹਨ। ਉਨ੍ਹਾਂ ਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਵਾਈਰਲ ਹੋ ਰਹੀ ਹੈ। ਇਸ ਵਾਇਰਲ ਵੀਡੀਓ ‘ਚ ਗੁਰੂ ਰੰਧਾਵਾ ਸਟੇਜ ‘ਤੇ ਨਜ਼ਰ ਆ ਰਹੇ ਹਨ। ਇੱਕ ਮਹਿਲਾ ਪ੍ਰਸ਼ੰਸਕ ਨੇ ਉਨ੍ਹਾਂ ਨੂੰ ਤੋਹਫ਼ਾ ਦਿੱਤਾ। ਮਹਿਲਾ ਨੇ ਸੈਲਫੀ ਕਲਿੱਕ ਕਰਨ ਤੋਂ ਬਾਅਦ ਗਾਇਕ ਨੂੰ KISS ਕੀਤੀ। ਪਰ ਗੁਰੂ ਰੰਧਾਵਾ ਸ਼ਰਮ ਦੇ ਮਾਰੇ ਤੁਰੰਤ ਉਥੋਂ ਚਲੇ ਗਏ। ਉਨ੍ਹਾਂ ਦੇ ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਉਨ੍ਹਾਂ ਦੇ ਪ੍ਰਸ਼ੰਸਕ ਉਨ੍ਹਾਂ ਦੀ ਤਰੀਫ ਕਰ ਰਹੇ ਹਨ।
ਇਸ ਵੀਡੀਓ ‘ਤੇ ਯੂਜ਼ਰਸ ਕਮੈਂਟ ਕਰਕੇ ਰਿਐਕਸ਼ਨ ਦੇ ਰਹੇ ਹਨ। ਇਕ ਪ੍ਰਸ਼ੰਸਕ ਨੇ ਟਿੱਪਣੀ ਕੀਤੀ, ‘ਗੁਰੂ ਰੰਧਾਵਾ ਲਈ ਸਤਿਕਾਰ।’ ਇਕ ਹੋਰ ਨੇ ਲਿਖਿਆ, ‘ਗੁਰੂ ਰੰਧਾਵਾ ਕੁੜੀਆਂ ਦੀ ਇੱਜ਼ਤ ਕਰਦੇ ਹਨ।’ ਇਕ ਹੋਰ ਨੇ ਲਿਖਿਆ, ‘ਇਕ ਅਤੇ ਕੇਵਲ ਗੁਰੂ ਰੰਧਾਵਾ।’
ਦੱਸ ਦੇਈਏ ਕਿ ਬਾਲੀਵੁੱਡ ਦੇ ਮਸ਼ਹੂਰ ਗਾਇਕ ਉਦਿਤ ਨਾਰਾਇਣ ਨੇ ਆਪਣੇ ਲਾਈਵ ਸ਼ੋਅ ‘ਚ ਇਕ ਮਹਿਲਾ ਫੈਨ ਨੂੰ ਲਿਪ ਕਿੱਸ ਕੀਤਾ ਸੀ, ਜਿਸ ਤੋਂ ਬਾਅਦ ਸੋਸ਼ਲ ਮੀਡੀਆ ‘ਤੇ ਸਨਸਨੀ ਫੈਲ ਗਈ ਸੀ ਅਤੇ ਉਨ੍ਹਾਂ ਨੂੰ ਲੈ ਕੇ ਕਾਫੀ ਚਰਚਾ ਹੋ ਰਹੀ ਸੀ।
