ਇਸ ਹਫ਼ਤੇ ਲਾਂਚ ਹੋ ਸਕਦਾ ਹੈ ਨਵਾਂ iPhone SE 4, ਡਿਜ਼ਾਈਨ ਤੇ ਕੈਮਰੇ ‘ਚ ਹੋ ਸਕਦੇ ਹਨ ਕਈ ਵੱਡੇ ਬਦਲਾਅ
ਇਸ ਸਾਲ iPhone 17 ਦਾ ਡਿਜ਼ਾਈਨ ਕਿਹੋ ਜਿਹਾ ਹੋਵੇਗਾ ਤੇ ਇਸ ਵਿੱਚ ਕਿਹੜੇ ਨਵੇਂ ਫੀਚਰ ਐਡ ਕੀਤੇ ਜਾਣਦੇ, ਇਸ ਨੂੰ ਲੈ ਕੇ ਕਈ ਕਿਆਸਅਰਾਈਆਂ ਚੱਲ ਰਹੀਆਂ ਹਨ। ਪਰ ਤੁਹਾਨੂੰ ਦਸ ਦੇਈਏ ਕਿ iPhone 17 ਤੋਂ ਇਲਾਵਾ iPhone SE 4 ਨੂੰ ਲੈ ਕੇ ਕਈ ਤਰ੍ਹਾਂ ਦੀਆਂ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ। Apple ਪ੍ਰਸ਼ੰਸਕ ਲੰਬੇ ਸਮੇਂ ਤੋਂ iPhone ਐਸਈ ਦੇ ਨਵੇਂ ਅਪਡੇਟ ਕੀਤੇ ਵਰਜਨ ਦੀ ਉਡੀਕ ਕਰ ਰਹੇ ਸਨ। ਹਾਲਾਂਕਿ, ਜੇਕਰ ਮਾਰਕੀਟ ਵਿੱਚ ਚੱਲ ਰਹੀਆਂ ਖਬਰਾਂ ‘ਤੇ ਵਿਸ਼ਵਾਸ ਕੀਤਾ ਜਾਵੇ, ਤਾਂ Apple ਇਸ ਫੋਨ ਨੂੰ ਲਾਂਚ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ ਅਤੇ ਕੰਪਨੀ ਇਸ ਹਫਤੇ iPhone SE 4 ਲਾਂਚ ਕਰ ਸਕਦੀ ਹੈ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਇਸ ਵਾਰ Apple ਆਪਣੇ SE ਹੈਂਡਸੈੱਟ ਵਿੱਚ ਕਈ ਅਪਡੇਟਸ ਲਿਆ ਰਿਹਾ ਹੈ, ਜਿਵੇਂ ਕਿ ਫੇਸਆਈਡੀ ਵਿੱਚ ਬਦਲਾਅ, OLED ਪੈਨਲ, iPhone 14 ਵਰਗਾ ਡਿਜ਼ਾਈਨ ਆਦਿ। ਇਸ ਫੋਨ ਬਾਰੇ ਕਿਹਾ ਜਾ ਰਿਹਾ ਹੈ ਕਿ ਇਹ Apple ਇੰਟੈਲੀਜੈਂਸ ਫੀਚਰ ਵਾਲਾ ਸਭ ਤੋਂ ਕਿਫਾਇਤੀ iPhone ਹੋਵੇਗਾ।
Apple ਨੇ ਅਜੇ ਤੱਕ iPhone ਐਸਈ 4 ਦੀ ਲਾਂਚ ਟਾਈਮਲਾਈਨ ਬਾਰੇ ਕੁਝ ਨਹੀਂ ਕਿਹਾ ਹੈ। ਪਰ ਪਿਛਲੇ ਹਫ਼ਤੇ, ਬਲੂਮਬਰਗ ਦੇ ਮਾਰਕ ਗੁਰਮੈਨ ਦੀ ਇੱਕ ਰਿਪੋਰਟ ਵਿੱਚ ਕਿਹਾ ਗਿਆ ਸੀ ਕਿ ਕਿਫਾਇਤੀ iPhone SE 4 ਇਸ ਹਫ਼ਤੇ ਹੀ ਲਾਂਚ ਕੀਤਾ ਜਾ ਸਕਦਾ ਹੈ। ਤੁਹਾਨੂੰ ਦਸ ਦੇਈਏ ਕਿ ਸਾਡੇ ਕੋਲ ਅਜੇ ਵੀ ਕੋਈ ਪੱਕੀ ਤਾਰੀਖ ਨਹੀਂ ਹੈ। ਰਿਪੋਰਟ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਨਵਾਂ iPhone ਇਸ ਮਹੀਨੇ ਦੇ ਅੰਤ ਤੱਕ ਖਰੀਦ ਲਈ ਉਪਲਬਧ ਹੋਵੇਗਾ। ਹਾਲਾਂਕਿ ਕਿਹਾ ਜਾ ਰਿਹਾ ਹੈ ਕਿ Apple ਇਸ ਫੋਨ ਨੂੰ ਲਾਂਚ ਕਰਨ ਲਈ ਕੋਈ ਵੱਡਾ ਸਮਾਗਮ ਨਹੀਂ ਕਰੇਗਾ। ਇਸ ਦੀ ਬਜਾਏ, Apple ਇੱਕ ਪ੍ਰੈਸ ਰਿਲੀਜ਼ ਰਾਹੀਂ ਫੋਨ ਨੂੰ ਲਾਂਚ ਕਰੇਗਾ ਜਿਵੇਂ ਇਸ ਨੇ ਆਈਪੈਡ ਲਾਂਚ ਕੀਤੇ ਸਨ, iPhone SE 4 ਵੀ ਇੱਕ ਸਾਫਟ ਲਾਂਚ ਦੇ ਨਾਲ ਲੋਕਾਂ ਨੂੰ ਖਰਦੀ ਲਈ ਉਪਲਬਧ ਕਰਵਾਇਆ ਜਾ ਸਕਦਾ ਹੈ।
iPhone ਐਸਈ 4: ਕੀ ਹੋ ਸਕਦੇ ਹਨ ਫੀਚਰਸ
iPhone ਐਸਈ 4 ਵਿੱਚ ਸਭ ਤੋਂ ਵੱਡਾ ਬਦਲਾਅ ਇਸਦਾ ਡਿਜ਼ਾਈਨ ਹੈ। ਜਦੋਂ ਤੁਸੀਂ iPhone ਐਸਈ-ਸੀਰੀਜ਼ ਬਾਰੇ ਸੋਚਦੇ ਹੋ, ਤਾਂ ਤੁਹਾਨੂੰ ਮੋਟੇ ਬੇਜ਼ਲ ਅਤੇ ਸਕ੍ਰੀਨ ਦੇ ਹੇਠਾਂ ਇੱਕ ਟੱਚਆਈਡੀ ਹੋਮ ਬਟਨ ਵਾਲੇ ਛੋਟੇ iPhone ਯਾਦ ਹੋਣਗੇ। ਹਾਲਾਂਕਿ, ਇਸ ਸਾਲ iPhone SE 4 ਦੇ ਡਿਜ਼ਾਈਨ ਵਿੱਚ ਵੱਡੇ ਬਦਲਾਅ ਹੋਣ ਦੀ ਉਮੀਦ ਹੈ। ਮੰਨਿਆ ਜਾ ਰਿਹਾ ਹੈ ਕਿ iPhone SE 4 iPhone 14 ਵਰਗਾ ਦਿਖਾਈ ਦੇਵੇਗਾ। ਇਸ ਵਿੱਚ ਟੱਚ ਆਈਡੀ ਦੀ ਥਾਂ ਫੇਸ ਆਈਡੀ ਦੀ ਸਹੂਲਤ ਵੀ ਦਿੱਤੀ ਜਾ ਸਕਦੀ ਹੈ।ਕੈਮਰਾ ਅਪਗ੍ਰੇਡ ਦੀ ਗੱਲ ਕਰੀਏ ਤਾਂ, iPhone SE 4 ਨੂੰ ਇਸ ਵਿਭਾਗ ਵਿੱਚ ਬਹੁਤ ਸਾਰੇ ਅਪਗ੍ਰੇਡ ਮਿਲਣ ਦੀ ਉਮੀਦ ਹੈ। iPhone ਦੇ ਪਿਛਲੇ ਕੈਮਰੇ ਵਿੱਚ 48-ਮੈਗਾਪਿਕਸਲ ਸੈਂਸਰ ਹੋਣ ਦੀ ਉਮੀਦ ਹੈ, ਜੋ ਕਿ iPhone SE 3 ਦੇ 12-ਮੈਗਾਪਿਕਸਲ ਕੈਮਰੇ ਤੋਂ ਵੱਧ ਹੈ। ਕਿਹਾ ਜਾ ਰਿਹਾ ਹੈਕਿ iPhone SE 4 ਦੇ ਫਰੰਟ ‘ਤੇ 24-ਮੈਗਾਪਿਕਸਲ ਕੈਮਰਾ ਹੈ। ਇਸ ਫੋਨ ਦੀ ਕੀਮਤ ਲਗਭਗ 42000 ਰੁਪਏ ਹੋ ਸਕਦੀ ਹੈ।
