ਬਦਲ ਜਾਵੇਗੀ ਟੀਮ ਇੰਡੀਆ ਦੀ ਤਸਵੀਰ, ਰਿੰਕੂ ਸਿੰਘ, ਸੂਰਿਆ ਸਮੇਤ 10 ਖਿਡਾਰੀ ਹੋਣਗੇ ਆਊਟ, ਯਸ਼ਸਵੀ-ਅਈਅਰ ਦੀ ਵਾਪਸੀ

ਭਾਰਤ ਨੇ ਇੰਗਲੈਂਡ ਖਿਲਾਫ ਟੀ-20 ਸੀਰੀਜ਼ ਜਿੱਤ ਲਈ ਹੈ। ਇਸ ਤੋਂ ਬਾਅਦ ਟੀਮ ਇੰਡੀਆ ਨੇ ਵਨਡੇਅ ਸੀਰੀਜ਼ ‘ਚ ਹਿੱਸਾ ਲੈਣਾ ਹੈ। 3 ਦਿਨਾਂ ਬਾਅਦ ਟੀਮ ਇੰਡੀਆ ਪੂਰੀ ਤਰ੍ਹਾਂ ਬਦਲ ਜਾਵੇਗੀ। ਜਦੋਂ ਭਾਰਤ 6 ਫਰਵਰੀ ਨੂੰ ਇੰਗਲੈਂਡ ਖਿਲਾਫ ਪਹਿਲਾ ਵਨਡੇਅ ਖੇਡੇਗਾ। ਰਿੰਕੂ ਸਿੰਘ ਸਮੇਤ 10 ਖਿਡਾਰੀ ਟੀਮ ਇੰਡੀਆ ‘ਚ ਨਜ਼ਰ ਨਹੀਂ ਆਉਣਗੇ। ਆਓ ਜਾਣਦੇ ਹਾਂ ਕਿ ਕਿਹੜੇ ਖਿਡਾਰੀ ਦਾਖਲ ਹੋਣਗੇ ਅਤੇ ਕਿਹੜੇ ਖਿਡਾਰੀ ਆਊਟ ਹੋਣਗੇ।

ਰੋਹਿਤ ਸ਼ਰਮਾ, ਵਿਰਾਟ ਕੋਹਲੀ, ਸ਼ੁਭਮਨ ਗਿੱਲ, ਯਸ਼ਸਵੀ ਜੈਸਵਾਲ, ਰਵਿੰਦਰ ਜਡੇਜਾ, ਰਿਸ਼ਭ ਪੰਤ ਅਤੇ ਕੇਐਲ ਰਾਹੁਲ ਬਾਰਡਰ-ਗਾਵਸਕਰ ਟਰਾਫੀ ਦੇ 2024-25 ਸੀਜ਼ਨ ਵਿੱਚ ਆਖਰੀ ਵਾਰ ਖੇਡਣ ਤੋਂ ਬਾਅਦ ਵਨਡੇਅ ਸੀਰੀਜ਼ ਲਈ ਭਾਰਤੀ ਟੀਮ ਵਿੱਚ ਵਾਪਸ ਆਏ ਹਨ। ਸਟਾਰ ਸਪਿਨਰ ਕੁਲਦੀਪ ਯਾਦਵ ਜਿਨ੍ਹਾਂ ਨੇ ਆਖਰੀ ਵਾਰ ਅਕਤੂਬਰ 2024 ਵਿੱਚ ਨਿਊਜ਼ੀਲੈਂਡ ਖ਼ਿਲਾਫ਼ ਘਰੇਲੂ ਲੜੀ ਦੇ ਪਹਿਲੇ ਟੈਸਟ ਵਿੱਚ ਭਾਰਤ ਲਈ ਖੇਡੇ ਸਨ। ਸ਼੍ਰੇਅਸ ਅਈਅਰ, ਜੋ ਆਖਰੀ ਵਾਰ ਭਾਰਤ ਲਈ 7 ਅਗਸਤ, 2024 ਨੂੰ ਸ਼੍ਰੀਲੰਕਾ ਦੇ ਖਿਲਾਫ ਖੇਡਿਆ ਸੀ, ਵੀ ਵਨਡੇਅ ਟੀਮ ਦਾ ਹਿੱਸਾ ਹੈ।

ਸੰਜੂ ਸੈਮਸਨ, ਅਭਿਸ਼ੇਕ ਸ਼ਰਮਾ, ਤਿਲਕ ਵਰਮਾ, ਸੂਰਿਆਕੁਮਾਰ ਯਾਦਵ, ਰਵੀ ਬਿਸ਼ਨੋਈ, ਵਰੁਣ ਚੱਕਰਵਰਤੀ, ਸ਼ਿਵਮ ਦੁਬੇ, ਰਮਨਦੀਪ ਸਿੰਘ, ਧਰੁਵ ਜੁਰੇਲ ਅਤੇ ਰਿੰਕੂ ਸਿੰਘ ਟੀ-20 ਸੀਰੀਜ਼ ਖੇਡਣ ਤੋਂ ਬਾਅਦ ਭਾਰਤੀ ਟੀਮ ਤੋਂ ਬਾਹਰ ਹੋ ਜਾਣਗੇ। ਉਹ ਇੰਗਲੈਂਡ ਖਿਲਾਫ ਵਨਡੇਅ ਸੀਰੀਜ਼ ‘ਚ ਨਹੀਂ ਖੇਡਣਗੇ। ਸੈਮਸਨ, ਅਭਿਸ਼ੇਕ, ਤਿਲਕ, ਸੂਰਿਆ, ਬਿਸ਼ਨੋਈ ਅਤੇ ਚੱਕਰਵਰਤੀ ਨੇ ਟੀ-20 ਸੀਰੀਜ਼ ਦੇ ਸਾਰੇ ਪੰਜ ਮੈਚ ਖੇਡੇ। ਜਦਕਿ ਰਮਨਦੀਪ ਨੂੰ ਕੋਈ ਵੀ ਮੈਚ ਖੇਡਣ ਦਾ ਮੌਕਾ ਨਹੀਂ ਮਿਲਿਆ। ਜੁਰੇਲ ਅਤੇ ਦੂਬੇ ਨੇ ਦੋ ਮੈਚ ਖੇਡੇ, ਜਦਕਿ ਰਿੰਕੂ ਨੇ ਤਿੰਨ ਟੀ-20 ਮੈਚ ਖੇਡੇ।

ਵਨਡੇਅ ਸੀਰੀਜ਼ ਲਈ ਭਾਰਤੀ ਟੀਮ- ਰੋਹਿਤ ਸ਼ਰਮਾ, ਸ਼ੁਭਮਨ ਗਿੱਲ, ਵਿਰਾਟ ਕੋਹਲੀ, ਸ਼੍ਰੇਅਸ ਅਈਅਰ, ਕੇਐੱਲ ਰਾਹੁਲ, ਹਾਰਦਿਕ ਪੰਡਯਾ, ਅਕਸ਼ਰ ਪਟੇਲ, ਵਾਸ਼ਿੰਗਟਨ ਸੁੰਦਰ, ਕੁਲਦੀਪ ਯਾਦਵ, ਹਰਸ਼ਿਤ ਰਾਣਾ, ਮੁਹੰਮਦ ਸ਼ਮੀ, ਅਰਸ਼ਦੀਪ ਸਿੰਘ, ਯਸ਼ਸਵੀ ਜੈਸਵਾਲ, ਰਿਸ਼ਭ ਪੰਤ, ਰਵਿੰਦਰ ਜਡੇਜਾ।