ਦੀਵਾਲੀ ਮੌਕੇ Blinkit ‘ਤੇ ਖੁੱਲ੍ਹੇ ਦਿਲ ਨਾਲ ਮੰਗਵਾਓ ਸਾਮਾਨ, ਪੈਸੇ ਦੇਣ ਦੀ ਨਹੀਂ ਟੈਨਸ਼ਨ, ਕੰਪਨੀ ਲਿਆਈ ਖਾਸ ਸਕੀਮ
ਦੀਵਾਲੀ ਦੇ ਤਿਉਹਾਰ ਵਿਚ ਕੁਝ ਹੀ ਦਿਨ ਬਚੇ ਹਨ। ਦੀਵਾਲੀ ਮੌਕੇ ਉਤੇ ਨਵੀਂ ਖਰੀਦਦਾਰੀ ਦਾ ਬਹੁਤ ਮਹੱਤਵ ਹੈ। ਲੋਕ ਕਰਿਆਨੇ ਤੋਂ ਲੈ ਕੇ ਕੱਪੜੇ ਅਤੇ ਕਾਰਾਂ ਤੱਕ ਸਭ ਕੁਝ ਖਰੀਦਦੇ ਹਨ। ਅਜਿਹੀ ਸਥਿਤੀ ਵਿਚ ਦੀਵਾਲੀ ਤੋਂ ਪਹਿਲਾਂ Zomato ਦੀ ਮਲਕੀਅਤ ਵਾਲੀ ਕਵਿੱਕ ਕਾਮਰਸ ਕੰਪਨੀ ਬਲਿੰਕਿਟ (Blinkit) ਨੇ ਇੱਕ ਨਵੀਂ ਸਹੂਲਤ ਸ਼ੁਰੂ ਕੀਤੀ ਹੈ।
ਦਰਅਸਲ, ਬਲਿੰਕਿਟ ਨੇ ਆਪਣੇ ਗਾਹਕਾਂ ਲਈ EMI ਸੁਵਿਧਾ ਸ਼ੁਰੂ ਕਰ ਦਿੱਤੀ ਹੈ। ਬਲਿੰਕਿਟ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਅਲਬਿੰਦਰ ਢੀਂਡਸਾ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X ਉਤੇ ਇੱਕ ਪੋਸਟ ਵਿੱਚ ਬਲਿੰਕਿਟ ਵਿੱਚ ਉਪਲਬਧ ਇਸ ਨਵੀਂ ਸਹੂਲਤ ਬਾਰੇ ਜਾਣਕਾਰੀ ਦਿੱਤੀ ਹੈ।
We have introduced buying with EMI on Blinkit!
EMI options will be applicable on all orders above ₹2,999 (except orders that contain gold and silver coins)
We believe this will improve affordability and enable better financial planning for our customers. pic.twitter.com/htBrxnKMjk
— Albinder Dhindsa (@albinder) October 24, 2024
ਇਨ੍ਹਾਂ ਆਰਡਰ ‘ਤੇ EMI ਸਹੂਲਤ ਲਾਗੂ ਹੋਵੇਗੀ
ਬਲਿੰਕਿਟ ਉਤੇ EMI ਸਹੂਲਤ ਦਾ ਲਾਭ 2,999 ਰੁਪਏ ਤੋਂ ਵੱਧ ਦੇ ਸਾਰੇ ਆਰਡਰਾਂ ‘ਤੇ ਲਾਗੂ ਹੋਵੇਗਾ। ਹਾਲਾਂਕਿ, ਇਸ ਵਿਸ਼ੇਸ਼ਤਾ ਦੀ ਵਰਤੋਂ ਕਰਕੇ ਸੋਨੇ ਅਤੇ ਚਾਂਦੀ ਦੇ ਸਿੱਕੇ ਨਹੀਂ ਖਰੀਦੇ ਜਾ ਸਕਦੇ ਹਨ। ਢੀਂਡਸਾ ਵੱਲੋਂ ਐਕਸ ‘ਤੇ ਸਾਂਝੀ ਕੀਤੀ ਤਸਵੀਰ ‘ਚ ਸਾਲਾਨਾ ਆਧਾਰ ‘ਤੇ 15 ਫੀਸਦੀ ਵਿਆਜ ਦੇ ਨਾਲ ਨੋ ਕਾਸਟ ਈਐਮਆਈ ਦਾ ਵਿਕਲਪ ਵੀ ਦਿਖਾਈ ਦੇ ਰਿਹਾ ਹੈ।
Zomato QIP ਰਾਹੀਂ 8,500 ਕਰੋੜ ਰੁਪਏ ਜੁਟਾਏਗਾ
ਦੱਸ ਦੇਈਏ ਕਿ ਬਲਿੰਕਿੰਟ ਦੀ ਮੂਲ ਕੰਪਨੀ ਜ਼ੋਮੈਟੋ ਇਕੁਇਟੀ ਸ਼ੇਅਰਾਂ ਦੇ ਕੁਆਲੀਫਾਈਡ ਇੰਸਟੀਚਿਊਸ਼ਨਲ ਪਲੇਸਮੈਂਟ (QIP) ਰਾਹੀਂ 8,500 ਕਰੋੜ ਰੁਪਏ ਜੁਟਾਏਗੀ। ਐਕਸਚੇਂਜ ਫਾਈਲਿੰਗ ‘ਚ ਦਿੱਤੀ ਗਈ ਜਾਣਕਾਰੀ ਮੁਤਾਬਕ ਕੰਪਨੀ ਦੇ ਬੋਰਡ ਨੇ ਯੋਗ ਸੰਸਥਾਗਤ ਪਲੇਸਮੈਂਟ ਦੇ ਜ਼ਰੀਏ 8,500 ਕਰੋੜ ਰੁਪਏ ਜੁਟਾਉਣ ਦੇ ਪ੍ਰਸਤਾਵ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
