ਮਸ਼ਹੂਰ ਰੈਪਰ ਐਂਥਨੀ ਲਿਓਨਾਰਡ ਪਲੈਟ ਦਾ ਦਿਹਾਂਤ ਹੋ ਗਿਆ ਹੈ। ਉਨ੍ਹਾਂ ਨੇ 43 ਸਾਲ ਦੀ ਉਮਰ ਵਿੱਚ ਦੁਨਿਆ ਨੂੰ ਅਲਵਿਦਾ ਕਹਿ ਦਿੱਤਾ ਹੈ। ਐਂਥਨੀ ਲਿਓਨਾਰਡ ਪਲੈਟ ਨੂੰ ਡੀਜੇ ਅਨਾਕ ਵਜੋਂ ਵੀ ਜਾਣਿਆ ਜਾਂਦਾ ਹੈ। ਇਹ ਦੁਖਦ ਖ਼ਬਰ ਰੈਪਰ ਦੀ ਪਤਨੀ ਸ਼ੇਰਕਿਤਾ ਲੌਂਗ-ਪਲੈਟ ਨੇ ਪ੍ਰਸ਼ੰਸਕਾਂ ਨਾਲ ਸਾਂਝੀ ਕੀਤੀ ਹੈ। ਇਕ ਪੋਸਟ ਰਾਹੀਂ ਸ਼ੇਰਕਿਤਾ ਨੇ ਦੱਸਿਆ ਹੈ ਕਿ ਉਨ੍ਹਾਂ ਦੇ ਪਤੀ ਡੀਜੇ ਅਨਕ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਗਏ ਹਨ। ਹਾਲਾਂਕਿ ਉਸ ਦੀ ਮੌਤ ਦੇ ਕਾਰਨਾਂ ਦਾ ਖੁਲਾਸਾ ਨਹੀਂ ਹੋਇਆ ਹੈ।
ਪਤਨੀ ਨੇ ਮੌਤ ਦੀ ਪੁਸ਼ਟੀ ਕੀਤੀ ਹੈ
ਰੈਪਰ ਐਂਥਨੀ ਲਿਓਨਾਰਡ ਪਲੈਟ ਉਰਫ ਡੀਜੇ ਅਨਾਕ ਦੀ ਪਤਨੀ ਸ਼ੇਰਕੀਤਾ ਲੌਂਗ-ਪਲੈਟ ਨੇ ਆਪਣੇ ਪਤੀ ਦੀ ਮੌਤ ਦੀ ਪੁਸ਼ਟੀ ਕੀਤੀ ਅਤੇ ਲਿਖਿਆ, ‘ਕਿਰਪਾ ਕਰਕੇ ਮੇਰਾ ਅਤੇ ਮੇਰੇ ਪਰਿਵਾਰ ਦਾ ਸਨਮਾਨ ਕਰੋ। ਮੈਂ ਹੁਣੇ ਹੀ ਆਪਣੇ ਪਤੀ ਨੂੰ ਗੁਆ ਦਿੱਤਾ ਹੈ। ਮੇਰੇ ਬੱਚਿਆਂ ਨੇ ਆਪਣੇ ਪਿਤਾ ਨੂੰ ਗੁਆ ਦਿੱਤਾ ਹੈ। ਸਾਡੀ ਜ਼ਿੰਦਗੀ ਕਦੇ ਵੀ ਪਹਿਲਾਂ ਵਾਂਗ ਨਹੀਂ ਹੋਵੇਗੀ। ਮੈਂ ਤੁਹਾਨੂੰ ਹਮੇਸ਼ਾ ਪਿਆਰ ਕਰਾਂਗੀ, ਐਂਥਨੀ।’
ਪ੍ਰਸ਼ੰਸਕਾਂ ਨੂੰ ਲੱਗਿਆ ਝਟਕਾ
ਡੀਜੇ ਅਨਕ ਦੇ ਪ੍ਰਸ਼ੰਸਕ ਵੀ ਉਨ੍ਹਾਂ ਦੀ ਮੌਤ ‘ਤੇ ਪੋਸਟਾਂ ਰਾਹੀਂ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦੇ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ, ‘ਡੀਜੇ ਅਨਕ, ਅਜਿਹਾ ਗੀਤ ਦੇਣ ਲਈ ਤੁਹਾਡਾ ਧੰਨਵਾਦ, ਜੋ ਕਈ ਨੌਜਵਾਨਾਂ ਦੇ ਕਾਲਜ ਅਨੁਭਵ ਦਾ ਸਾਊਂਡਟ੍ਰੈਕ ਬਣ ਗਿਆ। ਅਸੀਂ ਉਸਦੇ ਪਰਿਵਾਰ ਅਤੇ ਦੋਸਤਾਂ ਨੂੰ ਆਪਣਾ ਪਿਆਰ ਅਤੇ ਦਿਲਾਸੇ ਦੀਆਂ ਪ੍ਰਾਰਥਨਾਵਾਂ ਭੇਜਦੇ ਹਾਂ।
ਇਕ ਹੋਰ ਯੂਜ਼ਰ ਨੇ ਲਿਖਿਆ, ‘ਹੇ ਯਾਰ.. ਮੈਂ ਕੁਝ ਦਿਨਾਂ ਤੋਂ ਵਾਕ ਇਟ ਆਊਟ ਸੁਣ ਰਿਹਾ ਸੀ। ਉਨ੍ਹਾਂ ਦਾ ਸੰਗੀਤ ਹਮੇਸ਼ਾ ਜ਼ਿੰਦਾ ਰਹੇ।’ ਇਸ ਤਰ੍ਹਾਂ, ਪ੍ਰਸ਼ੰਸਕ ਡੀਜੇ ਅਨਕ ਨੂੰ ਸ਼ਰਧਾਂਜਲੀ ਦੇ ਰਹੇ ਹਨ।
