Vi ਨੇ ਲਾਂਚ ਕੀਤਾ Nonstop Hero ਪਲਾਨ, ਡਾਟਾ ਤੋਂ ਲੈ ਕੇ ਕਾਲਿੰਗ ਤੱਕ ਸਭ ਕੁੱਝ ਮਿਲੇਗਾ ਅਨਲਿਮਟਿਡ…
ਵੋਡਾਫੋਨ ਆਈਡੀਆ (Vi) ਨੇ ਆਪਣੇ ਪ੍ਰੀਪੇਡ ਗਾਹਕਾਂ ਲਈ ‘ਨਾਨਸਟਾਪ ਹੀਰੋ’ ਪਲਾਨ ਪੇਸ਼ ਕੀਤਾ ਹੈ। ਨਵੇਂ ਪਲਾਨ ਵਿੱਚ ਗਾਹਕਾਂ ਨੂੰ ਸਭ ਕੁਝ ਅਨਲਿਮਟਿਡ ਮਿਲੇਗਾ। ਟੈਲੀਕਾਮ ਸੈਕਟਰ ਵਿੱਚ ਜੀਓ ਅਤੇ ਏਅਰਟੈੱਲ ਵਰਗੀਆਂ ਵੱਡੀਆਂ ਕੰਪਨੀਆਂ ਨੂੰ ਸਖ਼ਤ ਮੁਕਾਬਲਾ ਦੇਣ ਲਈ, ਵੋਡਾਫੋਨ ਆਈਡੀਆ (Vi) ਆਪਣੇ ਪ੍ਰੀਪੇਡ ਗਾਹਕਾਂ ਲਈ ਨਾਨਸਟਾਪ ਹੀਰੋ ਨਾਮਕ ਇੱਕ ਪਲਾਨ ਪੇਸ਼ ਕਰ ਰਹੀ ਹੈ। ਇਸ ਪਲਾਨ ਦਾ ਟੀਚਾ ਗਾਹਕਾਂ ਨੂੰ ਅਨਲਿਮਟਿਡ 4G ਡੇਟਾ ਦੇ ਨਾਲ ਬਿਹਤਰ ਕਨੈਕਟੀਵਿਟੀ ਅਤੇ ਆਕਰਸ਼ਕ OTT ਸਰਵਿਸ ਪ੍ਰਦਾਨ ਕਰਨਾ ਹੈ। ਇਹ ਪਲਾਨ ਖਾਸ ਤੌਰ ‘ਤੇ ਉਨ੍ਹਾਂ ਗਾਹਕਾਂ ਲਈ ਹੈ ਜੋ ਡਾਟਾ ਖਤਮ ਹੋਣ ਦੀ ਸਮੱਸਿਆ ਤੋਂ ਪਰੇਸ਼ਾਨ ਰਹਿੰਦੇ ਹਨ। ਇਹ ਪਲਾਨ ਉਨ੍ਹਾਂ ਨੂੰ ਅਨਲਿਮਟਿਡ ਡਾਟਾ ਸਰਵਿਸ ਦੇਣਗੇ।
ਵੋਡਾਫੋਨ ਆਈਡੀਆ ਨਾਨਸਟਾਪ ਹੀਰੋ ਪਲਾਨ 365 ਰੁਪਏ ਤੋਂ ਸ਼ੁਰੂ ਹੁੰਦੇ ਹਨ ਅਤੇ 1,198 ਰੁਪਏ ਤੱਕ ਜਾਂਦੇ ਹਨ। ਇਹ ਪਲਾਨ ਆਂਧਰਾ ਪ੍ਰਦੇਸ਼, ਤੇਲੰਗਾਨਾ, ਕਰਨਾਟਕ, ਰਾਜਸਥਾਨ, ਮੱਧ ਪ੍ਰਦੇਸ਼ ਅਤੇ ਛੱਤੀਸਗੜ੍ਹ ਵਰਗੇ ਚੋਣਵੇਂ ਸਰਕਲਾਂ ਵਿੱਚ ਲਾਂਚ ਕੀਤੇ ਗਏ ਹਨ। ਹਰ ਪਲਾਨ ਵਿੱਚ ਅਨਲਿਮਟਿਡ 4G ਡੇਟਾ, ਅਨਲਿਮਟਿਡ ਵੌਇਸ ਕਾਲਿੰਗ ਅਤੇ ਪ੍ਰਤੀ ਦਿਨ 100 SMS ਦੀ ਪੇਸ਼ਕਸ਼ ਕੀਤੀ ਜਾਂਦੀ ਹੈ। ਇਸ ਦੇ ਨਾਲ, ਗਾਹਕਾਂ ਨੂੰ OTT ਪਲੇਟਫਾਰਮਾਂ ਜਿਵੇਂ ਕਿ Disney+ Hotstar, SonyLiv, Amazon Prime Lite, ਅਤੇ Netflix ਵਰਗੀਆਂ ਸੇਵਾਵਾਂ ਤੱਕ ਵੀ ਪਹੁੰਚ ਮਿਲੇਗੀ।
ਵੋਡਾਫੋਨ ਆਈਡੀਆ ਨਾਨ-ਸਟਾਪ ਹੀਰੋ ਪਲਾਨ…
365 ਰੁਪਏ ਵਾਲਾ ਪਲਾਨ: 28 ਦਿਨਾਂ ਦੀ ਵੈਧਤਾ ਦੇ ਨਾਲ ਅਨਲਿਮਟਿਡ ਡਾਟਾ, ਵੌਇਸ ਅਤੇ 100 SMS।
469 ਰੁਪਏ ਵਾਲਾ ਪਲਾਨ: ਡਿਜ਼ਨੀ+ਹੌਟਸਟਾਰ ਦੀ 3 ਮਹੀਨਿਆਂ ਦੀ ਸਬਸਕ੍ਰਿਪਸ਼ਨ ਦੇ ਨਾਲ 28 ਦਿਨਾਂ ਦੀ ਵੈਧਤਾ ਉਪਲਬਧ ਹੋਵੇਗੀ।
994 ਰੁਪਏ ਵਾਲਾ ਪਲਾਨ: ਤੁਹਾਨੂੰ 84 ਦਿਨਾਂ ਦੀ ਵੈਧਤਾ ਦੇ ਨਾਲ Disney+Hotstar ਦੀ 3 ਮਹੀਨਿਆਂ ਦੀ ਸਬਸਕ੍ਰਿਪਸ਼ਨ ਮਿਲੇਗੀ।
1,198 ਰੁਪਏ ਵਾਲਾ ਪਲਾਨ: ਨੈੱਟਫਲਿਕਸ ਸਬਸਕ੍ਰਿਪਸ਼ਨ ਅਤੇ 70 ਦਿਨਾਂ ਦੀ ਵੈਧਤਾ।
ਇਹ ਪਲਾਨ ਉਨ੍ਹਾਂ ਗਾਹਕਾਂ ਲਈ ਫਾਇਦੇਮੰਦ ਸਾਬਤ ਹੋ ਸਕਦਾ ਹੈ ਜੋ ਅਨਲਿਮਟਿਡ ਡੇਟਾ ਦੇ ਨਾਲ-ਨਾਲ OTT ਪਲੇਟਫਾਰਮਾਂ ਦਾ ਲਾਭ ਲੈਣਾ ਚਾਹੁੰਦੇ ਹਨ। Vi ਦਾ ਇਹ ਨਵਾਂ ਪਲਾਨ ਹਾਈ-ਸਪੀਡ ਇੰਟਰਨੈੱਟ ਅਤੇ ਮਨੋਰੰਜਨ ਦੀ ਵੱਧਦੀ ਮੰਗ ਨੂੰ ਧਿਆਨ ਵਿੱਚ ਰੱਖ ਕੇ ਤਿਆਰ ਕੀਤਾ ਗਿਆ ਹੈ। ਕੰਪਨੀ ਨੇ ਸਪੱਸ਼ਟ ਤੌਰ ‘ਤੇ ਕਿਹਾ ਹੈ ਕਿ ਇਹ ਯੋਜਨਾ ਸਿਰਫ਼ ਨਿੱਜੀ ਵਰਤੋਂ ਲਈ ਹੈ। ਇਹਨਾਂ ਦੀ ਵਰਤੋਂ ਕਮਰਸ਼ੀਅਲ ਉਦੇਸ਼ਾਂ ਲਈ ਨਹੀਂ ਕੀਤੀ ਜਾ ਸਕਦੀ। ਵੋਡਾਫੋਨ ਆਈਡੀਆ ਦਾ ਨਾਨਸਟਾਪ ਹੀਰੋ ਪਲਾਨ ਟੈਲੀਕਾਮ ਇੰਡਸਟਰੀ ਵਿੱਚ ਇੱਕ ਨਵਾਂ ਵਿਕਲਪ ਲੈ ਕੇ ਆਇਆ ਹੈ।
