ਸੋਮਵਾਰ ਦੇਰ ਰਾਤ, Apple ਨੇ iOS 18.4 ਅਪਡੇਟ ਨੂੰ ਰੋਲ ਆਊਟ ਕਰਨਾ ਸ਼ੁਰੂ ਕਰ ਦਿੱਤਾ ਜੋ ਆਖਰਕਾਰ ਭਾਰਤ ਵਿੱਚ ਉਪਭੋਗਤਾਵਾਂ ਲਈ Apple ਇੰਟੈਲੀਜੈਂਸ ਫੀਚਰ ਲਿਆਉਂਦਾ ਹੈ। Apple ਦਾ ਏਆਈ ਫੀਚਰ ਸਾਰੇ iPhone ਉਪਭੋਗਤਾਵਾਂ ਲਈ ਜਾਰੀ ਨਹੀਂ ਕੀਤਾ ਗਿਆ ਹੈ। ਸਿਰਫ਼ ਕੁਝ ਚੋਣਵੇਂ iPhone ਹੀ Apple ਇੰਟੈਲੀਜੈਂਸ ਚਲਾਉਣ ਦੇ ਸਮਰੱਥ ਹਨ। ਇਹ ਫੀਚਰ ਸਿਰਫ਼ ਸਾਰੇ iPhone 16 ਮਾਡਲਾਂ ਲਈ ਉਪਲਬਧ ਹੋਣਗੇ, ਜਿਨ੍ਹਾਂ ਵਿੱਚ iPhone 16e, iPhone 16, iPhone 16 ਪਲੱਸ, iPhone 16 ਪ੍ਰੋ, ਅਤੇ iPhone 16 ਪ੍ਰੋ ਮੈਕਸ ਸ਼ਾਮਲ ਹਨ। ਇਸ ਤੋਂ ਇਲਾਵਾ, iPhone 15 ਪ੍ਰੋ ਅਤੇ iPhone 15 ਪ੍ਰੋ ਮੈਕਸ ਨੂੰ ਵੀ ਇਹ ਫੀਚਰ ਮਿਲ ਰਿਹਾ ਹੈ। Apple ਇੰਟੈਲੀਜੈਂਸ ਪਹਿਲਾਂ ਹੀ ਅਮਰੀਕਾ, ਯੂਕੇ, ਯੂਰਪ ਅਤੇ ਕੈਨੇਡਾ ਦੇ ਉਪਭੋਗਤਾਵਾਂ ਲਈ ਉਪਲਬਧ ਸੀ। ਇਹ ਹੁਣ ਭਾਰਤ ਲਈ ਜਾਰੀ ਕੀਤਾ ਗਿਆ ਹੈ।
ਹਾਲਾਂਕਿ, ਇਸ ਅਪਡੇਟ ਦੇ ਆਉਣ ਤੋਂ ਬਾਅਦ, iPhone ਉਪਭੋਗਤਾਵਾਂ ਨੂੰ ਲਿਖਣ ਅਤੇ ਫੋਟੋਗ੍ਰਾਫੀ ਵਿੱਚ ਇੱਕ ਵੱਖਰਾ ਅਨੁਭਵ ਹੋਵੇਗਾ। ਭਾਰਤੀ ਉਪਭੋਗਤਾ ਖਾਸ ਤੌਰ ‘ਤੇ ਸਥਾਨਕ ਅੰਗਰੇਜ਼ੀ ਫੀਚਰ ਦੀ ਉਡੀਕ ਕਰ ਰਹੇ ਸਨ, ਜੋ ਇਸ ਅਪਡੇਟ ਨਾਲ ਉਪਲਬਧ ਹੋਵੇਗਾ। ਆਓ ਦੇਖਦੇ ਹਾਂ ਕਿ iOS 18.4 ਨੂੰ ਅੱਪਡੇਟ ਕਰਨ ਤੋਂ ਬਾਅਦ ਤੁਹਾਨੂੰ ਕਿਹੜੇ ਨਵੇਂ ਫੀਚਰ ਮਿਲ ਰਹੇ ਹਨ ਅਤੇ ਤੁਸੀਂ ਉਨ੍ਹਾਂ ਦੀ ਵਰਤੋਂ ਕਿਵੇਂ ਕਰ ਸਕਦੇ ਹੋ।
Apple ਇੰਟੈਲੀਜੈਂਸ ਲਿਖਣ, ਫੋਟੋਆਂ, ਮੈਸੇਜਿੰਗ ਅਤੇ ਰੋਜ਼ਾਨਾ ਦੇ ਕੰਮਾਂ ਨੂੰ ਆਸਾਨ ਬਣਾਉਣ ਲਈ ਤਿਆਰ ਕੀਤੇ ਗਏ ਫੀਚਰ ਪੇਸ਼ ਕਰਦਾ ਹੈ। ਲਿਖਣ ਵਾਲੇ ਟੂਲ ਹੁਣ ਉਪਭੋਗਤਾਵਾਂ ਨੂੰ ਮੇਲ, ਮੈਸੇਜ ਅਤੇ ਨੋਟਸ ਵਰਗੀਆਂ ਐਪਸ ਵਿੱਚ ਆਪਣੇ ਟੈਕਸਟ ਨੂੰ ਸੁਧਾਰਨ ਵਿੱਚ ਮਦਦ ਕਰਦੇ ਹਨ। ਰੀਰਾਈਟ ਫੀਚਰ ਉਪਭੋਗਤਾਵਾਂ ਨੂੰ ਆਪਣੀ ਲਿਖਤ ਦੀ ਟੋਨ ਨੂੰ ਅਨੁਕੂਲ ਕਰਨ ਦੀ ਆਗਿਆ ਦਿੰਦਾ ਹੈ। ਇਸ ਦਾ ਪਰੂਫਰੀਡ ਫੀਚਰ ਤੁਹਾਡੀ ਵਿਆਕਰਣ ਨੂੰ ਠੀਕ ਕਰਦਾ ਹੈ। ਹੁਣ ਫੋਟੋ ਐਪ ਇੱਕ ਸਧਾਰਨ ਵੇਰਵਾ ਦੇ ਕੇ ਫੋਟੋਆਂ ਨੂੰ ਸਰਚ ਕਰਨ ਅਤੇ ਨਵਾਂ ਕਲੀਨ ਅੱਪ ਟੂਲ ਅਣਚਾਹੇ ਫੋਟੋਆਂ ਨੂੰ ਹਟਾਉਣ ਵਿੱਚ ਮਦਦ ਕਰੇਗਾ। ਇਸ ਦਾ ਇਮੇਜ ਪਲੇਗ੍ਰਾਊਂਡ ਐਪ ਉਪਭੋਗਤਾਵਾਂ ਨੂੰ ਮਜ਼ੇਦਾਰ ਅਤੇ ਯੁਨੀਕ ਤਸਵੀਰਾਂ ਤਿਆਰ ਕਰਨ ਵਿੱਚ ਮਦਦ ਕਰੇਗਾ। ਇਹ ਤੁਹਾਨੂੰ ਵੱਖ-ਵੱਖ ਥੀਮ ਅਤੇ ਸ਼ੈਲੀਆਂ ਵਿੱਚ ਫੋਟੋਆਂ ਬਣਾਉਣ ਵਿੱਚ ਵੀ ਮਦਦ ਕਰੇਗਾ।
ਇੱਕ ਹੋਰ ਉਪਲਬਧ ਫੀਚਰ ਜੇਨਮੋਜੀ ਹੈ, ਜੋ ਉਪਭੋਗਤਾਵਾਂ ਨੂੰ ਕਸਟਮ ਇਮੋਜੀ ਬਣਾਉਣ ਵਿੱਚ ਮਦਦ ਕਰੇਗੀ। ਇਸ ਦੇ ਲਈ ਤੁਹਾਨੂੰ ਸਿਰਫ਼ ਸਰਲ ਭਾਸ਼ਾ ਵਿੱਚ ਡਿਸਕ੍ਰਿਪਸ਼ਨ ਦੇਣੀ ਪਵੇਗੀ ਕਿ ਤੁਸੀਂ ਕਿਸ ਤਰ੍ਹਾਂ ਦਾ ਇਮੋਜੀ ਚਾਹੁੰਦੇ ਹੋ। Siri ਵੀ ਹੁਣ ਜ਼ਿਆਦਾ ਬੁੱਧੀਮਾਨ ਹੋ ਗਈ ਹੈ। ਹੁਣ Siri ਤੁਹਾਡੀ ਕੁਦਰਤੀ ਗੱਲਬਾਤ ਦੇ ਲਹਿਜੇ ਨੂੰ ਸਮਝ ਸਕਦੀ ਹੈ। ਇਸ ਤੋਂ ਇਲਾਵਾ, ਵਿਜ਼ੂਅਲ ਇੰਟੈਲੀਜੈਂਸ ਵੀ ਪ੍ਰਦਾਨ ਕੀਤੀ ਜਾ ਰਹੀ ਹੈ ਜੋ ਚੀਜ਼ਾਂ ਦੀ ਪਛਾਣ ਕਰਨ ਵਿੱਚ ਮਦਦ ਕਰੇਗੀ। ਇਹ ਟੈਕਸਟ ਦਾ ਅਨੁਵਾਦ ਕਰਨ ਤੋਂ ਲੈ ਕੇ ਕੈਲੰਡਰ ਬਣਾਉਣ ਤੱਕ ਦੇ ਕੰਮਾਂ ਵਿੱਚ ਮਦਦ ਕਰੇਗਾ।
ਘਰ ਬੈਠੇ ਅੰਗਰੇਜ਼ੀ ਸਿੱਖਣ ਦੇ 8 Tips
ਕਿਹੜੇ ਹੈਂਡਸੈੱਟਾਂ ਨੂੰ iOS 18.4 ਅਪਡੇਟ ਮਿਲ ਰਹੀ ਹੈ
iPhone 16 ਸੀਰੀਜ਼
iPhone 15 ਸੀਰੀਜ਼
iPhone 14 ਸੀਰੀਜ਼
iPhone 13 ਸੀਰੀਜ਼
iPhone 12 ਸੀਰੀਜ਼
iPhone 11 ਸੀਰੀਜ਼
iPhone ਐਕਸਐਸ, ਐਕਸਐਸ ਮੈਕਸ, ਐਕਸਆਰ
iPhone ਐਸਈ (2nd ਅਤੇ 3rd Gen)
