Tech Knowledge: ਕਈ ਵਾਰ ਅਜਿਹੀ ਸਥਿਤੀ ਹੁੰਦੀ ਹੈ ਜਦੋਂ ਤੁਸੀਂ ਕਿਸੇ ਜ਼ਰੂਰੀ ਕੰਮ ਵਿੱਚ ਰੁੱਝੇ ਹੁੰਦੇ ਹੋ ਤੇ ਕਿਸੇ ਵਿਸ਼ੇਸ਼ ਦੀ ਕਾਲ ਅਟੈਂਡ ਨਹੀਂ ਕਰਨਾ ਚਾਹੁੰਦੇ ਹੋ, ਪਰ ਇਹ ਦਿਖਾਉਣਾ ਚਾਹੁੰਦੇ ਹੋ ਕਿ ਕਾਲ ਨੂੰ ਬਲਾਕ ਕੀਤੇ ਬਿਨਾਂ ਤੁਹਾਡਾ ਫ਼ੋਨ ਸਵਿੱਚ ਆਫ਼ ਹੈ। ਇਸ ਦੇ ਲਈ ਇਕ ਟ੍ਰਿਕ ਹੈ, ਜਿਸ ਨਾਲ ਤੁਹਾਡਾ ਫੋਨ ਆਨ ਹੋਣ ‘ਤੇ ਵੀ ਸਵਿੱਚ ਆਫ ਹੋਇਆ ਦਿਖਾਈ ਦੇਵੇਗਾ।
ਆਓ ਜਾਣਦੇ ਹਾਂ ਇਸ ਟ੍ਰਿਕ ਬਾਰੇ। ਇਹ ਦਿਖਾਉਣ ਲਈ ਕਿ ਫ਼ੋਨ ਬੰਦ ਹੈ, ਤੁਹਾਨੂੰ ਕੁਝ ਆਸਾਨ ਕਦਮਾਂ ਦੀ ਪਾਲਣਾ ਕਰਨੀ ਪਵੇਗੀ, ਆਪਣੇ ਫ਼ੋਨ ਦੇ ਕਾਲ ਸੈਕਸ਼ਨ ‘ਤੇ ਜਾਓ ਅਤੇ ਉੱਥੇ “ਸਪਲੀਮੈਂਟਰੀ ਸਰਵਿਸ” ਦਾ ਵਿਕਲਪ ਦੇਖੋ। ਇਹ ਸੰਭਵ ਹੈ ਕਿ ਇਹ ਨਾਮ ਵੱਖ-ਵੱਖ ਫੋਨਾਂ ਵਿੱਚ ਥੋੜ੍ਹਾ ਵੱਖਰਾ ਹੋਵੇ, ਪਰ ਇਹ ਆਸਾਨੀ ਨਾਲ ਮਿਲ ਸਕਦਾ ਹੈ।
ਕਾਲ ਵੇਟਿੰਗ ਵਿਕਲਪ ਨੂੰ ਡਿਸੇਬਲ ਕਰੋ: ਸਪਲੀਮੈਂਟਰੀ ਸੇਵਾ ‘ਤੇ ਜਾਣ ਤੋਂ ਬਾਅਦ, “ਕਾਲ ਵੇਟਿੰਗ” ਵਿਕਲਪ ਦਿਖਾਈ ਦੇਵੇਗਾ। ਇਹ ਵਿਕਲਪ ਪਹਿਲਾਂ ਹੀ ਕਈ ਸਮਾਰਟਫ਼ੋਨਾਂ ਵਿੱਚ ਅਨੇਬਲ ਹੁੰਦਾ ਹੈ। ਤੁਹਾਨੂੰ ਇਸ ਨੂੰ ਡਿਸੇਬਲ ਕਰਨਾ ਪਵੇਗਾ।
ਕਾਲ ਫਾਰਵਰਡਿੰਗ ਸੈਟ ਅਪ ਕਰੋ: ਇਸ ਤੋਂ ਬਾਅਦ “ਕਾਲ ਫਾਰਵਰਡਿੰਗ” ਦੇ ਵਿਕਲਪ ‘ਤੇ ਜਾਓ। ਇੱਥੇ ਤੁਹਾਨੂੰ ਵਾਇਸ ਕਾਲ ਅਤੇ ਵੀਡੀਓ ਕਾਲ ਦਾ ਵਿਕਲਪ ਮਿਲੇਗਾ। ਵੌਇਸ ਕਾਲਾਂ ‘ਤੇ ਕਲਿੱਕ ਕਰੋ।
ਫਾਰਵਰਡ ਵੇਨ ਬਿਜ਼ੀ ਵਿਕਲਪ ਦੀ ਵਰਤੋਂ ਕਰੋ: ਇਸ ਤੋਂ ਬਾਅਦ “ਫੋਰਡ ਵੇਨ ਬਿਜ਼ੀ” ਵਿਕਲਪ ‘ਤੇ ਕਲਿੱਕ ਕਰੋ। ਹੁਣ ਉਹ ਨੰਬਰ ਦਰਜ ਕਰੋ ਜਿਸ ਨੂੰ ਤੁਸੀਂ ਬੰਦ ਦਿਖਾਉਣਾ ਚਾਹੁੰਦੇ ਹੋ। ਧਿਆਨ ਰੱਖੋ, ਇੱਥੇ ਉਹ ਨੰਬਰ ਵਰਤੋ ਜੋ ਹਮੇਸ਼ਾ ਬੰਦ ਹੁੰਦਾ ਹੈ। Enable ਵਿਕਲਪ ‘ਤੇ ਕਲਿੱਕ ਕਰੋ ਅਤੇ ਸੈਟਿੰਗਸ ਨੂੰ ਸੇਵ ਕਰੋ। ਹੁਣ ਜਦੋਂ ਵੀ ਕੋਈ ਕਾਲ ਕਰੇਗਾ, ਤਾਂ ਤੁਹਾਡਾ ਫ਼ੋਨ ਚਾਲੂ ਹੋਣ ਦੇ ਬਾਵਜੂਦ ਬੰਦ ਦਿਖਾਈ ਦੇਵੇਗਾ।
ਜੇਕਰ ਤੁਸੀਂ ਚਾਹੁੰਦੇ ਹੋ ਕਿ ਕਾਲ ਆਉਣ ‘ਤੇ ਕਾਲਰ ਦਾ ਨਾਮ ਬੋਲਿਆ ਜਾਵੇ, ਤਾਂ ਇਸ ਦੇ ਲਈ “ਟਰੂ ਕਾਲਰ” ਐਪ ਦੀ ਵਰਤੋਂ ਕਰੋ। ਜੇਕਰ ਇਹ ਤੁਹਾਡੇ ਫ਼ੋਨ ‘ਤੇ ਇੰਸਟਾਲ ਨਹੀਂ ਹੈ, ਤਾਂ ਇਸ ਨੂੰ ਐਪ ਸਟੋਰ ਤੋਂ ਡਾਊਨਲੋਡ ਕਰੋ। ਟਰੂ ਕਾਲਰ ਐਪ ਖੋਲ੍ਹੋ, ਤਿੰਨ ਬਿੰਦੀਆਂ ‘ਤੇ ਕਲਿੱਕ ਕਰੋ ਅਤੇ “ਸੈਟਿੰਗਜ਼” ‘ਤੇ ਜਾਓ। ਇਸ ਤੋਂ ਬਾਅਦ “ਕਾਲਜ਼” ਦੇ ਵਿਕਲਪ ‘ਤੇ ਕਲਿੱਕ ਕਰੋ।
ਇੱਥੇ ਤੁਹਾਨੂੰ “ਆਨਾਊਂਸ ਮਾਈ ਕਾਲ” ਦਾ ਵਿਕਲਪ ਮਿਲੇਗਾ, ਇਸ ਨੂੰ ਅਨੇਬਲ ਕਰੋ। ਹੁਣ ਜਦੋਂ ਵੀ ਕੋਈ ਕਾਲ ਕਰੇਗੀ, ਟਰੂ ਕਾਲਰ ਐਪ ਕਾਲ ਕਰਨ ਵਾਲੇ ਦਾ ਨਾਮ ਵੀ ਬੋਲੇਗੀ। ਵੈਸੇ ਤੁਸੀਂ ਚਾਹੋ ਤਾਂ ਇਹ ਫੀਚਰ ਬੀਨਾਂ ਟਰੂ ਕਾਲਰ ਐਪ ਦੇ ਵੀ ਵਰਤ ਸਕਦੇ ਹੋ ਕਿਉਂਕਿ ਜ਼ਿਆਦਾਤਰ ਐਂਡਰਾਇਡ ਫੋਨਾਂ ਵਿੱਚ ਇਹ ਫੀਚਰ ਪਹਿਲਾਂ ਤੋਂ ਮੌਜੂਦ ਹੁੰਦਾ ਹੈ।
