ਆਪਣੀ ਮਿਹਨਤ ਨਾਲ ਕਰੋੜਪਤੀ ਬਣੇ ਮੁਹੰਮਦ ਸਿਰਾਜ, ਜਾਣੋ ਕ੍ਰਿਕਟ ਤੇ Endorsement ਤੋਂ ਕਰਦੇ ਹਨ ਕਿੰਨੀ ਕਮਾਈ

ਮੁਹੰਮਦ ਸਿਰਾਜ ਭਾਰਤੀ ਕ੍ਰਿਕਟ ਟੀਮ ਦੇ ਗੇਂਦਬਾਜ਼ੀ ਵਿਭਾਗ ਦਾ ਇੱਕ ਮਹੱਤਵਪੂਰਨ ਮੈਂਬਰ ਹੈ। ਉਨ੍ਹਾਂ ਨੇ ਭਾਰਤ ਨੂੰ ਟੀ-20 ਵਿਸ਼ਵ ਕੱਪ ਦਿਵਾਉਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ ਸੀ। ਵਿਸ਼ਵ ਕੱਪ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਬਾਅਦ ਉਨ੍ਹਾਂ ਨੂੰ ਤੇਲੰਗਾਨਾ ਪੁਲਿਸ ਵਿੱਚ ਡੀਐਸਪੀ ਬਣਾਇਆ ਗਿਆ। ਸਿਰਾਜ ਦੀ ਕੁੱਲ ਜਾਇਦਾਦ ਲਗਾਤਾਰ ਵਧ ਰਹੀ ਹੈ। ਸਿਰਾਜ ਦੀ ਕੁੱਲ ਜਾਇਦਾਦ ਲਗਭਗ 55 ਕਰੋੜ ਰੁਪਏ ਹੈ। ਕ੍ਰਿਕਟ ਤੋਂ ਇਲਾਵਾ, ਉਹ ਇਸ਼ਤਿਹਾਰਾਂ ਤੋਂ ਵੀ ਬਹੁਤ ਕਮਾਈ ਕਰਦੇ ਹਨ। ਮੁਹੰਮਦ ਸਿਰਾਜ ਦਾ ਬਚਪਨ ਮੁਸ਼ਕਲਾਂ ਨਾਲ ਭਰਿਆ ਹੋਇਆ ਸੀ। ਉਨ੍ਹਾਂ ਦੇ ਪਿਤਾ ਇੱਕ ਆਟੋ ਚਾਲਕ ਸਨ। ਸਿਰਾਜ ਦੇ ਪਿਤਾ ਨੇ ਸਿਰਾਜ ਨੂੰ ਵਿਸ਼ਵ ਪੱਧਰੀ ਕ੍ਰਿਕਟਰ ਬਣਾਉਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ ਹੈ। 30 ਸਾਲਾ ਸਿਰਾਜ ਨੇ ਟੀਮ ਇੰਡੀਆ ਵਿੱਚ ਮੁੱਖ ਸਟ੍ਰਾਈਕ ਗੇਂਦਬਾਜ਼ ਵਜੋਂ ਆਪਣੇ ਆਪ ਨੂੰ ਸਥਾਪਿਤ ਕੀਤਾ ਹੈ।

ਵੈੱਬਸਾਈਟ caknowledge.com ਦੇ ਅਨੁਸਾਰ, 2024 ਵਿੱਚ ਮੁਹੰਮਦ ਸਿਰਾਜ ਦੀ ਕੁੱਲ ਜਾਇਦਾਦ $7 ਮਿਲੀਅਨ ਸੀ। ਭਾਵ ਇਹ ਭਾਰਤੀ ਕਰੰਸੀ ਵਿੱਚ ਲਗਭਗ 55 ਕਰੋੜ ਰੁਪਏ ਹੈ। 13 ਮਾਰਚ 1994 ਨੂੰ ਹੈਦਰਾਬਾਦ ਵਿੱਚ ਜਨਮੇ ਸਿਰਾਜ ਦੀ ਮਾਸਿਕ ਆਮਦਨ 60 ਲੱਖ ਤੋਂ ਵੱਧ ਹੈ ਜਦੋਂ ਕਿ ਉਨ੍ਹਾਂ ਦੀ ਸਾਲਾਨਾ ਆਮਦਨ ਲਗਭਗ 8 ਕਰੋੜ ਹੈ। ਸਿਰਾਜ ਦੇ ਪਿਤਾ ਦਾ ਦੇਹਾਂਤ ਹੋ ਗਿਆ ਹੈ। ਉਨ੍ਹਾਂ ਦੀ ਮਾਂ ਪਹਿਲਾਂ ਦੂਜੇ ਲੋਕਾਂ ਦੇ ਘਰਾਂ ਵਿੱਚ ਕੰਮ ਕਰਦੀ ਸੀ। ਬਹੁਤ ਘੱਟ ਸਮੇਂ ਵਿੱਚ ਸਿਰਾਜ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ਦੀ ਦੁਨੀਆ ਵਿੱਚ ਆਪਣੀ ਪਛਾਣ ਬਣਾਈ। ਉਹ ਜਲਦੀ ਹੀ ਉਸ ਸਥਿਤੀ ‘ਤੇ ਪਹੁੰਚ ਗਏ ਜਿੱਥੇ ਪਹੁੰਚਣ ਲਈ ਹੋਰਾਂ ਨੂੰ ਕਈ ਸਾਲ ਲੱਗ ਜਾਂਦੇ ਹਨ।

ਮੁਹੰਮਦ ਸਿਰਾਜ ਆਈਪੀਐਲ ਤੋਂ ਕਮਾ ਰਹੇ ਹਨ ਕਰੋੜਾਂ 
ਮੁਹੰਮਦ ਸਿਰਾਜ ਨੂੰ ਆਈਪੀਐਲ ਵਿੱਚ ਆਪਣਾ ਪਹਿਲਾ ਕਾਂਟ੍ਰੈਕਟ 2017 ਵਿੱਚ ਮਿਲਿਆ ਸੀ। ਫਿਰ ਸਨਰਾਈਜ਼ਰਜ਼ ਹੈਦਰਾਬਾਦ ਨੇ ਉਨ੍ਹਾਂ ਨੂੰ ਆਪਣੀ ਟੀਮ ਵਿੱਚ ਸ਼ਾਮਲ ਕੀਤਾ ਸੀ। ਵਰਤਮਾਨ ਵਿੱਚ ਉਹ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਟੀਮ ਦਾ ਹਿੱਸਾ ਹਨ, ਜਿੱਥੇ ਆਰਸੀਬੀ ਉਨ੍ਹਾਂ ਨੂੰ ਪ੍ਰਤੀ ਸਾਲ 7 ਕਰੋੜ ਰੁਪਏ ਦੇ ਰਿਹਾ ਹੈ। ਸਿਰਾਜ 2018 ਤੋਂ ਆਰਸੀਬੀ ਟੀਮ ਨਾਲ ਹਨ। ਸਿਰਾਜ ਨੂੰ ਆਰਸੀਬੀ ਨੇ 2019, 2020 ਅਤੇ 2022 ਵਿੱਚ ਬਰਕਰਾਰ ਰੱਖਿਆ ਸੀ। ਵੈੱਬਸਾਈਟ ਦੇ ਅਨੁਸਾਰ ਸਿਰਾਜ ਦੀ ਕੁੱਲ ਜਾਇਦਾਦ 2019 ਵਿੱਚ 30 ਲੱਖ ਸੀ, ਜੋ 2020 ਵਿੱਚ ਵੱਧ ਕੇ 3.5 ਮਿਲੀਅਨ ਹੋ ਗਈ। 2021 ਵਿੱਚ, ਸਿਰਾਜ ਦੀ ਕੁੱਲ ਜਾਇਦਾਦ 4 ਮਿਲੀਅਨ ਹੋ ਗਈ। ਸਾਲ 2022 ਵਿੱਚ, ਸਿਰਾਜ 5 ਮਿਲੀਅਨ ਦੇ ਮਾਲਕ ਬਣੇ। ਸਾਲ 2023 ਵਿੱਚ ਸਿਰਾਜ ਦੀ ਕੁੱਲ ਜਾਇਦਾਦ 6 ਮਿਲੀਅਨ ਤੱਕ ਪਹੁੰਚ ਗਈ। ਇਸ ਵੇਲੇ, ਸਿਰਾਜ ਦੀ ਕੁੱਲ ਜਾਇਦਾਦ ਲਗਭਗ ਸੱਤਰ ਮਿਲੀਅਨ ਹੈ।

BCCI ਤੋਂ ਮਿਲਦੀ ਹੈ 3 ਕਰੋੜ ਦੀ ਤਨਖਾਹ
ਮੁਹੰਮਦ ਸਿਰਾਜ ਨੂੰ ਬੀਸੀਸੀਆਈ ਦੇ ਕੇਂਦਰੀ ਇਕਰਾਰਨਾਮੇ ਦੀ ਗ੍ਰੇਡ ਬੀ ਸ਼੍ਰੇਣੀ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਇਸ ਸ਼੍ਰੇਣੀ ਵਿੱਚ ਸ਼ਾਮਲ ਖਿਡਾਰੀਆਂ ਨੂੰ ਭਾਰਤੀ ਬੋਰਡ ਤੋਂ ਸਾਲਾਨਾ 3 ਕਰੋੜ ਰੁਪਏ ਮਿਲਦੇ ਹਨ। ਇਸ ਤੋਂ ਇਲਾਵਾ, ਉਨ੍ਹਾਂ ਨੂੰ ਹਰ ਟੈਸਟ ਮੈਚ ਲਈ 15 ਲੱਖ ਰੁਪਏ, ODI ਲਈ 6 ਲੱਖ ਰੁਪਏ ਅਤੇ ਟੀ-20 ਮੈਚ ਲਈ 3 ਲੱਖ ਰੁਪਏ ਦੀ ਫੀਸ ਮਿਲਦੀ ਹੈ। ਸਿਰਾਜ ਇਸ ਸਮੇਂ ਇਸ਼ਤਿਹਾਰਾਂ ਤੋਂ ਬਹੁਤ ਕਮਾਈ ਕਰ ਰਹੇ ਹਨ। ਉਹ ਗੇਮਜ਼ 24X7 ਦੇ ਫੈਂਟਸੀ ਕ੍ਰਿਕਟ ਪਲੇਟਫਾਰਮ MY11 ਸਰਕਲ ਦੇ ਬ੍ਰਾਂਡ ਅੰਬੈਸਡਰ ਹਨ। ਉਨ੍ਹਾਂ ਕੋਲ BMW 5 ਸੀਰੀਜ਼ ਸੇਡਾਨ, ਮਰਸੀਡੀਜ਼ ਬੈਂਜ਼, ਮਹਿੰਦਰਾ ਥਾਰ ਅਤੇ ਟੋਇਟਾ ਕੋਰੋਲਾ ਸਮੇਤ ਕਈ ਲਗਜ਼ਰੀ ਕਾਰਾਂ ਹਨ। 2021 ਵਿੱਚ ਬ੍ਰਿਸਬੇਨ ਟੈਸਟ ਵਿੱਚ ਸਿਰਾਜ ਦੇ ਮੈਚ ਜੇਤੂ ਪ੍ਰਦਰਸ਼ਨ ਤੋਂ ਖੁਸ਼ ਹੋ ਕੇ, ਉਦਯੋਗਪਤੀ ਆਨੰਦ ਮਹਿੰਦਰਾ ਨੇ ਉਨ੍ਹਾਂ ਨੂੰ ਮਹਿੰਦਰਾ ਥਾਰ ਤੋਹਫ਼ੇ ਵਜੋਂ ਦਿੱਤੀ ਸੀ। ਸਿਰਾਜ ਨੇ ਸਾਲ 2021 ਵਿੱਚ ਇੱਕ BMW ਕਾਰ ਖਰੀਦੀ ਸੀ। ਸਿਰਾਜ ਦਿਨੋ-ਦਿਨ ਆਪਣੀ ਖੇਡ ਵਿੱਚ ਸੁਧਾਰ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਮੁਹੰਮਦ ਸਿਰਾਜ ਦੀ ਕਮਾਈ ਵੀ ਲਗਾਤਾਰ ਵਧ ਰਹੀ ਹੈ।