WhatsApp ਦੁਨੀਆ ਦਾ ਸਭ ਤੋਂ ਵੱਧ ਵਰਤਿਆ ਜਾਣ ਵਾਲਾ ਇੰਸਟੈਂਟ ਮੈਸੇਜਿੰਗ ਐਪ ਹੈ। ਇਸ ਐਪ ਦੇ ਦੁਨੀਆ ਭਰ ਵਿੱਚ 295 ਕਰੋੜ ਤੋਂ ਵੱਧ ਰੋਜ਼ਾਨਾ ਐਕਟਿਵ ਯੂਜਰਸ ਹਨ। ਵਟਸਐਪ ਨੂੰ ਸਭ ਤੋਂ ਸੁਰੱਖਿਅਤ ਮੈਸੇਜਿੰਗ ਐਪ ਮੰਨਿਆ ਜਾਂਦਾ ਹੈ। ਇਸਦਾ ਮੁੱਖ ਕਾਰਨ ਇਸ ਵਿੱਚ ਐਂਡ-ਟੂ-ਐਂਡ ਇਨਕ੍ਰਿਪਸ਼ਨ ਦੀ ਮੌਜੂਦਗੀ ਹੈ। ਇਸਦੀ ਪ੍ਰਾਈਵੇਸੀ ਫੀਚਰ ਯੂਜਰਸ ਦੇ ਨਿੱਜੀ ਚੈਟਾਂ ਨੂੰ ਲੀਕ ਹੋਣ ਤੋਂ ਬਚਾਉਂਦੀ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਵਟਸਐਪ ‘ਤੇ ਕੀਤੀਆਂ ਗਈਆਂ ਚੈਟਾਂ ਤੱਕ ਸਿਰਫ਼ ਭੇਜਣ ਵਾਲੇ ਅਤੇ ਪ੍ਰਾਪਤ ਕਰਨ ਵਾਲੇ ਦੀ ਹੀ ਪਹੁੰਚ ਹੁੰਦੀ ਹੈ। ਮੈਟਾ ਦੇ ਸੀਈਓ ਮਾਰਕ ਜ਼ੁਕਰਬਰਗ ਨੇ ਵਟਸਐਪ ਪ੍ਰਾਈਵੇਸੀ ਸੰਬੰਧੀ ਇੱਕ ਬਿਆਨ ਜਾਰੀ ਕੀਤਾ ਹੈ। ਇਸ ਤੋਂ ਬਾਅਦ ਦੁਨੀਆ ਭਰ ਦੇ ਕਰੋੜਾਂ ਯੂਜ਼ਰਸ ਪਰੇਸ਼ਾਨ ਹੋ ਗਏ ਹਨ।
ਦਰਅਸਲ, ਮਾਰਕ ਜ਼ੁਕਰਬਰਗ ਨੇ 11 ਜਨਵਰੀ, 2025 ਨੂੰ ਇੱਕ ਬਿਆਨ ਵਿੱਚ ਕਿਹਾ ਹੈ ਕਿ CIA ਯਾਨੀ ਕਿ ਕੇਂਦਰੀ ਖੁਫੀਆ ਏਜੰਸੀ ਵਰਗੇ ਅਮਰੀਕੀ ਅਧਿਕਾਰੀ ਵਟਸਐਪ ਮੈਸੇਜ ਚੈਟ ਪੜ੍ਹ ਸਕਦੇ ਹਨ ਜੇਕਰ ਉਹ ਉਪਭੋਗਤਾ ਦੇ ਡਿਵਾਈਸ ਤੱਕ ਫਿਜੀਕਲ ਤੌਰ ‘ਤੇ ਪਹੁੰਚ ਕਰਦੇ ਹਨ। ਉਨ੍ਹਾਂ ਨੇ ਆਪਣੇ ਬਿਆਨ ਵਿੱਚ ਕਿਹਾ ਕਿ ਵਟਸਐਪ ਦਾ ਐਂਡ-ਟੂ-ਐਂਡ ਇਨਕ੍ਰਿਪਸ਼ਨ ਯੂਜਰਸ ਦੀ ਨਿੱਜਤਾ ਦਾ ਪੂਰਾ ਧਿਆਨ ਰੱਖਦਾ ਹੈ। ਹਾਲਾਂਕਿ, ਜੇਕਰ ਕਿਸੇ ਏਜੰਸੀ ਕੋਲ ਉਪਭੋਗਤਾ ਦੇ ਡਿਵਾਈਸ ਤੱਕ ਪਹੁੰਚ ਹੈ, ਤਾਂ ਉਸ ਰਾਹੀਂ ਕੀਤੀਆਂ ਗਈਆਂ ਚੈਟਾਂ ਤੱਕ ਪਹੁੰਚ ਕੀਤੀ ਜਾ ਸਕਦੀ ਹੈ।
ਇਹ ਮੁੱਦਾ ਪੋਡਕਾਸਟ ਦ ਜੋ ਰੋਗਨ ਐਕਸਪੀਰੀਅੰਸ (The Joe Rogan Experience) ਦੇ ਇੱਕ ਐਪੀਸੋਡ ਦੌਰਾਨ ਉੱਠਿਆ, ਜਦੋਂ ਜ਼ੁਕਰਬਰਗ ਤੋਂ ਗੋਪਨੀਯਤਾ ਬਾਰੇ ਸਵਾਲ ਪੁੱਛੇ ਗਏ। ਇਹ ਚਰਚਾ ਉਦੋਂ ਸ਼ੁਰੂ ਹੋਈ ਜਦੋਂ ਪੱਤਰਕਾਰ ਟਕਰ ਕਾਰਲਸਨ ਨੇ ਅਮਰੀਕੀ ਖੁਫੀਆ ਏਜੰਸੀਆਂ, ਖਾਸ ਕਰਕੇ NSA ਅਤੇ CIA ‘ਤੇ ਰੂਸੀ ਰਾਸ਼ਟਰਪਤੀ ਪੁਤਿਨ ਨਾਲ ਉਸਦੇ ਨਿੱਜੀ ਸੰਦੇਸ਼ਾਂ ਨੂੰ ਰੋਕਣ ਦਾ ਦੋਸ਼ ਲਗਾਇਆ। ਇਹ ਸੁਨੇਹੇ ਪੁਤਿਨ ਨਾਲ ਇੱਕ ਇੰਟਰਵਿਊ ਨਾਲ ਸਬੰਧਤ ਸਨ, ਜਿਸਨੂੰ ਕਥਿਤ ਤੌਰ ‘ਤੇ ਇਨ੍ਹਾਂ ਏਜੰਸੀਆਂ ਨੇ ਰੋਕਿਆ ਸੀ।
ਜ਼ੁਕਰਬਰਗ ਨੇ ਇਹ ਵੀ ਕਿਹਾ ਕਿ ਜੇਕਰ ਕਿਸੇ ਡਿਵਾਈਸ ਵਿੱਚ ਪੈਗਾਸਸ ਵਰਗੇ ਸਪਾਈਵੇਅਰ ਇੰਸਟਾਲ ਹੋਣ, ਤਾਂ ਏਜੰਸੀਆਂ ਉਸਦੇ ਕੰਟੈਂਟ ਤੱਕ ਪਹੁੰਚ ਕਰ ਸਕਦੀਆਂ ਹਨ, ਜਿਸ ਵਿੱਚ ਵਟਸਐਪ ਚੈਟ ਵੀ ਸ਼ਾਮਲ ਹੈ। ਹਾਲਾਂਕਿ, ਇਨ੍ਹਾਂ ਖਤਰਿਆਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, WhatsApp ਨੇ ਹਾਲ ਹੀ ਵਿੱਚ ਕਈ ਡਿਸਅਪੀਰਿੰਗ ਮੈਸੇਜ ਫੀਚਰ ਪੇਸ਼ ਕੀਤੇ ਹਨ। ਇਨ੍ਹਾਂ ਵਿੱਚ ਡਿਸਅਪੀਰਿੰਗ ਮੈਸੇਜ ਫੀਚਲ ਵੀ ਸ਼ਾਮਲ ਹੈ, ਜੋ ਇੱਕ ਨਿਸ਼ਚਿਤ ਸਮੇਂ ਤੋਂ ਬਾਅਦ ਡਿਵਾਈਸ ਤੋਂ ਚੈਟਾਂ ਨੂੰ ਆਪਣੇ ਆਪ ਡਿਲੀਟ ਕਰ ਦਿੰਦੀ ਹੈ। ਇਹ ਫੀਚਰਸ ਉਪਭੋਗਤਾਵਾਂ ਦੀ ਪ੍ਰਾਈਵੇਸੀ ਨੂੰ ਹੋਰ ਮਜ਼ਬੂਤ ਕਰਦੀ ਹੈ।
