Redmi Note 13 5G ‘ਤੇ ਮਿਲ ਰਿਹਾ 4100 ਰੁਪਏ ਦਾ ਡਿਸਕਾਊਂਟ, ਜਾਣੋ ਕੀ ਹੈ ਪੂਰਾ ਆਫਰ – News18 ਪੰਜਾਬੀ
ਜੇ ਤੁਹਾਡਾ ਬਜਟ ਘੱਟ ਹੈ ਤੇ ਤੁਸੀਂ ਇੱਕ ਦਮਦਾਰ ਤੇ ਟਿਕਾਊ ਫ਼ੋਨ ਖਰੀਦਣਾ ਚਾਹੁੰਦੇ ਹੋ ਤਾਂ ਇਹ ਖ਼ਬਰ ਤੁਹਾਡੇ ਲਈ ਹੈ। ਦਰਅਸਲ ਦੇਸ਼ ਵਿੱਚ ਤਿਉਹਾਰੀ ਸੀਜ਼ਨ ਚੱਲ ਰਿਹਾ ਹੈ ਤੇ ਇਸ ਕਰਕੇ ਕਈ ਈ-ਕਾਮਰਸ ਕੰਪਨੀਆਂ ਨੇ ਆਫਰਸ ਤੇ ਸੇਲ ਸ਼ੁਰੂ ਕਰ ਦਿੱਤੀ ਹੈ।
ਰੈੱਡਮੀ ਬਰਾਂਡ ਨੂੰ ਬਜਟ ਸੈਗਮੈਂਟ ‘ਚ ਸਭ ਤੋਂ ਜ਼ਿਆਦਾ ਪਸੰਦ ਕੀਤਾ ਜਾਂਦਾ ਹੈ ਤੇ ਇਸ ਦਾ 108 ਮੈਗਾਪਿਕਸਲ ਕੈਮਰੇ ਵਾਲਾ ਸਮਾਰਟਫੋਨ ਬਹੁਤ ਸਸਤੇ ਵਿੱਚ ਵੇਚਿਆ ਜਾ ਰਿਹਾ ਹੈ। ਜੇਕਰ ਤੁਸੀਂ ਇੱਕ ਚੰਗੇ ਕੈਮਰੇ ਵਾਲੇ ਫ਼ੋਨ ਦੀ ਖੋਜ ਕਰ ਰਹੇ ਹੋ, ਤਾਂ Redmi Note 13 5G ਤੁਹਾਡੇ ਲਈ ਹੈ। ਇਹ ਫ਼ੋਨ ਫ਼ਿਲਹਾਲ ਫਲਿੱਪਕਾਰਟ ਬਿਗ ਸ਼ਾਪਿੰਗ ਉਤਸਵ ਸੇਲ (Flipkart Big Shopping Utsav 2024 Sale) ਵਿੱਚ 15,000 ਰੁਪਏ ਤੋਂ ਘੱਟ ਵਿੱਚ ਉਪਲਬਧ ਹੈ।
ਇਹ ਫ਼ੋਨ ਫਲਿੱਪਕਾਰਟ (Flipkart) ‘ਤੇ 4100 ਰੁਪਏ ਦੀ ਛੋਟ ‘ਤੇ ਵੇਚਿਆ ਜਾ ਰਿਹਾ ਹੈ। ਆਓ ਜਾਣਦੇ ਹਾਂ ਕਿ ਇਸ ਉੱਤੇ ਤੁਹਾਨੂੰ ਕੀ ਆਫ਼ਰ ਮਿਲੇਗਾ…
ਇਹ ਫੋਨ ਫਲਿੱਪਕਾਰਟ ਬਿਗ ਸ਼ਾਪਿੰਗ ਉਤਸਵ ਸੇਲ (Flipkart Big Shopping Utsav 2024 Sale) ‘ਚ 4100 ਰੁਪਏ ਦੀ ਛੋਟ ‘ਤੇ ਵੇਚਿਆ ਜਾ ਰਿਹਾ ਹੈ। Redmi Note 13 5G ਦਾ 6GB ਰੈਮ ਵੇਰੀਐਂਟ 18,999 ਰੁਪਏ ਵਿੱਚ ਲਾਂਚ ਕੀਤਾ ਗਿਆ ਹੈ। ਪਰ ਫਿਲਹਾਲ ਇਹ ਫੋਨ ਫਲਿੱਪਕਾਰਟ ‘ਤੇ ਡਿਸਕਾਊਂਟ ਤੋਂ ਬਾਅਦ 14,899 ਰੁਪਏ ‘ਚ ਵੇਚਿਆ ਜਾ ਰਿਹਾ ਹੈ। ਜੇਕਰ ਤੁਹਾਡੇ ਕੋਲ ਫਲਿੱਪਕਾਰਟ ਐਕਸਿਸ ਬੈਂਕ ਕ੍ਰੈਡਿਟ ਕਾਰਡ ਹੈ ਤਾਂ ਤੁਹਾਨੂੰ 5% ਕੈਸ਼ਬੈਕ ਵੀ ਮਿਲੇਗਾ।
Redmi Note 13 5G ਦੇ ਫੀਚਰਸ ਦੀ ਗੱਲ ਕਰੀਏ ਤਾਂ ਇਸ Redmi ਫੋਨ ਵਿੱਚ 6.67 ਇੰਚ ਦੀ ਫੁੱਲ HD+ AMOLED ਡਿਸਪਲੇਅ ਹੈ, ਫੋਨ ਦਾ ਰੈਜ਼ੋਲਿਊਸ਼ਨ 1080×2400 ਪਿਕਸਲ ਹੈ। ਨੋਟ 13 5G ਵਿੱਚ 6nm MediaTek Dimensity 6080 ਪ੍ਰੋਸੈਸਰ ਹੈ।
ਇਸ ਫੋਨ ਦੀ ਡਿਸਪਲੇ ਕਾਰਨਿੰਗ ਗੋਰਿਲਾ ਗਲਾਸ ਵਿਕਟਸ ਨਾਲ ਆਉਂਦੀ ਹੈ। ਫੋਨ ‘ਚ ਸਾਈਡ ਮਾਊਂਟਡ ਫਿੰਗਰਪ੍ਰਿੰਟ ਸੈਂਸਰ ਹੈ। Redmi Note 13 5G ਦੇ ਕੈਮਰੇ ਦੀ ਗੱਲ ਕਰੀਏ ਤਾਂ ਇਸ ‘ਚ 108MP ਪ੍ਰਾਇਮਰੀ ਕੈਮਰਾ ਅਤੇ 2MP ਡੈਪਥ ਸੈਂਸਰ ਹੈ, ਜਦੋਂ ਕਿ ਫੋਨ ਦੇ ਫਰੰਟ ‘ਤੇ 16MP ਸੈਲਫੀ ਕੈਮਰਾ ਦਿੱਤਾ ਗਿਆ ਹੈ। Redmi Note 13 5G ਵਿੱਚ 5,000mAh ਦੀ ਬੈਟਰੀ ਹੋਵੇਗੀ ਜੋ 33W ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ।
