Budget ਨਾਲ ਜੁੜੇ 5 ਸ਼ਬਦਾਂ ਦਾ ਮਤਲਬ, ਜਿੰਨ੍ਹਾਂ ਨੂੰ ਜਾਣਨ ਤੋਂ ਬਾਅਦ ਬਜਟ ਨੂੰ ਸਮਝਣਾ ਹੋ ਜਾਵੇਗਾ ਆਸਾਨ…
ਬਜਟ ਸੈਸ਼ਨ: ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ 1 ਫਰਵਰੀ, 2025 ਯਾਨੀ ਸ਼ਨੀਵਾਰ ਨੂੰ ਆਮ ਬਜਟ ਪੇਸ਼ ਕਰਨਗੇ। ਸਾਰਿਆਂ ਦੀਆਂ ਨਜ਼ਰਾਂ 2025 ਦੇ ਬਜਟ ‘ਤੇ ਟਿਕੀਆਂ ਹੋਈਆਂ ਹਨ। ਬਜਟ ਵਿੱਚ ਸਰਕਾਰ ਦੀ ਆਮਦਨ ਅਤੇ ਖਰਚ ਦੇ ਵੇਰਵੇ ਹੁੰਦੇ ਹਨ। ਬਜਟ ਵਿੱਚ ਕੁਝ ਅਜਿਹੇ ਸ਼ਬਦ ਵਰਤੇ ਜਾਂਦੇ ਹਨ ਜੋ ਆਮ ਲੋਕਾਂ ਨੂੰ ਸਮਝ ਨਹੀਂ ਆਉਂਦੇ। ਨਿਰਮਲਾ ਸੀਤਾਰਮਨ ਦੇ ਭਾਸ਼ਣ ਨੂੰ ਸਮਝਣ ਲਈ, ਤੁਹਾਨੂੰ ਇਨ੍ਹਾਂ 5 ਸ਼ਬਦਾਂ ਦੇ ਅਰਥ ਸਮਝਣਾ ਜ਼ਰੂਰੀ ਹੈ…
ਵਿੱਤੀ ਸਾਲ ਜਾਂ Financial Year…
ਵਿੱਤੀ ਸਾਲ ਉਹ ਸਾਲ ਹੁੰਦਾ ਹੈ ਜੋ ਵਿੱਤੀ ਮਾਮਲਿਆਂ ਵਿੱਚ ਲੇਖਾ-ਜੋਖਾ ਕਰਨ ਦਾ ਆਧਾਰ ਹੁੰਦਾ ਹੈ। ਇਹ ਸਰਕਾਰਾਂ ਦੁਆਰਾ ਲੇਖਾਕਾਰੀ ਅਤੇ ਬਜਟ ਦੇ ਉਦੇਸ਼ਾਂ ਲਈ ਵੀ ਵਰਤਿਆ ਜਾਣ ਵਾਲਾ ਸਮਾਂ ਹੈ।
ਡੈਇਰੈਕਟ ਟੈਕਸ (Direct Tax)
Direct Tax ਉਹ ਹੁੰਦੇ ਹਨ ਜੋ ਨਾਗਰਿਕ ਸਿੱਧੇ ਤੌਰ ‘ਤੇ ਸਰਕਾਰ ਨੂੰ ਅਦਾ ਕਰਦੇ ਹਨ। ਇਹ ਟੈਕਸ ਤੁਹਾਡੀ ਆਮਦਨ ‘ਤੇ ਲਗਾਇਆ ਜਾਂਦਾ ਹੈ ਅਤੇ ਇਸ ਨੂੰ ਕਿਸੇ ਹੋਰ ਨੂੰ ਟ੍ਰਾਂਸਫਰ ਨਹੀਂ ਕੀਤਾ ਜਾ ਸਕਦਾ। ਆਮਦਨ ਕਰ, ਜਾਇਦਾਦ ਕਰ ਅਤੇ ਕਾਰਪੋਰੇਟ ਟੈਕਸ ਆਦਿ Direct Tax ਦੇ ਅਧੀਨ ਆਉਂਦੇ ਹਨ।
Indirect Tax
ਅਸਿੱਧੇ ਟੈਕਸ (Indirect Tax) ਉਹ ਹੁੰਦੇ ਹਨ ਜੋ ਕਿਸੇ ਵੀ ਵਿਅਕਤੀ ਨੂੰ ਟ੍ਰਾਂਸਫਰ ਕੀਤੇ ਜਾ ਸਕਦੇ ਹਨ ਜਿਵੇਂ ਕਿ ਸਰਵਿਸ ਪ੍ਰੋਵਾਈਡਰ, ਗੁਡਸ ਐਂਡ ਸਰਵਿਸਿਜ਼ ‘ਤੇ ਲਗਾਏ ਗਏ ਟੈਕਸ। ਐਕਸਾਈਜ਼ ਡਿਊਟੀ, ਕਸਟਮ ਡਿਊਟੀ, ਸਰਵਿਸ ਟੈਕਸ, ਜੀਐਸਟੀ ਆਦਿ ਅਸਿੱਧੇ ਟੈਕਸਾਂ ਦੇ ਅਧੀਨ ਆਉਂਦੇ ਹਨ।
ਵਿੱਤੀ ਘਾਟਾ ਜਾਂ Fiscal Deficit
Fiscal Deficit ਦਾ ਅਰਥ ਹੈ ਕੇਂਦਰ ਸਰਕਾਰ ਦੀ ਆਮਦਨ ਅਤੇ ਖਰਚ ਵਿਚਲਾ ਅੰਤਰ। ਵਿੱਤੀ ਘਾਟਾ ਦੇਸ਼ ਦੀ ਆਰਥਿਕ ਸਥਿਤੀ ਦੀ ਤਸਵੀਰ ਦਰਸਾਉਂਦਾ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਭਾਰਤ ਅਗਲੇ ਵਿੱਤੀ ਸਾਲ ਲਈ ਵਿੱਤੀ ਘਾਟੇ ਦਾ ਟੀਚਾ ਜੀਡੀਪੀ ਦੇ 6.3 ਪ੍ਰਤੀਸ਼ਤ ਤੋਂ 6.5 ਪ੍ਰਤੀਸ਼ਤ ਤੱਕ ਰੱਖ ਸਕਦਾ ਹੈ।
ਜੀਡੀਪੀ (GDP)
ਕੁੱਲ ਘਰੇਲੂ ਉਤਪਾਦ (GDP) ਇੱਕ ਦਿੱਤੇ ਗਏ ਸਾਲ ਵਿੱਚ ਕਿਸੇ ਦੇਸ਼ ਵਿੱਚ ਪੈਦਾ ਹੋਏ ਸਾਰੇ ਸਾਮਾਨ ਅਤੇ ਸੇਵਾਵਾਂ ਦੀ ਕੁੱਲ ਵੈਲਿਊ ਹੁੰਦੀ ਹੈ।
