ਟੈੱਕ ਕੰਪਨੀ ਸੈਮਸੰਗ ਨੇ Galaxy ਅਨਪੈਕਡ ਈਵੈਂਟ ਦੀ ਤਰੀਕ ਦਾ ਅਧਿਕਾਰਤ ਐਲਾਨ ਕਰ ਦਿੱਤਾ ਹੈ। ਕੰਪਨੀ ਇਸ ਈਵੈਂਟ ‘ਚ Galaxy S25 ਸੀਰੀਜ਼ ਨੂੰ ਲਾਂਚ ਕਰੇਗੀ। ਸੈਮਸੰਗ ਨੇ ਕਿਹਾ ਹੈ ਕਿ ਈਵੈਂਟ ‘ਚ ਨਵੇਂ Galaxy ਏਆਈ ਫੀਚਰ ਦੇਖਣ ਨੂੰ ਮਿਲਣਗੇ, ਜੋ ਲੋਕਾਂ ਦੇ ਦੁਨੀਆ ਨਾਲ ਗੱਲਬਾਤ ਕਰਨ ਦੇ ਤਰੀਕੇ ਨੂੰ ਬਦਲ ਦੇਣਗੇ। ਇਹ ਸਮਾਗਮ 22 ਜਨਵਰੀ ਨੂੰ ਭਾਰਤੀ ਸਮੇਂ ਅਨੁਸਾਰ ਰਾਤ 11:30 ਵਜੇ ਸ਼ੁਰੂ ਹੋਵੇਗਾ। ਇਸ ਨੂੰ ਸੈਮਸੰਗ ਦੀ ਵੈੱਬਸਾਈਟ ਅਤੇ ਕੰਪਨੀ ਦੇ ਯੂਟਿਊਬ ਚੈਨਲ ‘ਤੇ ਦੇਖਿਆ ਜਾ ਸਕਦਾ ਹੈ।
ਅਨਪੈਕਡ ਈਵੈਂਟ ਦੀ ਤਰੀਕ ਦਾ ਐਲਾਨ ਕਰਨ ਦੇ ਨਾਲ, ਸੈਮਸੰਗ ਨੇ ਭਾਰਤ ਵਿੱਚ Galaxy S25 ਸੀਰੀਜ਼ ਲਈ ਪ੍ਰੀ-ਰਿਜ਼ਰਵੇਸ਼ਨ ਵੀ ਸ਼ੁਰੂ ਕਰ ਦਿੱਤੀ ਹੈ। ਕੰਪਨੀ ਨੇ ਕਿਹਾ ਕਿ ਗਾਹਕ ਨਵੇਂ Galaxy ਫੋਨ ਲਈ 1,999 ਰੁਪਏ ਦਾ ਭੁਗਤਾਨ ਕਰਕੇ ਪ੍ਰੀ-ਰਿਜ਼ਰਵੇਸ਼ਨ ਕਰ ਸਕਦੇ ਹਨ। ਇਸ ‘ਤੇ ਉਨ੍ਹਾਂ ਨੂੰ 5,000 ਰੁਪਏ ਤੱਕ ਦਾ ਲਾਭ ਮਿਲੇਗਾ।
ਪ੍ਰੀ-ਬੁਕਿੰਗ 22 ਜਨਵਰੀ ਤੱਕ ਕੀਤੀ ਜਾ ਸਕਦੀ ਹੈ। ਅਜਿਹੀਆਂ ਅਟਕਲਾਂ ਹਨ ਕਿ ਕੰਪਨੀ 24 ਜਨਵਰੀ ਤੋਂ Galaxy S25 ਸੀਰੀਜ਼ ਲਈ ਪ੍ਰੀ-ਆਰਡਰ ਸ਼ੁਰੂ ਕਰੇਗੀ ਅਤੇ ਨਵੇਂ ਡਿਵਾਈਸਾਂ ਦੀ ਵਿਕਰੀ 4 ਫਰਵਰੀ ਤੋਂ ਸ਼ੁਰੂ ਹੋਵੇਗੀ।
ਕੰਪਨੀ ਇਸ ਈਵੈਂਟ ‘ਚ Samsung Galaxy S25, Samsung Galaxy S25+ ਅਤੇ Samsung Galaxy Ultra ਨੂੰ ਲਾਂਚ ਕਰੇਗੀ। ਇਸ ਸੀਰੀਜ਼ ਦਾ ਸਲਿਮ ਵੇਰੀਐਂਟ, S25 ਸਲਿਮ, ਇਸ ਸਾਲ ਦੇ ਅੰਤ ‘ਚ ਲਾਂਚ ਕੀਤਾ ਜਾ ਸਕਦਾ ਹੈ। ਇਨ੍ਹਾਂ ਸਮਾਰਟਫੋਨਸ ਤੋਂ ਇਲਾਵਾ ਸੈਮਸੰਗ ਈਵੈਂਟ ‘ਚ One UI 7 ਅਤੇ ਮੋਬਾਇਲ AI ਨਾਲ ਜੁੜੇ ਕੁਝ ਫੀਚਰਸ ਦੀ ਝਲਕ ਦਿਖਾ ਸਕਦਾ ਹੈ।
ਕੀ Pregnancy ਦੌਰਾਨ ਕੇਸਰ ਵਾਲਾ ਦੁੱਧ ਪੀਣਾ ਚਾਹੀਦਾ ਹੈ?
Galaxy S25 ਸੀਰੀਜ਼ ਵਿੱਚ ਕੀ ਨਵਾਂ ਦੇਖਣ ਨੂੰ ਮਿਲ ਸਕਦਾ ਹੈ: Galaxy S25 ਸੀਰੀਜ਼ ‘ਚ 12GB ਰੈਮ ਸਟੈਂਡਰਡ ਹੋਵੇਗੀ। ਇਸ ਸੀਰੀਜ਼ ਦੇ ਕਿਸੇ ਵੀ ਮਾਡਲ ‘ਚ ਮੌਜੂਦਾ S24 ਸੀਰੀਜ਼ ਵਾਂਗ 8GB ਰੈਮ ਨਹੀਂ ਹੋਵੇਗੀ। S25 Ultra ਨੂੰ 16GB RAM ਮਿਲਣ ਦੀ ਉਮੀਦ ਹੈ। ਕੰਪਨੀ ਨੇ AI ਫੀਚਰਸ ਨੂੰ ਇੰਟੀਗ੍ਰੇਟ ਕਰਨ ਲਈ ਰੈਮ ਨੂੰ ਵਧਾਇਆ ਹੈ। ਇਸ ਤੋਂ ਇਲਾਵਾ ਇਸ ਦੇ ਪ੍ਰੋਸੈਸਰ, ਕੈਮਰਾ ਅਤੇ ਹੋਰ ਸਪੈਸੀਫਿਕੇਸ਼ਨਸ ‘ਚ ਵੀ ਵੱਡੇ ਅਪਗ੍ਰੇਡ ਦੇਖਣ ਨੂੰ ਮਿਲਣਗੇ। ਕੀਮਤ ਦੀ ਗੱਲ ਕਰੀਏ ਤਾਂ S24 ਸੀਰੀਜ਼ ਦੇ ਮੁਕਾਬਲੇ ਨਵੀਂ ਲਾਈਨਅੱਪ ਦੇ ਫੋਨ 5,000-7,000 ਰੁਪਏ ਮਹਿੰਗੇ ਹੋ ਸਕਦੇ ਹਨ। Galaxy S25 ਦੀ ਕੀਮਤ ਲਗਭਗ 84,999 ਰੁਪਏ, Galaxy S25+ ਦੀ ਕੀਮਤ ਲਗਭਗ 1,04,999 ਰੁਪਏ ਅਤੇ S25 Ultra ਦੀ ਕੀਮਤ ਲਗਭਗ 1,34,999 ਰੁਪਏ ਹੋਣ ਦੀ ਉਮੀਦ ਹੈ। ਹਾਲਾਂਕਿ ਕੰਪਨੀ ਨੇ ਇਸ ਦੀ ਕੀਮਤ ਬਾਰੇ ਅਜੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਹੈ।
