Yuzvendra Chahal Viral Post: ਭਾਰਤੀ ਕ੍ਰਿਕਟ ਟੀਮ ਦੇ ਸਟਾਰ ਸਪਿਨਰ ਯੁਜਵੇਂਦਰ ਚਾਹਲ ਦੇ ਤਲਾਕ ਦੀ ਖਬਰ ਤੇਜ਼ੀ ਨਾਲ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਚਾਹਲ ਅਤੇ ਪਤਨੀ ਧਨਸ਼੍ਰੀ ਵਰਮਾ ਦਾ ਜਲਦੀ ਹੀ ਤਲਾਕ ਹੋ ਸਕਦਾ ਹੈ। ਦੋਵਾਂ ਨੇ ਇਕ ਦੂਜੇ ਨੂੰ ਇੰਸਟਾਗ੍ਰਾਮ ‘ਤੇ ਅਨਫਾਲੋ ਕਰ ਦਿੱਤਾ ਹੈ। ਇਸ ਤੋਂ ਇਲਾਵਾ ਇੰਸਟਾਗ੍ਰਾਮ ‘ਤੇ ਪਤਨੀ ਧਨਸ਼੍ਰੀ ਨਾਲ ਤਸਵੀਰਾਂ ਨੂੰ ਵੀ ਚਾਹਲ ਨੇ ਡਿਲੀਟ ਕਰ ਦਿੱਤਾ ਹੈ। ਹੁਣ ਤਲਾਕ ਦੀਆਂ ਖਬਰਾਂ ਵਿਚਕਾਰ ਚਾਹਲ ਨੇ ਇਕ ਰਹੱਸਮਈ ਪੋਸਟ ਸ਼ੇਅਰ ਕੀਤੀ ਹੈ, ਜੋ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।
ਚਾਹਲ ਨੇ ਇੰਸਟਾਗ੍ਰਾਮ ‘ਤੇ ਇਕ ਸਟੋਰੀ ਸ਼ੇਅਰ ਕੀਤੀ ਸੀ, ਜਿਸ ‘ਚ ਸਖਤ ਮਿਹਨਤ ਦੀ ਗੱਲ ਕੀਤੀ ਗਈ ਸੀ। ਚਾਹਲ ਨੇ ਲਿਖਿਆ, “ਮਿਹਨਤ ਲੋਕਾਂ ਦੇ ਚਰਿੱਤਰ ਨੂੰ ਉਜਾਗਰ ਕਰਦੀ ਹੈ। ਤੁਸੀਂ ਆਪਣੇ ਸਫਰ ਨੂੰ ਜਾਣਦੇ ਹੋ। ਤੁਸੀਂ ਆਪਣੇ ਦਰਦ ਨੂੰ ਜਾਣਦੇ ਹੋ। ਤੁਸੀਂ ਜਾਣਦੇ ਹੋ ਕਿ ਤੁਸੀਂ ਇੱਥੇ ਪਹੁੰਚਣ ਲਈ ਕੀ ਕੀਤਾ ਹੈ। ਦੁਨੀਆ ਜਾਣਦੀ ਹੈ। ਤੁਸੀਂ ਖੜ੍ਹੇ ਹੋ। ਤੁਸੀਂ ਆਪਣੇ ਮਾਤਾ-ਪਿਤਾ ਦਾ ਮਾਣ ਕਰਨ ਲਈ ਬਹੁਤ ਕੁਰਬਾਨੀਆਂ ਕੀਤੀਆਂ ਹਨ। ਹਮੇਸ਼ਾ ਇੱਕ ਮਾਣਮੱਤੇ ਪੁੱਤਰ ਵਾਂਗ ਖੜੇ ਰਹੋ।”
Dear men, here’s a life lesson for you from #YuzvendraChahal . Post this on your room wall. pic.twitter.com/8yBnHqPZ3o
— Yanika_Lit (@LogicLitLatte) January 4, 2025
ਚਾਹਲ ਅਤੇ ਧਨਸ਼੍ਰੀ ਦੇ ਤਲਾਕ ਦੀ ਪੁਸ਼ਟੀ?
ਇੰਸਟਾਗ੍ਰਾਮ ‘ਤੇ ਇਕ-ਦੂਜੇ ਨੂੰ ਅਨਫਾਲੋ ਕਰਨ ਤੋਂ ਬਾਅਦ ਚਾਹਲ ਅਤੇ ਧਨਸ਼੍ਰੀ ਵਰਮਾ ਦੇ ਤਲਾਕ ਦੀਆਂ ਖਬਰਾਂ ਨੇ ਕਾਫੀ ਸੁਰਖੀਆਂ ਬਟੋਰੀਆਂ। ਇਸ ਤੋਂ ਬਾਅਦ ‘ਟਾਈਮਜ਼ ਆਫ ਇੰਡੀਆ’ ਨਾਲ ਗੱਲਬਾਤ ਕਰਦੇ ਹੋਏ ਦੋਹਾਂ ਦੇ ਕਰੀਬੀ ਸੂਤਰ ਨੇ ਕਿਹਾ ਕਿ ਉਨ੍ਹਾਂ ਦਾ ਤਲਾਕ ਤੈਅ ਹੈ, ਬੱਸ ਇਸ ਨੂੰ ਅਧਿਕਾਰਤ ਕਰਨ ‘ਚ ਦੇਰੀ ਹੋ ਰਹੀ ਹੈ।
ਸੂਤਰ ਨੇ ਕਿਹਾ, “ਤਲਾਕ ਹੋ ਚੁੱਕਿਆ ਹੈ ਅਤੇ ਇਹ ਸਿਰਫ ਸਮੇਂ ਦੀ ਗੱਲ ਹੈ ਜਦੋਂ ਇਹ ਅਧਿਕਾਰਤ ਹੋ ਜਾਂਦਾ ਹੈ। ਉਨ੍ਹਾਂ ਦੇ ਵੱਖ ਹੋਣ ਦਾ ਅਸਲ ਕਾਰਨ ਅਜੇ ਸਾਹਮਣੇ ਨਹੀਂ ਆਇਆ ਹੈ, ਪਰ ਇਹ ਸਪੱਸ਼ਟ ਹੈ ਕਿ ਦੋਵਾਂ ਨੇ ਵੱਖ ਹੋਣ ਅਤੇ ਜ਼ਿੰਦਗੀ ਵਿੱਚ ਅੱਗੇ ਵਧਣ ਦਾ ਫੈਸਲਾ ਕੀਤਾ ਹੈ।”
2020 ਵਿੱਚ ਹੋਇਆ ਸੀ ਵਿਆਹ
ਦੱਸ ਦੇਈਏ ਕਿ ਯੁਜਵੇਂਦਰ ਚਾਹਲ ਅਤੇ ਧਨਸ਼੍ਰੀ ਵਰਮਾ ਦਾ ਵਿਆਹ ਦਸੰਬਰ 2020 ਵਿੱਚ ਹੋਇਆ ਸੀ। ਕੋਵਿਡ ਪੀਰੀਅਡ ਦੌਰਾਨ ਚਾਹਲ ਨੇ ਡਾਂਸ ਸਿੱਖਣ ਲਈ ਧਨਸ਼੍ਰੀ ਨਾਲ ਸੰਪਰਕ ਕੀਤਾ ਸੀ। ਡਾਂਸ ਸਿੱਖਣ ਦੌਰਾਨ ਦੋਵਾਂ ਵਿਚਾਲੇ ਦੋਸਤੀ ਹੋ ਗਈ, ਜੋ ਪਿਆਰ ‘ਚ ਬਦਲ ਗਈ। ਇਸ ਤੋਂ ਬਾਅਦ ਦੋਹਾਂ ਨੇ ਵਿਆਹ ਕਰਨ ਦਾ ਫੈਸਲਾ ਕੀਤਾ।
