ਆਈਫੋਨ (iPhone) ਕੰਪਨੀ ਐਪਲ (Apple) ਦੀ ਸਿਰੀ ‘ਤੇ ਜਾਸੂਸੀ ਦਾ ਦੋਸ਼ ਲੱਗਾ ਹੈ। ਉਹ ਇਸ ਮਾਮਲੇ ਵਿੱਚ ਮੁਕੱਦਮੇ ਦਾ ਸਾਹਮਣਾ ਕਰ ਰਿਹਾ ਹੈ। ਇਲਜ਼ਾਮਾਂ ਮੁਤਾਬਕ ਸਿਰੀ ਤੁਹਾਡੀ ਗੱਲਬਾਤ ਨੂੰ ਗੁਪਤ ਤਰੀਕੇ ਨਾਲ ਰਿਕਾਰਡ ਕਰਦਾ ਹੈ।
ਹਾਲਾਂਕਿ ਕੰਪਨੀ ਨੇ ਇਨ੍ਹਾਂ ਦੋਸ਼ਾਂ ਨੂੰ ਸਵੀਕਾਰ ਨਹੀਂ ਕੀਤਾ ਹੈ, ਪਰ ਨਿਊਜ਼ ਏਜੰਸੀ ਏਪੀ ਦੀ ਰਿਪੋਰਟ ਦੇ ਅਨੁਸਾਰ, ਉਹ ਇਸ ਕੇਸ ਦੇ ਨਿਪਟਾਰੇ ਲਈ 95 ਮਿਲੀਅਨ ਡਾਲਰ (ਕਰੀਬ 815 ਕਰੋੜ ਰੁਪਏ) ਦਾ ਭੁਗਤਾਨ ਕਰਨ ਲਈ ਰਾਜ਼ੀ ਹੋ ਗਈ ਹੈ। ਇਹ ਕੇਸ ਪਿਛਲੇ ਪੰਜ ਸਾਲਾਂ ਤੋਂ ਚੱਲ ਰਿਹਾ ਸੀ। ਇਸ ‘ਚ ਐਪਲ ‘ਤੇ ਦੋਸ਼ ਲਗਾਇਆ ਗਿਆ ਸੀ ਕਿ ਸਿਰੀ ਯੂਜ਼ਰਸ ਦੀ ਇਜਾਜ਼ਤ ਤੋਂ ਬਿਨਾਂ ਵੀ ਕੰਮ ਕਰਦੀ ਰਹਿੰਦੀ ਸੀ ਅਤੇ ਉਨ੍ਹਾਂ ਦੀ ਗੱਲਬਾਤ ਰਿਕਾਰਡ ਕਰਦੀ ਸੀ। ਸਿਰੀ ਨੇ ਅਜਿਹਾ ਉਦੋਂ ਵੀ ਕੀਤਾ ਜਦੋਂ ਯੂਜ਼ਰ ਨੇ ‘ਹੇ ਸਿਰੀ’ ਕਹਿ ਕੇ ਇਸ ਨੂੰ ਐਕਟੀਵੇਟ ਨਹੀਂ ਕੀਤਾ ਸੀ।
Apple ਦੇ ਪ੍ਰੋਡਕਟਸ ਦੀ Siri ਨੇ ਕੀਤੀ ਜਾਸੂਸੀ ?
ਮੁਕੱਦਮੇ ਅਨੁਸਾਰ, ਐਪਲ ਨੇ ਲਗਭਗ 10 ਸਾਲਾਂ ਤੱਕ ਆਈਫੋਨ, ਆਈਪੈਡ ਅਤੇ ਵੌਇਸ ਅਸਿਸਟੈਂਟ ਨਾਲ ਲੈਸ ਹੋਰ ਡਿਵਾਈਸਾਂ ‘ਤੇ ਸਿਰੀ ਦੇ ਜ਼ਰੀਏ ਲੋਕਾਂ ਦੀ ਗੱਲਬਾਤ ਨੂੰ ਗੁਪਤ ਰੂਪ ਨਾਲ ਰਿਕਾਰਡ ਕੀਤਾ। ਕੰਪਨੀ ਨੇ ਇਹਨਾਂ ਰਿਕਾਰਡਿੰਗਾਂ ਨੂੰ ਤੀਜੀ ਧਿਰ ਦੇ ਐਡਵਾਇਜਰਸ ਨਾਲ ਸਾਂਝਾ ਕੀਤਾ ਜਿਸ ਨਾਲ ਉਹ ਆਪਣੇ ਐਡ ਲਈ ਟਾਰਗੇਟ ਆਡੀਐਂਸ ਮਿਲ ਸਕਣ। ਇਹ ਯੂਜਰਸ ਦੇ ਨਿੱਜੀ ਡੇਟਾ ਦੀ ਪ੍ਰਾਈਵੇਸੀ ਅਤੇ ਸੁਰੱਖਿਤ ਰੱਖਣ ਦੇ ਐਪਲ ਦੇ ਦਾਅਵੇ ਦਾ ਖੰਡਨ ਕਰਦੀ ਹੈ ਅਤੇ ਇਹੀ ਇਸ ਮੁਕੱਦਮੇ ਦਾ ਅਧਾਰ ਵੀ ਬਣਿਆ।
ਮੁਆਵਜ਼ਾ ਕਿਸ ਨੂੰ ਮਿਲੇਗਾ?
ਐਪਲ ਨੇ ਸਿਰੀ ਦੀ ਜਾਸੂਸੀ ਨੂੰ ਸਵੀਕਾਰ ਨਹੀਂ ਕੀਤਾ ਹੈ, ਪਰ ਐਪਲ ਨੇ ਪੰਜ ਸਾਲਾਂ ਤੋਂ ਚੱਲ ਰਹੇ ਇਸ ਮੁਕੱਦਮੇ ਨੂੰ ਖਤਮ ਕਰਨ ਲਈ 9.5 ਕਰੋੜ ਡਾਲਰ ਦਾ ਭੁਗਤਾਨ ਕਰਨ ਲਈ ਰਾਜ਼ੀ ਹੋ ਗਈ ਹੈ। ਹੁਣ ਜੇਕਰ ਇਸ ਸਮਝੌਤੇ ਨੂੰ ਅਦਾਲਤ ਵੱਲੋਂ ਮਨਜ਼ੂਰੀ ਮਿਲ ਜਾਂਦੀ ਹੈ ਤਾਂ ਸਤੰਬਰ 2024 ਤੋਂ ਸਾਲ 2023 ਦੇ ਅੰਤ ਤੱਕ ਜਿਨ੍ਹਾਂ ਕੋਲ ਆਈਫੋਨ, ਆਈਪੈਡ ਆਦਿ ਸੀਰੀ ਨਾਲ ਲੈਸ ਸਨ, ਉਨ੍ਹਾਂ ਨੂੰ ਮੁਆਵਜ਼ਾ ਮਿਲ ਸਕਦਾ ਹੈ। ਜਿਹੜੇ ਲੋਕ ਮੁਆਵਜ਼ੇ ਲਈ ਯੋਗ ਹਨ, ਉਹ ਇਸ ਸਮੇਂ ਦੌਰਾਨ ਪ੍ਰਤੀ ਡਿਵਾਈਸ 20 ਡਾਲਰ (ਰੁਪਏ 1715.72) ਤੱਕ ਦਾ ਮੁਆਵਜ਼ਾ ਪ੍ਰਾਪਤ ਕਰ ਸਕਦੇ ਹਨ। ਹਾਲਾਂਕਿ, ਅੰਤਿਮ ਰਕਮ ਇਸ ਗੱਲ ‘ਤੇ ਨਿਰਭਰ ਕਰੇਗੀ ਕਿ ਕਿੰਨੇ ਦਾਅਵੇ ਪ੍ਰਾਪਤ ਹੋਏ ਹਨ।
ਇਹ ਸੈਟਲਮੈਂਟ 2014 ਤੋਂ ਹੁਣ ਤੱਕ ਐਪਲ ਦੇ 70.5 ਹਜ਼ਾਰ ਕਰੋੜ ਡਾਲਰ ਦੇ ਮੁਨਾਫੇ ਦੀ ਤੁਲਨਾ ਵਿੱਚ ਬਹੁਤ ਘੱਟ ਹੈ। ਕੰਪਨੀ ਨੇ ਆਪਣੀ ਗਲਤੀ ਤਾਂ ਨਹੀਂ ਮੰਨੀ ਪਰ ਮੁਆਵਜ਼ਾ ਦੇਣ ਲਈ ਰਾਜ਼ੀ ਹੋ ਗਈ ਕਿਉਂਕਿ ਜੇਕਰ ਇਹ ਮਾਮਲਾ ਅਦਾਲਤ ਵਿੱਚ ਜਾਂਦਾ ਹੈ ਤਾਂ ਇਹ ਲੰਮਾ ਸਮਾਂ ਲਟਕ ਸਕਦਾ ਹੈ ਅਤੇ ਖਰਚਾ ਵੀ ਬਹੁਤ ਜ਼ਿਆਦਾ ਹੋਵੇਗਾ। ਕਾਨੂੰਨੀ ਮਾਹਿਰਾਂ ਅਨੁਸਾਰ ਜੇਕਰ ਮਾਮਲਾ ਅਦਾਲਤ ਵਿੱਚ ਜਾਂਦਾ ਹੈ ਤਾਂ 150 ਕਰੋੜ ਡਾਲਰ ਤੱਕ ਦਾ ਜੁਰਮਾਨਾ ਹੋ ਸਕਦਾ ਹੈ। ਏਪੀ ਰਿਪੋਰਟ ਦੇ ਅਨੁਸਾਰ, ਇਸ ਮਾਮਲੇ ਵਿੱਚ ਉਪਭੋਗਤਾ ਦੀ ਨੁਮਾਇੰਦਗੀ ਕਰਨ ਵਾਲੇ ਵਕੀਲਾਂ ਨੂੰ 2.96 ਕਰੋੜ ਡਾਲਰ ਤੱਕ ਦੀ ਫੀਸ ਮਿਲ ਸਕਦੀ ਹੈ।
