BSNL ਨੇ ਆਪਣੇ ਉਪਭੋਗਤਾਵਾਂ ਨੂੰ ਕੀਤਾ ਖੁਸ਼! 3 ਰੁਪਏ ਪ੍ਰਤੀ ਦਿਨ ਤੋਂ ਘੱਟ ‘ਤੇ ਮਿਲੇਗੀ 300 ਦਿਨਾਂ ਦੀ ਵੈਧਤਾ, ਪੜ੍ਹੋ ਡਿਟੇਲ
ਦੇਸ਼ ਵਿੱਚ ਮੋਬਾਈਲ ਰਿਚਾਰਜ ਬਹੁਤ ਮਹਿੰਗੇ ਹੋ ਗਏ ਹਨ। ਬਹੁਤ ਸਾਰੇ ਉਪਭੋਗਤਾ ਸਸਤੇ ਪਲਾਨ ਲੱਭ ਰਹੇ ਹਨ ਅਤੇ ਦੂਸਰਿਆਂ ਕੰਪਨੀਆਂ ਵਿੱਚ ਪੋਰਟ ਕਰ ਰਹੇ ਹਨ। ਦੇਸ਼ ਦੀਆਂ ਲਗਭਗ ਸਾਰੀਆਂ ਕੰਪਨੀਆਂ ਨੇ ਆਪਣੇ ਰਿਚਾਰਜ ਮਹਿੰਗੇ ਕੀਤੇ ਹਨ ਪਰ BSNL ਨੇ ਗਾਹਕਾਂ ਨੂੰ ਖੁਸ਼ਖਬਰੀ ਦਿੱਤੀ ਹੈ। ਇਸ ਤੋਂ ਪਹਿਲਾਂ ਵੀ ਵੱਡੀ ਗਿਣਤੀ ਵਿੱਚ ਲੋਕਾਂ ਨੇ ਆਪਣੇ ਮੋਬਾਈਲ ਨੰਬਰਾਂ ਨੂੰ BSNL ‘ਤੇ ਪੋਰਟ ਕੀਤਾ ਹੈ।
BSNL ਆਪਣੇ ਗਾਹਕਾਂ ਨੂੰ ਸਸਤੇ ਪਲਾਨ ਦੇਣ ਲਈ ਜਾਣਿਆ ਜਾਂਦਾ ਹੈ ਅਤੇ ਜਦੋਂ ਤੋਂ ਇਸ ਵਿੱਚ Tata ਦੇ ਨਿਵੇਸ਼ ਦੀ ਗੱਲ ਆਈ ਹੈ, ਇਹ ਗਿਣਤੀ ਹੋਰ ਵਧੀ ਹੈ। ਜਲਦੀ ਹੀ ਆਉਣ ਵਾਲੇ ਦਿਨਾਂ ਵਿੱਚ BSNL 4G ਸੇਵਾਵਾਂ ਚਾਲੂ ਕਰਨ ਦੀ ਤਿਆਰੀ ਕਰ ਰਿਹਾ ਹੈ ਅਤੇ ਭਵਿੱਖ ਵਿੱਚ 5G ਸੇਵਾਵਾਂ ਦੀ ਵੀ ਗੱਲ ਚੱਲ ਰਹੀ ਹੈ। BSNL ਨੇ ਨਵੇਂ ਸਾਲ ਦੇ ਮੌਕੇ ‘ਤੇ ਕਰੋੜਾਂ ਮੋਬਾਈਲ ਉਪਭੋਗਤਾਵਾਂ ਨੂੰ ਵੱਡਾ ਤੋਹਫਾ ਦਿੱਤਾ ਹੈ। ਕੰਪਨੀ ਨੇ ਮੋਬਾਈਲ ਯੂਜ਼ਰਸ ਲਈ 277 ਰੁਪਏ ਦਾ ਨਵਾਂ ਪਲਾਨ ਪੇਸ਼ ਕੀਤਾ ਹੈ। ਕੰਪਨੀ ਇਸ ਰੀਚਾਰਜ ਪਲਾਨ ਦੇ ਤਹਿਤ ਯੂਜ਼ਰਸ ਨੂੰ 120GB ਮੁਫਤ ਡਾਟਾ ਦੇ ਰਹੀ ਹੈ, ਜੋ ਕਿ 16 ਜਨਵਰੀ 2025 ਤੱਕ ਵੈਧ ਹੈ।
ਸਰਕਾਰੀ ਟੈਲੀਕਾਮ ਕੰਪਨੀ ਕੋਲ 300 ਦਿਨਾਂ ਦੀ ਵੈਧਤਾ ਵਾਲਾ ਸਭ ਤੋਂ ਸਸਤਾ ਪਲਾਨ ਹੈ, ਜਿਸ ਵਿੱਚ ਯੂਜ਼ਰਸ ਨੂੰ ਅਨਲਿਮਟਿਡ ਕਾਲਿੰਗ (Unlimited Calling), ਡਾਟਾ (Data) ਆਦਿ ਦਾ ਲਾਭ ਮਿਲਦਾ ਹੈ। ਇਸ ਤੋਂ ਬਾਅਦ, BSNL ਦੇ 797 ਰੁਪਏ ਵਾਲੇ ਪਲਾਨ ਵਿੱਚ, ਉਪਭੋਗਤਾਵਾਂ ਨੂੰ 300 ਦਿਨਾਂ ਦੀ ਲੰਮੀ ਵੈਧਤਾ ਮਿਲਦੀ ਹੈ। ਇਸ ਪਲਾਨ ‘ਚ ਯੂਜ਼ਰਸ ਨੂੰ ਪ੍ਰਤੀ ਦਿਨ 3 ਰੁਪਏ ਤੋਂ ਘੱਟ ਖਰਚ ਕਰਨਾ ਹੋਵੇਗਾ।
ਇਸ ‘ਚ ਯੂਜ਼ਰਸ ਨੂੰ 60 ਦਿਨਾਂ ਲਈ ਪੂਰੇ ਭਾਰਤ ‘ਚ ਕਿਸੇ ਵੀ ਨੈੱਟਵਰਕ ‘ਤੇ ਅਨਲਿਮਟਿਡ ਕਾਲਿੰਗ (Unlimited Calling) ਅਤੇ ਮੁਫਤ ਰਾਸ਼ਟਰੀ ਰੋਮਿੰਗ (Free National Roaming)ਦਾ ਲਾਭ ਮਿਲਦਾ ਹੈ। ਨਾਲ ਹੀ, ਉਪਭੋਗਤਾਵਾਂ ਨੂੰ ਰੋਜ਼ਾਨਾ 100 ਮੁਫਤ SMS ਦਾ ਲਾਭ ਮਿਲਦਾ ਹੈ। 60 ਦਿਨਾਂ ਬਾਅਦ, ਇਸ ਪਲਾਨ ਵਿੱਚ ਉਪਭੋਗਤਾਵਾਂ ਨੂੰ ਉਨ੍ਹਾਂ ਦੇ ਨੰਬਰਾਂ ‘ਤੇ ਮੁਫਤ ਇਨਕਮਿੰਗ ਕਾਲ ਦਾ ਲਾਭ ਮਿਲੇਗਾ। ਹਾਲਾਂਕਿ, ਆਊਟਗੋਇੰਗ ਕਾਲਾਂ ਅਤੇ ਡੇਟਾ ਲਈ, ਉਪਭੋਗਤਾਵਾਂ ਨੂੰ ਇਸ ਪਲਾਨ ਨਾਲ ਟਾਪ-ਅੱਪ ਰੀਚਾਰਜ ਕਰਨਾ ਹੋਵੇਗਾ।
