Jio, Airtel ਤੋਂ ਵਧੀਆ 5G ਸੇਵਾ ਲਿਆਉਣ ਦੀ ਤਿਆਰੀ ਕਰ ਰਿਹੈ Vi, ਜਲਦ ਹੀ ਲਾਂਚ ਹੋਣਗੇ ਸਸਤੇ 5G ਰੀਚਾਰਜ ਪਲਾਨ

Vodafone-Idea ਯਾਨੀ Vi ਭਾਰਤ ਦੀ ਤੀਜੀ ਸਭ ਤੋਂ ਵੱਡੀ ਟੈਲੀਕਾਮ ਕੰਪਨੀ ਹੈ। ਜਦੋਂ ਕਿ ਜੀਓ ਅਤੇ ਏਅਰਟੈੱਲ ਭਾਰਤ ਦੀ ਪਹਿਲੀ ਅਤੇ ਦੂਜੀ ਸਭ ਤੋਂ ਵੱਡੀ ਟੈਲੀਕਾਮ ਕੰਪਨੀਆਂ ਹਨ। ਜੀਓ ਅਤੇ ਏਅਰਟੈੱਲ ਦੁਆਰਾ 5ਜੀ ਨੈੱਟਵਰਕ ਨੂੰ ਕਾਫੀ ਸਮਾਂ ਪਹਿਲਾਂ ਲਾਂਚ ਕੀਤਾ ਗਿਆ ਹੈ ਪਰ 5ਜੀ ਨੈੱਟਵਰਕ ਦੇ ਮਾਮਲੇ ‘ਚ ਵੀਆਈ ਕਾਫੀ ਪਛੜ ਗਿਆ ਹੈ। Vi ਨੇ ਅਜੇ ਤੱਕ ਆਪਣੇ ਯੂਜ਼ਰਸ ਲਈ 5G ਨੈੱਟਵਰਕ ਲਾਂਚ ਨਹੀਂ ਕੀਤਾ ਹੈ। ਹਾਲਾਂਕਿ, Vi ਦੁਆਰਾ ਮਾਰਚ 2025 ਤੱਕ 5G ਨੈੱਟਵਰਕ ਲਾਂਚ ਕੀਤਾ ਜਾਵੇਗਾ।

Vi ਸਸਤੇ 5G ਰੀਚਾਰਜ ਪਲਾਨ ਪੇਸ਼ ਕਰੇਗਾ
ਭਾਵੇਂ Vi ਦੁਆਰਾ 5G ਨੈੱਟਵਰਕ ਨੂੰ ਪੇਸ਼ ਕਰਨ ਵਿੱਚ ਦੇਰੀ ਹੋ ਰਹੀ ਹੈ, ਇਹ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ Vi Jio ਅਤੇ Airtel ਦੇ ਮੁਕਾਬਲੇ ਬਹੁਤ ਸਸਤੇ 5G ਰੀਚਾਰਜ ਪਲਾਨ ਪੇਸ਼ ਕਰਨ ਜਾ ਰਿਹਾ ਹੈ। ਇਹ Jio ਅਤੇ Airtel ਤੋਂ 15 ਫੀਸਦੀ ਘੱਟ ਹੋ ਸਕਦਾ ਹੈ। ਅਜਿਹੇ ‘ਚ Vi ਦੀ 5G ਸੇਵਾ ਦੇ ਆਉਣ ਨਾਲ Jio ਅਤੇ Airtel ਨੂੰ ਮਜ਼ਬੂਤ ​​ਮੁਕਾਬਲਾ ਮਿਲ ਸਕਦਾ ਹੈ।

ਤੁਹਾਨੂੰ ਦੱਸ ਦੇਈਏ ਕਿ Vi ਭਾਰਤ ਦੇ 75 ਸ਼ਹਿਰਾਂ ਵਿੱਚ ਆਪਣਾ 5G ਨੈੱਟਵਰਕ ਪੇਸ਼ ਕਰ ਸਕਦਾ ਹੈ। ਨਾਲ ਹੀ, Vi 17 ਸਰਕਲਾਂ ਵਿੱਚ 5G ਨੈੱਟਵਰਕ ਨੂੰ ਰੋਲ ਆਊਟ ਕਰੇਗਾ ਜਿੱਥੇ ਡਾਟਾ ਦੀ ਖਪਤ ਜ਼ਿਆਦਾ ਹੈ।

ਘਟਦੇ ਉਪਭੋਗਤਾਵਾਂ ਦੇ ਮੱਦੇਨਜ਼ਰ Vi ਨੈੱਟਵਰਕ ਵਿੱਚ ਸੁਧਾਰ
Vi ਦਾ ਦਾਅਵਾ ਹੈ ਕਿ ਇਹ ਸਭ ਤੋਂ ਵਧੀਆ 5G ਅਨੁਭਵ ਪ੍ਰਦਾਨ ਕਰੇਗਾ। Vi ਦੇਸ਼ ਭਰ ਵਿੱਚ 4G ਕਵਰੇਜ ਵਿੱਚ ਸੁਧਾਰ ਕਰ ਰਿਹਾ ਹੈ। ਇਸ ਦੇ ਨਾਲ ਹੀ 5ਜੀ ਨੈੱਟਵਰਕ ਨੂੰ ਵੀ ਰੋਲਆਊਟ ਕੀਤਾ ਜਾ ਰਿਹਾ ਹੈ। ਮਾਹਰਾਂ ਦੇ ਅਨੁਸਾਰ Vi ਨੂੰ 5G ਕੀਮਤ ਦੇ ਨਾਲ-ਨਾਲ ਸੇਵਾ ਦੀ ਗੁਣਵੱਤਾ ‘ਤੇ ਵੀ ਧਿਆਨ ਦੇਣਾ ਹੋਵੇਗਾ।