ਇੱਕ ਅਜਿਹਾ ਦੇਸ਼ ਜਿੱਥੇ ਇੱਕੋ ਸਮੇਂ ਹੁੰਦੇ ਹਨ ਦਿਨ-ਰਾਤ, ਸਵੇਰ ਤੇ ਰਾਤ ਦਾ ਖਾਣਾ ਇੱਕੋ ਸਮੇਂ ਖਾਂਦੇ ਹਨ ਲੋਕ…

ਦੁਨੀਆ ਵਿੱਚ ਇੱਕ ਅਜਿਹਾ ਦੇਸ਼ ਵੀ ਹੈ ਜਿੱਥੇ ਅੱਧੀ ਆਬਾਦੀ ਜਦੋਂ ਸਵੇਰ ਦਾ ਨਾਸ਼ਤਾ ਕਰ ਰਹੀ ਹੁੰਦੀ ਹੈ, ਤਾਂ ਉਸੇ ਸਮੇਂ ਅੱਧੀ ਆਬਾਦੀ ਰਾਤ ਦਾ ਖਾਣਾ ਖਾ ਰਹੀ ਹੁੰਦੀ ਹੈ। ਇਸ ਦਾ ਮਤਲਬ ਹੈ ਕਿ ਕਿਤੇ ਦਿਨ ਹੈ ਅਤੇ ਕਿਤੇ ਰਾਤ ਹੁੰਦੀ ਹੈ। ਤੁਹਾਨੂੰ ਇਹ ਸੁਣ ਕੇ ਹੈਰਾਨੀ ਹੋਵੇਗੀ ਪਰ ਰੂਸ ਅਜਿਹਾ ਦੇਸ਼ ਹੈ ਜਿੱਥੇ ਇੱਕੋ ਸਮੇਂ ਦਿਨ ਅਤੇ ਰਾਤ ਹੁੰਦੇ ਹਨ। ਇੰਨਾ ਹੀ ਨਹੀਂ ਰੂਸ ‘ਚ ਇਕ ਅਜਿਹਾ ਸ਼ਹਿਰ ਹੈ ਜਿੱਥੇ ਸੂਰਜ ਕਦੇ ਡੁੱਬਦਾ ਹੀ ਨਹੀਂ, ਜਿਸ ਕਾਰਨ ਇੱਥੇ ਦਿਨ ਅਤੇ ਰਾਤ ਬਰਾਬਰ ਹੋ ਜਾਂਦੇ ਹਨ।

ਰੂਸ ਵਿੱਚ ਹਨ 11 ਟਾਈਮ ਜ਼ੋਨ: ਜਦੋਂ ਧਰਤੀ ਆਪਣੇ ਚੱਕਰ ਵਿੱਚ ਘੁੰਮਦੀ ਹੈ ਤਾਂ ਕੁਝ ਹਿੱਸਿਆਂ ਵਿੱਚ ਦਿਨ ਅਤੇ ਕੁਝ ਹਿੱਸਿਆਂ ਵਿੱਚ ਰਾਤ ਹੁੰਦੀ ਹੈ। ਇਸ ਕਾਰਨ ਦੁਨੀਆ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਵੱਖ-ਵੱਖ ਟਾਈਮ ਜ਼ੋਨ ਹੁੰਦਾ ਹੈ। ਪਰ ਕੁਝ ਦੇਸ਼ ਇਸ ਮਾਮਲੇ ਵਿੱਚ ਬਹੁਤ ਵੱਖਰੇ ਹਨ। ਇਸ ਵਿਚ ਰੂਸ ਵੀ ਸ਼ਾਮਲ ਹੈ। ਰੂਸ ਵਿੱਚ 11 ਟਾਈਮ ਜ਼ੋਨ ਹਨ। ਇਸ ਕਰਕੇ, ਰੂਸ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਘੜੀਆਂ ਵੱਖੋ-ਵੱਖਰੇ ਸਮੇਂ ਦਿਖਾਉਂਦੀਆਂ ਹਨ। ਉਦਾਹਰਨ ਲਈ, ਜਦੋਂ ਰੂਸ ਦੇ ਪੂਰਬ ਵਿੱਚ ਦੁਪਹਿਰ ਦੇ 1 ਵਜਦੇ ਹਨ ਤਾਂ ਉਸੇ ਸਮੇਂ ਰੂਸ ਦੇ ਪੱਛਮ ਵਿੱਚ ਪਿਛਲੀ ਰਾਤ ਦੇ 12 ਵਜੇ ਹੁੰਦੇ ਹੈ। ਮਤਲਬ ਕਿ ਇਹ 12 ਘੰਟਿਆਂ ਦਾ ਫਰਕ ਹੈ। ਇਸ ਕਾਰਨ ਦੇਸ਼ ਦੇ ਇੱਕ ਹਿੱਸੇ ਵਿੱਚ ਜਦੋਂ ਲੋਕ ਨਾਸ਼ਤਾ ਕਰ ਰਹੇ ਹੁੰਦੇ ਹਨ ਉਸੇ ਸਮੇਂ ਦੇਸ਼ ਦੇ ਦੂਜੇ ਹਿੱਸੇ ਵਿੱਚ ਲੋਕ ਰਾਤ ਦਾ ਖਾਣਾ ਖਾ ਰਹੇ ਹੁੰਦੇ ਹਨ।

ਇਸ ਨੂੰ ‘Land of the Midnight Sun’ ਕਿਹਾ ਜਾਂਦਾ ਹੈ:
ਹਰ ਸਾਲ ਮਈ ਤੋਂ ਜੁਲਾਈ ਤੱਕ ਲਗਭਗ 75 ਦਿਨ ਹੁੰਦੇ ਹਨ ਜਦੋਂ ਰੂਸ ਵਿੱਚ ਦਿਨ ਅਤੇ ਰਾਤ ਇੱਕੋ ਸਮੇਂ ਹੁੰਦੀ ਹੈ। ਇਸ ਕਾਰਨ ਇਸ ਦੇਸ਼ ਨੂੰ ‘ਕੰਟਰੀ ਆਫ਼ ਮਿਡਨਾਈਟ ਸੂਰਜ’ ਵੀ ਕਿਹਾ ਜਾਂਦਾ ਹੈ। ਰੂਸ ਦੁਨੀਆ ਦਾ ਸਭ ਤੋਂ ਵੱਡਾ ਦੇਸ਼ ਹੈ ਅਤੇ ਇਸ ਦਾ ਖੇਤਰਫਲ 17,098,242 ਵਰਗ ਕਿਲੋਮੀਟਰ ਹੈ। ਤੁਸੀਂ ਇਸ ਗੱਲ ਤੋਂ ਅੰਦਾਜ਼ਾ ਲਗਾ ਸਕਦੇ ਹੋ ਕਿ ਰੂਸ ਕਿੰਨਾ ਵੱਡਾ ਹੈ ਕਿ ਇਸ ਦਾ ਖੇਤਰਫਲ ਭਾਰਤ ਤੋਂ 5 ਗੁਣਾ ਜ਼ਿਆਦਾ ਹੈ। ਜਦੋਂ ਭਾਰਤ ਵਿੱਚ ਹੀ ਏਨੀ ਵਿਭਿੰਨਤਾ ਹੈ ਤਾਂ ਰੂਸ ਵਿੱਚ ਕਿੰਨੀ ਹੋਵੇਗੀ, ਇਸ ਦਾ ਅੰਦਾਜ਼ਾ ਹੀ ਲਗਾਇਆ ਜਾ ਸਕਦਾ ਹੈ। ਇੰਨਾ ਹੀ ਨਹੀਂ, ਧਰਤੀ ਦੀ ਕੁਲ ਭੂਮੀ ਦਾ ਅੱਠਵਾਂ ਹਿੱਸਾ ਸਿਰਫ਼ ਰੂਸ ਦਾ ਹੈ ਅਤੇ ਬਾਕੀ ਦੇ ਸੱਤ ਹਿੱਸਿਆਂ ‘ਤੇ ਵਿਸ਼ਵ ਦੀ ਆਬਾਦੀ ਦਾ ਕਬਜ਼ਾ ਹੈ। ਰੂਸ ਯੂਰਪ ਦੇ ਪੂਰਬੀ ਤੀਜੇ ਹਿੱਸੇ ਅਤੇ ਪੂਰੇ ਉੱਤਰੀ ਏਸ਼ੀਆ ਨੂੰ ਕਵਰ ਕਰਦਾ ਹੈ। ਇਹ ਉੱਤਰੀ ਗੋਲਾਰਧ ਦੇ ਲਗਭਗ ਅੱਧੇ ਤੱਕ ਫੈਲਿਆ ਹੋਇਆ ਹੈ।