AP Dhillon ਨੇ ਦਿਲਜੀਤ ਦੋਸਾਂਝ ਦੀ ਟਿਕਟਾਂ ਦੀ ਵਿਕਰੀ ਦਾ ਕੀਤਾ ਪਰਦਾਫਾਸ਼, ਕਿਹਾ- ਇਹ ਸਭ ਮਾਰਕੀਟਿੰਗ ਸਟੰਟ…
ਪਿਛਲੇ ਕੁਝ ਸਮਾਂ ਤੋਂ ਗਾਇਕ ਏਪੀ ਢਿੱਲੋਂ ਆਪਣੇ ਕੰਸਰਟ ਦੇ ਨਾਲ-ਨਾਲ ਬਿਆਨਾਂ ਕਾਰਨ ਸੁਰਖੀਆਂ ਵਿੱਚ ਬਣੇ ਹੋਏ ਹਨ। ਪਹਿਲਾਂ ਉਨ੍ਹਾਂ ਨੇ ਦਿਲਜੀਤ ਦੋਸਾਂਝ ‘ਤੇ ਇੰਸਟਾਗ੍ਰਾਮ ਉੱਤੇ ਬੌਲਾਕ ਕਰਨ ਦੇ ਇਲਜ਼ਾਮ ਲਗਾਏ। ਹੁਣ ਏਪੀ ਢਿੱਲੋਂ ਦੇ ਇੱਕ ਹੋਰ ਬਿਆਨ ਨੇ ਸਭ ਦਾ ਧਿਆਨ ਆਪਣੇ ਵੱਲ ਖਿਚਿਆ ਹੈ। ਦਰਅਸਲ ਢਿੱਲੋਂ ਨੇ ਦੋਸਾਂਝ ਦੇ ਚੱਲ ਰਹੇ ਦਿਲ-ਲੁਮਿਨਾਟੀ ਟੂਰ ਦੀਆਂ ਟਿਕਟਾਂ ਸਮੇਤ ਕੰਸਰਟ ਦੀਆਂ ਟਿਕਟਾਂ ਸਕਿੰਟਾਂ ਵਿੱਚ ਵਿਕਣ ਦੀ ਘਟਨਾ ‘ਤੇ ਟਿੱਪਣੀ ਕੀਤੀ। ਹਾਲਾਂਕਿ ਢਿੱਲੋਂ ਨੇ ਦੋਸਾਂਝ ਦਾ ਜ਼ਿਕਰ ਨਹੀਂ ਕੀਤਾ, ਪਰ ਉਨ੍ਹਾਂ ਨੇ ਅਸਿੱਧੇ ਤੌਰ ‘ਤੇ ਗਾਇਕ ਦੀ ਮਾਰਕੀਟਿੰਗ ਸਟੰਟ ਪਰਦਾਫਾਸ਼ ਕੀਤਾ ਹੈ।
ਰਣਵੀਰ ਦੇ ਪੋਡਕਾਸਟ ਗਾਇਕ ਨੇ ਕੀਤਾ ਖੁਲਾਸਾ
ਦੱਸ ਦੇਈਏ ਕਿ ਏਪੀ ਢਿੱਲੋਂ ਹਾਲ ਹੀ ਦੇ ਵਿੱਚ ਰਣਵੀਰ ਇਲਾਹਾਬਾਦੀਆ ਦੇ ਪੋਡਕਾਸਟ ਵਿੱਚ ਨਜ਼ਰ ਆਏ। ਇਸ ਦੌਰਾਨ ਉਨ੍ਹਾਂ ਨੇ ਦੱਸਿਆ ਕਿ ਕਿਵੇਂ ਕਲਾਕਾਰ ਪ੍ਰਮੋਟਰਸ ਨੂੰ ਟਿਕਟਾਂ ਪਹਿਲਾਂ ਹੀ ਵੇਚਦੇ ਹਨ, ਜੋ ਜ਼ਰੂਰੀ ਤੌਰ ‘ਤੇ ਪ੍ਰਸ਼ੰਸਕਾਂ ਨੂੰ ਉਨ੍ਹਾਂ ਨੂੰ ਉੱਚੀਆਂ ਕੀਮਤਾਂ ‘ਤੇ ਖਰੀਦਣ ਲਈ ਮਜਬੂਰ ਕਰਦੇ ਹਨ। ਉਨ੍ਹਾਂ ਕਿਹਾ, ‘ਜੇ ਇਸ ਤਰ੍ਹਾਂ ਜਾਰੀ ਰਿਹਾ ਤਾਂ ਭਾਰਤ ‘ਚ ਸੰਕਟ ਆ ਜਾਵੇਗਾ। ਕਲਾਕਾਰ ਆਪਣੇ ਹੀ ਪ੍ਰਸ਼ੰਸਕਾਂ ਨਾਲ ਬੇਇਨਸਾਫੀ ਕਰ ਰਹੇ ਹਨ ਅਤੇ ਸ਼ੋਅ 15 ਸਕਿੰਟਾਂ ਵਿੱਚ ਹਾਊਸਫੁੱਲ ਹੋ ਜਾਂਦੇ ਹਨ। ਹਾਲਾਂਕਿ, ਅਜਿਹਾ ਕੁਝ ਵੀ ਨਹੀਂ ਹੈ।
ਇਹ ਸਭ ਮਾਰਕੀਟਿੰਗ ਦਾ ਤਰੀਕਾ- ਏਪੀ ਢਿੱਲੋਂ
ਏਪੀ ਢਿੱਲੋਂ ਨੇ ਅੱਗੇ ਕਿਹਾ, ‘ਇਹ ਸਭ ਮਾਰਕੀਟਿੰਗ ਦਾ ਤਰੀਕਾ ਹੈ। ਪ੍ਰਮੋਟਰਾਂ ਨੂੰ ਟਿਕਟਾਂ ਦਿਓ। ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਨੂੰ ਉਡੀਕ ਕਰਨੀ ਪੈਂਦੀ ਹੈ ਅਤੇ ਉੱਚੀਆਂ ਕੀਮਤਾਂ ‘ਤੇ ਟਿਕਟਾਂ ਖਰੀਦਣੀਆਂ ਪੈਂਦੀਆਂ ਹਨ। ਢਿੱਲੋਂ ਨੇ ਮੰਨਿਆ ਕਿ ਉਹ ਇਸੇ ਤਰ੍ਹਾਂ ਦੇ ਅਭਿਆਸਾਂ ਵਿੱਚ ਸ਼ਾਮਲ ਹੋਣ ਬਾਰੇ ਸੋਚਦਾ ਸੀ ਪਰ ਅੰਤ ਵਿੱਚ ਅਜਿਹਾ ਨਾ ਕਰਨ ਦਾ ਫੈਸਲਾ ਕੀਤਾ ਕਿਉਂਕਿ ਉਸਦੀ ਜ਼ਮੀਰ ਇਸ ਦੀ ਇਜਾਜ਼ਤ ਨਹੀਂ ਦਿੱਤੀ।
ਦੱਸ ਦੇਈਏ ਕਿ ਢਿੱਲੋਂ ਅਤੇ ਦੋਸਾਂਝ ਵਿਚਕਾਰ ਝਗੜਾ ਉਦੋਂ ਸ਼ੁਰੂ ਹੋਇਆ ਜਦੋਂ ਦੋਸਾਂਝ ਨੇ ਇੰਦੌਰ ਵਿੱਚ ਆਪਣੇ ਕੰਸਰਟ ਦੌਰਾਨ, ਢਿੱਲੋਂ ਅਤੇ ਕਰਨ ਔਜਲਾ ਨੂੰ ਭਾਰਤ ਵਿੱਚ ਪ੍ਰਦਰਸ਼ਨ ਕਰਨ ‘ਤੇ ਸ਼ੁਭਕਾਮਨਾਵਾਂ ਦਿੱਤੀਆਂ। ਏਪੀ ਢਿੱਲੋਂ ਨੇ ਫਿਰ ਦੋਸਾਂਝ ਨੂੰ ਚੰਡੀਗੜ੍ਹ ਕੰਸਰਟ ਦੌਰਾਨ ਵਧਾਈ ਦੇਣ ਤੋਂ ਪਹਿਲਾਂ ਉਸਨੂੰ ਇੰਸਟਾਗ੍ਰਾਮ ‘ਤੇ ਅਨਬਲੌਕ ਕਰਨ ਲਈ ਕਿਹਾ।
