Jeff Bezos ਦੀ ਸਾਬਕਾ ਪਤਨੀ ਨੇ ਦਿੱਤਾ ਅਰਬਾਂ ਦਾ ਦਾਨ, Elon Musk ਨੂੰ ਹੋ ਰਹੀ ਚਿੰਤਾ

Tesla ਅਤੇ ਸਪੇਸਐਕਸ ਦੇ ਸੀਈਓ ਅਤੇ ਹੁਣ ਅਮਰੀਕਾ ਦੇ ਨਵੇਂ ਚੁਣੇ ਗਏ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਵਿਸ਼ੇਸ਼ ਵਿਭਾਗ ਦੇ ਮੁਖੀ ਐਲੋਨ ਮਸਕ (Elon Musk) ਨੇ ਜੇਫ ਬੇਜੋਸ ਦੀ ਸਾਬਕਾ ਪਤਨੀ ਮੈਕੇਂਜੀ ਸਕਾਟ ਦੀ ਸਖ਼ਤ ਸ਼ਬਦਾਂ ਵਿੱਚ ਆਲੋਚਨਾ ਕੀਤੀ ਹੈ। ਮਸਕ (Elon Musk) ਨੇ ਚੈਰੀਟੇਬਲ ਕੰਮਾਂ ‘ਤੇ ਮੈਕੇਂਜੀ ਦੇ ਖਰਚੇ ਦੀ ਆਲੋਚਨਾ ਕੀਤੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਦੌਰਾਨ ਚਰਚਾ ਹੈ ਕਿ ਅਮੇਜ਼ਨ ਦੇ ਸੰਸਥਾਪਕ ਜੇਫ ਬੇਜੋਸ ਡੋਨਾਲਡ ਟਰੰਪ ਦੇ ਸਹੁੰ ਚੁੱਕ ਸਮਾਗਮ ਲਈ 1 ਬਿਲੀਅਨ ਡਾਲਰ ਦਾਨ ਕਰਨ ਜਾ ਰਹੇ ਹਨ।

ਪਰ ਮਸਕ (Elon Musk) ਨੇ ਮੈਕੇਂਜੀ ਸਕਾਟ ਦੀ 157,700 ਕਰੋੜ ਰੁਪਏ ਦੀ ‘ਚੈਰਿਟੀ’ ਨੂੰ ਚਿੰਤਾਜਨਕ ਕਰਾਰ ਦਿੱਤਾ ਹੈ। ਟਵਿੱਟਰ ‘ਤੇ ਇਕ ਪੋਸਟ ‘ਚ ਮਸਕ (Elon Musk) ਨੇ ਮੈਕੇਂਜੀ ਸਕਾਟ ਨੂੰ ਉਨ੍ਹਾਂ ਦੇ ਕੰਮ ਦੀ ਤਾਰੀਫ ਕਰਨ ਦੀ ਬਜਾਏ ਚਿੰਤਾਜਨਕ ਦੱਸਿਆ। ਮਸਕ (Elon Musk) ਨੇ ਲੇਖਕ ਅਤੇ ਸਾਬਕਾ ਬੈਂਕਰ ਜੌਨ ਲੇਫੇਵਰ ਦੀ ਇੱਕ ਪੋਸਟ ਨੂੰ ਰੀਪੋਸਟ ਕੀਤਾ, ਜਿਸ ਵਿੱਚ ਨਸਲੀ ਸਮਾਨਤਾ, ਸਮਾਜਿਕ ਨਿਆਂ, ਪ੍ਰਵਾਸੀ ਸੁਰੱਖਿਆ ਅਤੇ LGBTQ ਅਧਿਕਾਰਾਂ ਵਰਗੇ ਮੁੱਦਿਆਂ ‘ਤੇ ਕੰਮ ਕਰ ਰਹੇ NGO ਨੂੰ ਸਕੌਟ ਵੱਲੋਂ ਦਿੱਤੇ ਜਾਣ ਵਾਲੇ ਦਾਨ ਦਾ ਜ਼ਿਕਰ ਕੀਤਾ ਗਿਆ ਸੀ। ਬੇਜੋਸ ਟਰੰਪ ਨਾਲ ਆਪਣੀ ਨੇੜਤਾ ਸਥਾਪਤ ਕਰਨ ਲਈ ਵਪਾਰਕ ਰਣਨੀਤੀ ਵਜੋਂ ਇਹ ਦਾਨ ਦੇਣ ਜਾ ਰਹੇ ਹਨ। ਹਾਲਾਂਕਿ ਮਸਕ (Elon Musk) ਨੇ ਅਜੇ ਤੱਕ ਇਸ ‘ਤੇ ਕੋਈ ਟਿੱਪਣੀ ਨਹੀਂ ਕੀਤੀ ਹੈ।

ਆਓ ਜਾਣਦੇ ਹਾਂ ਮੈਕੇਂਜੀ ਸਕਾਟ ਬਾਰੇ: ਮੈਕੇਂਜੀ ਸਕਾਟ ਪਿਛਲੇ ਕੁਝ ਸਾਲਾਂ ਵਿੱਚ ਸਭ ਤੋਂ ਵੱਧ ਚੈਰਿਟੀ ਕਰਨ ਵਾਲੇ ਲੋਕਾਂ ਵਿੱਚੋਂ ਇੱਕ ਰਹੀ ਹੈ। 2019 ਤੋਂ ਲੈ ਕੇ, ਉਹ ਆਪਣੀ ਚੈਰਿਟੀ ਸੰਸਥਾ ਯੀਲਡ ਗਿਵਿੰਗ ਰਾਹੀਂ ਢਾਈ ਹਜ਼ਾਰ ਤੋਂ ਵੱਧ ਸੰਸਥਾਵਾਂ ਨੂੰ 19 ਬਿਲੀਅਨ ਅਮਰੀਕੀ ਡਾਲਰ ਤੋਂ ਵੱਧ ਦਾਨ ਕਰ ਚੁੱਕੀ ਹੈ। ਇਸ ਦੇ ਬਾਵਜੂਦ, ਉਸ ਦੀ ਕੁੱਲ ਜਾਇਦਾਦ ਅਜੇ ਵੀ 30 ਬਿਲੀਅਨ ਡਾਲਰ ਤੋਂ ਵੱਧ ਹੈ। McKenzie Scott ਨੇ ਆਪਣੇ ਜੀਵਨ ਕਾਲ ਵਿੱਚ ਆਪਣੀ ਕੁੱਲ ਜਾਇਦਾਦ ਦਾ ਅੱਧਾ ਹਿੱਸਾ ਦਾਨ ਕਰਨ ਦਾ ਵਾਅਦਾ ਕੀਤਾ ਹੈ। ਸਕਾਟ ਦੇ ਜ਼ਿਆਦਾਤਰ ਪੈਸੇ ਐਮਾਜ਼ਾਨ ਵਿੱਚ ਉਸ ਦੀ 4 ਪ੍ਰਤੀਸ਼ਤ ਹਿੱਸੇਦਾਰੀ ਤੋਂ ਆਉਂਦੇ ਹਨ। ਇਹ ਹਿੱਸਾ ਉਸ ਨੂੰ ਬੇਜੋਸ ਨਾਲ ਤਲਾਕ ਦੇ ਸਮਝੌਤੇ ਦੇ ਹਿੱਸੇ ਵਜੋਂ ਆਇਆ ਸੀ।