ਮੈਲਬੌਰਨ ‘ਚ ਨੇ ਨਿਤੀਸ਼ ਰੈਡੀ ਆਸਟ੍ਰੇਲੀਆ ਦੀ ਬਣਾਈ ਰੇਲ…ਫਿਰ ‘ਪੁਸ਼ਪਾ’ਦੇ ਅੰਦਾਜ਼ ‘ਚ ਮਨਾਇਆ ਜਸ਼ਨ, ਵੇਖੋ ਸ਼ਾਨਦਾਰ ਵੀਡੀਓ…

ਨਿਤੀਸ਼ ਰੈੱਡੀ ਆਸਟ੍ਰੇਲੀਆ ਦੌਰੇ ‘ਤੇ ਭਾਰਤ ਦੀ ਸਭ ਤੋਂ ਵੱਡੀ ਖੋਜ ਬਣ ਕੇ ਸਾਹਮਣੇ ਆਏ ਹਨ। ਉਨ੍ਹਾਂ ਨੇ ਆਪਣੀ ਬੱਲੇਬਾਜ਼ੀ ਨਾਲ ਕਾਫੀ ਪ੍ਰਭਾਵਿਤ ਕੀਤਾ ਹੈ। ਮੈਲਬੋਰਨ ਵਿੱਚ ਵੀ ਉਨ੍ਹਾਂ ਨੇ ਸ਼ਾਨਦਾਰ ਬੱਲੇਬਾਜ਼ੀ ਦਾ ਪ੍ਰਦਰਸ਼ਨ ਕੀਤਾ ਅਤੇ ਅੰਤ ਵਿੱਚ ਆਪਣਾ ਪਹਿਲਾ ਟੈਸਟ ਅਰਧ ਸੈਂਕੜਾ ਲਗਾਇਆ। ਇਸ ਤੋਂ ਪਹਿਲਾਂ ਉਹ ਇਸ ਸੀਰੀਜ਼ ‘ਚ ਤਿੰਨ ਵਾਰ 50 ਦੇ ਨੇੜੇ ਪਹੁੰਚਿਆ ਸੀ ਪਰ ਬਦਕਿਸਮਤੀ ਨਾਲ ਬਾਹਰ ਹੋ ਗਿਆ ਸੀ। ਪਰ ਉਸ ਨੇ ਬਾਕਸਿੰਗ ਡੇ ਟੈਸਟ ‘ਚ ਕੋਈ ਗਲਤੀ ਨਹੀਂ ਕੀਤੀ ਅਤੇ 81 ਗੇਂਦਾਂ ‘ਚ ਆਪਣਾ ਅਰਧ ਸੈਂਕੜਾ ਪੂਰਾ ਕਰ ਲਿਆ। ਜਿਵੇਂ ਹੀ ਉਨ੍ਹਾਂ ਨੇ 50 ਦੌੜਾਂ ਬਣਾਈਆਂ, ਉਨ੍ਹਾਂ ਨੇ ਆਸਟ੍ਰੇਲੀਆਈ ਪ੍ਰਸ਼ੰਸਕਾਂ ਦੇ ਸਾਹਮਣੇ ਪੁਸ਼ਪਾ ਦੇ ਅੰਦਾਜ਼ ਵਿੱਚ ਜਸ਼ਨ ਮਨਾਇਆ। ਇਸ ਨੂੰ ਦੇਖਦੇ ਹੀ ਪੂਰੇ ਸਟੇਡੀਅਮ ‘ਚ ਭਾਰਤੀ ਪ੍ਰਸ਼ੰਸਕਾਂ ਦਾ ਸ਼ੋਰ ਗੂੰਜ ਉੱਠਿਆ।

“𝙈𝙖𝙞𝙣 𝙟𝙝𝙪𝙠𝙚𝙜𝙖 𝙣𝙖𝙝𝙞!” 🔥

The shot, the celebration – everything was perfect as #NitishKumarReddy completed his maiden Test fifty! 👏#AUSvINDOnStar 👉 4th Test, Day 3 | LIVE NOW! | #ToughestRivalry #BorderGavaskarTrophy pic.twitter.com/hupun4pq2N

— Star Sports (@StarSportsIndia) December 28, 2024

ਨਿਤੀਸ਼ ਕੁਮਾਰ ਰੈਡੀ ਨੇ ਮੈਚ ‘ਚ ਫੂਕੀ ਜਾਨ…
ਭਾਰਤੀ ਟੀਮ ਨੇ ਮੈਲਬੋਰਨ ਟੈਸਟ ਦੇ ਦੂਜੇ ਦਿਨ 159 ਦੌੜਾਂ ਦੇ ਸਕੋਰ ‘ਤੇ 5 ਵਿਕਟਾਂ ਗੁਆ ਦਿੱਤੀਆਂ। ਤੀਜੇ ਦਿਨ ਦੀ ਸ਼ੁਰੂਆਤ ਵੀ ਚੰਗੀ ਨਹੀਂ ਰਹੀ। ਭਾਰਤ ਨੇ ਪਹਿਲੇ ਸੈਸ਼ਨ ਵਿੱਚ 2 ਵਿਕਟਾਂ ਗੁਆ ਦਿੱਤੀਆਂ ਸਨ। 191 ਦੇ ਸਕੋਰ ‘ਤੇ ਰਿਸ਼ਭ ਪੰਤ ਖਰਾਬ ਸ਼ਾਟ ਖੇਡ ਕੇ ਆਊਟ ਹੋ ਗਏ। ਇਸ ਤੋਂ ਬਾਅਦ ਨਿਤੀਸ਼ ਕੁਮਾਰ ਰੈੱਡੀ ਨੇ ਆਸਟ੍ਰੇਲੀਆ ਦੇ ਖਿਲਾਫ ਲੜਾਈ ਸ਼ੁਰੂ ਕੀਤੀ ਅਤੇ ਆਪਣੀ ਪਾਰੀ ਦੇ ਜ਼ਰੀਏ ਦਿਖਾ ਦਿੱਤਾ ਕਿ ਹਾਲਾਤ ਕਿੰਨੇ ਵੀ ਔਖੇ ਕਿਉਂ ਨਾ ਹੋਣ, ਉਹ ਝੁਕਣ ਵਾਲੇ ਨਹੀਂ ਹਨ। ਰੈੱਡੀ ਨੇ ਪਹਿਲਾਂ ਭਾਰਤ ਨੂੰ ਫਾਲੋਆਨ ਤੋਂ ਬਚਾਇਆ, ਫਿਰ ਆਪਣਾ ਅਰਧ ਸੈਂਕੜਾ ਪੂਰਾ ਕੀਤਾ। ਇਸ ਤੋਂ ਬਾਅਦ ‘ਪੁਸ਼ਪਾ’ ਫਿਲਮ ਦੀ ਤਰ੍ਹਾਂ ਨਾ ਝੁੱਕਣ ਵਾਲੇ ਅੰਦਾਜ਼ ‘ਚ ਜਸ਼ਨ ਮਨਾਇਆ। ਉਨ੍ਹਾਂ ਦੀ ਇਸ ਪਾਰੀ ਨੇ ਇੱਕ ਵਾਰ ਫਿਰ ਟੀਮ ਇੰਡੀਆ ਅਤੇ ਪ੍ਰਸ਼ੰਸਕਾਂ ਵਿੱਚ ਜਾਨ ਫੂਕ ਦਿੱਤੀ ਹੈ।

ਰੈੱਡੀ-ਸੁੰਦਰ ਦੀ ਰਿਕਾਰਡ ਸਾਂਝੇਦਾਰੀ…
6 ਵਿਕਟਾਂ ਡਿੱਗਣ ਤੋਂ ਬਾਅਦ ਨਿਤੀਸ਼ ਕੁਮਾਰ ਰੈੱਡੀ ਨੇ ਪਹਿਲਾਂ ਰਵਿੰਦਰ ਜਡੇਜਾ ਨਾਲ 31 ਦੌੜਾਂ ਦੀ ਛੋਟੀ ਸਾਂਝੇਦਾਰੀ ਕੀਤੀ। ਪਰ ਜਡੇਜਾ 17 ਦੌੜਾਂ ਬਣਾ ਕੇ ਲੋਇਨ ਦਾ ਸ਼ਿਕਾਰ ਹੋ ਗਏ। ਇਸ ਦੇ ਬਾਵਜੂਦ ਰੈਡੀ ਨੇ ਹਾਰ ਨਹੀਂ ਮੰਨੀ। ਵਾਸ਼ਿੰਗਟਨ ਸੁੰਦਰ ਦੇ ਨਾਲ ਮਿਲ ਕੇ ਨਾ ਸਿਰਫ ਵਿਕਟਾਂ ਸੰਭਾਲੀਆਂ ਸਗੋਂ ਦੌੜਾਂ ਵੀ ਬਣਾਉਣੀਆਂ ਸ਼ੁਰੂ ਕਰ ਦਿੱਤੀਆਂ। ਸੁੰਦਰ ਦੇ ਨਾਲ ਉਨ੍ਹਾਂ ਨੇ 8ਵੀਂ ਵਿਕਟ ਲਈ ਰਿਕਾਰਡ ਸੈਂਕੜੇ ਦੀ ਸਾਂਝੇਦਾਰੀ ਕੀਤੀ।

ਚਾਹ ਬਰੇਕ ਤੱਕ ਦੋਵਾਂ ਨੇ ਮਿਲ ਕੇ 195 ਗੇਂਦਾਂ ਵਿੱਚ 105 ਦੌੜਾਂ ਬਣਾਈਆਂ ਸਨ। ਆਸਟ੍ਰੇਲੀਆ ‘ਚ 8ਵੀਂ ਵਿਕਟ ਲਈ ਭਾਰਤ ਦੀ ਇਹ ਸਭ ਤੋਂ ਵੱਡੀ ਸਾਂਝੇਦਾਰੀ ਹੈ। ਇਸ ਦੌਰਾਨ ਨਿਤੀਸ਼ ਦੀਆਂ 85 ਦੌੜਾਂ ਅਤੇ ਸੁੰਦਰ ਦੀਆਂ 40 ਦੌੜਾਂ ਦੀ ਬਦੌਲਤ ਟੀਮ ਇੰਡੀਆ ਨੇ 7 ਵਿਕਟਾਂ ਦੇ ਨੁਕਸਾਨ ‘ਤੇ 326 ਦੌੜਾਂ ਬਣਾ ਲਈਆਂ ਹਨ।