ਪ੍ਰਾਪਰਟੀ ਦੇ ਬਦਲੇ Loan ਲੈਣ ਵੇਲੇ ਨਾ ਕਰਨਾ ਇਹ 5 ਗਲਤੀਆਂ, ਹੋ ਸਕਦਾ ਹੈ ਭਾਰੀ ਵਿੱਤੀ ਨੁਕਸਾਨ
ਜੇ ਤੁਹਾਨੂੰ ਅਚਾਨਕ ਪੈਸੇ ਦੀ ਲੋੜ ਪਵੇ ਤਾਂ ਤੁਸੀਂ ਪ੍ਰਾਪਰਟੀ ਦੇ ਬਦਲੇ ਲੋਨ ਲੈ ਸਕਦੇ ਹੋ। ਇਹ ਇੱਕ ਵਿੱਤੀ ਵਿਕਲਪ ਹੈ ਜੋ ਤੁਹਾਨੂੰ ਤੁਹਾਡੀ ਸੰਪਤੀ ਦੇ ਆਧਾਰ ‘ਤੇ ਵੱਡੀ ਰਕਮ ਉਧਾਰ ਲੈਣ ਦਾ ਮੌਕਾ ਦਿੰਦਾ ਹੈ। ਇਹ ਉਹਨਾਂ ਲਈ ਵਿਸ਼ੇਸ਼ ਤੌਰ ‘ਤੇ ਲਾਭਦਾਇਕ ਹੈ ਜਿਨ੍ਹਾਂ ਨੂੰ ਆਪਣੀਆਂ ਵੱਡੀਆਂ ਵਿੱਤੀ ਲੋੜਾਂ ਨੂੰ ਪੂਰਾ ਕਰਨ ਲਈ ਥੋੜ੍ਹੇ ਸਮੇਂ ਵਿੱਚ ਪੈਸੇ ਦੀ ਲੋੜ ਹੁੰਦੀ ਹੈ। ਹਾਲਾਂਕਿ, ਇਹ ਕਰਜ਼ਾ ਲੈਂਦੇ ਸਮੇਂ ਕੀਤੀਆਂ ਗਈਆਂ ਛੋਟੀਆਂ ਗਲਤੀਆਂ ਬਾਅਦ ਵਿੱਚ ਭਾਰੀ ਵਿੱਤੀ ਨੁਕਸਾਨ ਦਾ ਕਾਰਨ ਬਣ ਸਕਦੀਆਂ ਹਨ।
ਜੇਕਰ ਤੁਸੀਂ ਪ੍ਰਾਪਰਟੀ ਦੇ ਬਦਲੇ ਕਰਜ਼ਾ ਲੈਣ ਬਾਰੇ ਸੋਚ ਰਹੇ ਹੋ, ਤਾਂ ਕੁਝ ਜ਼ਰੂਰੀ ਗੱਲਾਂ ਦਾ ਧਿਆਨ ਰੱਖਣਾ ਬਹੁਤ ਜ਼ਰੂਰੀ ਹੈ। ਸਹੀ ਪਲਾਨ ਤੇ ਜਾਣਕਾਰੀ ਤੋਂ ਬਿਨਾਂ ਲਿਆ ਗਿਆ ਕਰਜ਼ਾ ਨਾ ਸਿਰਫ਼ ਤੁਹਾਡੀ ਵਿੱਤੀ ਸਥਿਤੀ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ ਬਲਕਿ ਇਸ ਨੂੰ ਚੁਕਾਉਣਾ ਵੀ ਮੁਸ਼ਕਲ ਬਣਾ ਸਕਦਾ ਹੈ। ਅੱਜ ਅਸੀਂ ਤੁਹਾਨੂੰ 5 ਅਜਿਹੀਆਂ ਗਲਤੀਆਂ ਬਾਰੇ ਦੱਸਾਂਗੇ ਜਿਨ੍ਹਾਂ ਨੂੰ ਪ੍ਰਾਪਰਟੀ ਦੇ ਬਦਲੇ ਕਰਜ਼ਾ ਲੈਂਦੇ ਸਮੇਂ ਅਕਸਰ ਲੋਕ ਕਰਦੇ ਹਨ…
1. ਕਰਜ਼ੇ ਦੀ ਰਕਮ ਦਾ ਸਹੀ ਅੰਦਾਜ਼ਾ ਨਾ ਲਗਾਉਣਾ:
ਕਈ ਵਾਰ ਲੋਕ ਆਪਣੀ ਪ੍ਰਾਪਰਟੀ ਦੇ ਆਧਾਰ ‘ਤੇ ਵੱਧ ਤੋਂ ਵੱਧ ਰਕਮ ਉਧਾਰ ਲੈਂਦੇ ਹਨ, ਭਾਵੇਂ ਉਨ੍ਹਾਂ ਦੀਆਂ ਲੋੜਾਂ ਘੱਟ ਹੀ ਕਿਉਂ ਨਾ ਹੋਣ। ਅਜਿਹਾ ਕਰਨ ਨਾਲ EMI ਦਾ ਬੋਝ ਵਧਦਾ ਹੈ ਅਤੇ ਵਿੱਤੀ ਸੰਕਟ ਪੈਦਾ ਹੋ ਸਕਦਾ ਹੈ। ਆਪਣੀ ਅਸਲ ਲੋੜ ਅਨੁਸਾਰ ਕਰਜ਼ੇ ਦੀ ਰਕਮ ਦਾ ਫ਼ੈਸਲਾ ਕਰੋ।
2. ਪ੍ਰਾਪਰਟੀ ਦੇ ਸਹੀ ਮੁਲਾਂਕਣ ਨੂੰ ਨਜ਼ਰਅੰਦਾਜ਼ ਕਰਨਾ:
ਕਰਜ਼ਾ ਲੈਣ ਤੋਂ ਪਹਿਲਾਂ, ਤੁਹਾਡੀ ਪ੍ਰਾਪਰਟੀ ਦਾ ਸਹੀ ਮੁਲਾਂਕਣ ਜ਼ਰੂਰੀ ਹੈ। ਗਲਤ ਮੁਲਾਂਕਣ ਕਰਜ਼ੇ ਦੀ ਰਕਮ ਨੂੰ ਘਟਾ ਸਕਦਾ ਹੈ ਅਤੇ ਤੁਹਾਨੂੰ ਵਾਧੂ ਵਿੱਤੀ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
3. ਵਿਆਜ ਦਰਾਂ ਦੀ ਤੁਲਨਾ ਨਾ ਕਰਨਾ:
ਵਿਆਜ ਦਰ ਦਾ ਕਰਜ਼ੇ ਦੀ ਕੁੱਲ ਲਾਗਤ ‘ਤੇ ਵੱਡਾ ਅਸਰ ਪੈਂਦਾ ਹੈ। ਬਹੁਤ ਸਾਰੇ ਲੋਕ ਜਲਦਬਾਜ਼ੀ ਵਿੱਚ ਕਿਸੇ ਵੀ ਬੈਂਕ ਜਾਂ ਵਿੱਤੀ ਸੰਸਥਾ ਤੋਂ ਕਰਜ਼ਾ ਲੈ ਲੈਂਦੇ ਹਨ। ਹਮੇਸ਼ਾ ਵੱਖ-ਵੱਖ ਬੈਂਕਾਂ ਅਤੇ ਵਿੱਤੀ ਸੰਸਥਾਵਾਂ ਦੁਆਰਾ ਪੇਸ਼ ਕੀਤੀਆਂ ਜਾਂਦੀਆਂ ਵਿਆਜ ਦਰਾਂ ਦੀ ਤੁਲਨਾ ਕਰੋ ਅਤੇ ਫਿਰ ਹੀ ਆਪਣੇ ਲਈ ਸਭ ਤੋਂ ਢੁਕਵਾਂ ਵਿਕਲਪ ਚੁਣੋ।
ਗ੍ਰਹਿ ਨੁਕਸ ਦੂਰ ਕਰਨ ਲਈ ਬਦਲੋ ਆਪਣਾ ਪਾਣੀ ਦਾ ਗਲਾਸ!
4. ਕਰਜ਼ੇ ਦੀ ਗਲਤ ਮਿਆਦ ਚੁਣਨਾ:
ਲੋਨ ਦੀ ਮਿਆਦ ਦਾ ਤੁਹਾਡੀ EMI ਅਤੇ ਕੁੱਲ ਭੁਗਤਾਨ ‘ਤੇ ਸਿੱਧਾ ਅਸਰ ਪੈਂਦਾ ਹੈ। ਛੋਟੀ ਮਿਆਦ ਵਾਲਾ ਲੋਨ ਹੋਵੇਗਾ ਤਾਂ EMIs ਜ਼ਿਆਦਾ ਹੋਵੇਗੀ, ਜਦੋਂ ਕਿ ਲੰਬੇ ਸਮੇਂ ਦੇ ਕਰਜ਼ੇ ਕੁੱਲ ਵਿਆਜ ਭੁਗਤਾਨ ਨੂੰ ਵਧਾਉਂਦੇ ਹਨ। ਆਪਣੀ ਆਮਦਨ ਅਤੇ ਵਿੱਤੀ ਸਥਿਤੀ ਦੇ ਆਧਾਰ ‘ਤੇ ਢੁਕਵੀਂ ਮਿਆਦ ਚੁਣੋ।
5. ਫਾਈਨ ਪ੍ਰਿੰਟ ਪੜ੍ਹੇ ਬਿਨਾਂ ਕਰਜ਼ਾ ਲੈਣਾ:
ਕਈ ਵਾਰ ਲੋਨ ਦੇ ਦਸਤਾਵੇਜ਼ਾਂ ‘ਚ ਅਜਿਹੀਆਂ ਸ਼ਰਤਾਂ ਹੁੰਦੀਆਂ ਹਨ, ਜਿਨ੍ਹਾਂ ਦਾ ਪਤਾ ਨਾ ਲੱਗਣ ‘ਤੇ ਬਾਅਦ ‘ਚ ਸਮੱਸਿਆ ਪੈਦਾ ਹੋ ਸਕਦੀ ਹੈ। ਸਾਰੀਆਂ ਸ਼ਰਤਾਂ ਨੂੰ ਧਿਆਨ ਨਾਲ ਪੜ੍ਹੋ ਜਿਵੇਂ ਕਿ ਪੂਰਵ-ਭੁਗਤਾਨ ਜੁਰਮਾਨਾ, ਪ੍ਰੋਸੈਸਿੰਗ ਫੀਸ ਅਤੇ ਹੋਰ ਖਰਚੇ।
