ਗਧੀ ਦਾ ਦੁੱਧ ਕਿਸੇ ATM ਤੋਂ ਘੱਟ ਨਹੀਂ, ₹5,000 ਲੀਟਰ ਤੱਕ ਕਮਾਈ, ਇੰਝ ਸ਼ੁਰੂ ਕਰੋ ਬਿਜ਼ਨੈੱਸ – News18 ਪੰਜਾਬੀ

ਗਾਂ, ਬੱਕਰੀ, ਮੱਝ ਅਤੇ ਭੇਡਾਂ ਵਾਂਗ, ਕੀ ਤੁਸੀਂ ਗਧੀ ਦੇ ਦੁੱਧ ਬਾਰੇ ਜਾਣਦੇ ਹੋ ? ਕਈ ਅਧਿਐਨਾਂ ਤੋਂ ਪਤਾ ਲੱਗਾ ਹੈ ਕਿ ਗਾਂ ਅਤੇ ਮੱਝ ਦੇ ਦੁੱਧ ਨਾਲੋਂ ਗਧੀ ਦਾ ਦੁੱਧ ਜ਼ਿਆਦਾ ਫਾਇਦੇਮੰਦ ਹੁੰਦਾ ਹੈ। ਇਹ ਦੁੱਧ ਕਈ ਬਿਮਾਰੀਆਂ ਨੂੰ ਦੂਰ ਕਰ ਸਕਦਾ ਹੈ। ਗਧੀ ਦੇ ਦੁੱਧ ਵਿੱਚ ਹੋਰ ਜਾਨਵਰਾਂ ਦੇ ਦੁੱਧ ਨਾਲੋਂ ਵੱਧ ਪੋਸ਼ਣ ਹੁੰਦਾ ਹੈ। ਇਸ ਦੁੱਧ ਦੀ ਵਰਤੋਂ ਸੁੰਦਰਤਾ ਉਤਪਾਦਾਂ ਵਿੱਚ ਵੀ ਕੀਤੀ ਜਾਂਦੀ ਹੈ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਬਾਜ਼ਾਰ ‘ਚ ਗਧੀ ਦਾ ਦੁੱਧ 5000 ਰੁਪਏ ਪ੍ਰਤੀ ਕਿਲੋ ਵਿਕਦਾ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਗਧੀ ਬਹੁਤ ਘੱਟ ਦੁੱਧ ਦਿੰਦੀ ਹੈ। ਇਹ ਦੁੱਧ ਹੋਰ ਜਾਨਵਰਾਂ ਦੇ ਦੁੱਧ ਨਾਲੋਂ ਜ਼ਿਆਦਾ ਸਮੇਂ ਤੱਕ ਸੁਰੱਖਿਅਤ ਰਹਿੰਦਾ ਹੈ। ਅੱਜ ਕੱਲ੍ਹ ਗਧੀ ਦੇ ਦੁੱਧ ਦੀ ਬਹੁਤ ਮੰਗ ਹੈ। ਬਹੁਤ ਸਾਰੇ ਲੋਕ ਰਾਜਸਥਾਨ ਅਤੇ ਗੁਜਰਾਤ ਵਰਗੇ ਰਾਜਾਂ ਵਿੱਚ ਇਹ ਧੰਦਾ ਕਰਦੇ ਹਨ। ਖਰਾਨੀ ਨਸਲ ਦਾ ਗਧੀ ਦਾ ਦੁੱਧ ਰਾਜਸਥਾਨ ਵਿੱਚ ਬਹੁਤ ਮਸ਼ਹੂਰ ਹੈ। ਜਦੋਂਕਿ ਗੁਜਰਾਤ ਵਿੱਚ ਹਲਰੀ ਗਧੀ ਦਾ ਦੁੱਧ ਵੱਡੀ ਮਾਤਰਾ ਵਿੱਚ ਵਿਕਦਾ ਹੈ।

ਗਧੀ ਪਾਲਣ ਦਾ ਧੰਦਾ ਕਿਵੇਂ ਕਰੀਏ ?
ਗਧੀ ਦੇ ਦੁੱਧ ਦਾ ਕਾਰੋਬਾਰ ਕਰਨ ਲਈ, ਤੁਹਾਨੂੰ ਕੁਝ ਜ਼ਮੀਨ ਅਤੇ ਲਗਭਗ 5 ਤੋਂ 10 ਗਧੀਆਂ ਦੀ ਜ਼ਰੂਰਤ ਪਵੇਗੀ। ਇਸ ਦੇ ਨਾਲ ਹੀ ਇੱਕ ਜਾਂ ਦੋ ਨਰ ਗਧੇ ਵੀ ਚਾਹੀਦੇ ਹੋਣਗੇ। ਗਧੀ ਇੱਕ ਦਿਨ ਵਿੱਚ 250 ਗ੍ਰਾਮ ਤੋਂ 500 ਗ੍ਰਾਮ ਤੱਕ ਦੁੱਧ ਦਿੰਦੀ ਹੈ। ਅੱਜਕੱਲ੍ਹ ਕਈ ਕੰਪਨੀਆਂ ਗਧੀ ਦਾ ਦੁੱਧ ਖਰੀਦ ਕੇ ਉਸ ਤੋਂ ਮਹਿੰਗੇ ਉਤਪਾਦ ਬਣਾ ਰਹੀਆਂ ਹਨ। ਤੁਸੀਂ ਉਨ੍ਹਾਂ ਕੰਪਨੀਆਂ ਨਾਲ ਸੰਪਰਕ ਕਰਕੇ ਦੁੱਧ ਦੀ ਸਪਲਾਈ ਕਰ ਸਕਦੇ ਹੋ।

ਗਧੀ ਦਾ ਦਾ ਦੁੱਧ ਵੇਚ ਕੇ ਇਹ ਇਹ ਸ਼ਖਸ਼ ਬਣ ਗਿਆ ਅਮੀਰ…
ਰਿਪੋਰਟਾਂ ਮੁਤਾਬਕ ਗੁਜਰਾਤ ਦੇ ਪਾਟਨ ‘ਚ ਧੀਰੇਨ ਨੇ ਵੱਡੀ ਗਿਣਤੀ ‘ਚ ਗਧੀਆਂ ਨੂੰ ਪਾਲਣ ਅਤੇ ਦੁੱਧ ਵੇਚਣ ਦਾ ਕੰਮ ਸ਼ੁਰੂ ਕੀਤਾ। ਧੀਰੇਨ ਨੌਕਰੀ ਲੱਭ ਰਿਹਾ ਸੀ। ਆਪਣੀ ਰੋਜ਼ੀ-ਰੋਟੀ ਕਮਾਉਣ ਲਈ ਧੀਰੇਨ ਨੂੰ ਗਧੀ ਦੇ ਦੁੱਧ ਦਾ ਕਾਰੋਬਾਰ ਕਰਨ ਦਾ ਵਿਚਾਰ ਆਇਆ। ਇਸ ਤੋਂ ਬਾਅਦ ਉਸ ਨੇ ਆਪਣੇ ਪਿੰਡ ਵਿੱਚ ਡੰਕੀ ਫਰਮ ਖੋਲ੍ਹੀ। ਸ਼ੁਰੂਆਤੀ ਦੌਰ ਵਿੱਚ ਉਸ ਕੋਲ 20 ਗਧੇ ਸਨ। ਹੁਣ ਇਨ੍ਹਾਂ ਦੀ ਗਿਣਤੀ 42 ਤੋਂ ਵੱਧ ਹੋ ਗਈ ਹੈ। ਇਨ੍ਹਾਂ ਵਿੱਚ ਗਧੀਆਂ ਦੀ ਗਿਣਤੀ ਸਭ ਤੋਂ ਵੱਧ ਹੈ। ਧੀਰੇਨ ਕਰਨਾਟਕ ਅਤੇ ਕੇਰਲ ਨੂੰ ਗਧੀ ਦੇ ਦੁੱਧ ਦੀ ਵੱਧ ਤੋਂ ਵੱਧ ਸਪਲਾਈ ਕਰਦਾ ਹੈ। ਉਸਦੇ ਗਾਹਕਾਂ ਦੀ ਸੂਚੀ ਵਿੱਚ ਕਈ ਕਾਸਮੈਟਿਕ ਕੰਪਨੀਆਂ ਵੀ ਹਨ।