ਫੂਡ ਡਿਲੀਵਰੀ ਪਲੇਟਫਾਰਮ ਜ਼ੋਮੈਟੋ ਨੇ iOS ਅਤੇ Android ਉਪਭੋਗਤਾਵਾਂ ਲਈ ਆਪਣੀ ਨਵੀਂ ‘ਡਿਸਟ੍ਰਿਕਟ’ ਐਪਲੀਕੇਸ਼ਨ ਲਾਂਚ ਕੀਤੀ ਹੈ। ਇਸ ਐਪ ਰਾਹੀਂ ਗਾਹਕਾਂ ਨੂੰ ਘਰ ਬੈਠੇ ਹੀ ਬੁਕਿੰਗ ਦੀ ਸਹੂਲਤ ਮਿਲੇਗੀ। ਇਸ ਵਿੱਚ ਗਾਹਕਾਂ ਨੂੰ ਮੂਵੀ ਟਿਕਟ ਬੁਕਿੰਗ, ਸਪੋਰਟਸ ਟਿਕਟਿੰਗ, ਈਵੈਂਟ ਬੁਕਿੰਗ ਅਤੇ ਰੈਸਟੋਰੈਂਟ ਵਿੱਚ ਆਪਣਾ ਟੇਬਲ ਬੁੱਕ ਕਰਵਾਉਣ ਵਰਗੀਆਂ ਸਹੂਲਤਾਂ ਪ੍ਰਦਾਨ ਕੀਤੀਆਂ ਜਾਂਦੀਆਂ ਹਨ। ਕੁੱਲ ਮਿਲਾ ਕੇ ਹੁਣ Zomato ਤੁਹਾਨੂੰ ਖਾਣਾ ਹੀ ਨਹੀਂ ਦੇਵੇਗਾ ਸਗੋਂ ਘਰ ਬੈਠੇ ਤੁਹਾਨੂੰ ਕਈ ਮਨੋਰੰਜਨ ਸਹੂਲਤਾਂ ਵੀ ਪ੍ਰਦਾਨ ਕਰੇਗਾ। ਕੰਪਨੀ ਨੇ ਇਸ ਐਪ ਨੂੰ iPhone ਅਤੇ Android ਲਈ ਲਾਈਵ ਕਰ ਦਿੱਤਾ ਹੈ। ਇਸ ਦਾ ਮਤਲਬ ਹੈ ਕਿ ਯੂਜ਼ਰਸ ਹੁਣ ਇਸ ਐਪ ਨੂੰ ਆਸਾਨੀ ਨਾਲ ਇੰਸਟਾਲ ਕਰ ਸਕਦੇ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਜ਼ੋਮੈਟੋ ਕੋਲ ਕੁੱਲ ਤਿੰਨ ਐਪਸ ਹਨ। ਕੰਪਨੀ ਨੇ ਕਵਿੱਕ ਕਾਮਰਸ ਲਈ Blinkit ਐਪ ਲਾਂਚ ਕੀਤੀ ਸੀ, ਹੁਣ District App ਤੀਜੀ ਐਪ ਹੈ। ਡਿਸਟ੍ਰਿਕਟ ਐਪ ਜ਼ੋਮੈਟੋ ਦਾ ਤੀਜਾ consumer facing ਕੰਮ ਬਣ ਗਿਆ ਹੈ।
ਡਿਸਟ੍ਰਿਕਟ ਐਪ ਰਾਹੀਂ, ਉਪਭੋਗਤਾ ਫਿਲਮਾਂ ਅਤੇ ਲਾਈਵ ਈਵੈਂਟਾਂ ਲਈ ਟਿਕਟਾਂ ਬੁੱਕ ਕਰ ਸਕਦੇ ਹਨ। ਇਸ ਤੋਂ ਇਲਾਵਾ ਯੂਜ਼ਰਸ ਰੈਸਟੋਰੈਂਟ ‘ਚ ਖਾਣਾ ਖਾਣ ਲਈ ਟੇਬਲ ਬੁੱਕ ਕਰ ਸਕਦੇ ਹਨ। ਇਸ ਐਪ ‘ਤੇ, ਉਪਭੋਗਤਾ PVR-Inox ਅਤੇ Cinepolis ਆਦਿ ਵਰਗੇ ਪਲੇਟਫਾਰਮਾਂ ‘ਤੇ ਮੂਵੀ ਟਿਕਟਾਂ ਬੁੱਕ ਕਰ ਸਕਦੇ ਹਨ। ਇਸ ਦੇ ਨਾਲ, ਤੁਸੀਂ ਐਪ ਰਾਹੀਂ ਸੰਗੀਤ ਸਮਾਰੋਹਾਂ, ਨਾਟਕਾਂ ਅਤੇ ਹੋਰ ਲਾਈਵ ਈਵੈਂਟਾਂ ਲਈ ਬੁਕਿੰਗ ਦੀ ਸਹੂਲਤ ਪ੍ਰਾਪਤ ਕਰ ਸਕਦੇ ਹੋ। ਇਸ ਦੇ ਨਾਲ ਹੀ ਯੂਜ਼ਰ ਜ਼ੋਮੈਟੋ ਦੇ ਰੈਸਟੋਰੈਂਟ ਨੈੱਟਵਰਕ ਦਾ ਫਾਇਦਾ ਉਠਾ ਕੇ ਰੈਸਟੋਰੈਂਟ ‘ਚ ਟੇਬਲ ਵੀ ਬੁੱਕ ਕਰ ਸਕਦੇ ਹਨ। ਦਰਅਸਲ, ਜ਼ੋਮੈਟੋ ਦੀ ‘ਗੋਇੰਗ-ਆਊਟ’ ਸੈਗਮੈਂਟ ਵਿੱਚ ਐਂਟਰੀ ਇੱਕ ਰਣਨੀਤਕ ਕਦਮ ਹੈ। ਜਿਸ ਦੇ ਮਾਧਿਅਮ ਨਾਲ ਕੰਪਨੀ ਆਪਣੀ ਆਮਦਨ ਵਧਾਉਣਾ ਅਤੇ ਵਧ ਰਹੇ ਮਨੋਰੰਜਨ ਉਦਯੋਗ ਦਾ ਫਾਇਦਾ ਉਠਾਉਣਾ ਚਾਹੁੰਦਾ ਹੈ।
ਜ਼ੋਮੈਟੋ ਦੇ ਸੀਈਓ ਦੀਪੇਂਦਰ ਗੋਇਲ ਨੇ ਕਿਹਾ ਕਿ ਜ਼ੋਮੈਟੋ ਅਤੇ ਬਲਿੰਕਟ ਸਾਡੇ ਦੋ ਪ੍ਰਮੁੱਖ ਖਪਤਕਾਰ ਕਾਰੋਬਾਰ ਹਨ। ਇਹ ਦੋਵੇਂ ਗਾਹਕਾਂ ਨੂੰ ਘਰੇਲੂ ਸੇਵਾ ਪ੍ਰਦਾਨ ਕਰਦੇ ਹਨ। ਹਾਲਾਂਕਿ, ਸਾਡੇ ਕੋਲ ਭਾਰਤ ਦਾ ਇੱਕ ਗੋਇੰਗ ਆਊਟ ਬਿਜ਼ਨੈੱਸ ਵੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਜ਼ੋਮੈਟੋ ਨੇ ਅਗਸਤ ਵਿੱਚ ਪੇਟੀਐਮ ਤੋਂ ਮਨੋਰੰਜਨ ਅਤੇ ਟਿਕਟਿੰਗ ਕਾਰੋਬਾਰ ਨੂੰ ਟੇਕਓਵਰ ਕੀਤਾ ਸੀ। ਇਹ ਅਧਿਗ੍ਰਹਿਣ (acquisition) 2,048 ਕਰੋੜ ਰੁਪਏ ਵਿੱਚ ਕੀਤਾ ਗਿਆ ਸੀ। ਇਸ ਤੋਂ ਬਾਅਦ ਕੰਪਨੀ ਨੇ ਐਲਾਨ ਕੀਤਾ ਸੀ ਕਿ ਉਹ ਮੂਵੀ ਟਿਕਟਾਂ, ਡਾਇਨਿੰਗ ਅਤੇ ਇਵੈਂਟ ਦੀਆਂ ਟਿਕਟਾਂ ਬੁੱਕ ਕਰਨ ਲਈ District App ਲਾਂਚ ਕਰ ਰਹੀ ਹੈ।
