35 ਗੇਂਦਾਂ ‘ਚ ਸੈਂਕੜਾ… ਪਠਾਨ ਦਾ ਟੁੱਟਿਆ ਰਿਕਾਰਡ, 77 ਗੇਂਦਾਂ ‘ਤੇ ਟੀਮ ਨੂੰ ਵਨਡੇ ‘ਚ ਜਿੱਤ ਦਿਵਾਈ

ਅਨਮੋਲਪ੍ਰੀਤ ਸਿੰਘ ਆਈਪੀਐਲ 2025 ਦੀ ਨਿਲਾਮੀ ਵਿੱਚ ਅਣਵਿਕੇ (unsold) ਰਹੇ। ਪਰ ਇਸ ਵਾਰ ਇਹ ਖਿਡਾਰੀ ਅਨਮੋਲਪ੍ਰੀਤ ਸਿੰਘ ਨੇ ਵਿਜੇ ਹਜ਼ਾਰੇ ਟਰਾਫੀ 2024-25 ਦੇ ਆਪਣੇ ਪਹਿਲੇ ਮੈਚ ਵਿੱਚ ਧਮਾਕੇਦਾਰ ਸੈਂਕੜਾ ਜੜ ਕੇ ਸੁਰਖੀਆਂ ਵਿੱਚ ਹੈ। ਪੰਜਾਬ ਲਈ ਖੇਡਦੇ ਹੋਏ ਅਨਮੋਲਪ੍ਰੀਤ ਨੇ ਅਰੁਣਾਚਲ ਪ੍ਰਦੇਸ਼ ਖਿਲਾਫ 35 ਗੇਂਦਾਂ ‘ਚ ਸੈਂਕੜਾ ਲਗਾਇਆ। ਜੋ ਕਿ ਲਿਸਟ ਏ ਕ੍ਰਿਕੇਟ ਵਿੱਚ ਕੁੱਲ ਤੀਜਾ ਸਭ ਤੋਂ ਤੇਜ਼ ਸੈਂਕੜਾ ਹੈ। ਭਾਰਤ ਦਾ ਲਿਸਟ ਏ ਕ੍ਰਿਕਟ ‘ਚ ਇਹ ਸਭ ਤੋਂ ਤੇਜ਼ ਸੈਂਕੜਾ ਹੈ। ਅਨਮੋਲਪ੍ਰੀਤ ਨੇ 14 ਸਾਲ ਪਹਿਲਾਂ ਮਹਾਰਾਸ਼ਟਰ ਖਿਲਾਫ 40 ਗੇਂਦਾਂ ‘ਚ ਸੈਂਕੜਾ ਲਗਾਉਣ ਵਾਲੇ ਯੂਸਫ ਪਠਾਨ ਦਾ ਰਿਕਾਰਡ ਤੋੜ ਦਿੱਤਾ ਹੈ। ਅਨਮੋਲਪ੍ਰੀਤ ਨੇ ਇਹ ਧਮਾਕੇਦਾਰ ਪਾਰੀ ਸ਼ਨੀਵਾਰ ਨੂੰ ਅਹਿਮਦਾਬਾਦ ਦੇ ਮੋਟੇਰਾ ਸਥਿਤ ਨਰਿੰਦਰ ਮੋਦੀ ਸਟੇਡੀਅਮ ਗਰਾਊਂਡ ਏ ‘ਚ ਖੇਡੀ।

ਅਨਮੋਲਪ੍ਰੀਤ ਸਿੰਘ ਨੇ ਤੀਜੇ ਨੰਬਰ ‘ਤੇ ਆ ਕੇ ਇਹ ਧਮਾਕੇਦਾਰ ਪਾਰੀ ਖੇਡੀ। ਉਨ੍ਹਾਂ 45 ਗੇਂਦਾਂ ਵਿੱਚ ਨਾਬਾਦ 115 ਦੌੜਾਂ ਬਣਾਈਆਂ। ਵਿਜੇ ਹਜ਼ਾਰੇ ਟਰਾਫੀ ਦੇ ਮੌਜੂਦਾ ਸੈਸ਼ਨ ਦਾ ਇਹ ਪੰਜਾਬ ਦਾ ਪਹਿਲਾ ਮੈਚ ਸੀ ਅਤੇ ਇਸ ਨੇ ਆਪਣੇ ਪਹਿਲੇ ਹੀ ਮੈਚ ਵਿੱਚ ਹਿਮਾਚਲ ਪ੍ਰਦੇਸ਼ ਨੂੰ 164 ਦੌੜਾਂ ਨਾਲ ਹਰਾਇਆ ਸੀ। ਜਵਾਬ ਵਿੱਚ ਪੰਜਾਬ ਲਈ ਅਭਿਸ਼ੇਕ ਸ਼ਰਮਾ ਅਤੇ ਪ੍ਰਭਸਿਮਰਨ ਸਿੰਘ ਨੇ ਪਾਰੀ ਦੀ ਸ਼ੁਰੂਆਤ ਕੀਤੀ। ਕਪਤਾਨ ਅਭਿਸ਼ੇਕ ਸ਼ਰਮਾ 10 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਇਸ ਤੋਂ ਬਾਅਦ ਅਨਮੋਲਪ੍ਰੀਤ ਸਿੰਘ ਦੇ ਬੱਲੇ ਦਾ ਜਾਦੂ ਦੇਖਣ ਨੂੰ ਮਿਲਿਆ, ਉਨ੍ਹਾਂ ਨੇ ਆਪਣੀ ਪਾਰੀ ‘ਚ 12 ਚੌਕੇ ਅਤੇ 9 ਛੱਕੇ ਲਗਾਏ। ਉਹ ਅੰਤ ਤੱਕ ਅਜੇਤੂ ਰਿਹਾ। ਪੰਜਾਬ ਨੇ ਇਹ ਟੀਚਾ 12.5 ਓਵਰਾਂ ਵਿੱਚ ਹਾਸਲ ਕਰ ਲਿਆ।

ਅਨਮੋਲਪ੍ਰੀਤ ਸਿੰਘ ਦਾ ਆਈ.ਪੀ.ਐੱਲ ਕਰੀਅਰ
ਅਨਮੋਲਪ੍ਰੀਤ ਸਿੰਘ ਨੇ ਸਾਲ 2021 ਵਿੱਚ ਮੁੰਬਈ ਇੰਡੀਅਨਜ਼ ਲਈ ਆਈਪੀਐਲ ਦੀ ਸ਼ੁਰੂਆਤ ਕੀਤੀ ਸੀ। ਉਨ੍ਹਾਂ ਨੇ ਸਨਰਾਈਜ਼ਰਜ਼ ਹੈਦਰਾਬਾਦ ਦੀ ਤਰਫੋਂ ਵੀ ਇਸ ਲੀਗ ਵਿੱਚ ਹਿੱਸਾ ਲਿਆ ਸੀ। ਅਨਮੋਲਪ੍ਰੀਤ ਸਿੰਘ ਨੇ ਸਾਲ 2024 ਤੱਕ ਆਈਪੀਐਲ ਵਿੱਚ 9 ਮੈਚ ਖੇਡੇ ਹਨ। ਉਨ੍ਹਾਂ ਦੇ ਬੱਲੇ ਤੋਂ 139 ਦੌੜਾਂ ਆਈਆਂ ਹਨ। ਪੰਜਾਬ ਲਈ ਘਰੇਲੂ ਕ੍ਰਿਕਟ ਖੇਡਣ ਵਾਲੇ ਇਸ ਬੱਲੇਬਾਜ਼ ਦਾ ਆਈਪੀਐਲ ਵਿੱਚ ਸਰਵੋਤਮ ਸਕੋਰ 36 ਦੌੜਾਂ ਹੈ। ਇਸ ਦੌਰਾਨ ਉਨ੍ਹਾਂ ਦਾ ਸਟ੍ਰਾਈਕ ਰੇਟ 120 ਰਿਹਾ ਹੈ। ਹਾਲਾਂਕਿ ਉਨ੍ਹਾਂ ਨੂੰ ਬਹੁਤੇ ਮੌਕੇ ਨਹੀਂ ਮਿਲੇ। ਸਾਲ 2024 ਵਿੱਚ, ਉਨ੍ਹਾਂ 2 ਮੈਚ ਖੇਡੇ ਅਤੇ ਸਿਰਫ 5 ਦੌੜਾਂ ਬਣਾਈਆਂ। ਆਈਪੀਐਲ 2025 ਦੀ ਮੈਗਾ ਨਿਲਾਮੀ ਵਿੱਚ, ਉਨ੍ਹਾਂ ਆਪਣਾ ਅਧਾਰ ਮੁੱਲ 30 ਲੱਖ ਰੁਪਏ ਰੱਖਿਆ ਪਰ ਕਿਸੇ ਵੀ ਫਰੈਂਚਾਈਜ਼ੀ ਨੇ ਉਨ੍ਹਾਂ ਖਰੀਦਣ ਵਿੱਚ ਦਿਲਚਸਪੀ ਨਹੀਂ ਦਿਖਾਈ।

ਅਨਮੋਲਪ੍ਰੀਤ ਸਿੰਘ ਨੂੰ IPL 2025 ‘ਚ ਖੇਡਣ ਦਾ ਮੌਕਾ ਮਿਲ ਸਕਦਾ ਹੈ
ਅਨਮੋਲਪ੍ਰੀਤ ਸਿੰਘ ਨੂੰ IPL 2025 ‘ਚ ਖੇਡਣ ਦਾ ਮੌਕਾ ਮਿਲ ਸਕਦਾ ਹੈ। ਜੇਕਰ ਉਹ ਭਵਿੱਖ ਵਿੱਚ ਇਸ ਤਰ੍ਹਾਂ ਦਾ ਪ੍ਰਦਰਸ਼ਨ ਕਰਨ ਵਿੱਚ ਕਾਮਯਾਬ ਰਹਿੰਦੇ ਹਨ ਤਾਂ ਉਨ੍ਹਾਂ ਨੂੰ ਆਉਣ ਵਾਲੇ ਆਈਪੀਐਲ ਵਿੱਚ ਖੇਡਣ ਦਾ ਮੌਕਾ ਮਿਲ ਸਕਦਾ ਹੈ। ਜੇਕਰ ਕੋਈ ਖਿਡਾਰੀ ਸੱਟ ਜਾਂ ਕਿਸੇ ਨਿੱਜੀ ਕਾਰਨ ਕਰਕੇ ਆਪਣਾ ਨਾਂ ਵਾਪਸ ਲੈ ਲੈਂਦਾ ਹੈ, ਤਾਂ ਫਰੈਂਚਾਈਜ਼ੀ ਇਸ ਖਿਡਾਰੀ ਨੂੰ ਉਨ੍ਹਾਂ ਦੇ ਆਧਾਰ ਮੁੱਲ ‘ਤੇ ਬਦਲ ਵਜੋਂ ਸ਼ਾਮਲ ਕਰ ਸਕਦੀ ਹੈ।