ਅੱਜ ਸ਼ੁਰੂ ਹੋਈ ਦੇਸ਼ ਦੀ ਪਹਿਲੀ ਵੰਦੇ ਭਾਰਤ ਮੈਟਰੋ, ਜਾਣੋ ਕਿੰਨਾ ਹੋਵੇਗਾ ਕਿਰਾਇਆ ਅਤੇ ਕੀ ਹੋਵੇਗਾ ਰੂਟ, ਪੜ੍ਹੋ ਡਿਟੇਲ

ਲੋਕਾਂ ਦੀ ਸਹੂਲਤ ਨੂੰ ਦੇਖਦੇ ਹੋਏ ਦੇਸ਼ ਵਿੱਚ ਵੰਦੇ ਭਾਰਤ ਟ੍ਰੇਨਾਂ ਚਲਾਈਆਂ ਜਾ ਰਹੀਆਂ ਹਨ ਜਿਹਨਾਂ ਨਾਲ ਸਫ਼ਰ ਵਿੱਚ ਘੱਟ ਸਮਾਂ ਲੱਗੇ ਅਤੇ ਵਧੀਆ ਸਹੂਲਤ ਮਿਲੇ। ਆਮ ਵੰਦੇ ਭਾਰਤ ਟ੍ਰੇਨ ਤੋਂ ਇਲਾਵਾ ਹੁਣ ਮੈਟਰੋ ਵੰਦੇ ਭਾਰਤ ਟ੍ਰੇਨ ਵੀ ਸ਼ੁਰੂ ਹੋ ਗਈ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ (PM Narendra Modi) ਨੇ 16 ਸਤੰਬਰ ਨੂੰ ਦੇਸ਼ ਦੀ ਪਹਿਲੀ ਵੰਦੇ ਭਾਰਤ ਮੈਟਰੋ ਟਰੇਨ ਦਾ ਉਦਘਾਟਨ ਕੀਤਾ। ਇਹ ਗੁਜਰਾਤ ਦੇ ਅਹਿਮਦਾਬਾਦ ਅਤੇ ਭੁਜ ਵਿਚਕਾਰ ਚੱਲੇਗੀ। ਇਸ ਟਰੇਨ ਨੂੰ ਦਿੱਲੀ ਅਤੇ ਮੁੰਬਈ ਸਮੇਤ ਦੇਸ਼ ਦੇ ਵੱਡੇ ਸ਼ਹਿਰਾਂ ‘ਚ ਚੱਲਣ ਵਾਲੀਆਂ ਮੈਟਰੋ ਟਰੇਨਾਂ ਵਾਂਗ ਡਿਜ਼ਾਈਨ ਕੀਤਾ ਗਿਆ ਹੈ।

ਰੇਲਗੱਡੀ ਅਨੁਸੂਚੀ
ਵੰਦੇ ਭਾਰਤ ਮੈਟਰੋ ਟ੍ਰੇਨ ਸਵੇਰੇ 5:05 ਵਜੇ ਭੁਜ ਤੋਂ ਆਪਣੀ ਯਾਤਰਾ ਸ਼ੁਰੂ ਕਰੇਗੀ ਅਤੇ ਉਸੇ ਦਿਨ ਸਵੇਰੇ 10:50 ਵਜੇ ਅਹਿਮਦਾਬਾਦ ਪਹੁੰਚੇਗੀ। ਇਸ ਤੋਂ ਬਾਅਦ ਵਾਪਸੀ ਦੀ ਯਾਤਰਾ ਲਈ ਇਹ ਸ਼ਾਮ 5:30 ਵਜੇ ਅਹਿਮਦਾਬਾਦ ਤੋਂ ਰਵਾਨਾ ਹੋਵੇਗੀ ਅਤੇ 11:10 ਵਜੇ ਭੁਜ ਪਹੁੰਚੇਗੀ।

ਮੈਟਰੋ ਦਾ ਰਸਤਾ
ਮੈਟਰੋ ਟਰੇਨ ਔਸਤਨ 2 ਮਿੰਟਾਂ ‘ਚ ਰਸਤੇ ‘ਚ 9 ਸਟੇਸ਼ਨਾਂ ‘ਤੇ ਰੁਕ ਕੇ ਯਾਤਰਾ ਪੂਰੀ ਕਰੇਗੀ। ਇਹ ਟਰੇਨ ਹਫਤੇ ‘ਚ 6 ਦਿਨ ਚੱਲੇਗੀ। ਇਸ ਦੀ ਸੇਵਾ ਹਰ ਐਤਵਾਰ ਨੂੰ ਭੁਜ ਤੋਂ ਉਪਲਬਧ ਨਹੀਂ ਹੋਵੇਗੀ ਜਦਕਿ ਅਹਿਮਦਾਬਾਦ ਤੋਂ ਇਸ ਦੀ ਸੇਵਾ ਸ਼ਨੀਵਾਰ ਨੂੰ ਉਪਲਬਧ ਨਹੀਂ ਹੋਵੇਗੀ। ਰਸਤੇ ‘ਚ ਇਹ ਟਰੇਨ ਅੰਜਾਰ, ਗਾਂਧੀ ਧਾਮ, ਭਚਾਊ, ਸਮਖਿਆਲੀ, ਹਲਵੜ, ਧਰਾਂਗਧਰਾ, ਵੀਰਮਗਾਮ, ਚੰਦਲੋਡੀਆ ਅਤੇ ਸਾਬਰਮਤੀ ਸਟੇਸ਼ਨਾਂ ‘ਤੇ ਰੁਕੇਗੀ।

ਵੰਦੇ ਭਾਰਤ ਮੈਟਰੋ ਦੀ ਸਪੀਡ
ਵੰਦੇ ਮੈਟਰੋ ਮੈਟਰੋ ਇੱਕ ਅਰਧ-ਹਾਈ ਸਪੀਡ ਟਰੇਨ ਹੈ। ਭਾਰਤੀ ਰੇਲਵੇ ਦਾ ਦਾਅਵਾ ਹੈ ਕਿ ਨਵੀਂ ਵੰਦੇ ਭਾਰਤ ਮੈਟਰੋ ਟਰੇਨ 360 ਕਿਲੋਮੀਟਰ ਦਾ ਸਫ਼ਰ ਸਿਰਫ਼ 5 ਘੰਟੇ 45 ਮਿੰਟ ਵਿੱਚ ਪੂਰਾ ਕਰੇਗੀ। ਟਰੇਨ ਦੀ ਟਾਪ ਸਪੀਡ 110 ਕਿਲੋਮੀਟਰ ਪ੍ਰਤੀ ਘੰਟਾ ਹੋਵੇਗੀ।

30 ਰੁਪਏ ਤੋਂ ਸ਼ੁਰੂ ਹੋਵੇਗਾ ਵੰਦੇ ਭਾਰਤ ਮੈਟਰੋ ਦਾ ਕਿਰਾਇਆ
ਵੰਦੇ ਭਾਰਤ ਮੈਟਰੋ ਟਰੇਨ ਦੀਆਂ ਟਿਕਟਾਂ ਦੀ ਗੱਲ ਕਰੀਏ ਤਾਂ ਇਸ ਦਾ ਘੱਟੋ-ਘੱਟ ਕਿਰਾਇਆ 30 ਰੁਪਏ ਹੋਵੇਗਾ।

ਬੈਠ ਸਕਣਗੇ 1150 ਯਾਤਰੀ
ਇਸ 12 ਡੱਬਿਆਂ ਵਾਲੀ ਵੰਦੇ ਭਾਰਤ ਮੈਟਰੋ ਟਰੇਨ ਵਿੱਚ 1,150 ਯਾਤਰੀਆਂ ਦੇ ਬੈਠਣ ਦੀ ਸਮਰੱਥਾ ਹੋਵੇਗੀ।

ਕਿੱਥੇ ਬਣਾਇਆ ਗਿਆ ਹੈ ਰੈਕ
ਵੰਦੇ ਮੈਟਰੋ ਦਾ ਪਹਿਲਾ ਰੈਕ ਚੇਨਈ ਸਥਿਤ ਇੰਟੈਗਰਲ ਕੋਚ ਫੈਕਟਰੀ ਯਾਨੀ ਆਈਸੀਐਫ ਵਿੱਚ ਬਣਾਇਆ ਗਿਆ ਹੈ।