ਆਸਟ੍ਰੇਲੀਆ ‘ਚ 50 ਵਿਕਟਾਂ ਲੈ ਕੇ Bumrah ਨੇ ਤੋੜਿਆ Kapil Dev ਦਾ ਰਿਕਾਰਡ, Steve Smith ਨੇ ਵੀ ਮੰਨਿਆ ਲੋਹਾ
ਜਸਪ੍ਰੀਤ ਬੁਮਰਾਹ (Jasprit Bumrah) ਆਸਟ੍ਰੇਲੀਆ ‘ਚ ਆਪਣੀ ਤੇਜ਼ ਗੇਂਦਬਾਜ਼ੀ ਨਾਲ ਆਸਟ੍ਰੇਲੀਆਈ ਬੱਲੇਬਾਜ਼ਾਂ ਨੂੰ ਕਾਫੀ ਪਰੇਸ਼ਾਨ ਕਰ ਰਹੇ ਹਨ। ਬ੍ਰਿਸਬੇਨ ਦੇ ਗਾਬਾ ਮੈਦਾਨ ‘ਤੇ ਚੱਲ ਰਹੇ ਸੀਰੀਜ਼ ਦੇ ਤੀਜੇ ਟੈਸਟ ਮੈਚ ਦੇ ਤੀਜੇ ਦਿਨ ਬੁਮਰਾਹ ਨੇ ਪਹਿਲੇ ਸੈਸ਼ਨ ‘ਚ ਹੀ ਮਿਸ਼ੇਲ ਸਟਾਰਕ ਨੂੰ ਆਊਟ ਕਰ ਦਿੱਤਾ, ਜਿਸ ਨਾਲ ਉਸ ਨੇ ਆਸਟ੍ਰੇਲੀਆ ਦੀ ਧਰਤੀ ‘ਤੇ 10 ਟੈਸਟ ਮੈਚਾਂ ‘ਚ ਵਿਕਟਾਂ ਦਾ ਅਰਧ ਸੈਂਕੜਾ ਪੂਰਾ ਕਰ ਲਿਆ।
ਬੁਮਰਾਹ Kapil Dev ਤੋਂ ਬਾਅਦ ਆਸਟ੍ਰੇਲੀਆ ਵਿਚ ਇਹ ਉਪਲਬਧੀ ਹਾਸਲ ਕਰਨ ਵਾਲੇ ਦੂਜੇ ਭਾਰਤੀ ਬਣ ਗਏ ਹਨ। ਇਸ ਨਾਲ ਬੁਮਰਾਹ (Jasprit Bumrah) ਨੇ 147 ਸਾਲਾਂ ਦੇ ਟੈਸਟ ਇਤਿਹਾਸ ‘ਚ ਅਜਿਹੀ ਉਪਲਬਧੀ ਹਾਸਲ ਕੀਤੀ ਹੈ ਜੋ ਪਹਿਲਾਂ ਮੁਮਕਿਨ ਨਹੀਂ ਹੋਈ ਸੀ। ਉਹ ਆਪਣੇ ਕਰੀਅਰ ਦਾ 43ਵਾਂ ਟੈਸਟ ਖੇਡ ਰਹੇ ਹਨ ਅਤੇ ਉਨ੍ਹਾਂ ਦੀਆਂ ਵਿਕਟਾਂ ਦੀ ਗਿਣਤੀ 191 ਹੋ ਗਈ ਹੈ। ਬੁਮਰਾਹ ਟੈਸਟ ਵਿੱਚ ਸਭ ਤੋਂ ਘੱਟ ਔਸਤ ਨਾਲ 190 ਜਾਂ ਇਸ ਤੋਂ ਵੱਧ ਵਿਕਟਾਂ ਲੈਣ ਵਾਲੇ ਪਹਿਲੇ ਗੇਂਦਬਾਜ਼ ਬਣ ਗਏ ਹਨ।
ਜਸਪ੍ਰੀਤ ਬੁਮਰਾਹ ਨੇ ਤੀਜੇ ਟੈਸਟ ਦੀ ਪਹਿਲੀ ਪਾਰੀ ਵਿੱਚ 6 ਵਿਕਟਾਂ ਲਈਆਂ। ਉਨ੍ਹਾਂ ਨੇ 28 ਓਵਰਾਂ ‘ਚ 9 ਮੇਡਨ ਓਵਰ ਸੁੱਟੇ ਅਤੇ 76 ਦੌੜਾਂ ਦਿੱਤੀਆਂ ਅਤੇ ਆਸਟ੍ਰੇਲੀਆ ਦੇ 6 ਬੱਲੇਬਾਜ਼ਾਂ ਨੂੰ ਪੈਵੇਲੀਅਨ ਭੇਜਿਆ। ਇਸ ਨਾਲ ਬੁਮਰਾਹ ਨੇ ਸਾਬਕਾ ਭਾਰਤੀ ਆਲਰਾਊਂਡਰ Kapil Dev ਦਾ ਰਿਕਾਰਡ ਤੋੜ ਦਿੱਤਾ। ਇਸ ਤੋਂ ਪਹਿਲਾਂ ਕਪਿਲ ਨੇ ਆਸਟ੍ਰੇਲੀਆ ‘ਚ 11 ਟੈਸਟ ਮੈਚਾਂ ‘ਚ 51 ਵਿਕਟਾਂ ਲਈਆਂ ਸਨ।
ਇਸ ਦੌਰਾਨ ਉਨ੍ਹਾਂ ਦੀ ਗੇਂਦਬਾਜ਼ੀ ਔਸਤ 24.58 ਰਹੀ। ਬੁਮਰਾਹ ਨੇ 10 ਟੈਸਟ ਮੈਚਾਂ ‘ਚ ਇਹ ਉਪਲੱਬਧੀ ਹਾਸਲ ਕੀਤੀ ਹੈ। ਹੁਣ ਉਹ ਆਸਟ੍ਰੇਲੀਆ ਦੀ ਧਰਤੀ ‘ਤੇ ਸਭ ਤੋਂ ਤੇਜ਼ 50 ਟੈਸਟ ਵਿਕਟਾਂ ਲੈਣ ਵਾਲੇ ਭਾਰਤੀ ਗੇਂਦਬਾਜ਼ ਬਣ ਗਏ ਹਨ। ਭਾਰਤ ਵਲੋਂ ਸਿਰਫ ਕਪਿਲ ਅਤੇ ਬੁਮਰਾਹ ਨੇ ਹੀ ਆਸਟ੍ਰੇਲੀਆ ਵਿਚ 50 ਟੈਸਟ ਵਿਕਟਾਂ ਲਈਆਂ ਹਨ।.
ਸਰਦੀਆਂ ਵਿੱਚ ਮੂਲੀ ਖਾਣ ਦੇ ਜਾਣੋ ਫਾਈਦੇ
12ਵੀਂ ਵਾਰ ਏਸ਼ੀਆ ਤੋਂ ਬਾਹਰ 5 ਵਿਕਟਾਂ ਹਾਸਿਲ ਕੀਤੀਆਂ
ਏਸ਼ੀਆ ਤੋਂ ਬਾਹਰ ਬੁਮਰਾਹ (Jasprit Bumrah) ਦੇ ਇਹ 12ਵੀਂ ਵਾਰ 5 ਵਿਕਟ ਹਨ। ਉਸ ਨੇ ਏਸ਼ੀਆ ਤੋਂ ਬਾਹਰ ਸਭ ਤੋਂ ਵੱਧ 5 ਵਿਕਟਾਂ ਲੈਣ ਦੇ ਮਾਮਲੇ ਵਿੱਚ Kapil Dev ਨੂੰ ਪਛਾੜ ਦਿੱਤਾ ਹੈ। ਆਪਣੇ ਟੈਸਟ ਕਰੀਅਰ ਵਿੱਚ, Kapil Dev ਨੇ ਇੱਕ ਪਾਰੀ ਵਿੱਚ 11 ਵਾਰ ਅਤੇ ਏਸ਼ੀਆ ਤੋਂ ਬਾਹਰ 5 ਵਾਰ ਪੰਜ ਜਾਂ ਵੱਧ ਵਿਕਟਾਂ ਲਈਆਂ, ਜਦਕਿ ਬੁਮਰਾਹ ਨੇ ਇਹ ਕਾਰਨਾਮਾ 12 ਵਾਰ ਕੀਤਾ ਹੈ। ਸਟੀਵ ਸਮਿਥ ਨੇ ਵੀ ਸੱਜੇ ਹੱਥ ਦੇ ਬੱਲੇਬਾਜ਼ ਬੁਮਰਾਹ ਦੀ ਪ੍ਰਤਿਭਾ ਨੂੰ ਸਵੀਕਾਰ ਕੀਤਾ। ਸੈਂਕੜਾ ਲਗਾਉਣ ਤੋਂ ਬਾਅਦ ਸਮਿਥ ਨੇ ਕਿਹਾ ਕਿ ਬੁਮਰਾਹ ਨੇ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ ਅਤੇ ਉਹ ਵਿਸ਼ਵ ਪੱਧਰੀ ਗੇਂਦਬਾਜ਼ ਹਨ।
ਬੁਮਰਾਹ (Jasprit Bumrah) ਨੇ 147 ਸਾਲਾਂ ਦਾਟੈਸਟ ਇਤਿਹਾਸ ਬਦਲਿਆ
147 ਸਾਲਾਂ ਦੇ ਟੈਸਟ ਇਤਿਹਾਸ ਵਿੱਚ ਇਹ ਪਹਿਲਾ ਮੌਕਾ ਹੈ ਜਦੋਂ ਕਿਸੇ ਗੇਂਦਬਾਜ਼ ਨੇ ਟੈਸਟ ਵਿੱਚ 19.81 ਦੀ ਔਸਤ ਨਾਲ 191 ਵਿਕਟਾਂ ਲਈਆਂ ਹਨ। ਇਸ ਤੋਂ ਪਹਿਲਾਂ ਦੁਨੀਆ ਦਾ ਕੋਈ ਵੀ ਗੇਂਦਬਾਜ਼ ਇੰਨੀ ਘੱਟ ਔਸਤ ਨਾਲ 190 ਵਿਕਟਾਂ ਨਹੀਂ ਲੈ ਸਕਿਆ ਸੀ। ਬੁਮਰਾਹ WTC 2023-25 ਦੇ ਸਾਈਕਲ ‘ਚ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੇ ਗੇਂਦਬਾਜ਼ ਬਣ ਗਏ ਹਨ। ਉਹ 13 ਟੈਸਟ ਮੈਚਾਂ ‘ਚ 63 ਵਿਕਟਾਂ ਲੈ ਕੇ ਸਿਖਰ ‘ਤੇ ਹਨ, ਜਦਕਿ ਅਸ਼ਵਿਨ 60 ਵਿਕਟਾਂ ਨਾਲ ਦੂਜੇ ਸਥਾਨ ‘ਤੇ ਹੈ ਜਦਕਿ ਮਿਸ਼ੇਲ ਸਟਾਰਕ 60 ਵਿਕਟਾਂ ਨਾਲ ਤੀਜੇ ਸਥਾਨ ‘ਤੇ ਹੈ।
