ਰਿਜ਼ੋਰਟ ‘ਚ ਲੱਗੀ ਭਿਆਨਕ ਅੱਗ, 76 ਲੋਕਾਂ ਦੀ ਮੌਤ middle east fire at turkey ski hotel 76 died 51 injured investigation underway – News18 ਪੰਜਾਬੀ
ਤੁਰਕੀ ਦੇ ਉੱਤਰੀ-ਪੱਛਮੀ ਬੋਲੂ ਸੂਬੇ ਵਿਚ ਕਾਰਤਲਕਾਇਆ ਸਕੀ ਰਿਜ਼ੋਰਟ ਵਿਚ ਭਿਆਨਕ ਅੱਗ ਲੱਗਣ ਕਾਰਨ 76 ਲੋਕਾਂ ਦੀ ਮੌਤ ਹੋ ਗਈ। ਇਮਾਰਤ ਦੀ ਇਕ ਮੰਜ਼ਿਲ ਉਤੇ ਰੈਸਟੋਰੈਂਟ ਚੱਲਦਾ ਹੈ। ਇਸ ਰੈਸਟੋਰੈਂਟ ‘ਚ ਅੱਗ ਲੱਗ ਗਈ।
ਸਥਾਨਕ ਅਧਿਕਾਰੀਆਂ ਨੇ ਦੱਸਿਆ ਕਿ ਬਹੁਤ ਸਾਰੇ ਲੋਕਾਂ ਨੇ ਦਹਿਸ਼ਤ ਵਿਚ ਹੋਟਲ ਦੀ ਇਮਾਰਤ ਤੋਂ ਛਾਲ ਮਾਰ ਦਿੱਤੀ, ਜਿਸ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ। ਬੋਲੂ ਪ੍ਰਾਂਤ ਦੇ ਗਵਰਨਰ ਅਬਦੁਲ ਅਜ਼ੀਜ਼ ਅਯਦੀਨ ਨੇ ਕਿਹਾ ਕਿ ਅੱਗ ਲੱਗਣ ਦਾ ਕਾਰਨ ਅਜੇ ਸਪੱਸ਼ਟ ਨਹੀਂ ਹੋਇਆ ਹੈ, ਪਰ ਅੱਗ ਦੀਆਂ ਲਪਟਾਂ ਨੇ ਜਲਦੀ ਹੀ ਹੋਟਲ ਨੂੰ ਆਪਣੀ ਲਪੇਟ ਵਿਚ ਲੈ ਲਿਆ।
230 ਲੋਕਾਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ
ਅੱਗ ਦੀ ਸੂਚਨਾ ਮਿਲਣ ‘ਤੇ ਫਾਇਰ ਬ੍ਰਿਗੇਡ, ਸਰਚ ਐਂਡ ਰੈਸਕਿਊ ਯੂਨਿਟ ਅਤੇ ਮੈਡੀਕਲ ਟੀਮਾਂ ਮੌਕੇ ਉਤੇ ਪਹੁੰਚ ਗਈਆਂ। ਫਾਇਰ ਬ੍ਰਿਗੇਡ ਅਤੇ ਬਚਾਅ ਟੀਮਾਂ ਨੇ ਮਿਲ ਕੇ ਕਰੀਬ 230 ਲੋਕਾਂ ਨੂੰ ਬਚਾਇਆ। ਤੁਰਕੀ ਦੇ ਨਿਆਂ ਮੰਤਰੀ ਯਿਲਮਾਜ਼ ਤੁਨਕ ਨੇ ਕਿਹਾ ਕਿ ਹਾਦਸੇ ਦੀ ਜਾਂਚ ਲਈ ਬੋਲੂ ਸੂਬੇ ਦੇ ਮੁੱਖ ਸਰਕਾਰੀ ਵਕੀਲ ਦੇ ਦਫ਼ਤਰ ਵੱਲੋਂ ਨਿਆਂਇਕ ਜਾਂਚ ਸ਼ੁਰੂ ਕੀਤੀ ਗਈ ਹੈ। ਇਸ ਜਾਂਚ ਵਿੱਚ ਛੇ ਸਰਕਾਰੀ ਵਕੀਲਾਂ ਅਤੇ ਪੰਜ ਮਾਹਿਰਾਂ ਦੀ ਕਮੇਟੀ ਬਣਾਈ ਗਈ ਹੈ।
ਕਾਰਤਲਕਾਯਾ ਰਿਜ਼ੋਰਟ ਤੁਰਕੀ ਦੇ ਪ੍ਰਮੁੱਖ ਸਰਦੀਆਂ ਦੇ ਸੈਰ-ਸਪਾਟਾ ਸਥਾਨਾਂ ਵਿੱਚੋਂ ਇੱਕ ਹੈ, ਸਕਾਈ ਸੀਜ਼ਨ ਦੌਰਾਨ ਹਜ਼ਾਰਾਂ ਸੈਲਾਨੀਆਂ ਨੂੰ ਆਕਰਸ਼ਿਤ ਕਰਦਾ ਹੈ। ਇਹ ਹੋਟਲ 1978 ਤੋਂ ਤੁਰਕੀ ਸਕਾਈਅਰਾਂ ਲਈ ਇੱਕ ਪ੍ਰਮੁੱਖ ਕੇਂਦਰ ਰਿਹਾ ਹੈ। ਬੋਲੂ ਸ਼ਹਿਰ ਅੰਕਾਰਾ ਅਤੇ ਇਸਤਾਂਬੁਲ ਦੇ ਵਿਚਕਾਰ ਸਥਿਤ ਇੱਕ ਪ੍ਰਮੁੱਖ ਸ਼ਹਿਰ ਹੈ, ਅਤੇ ਇਹ ਖੇਤਰ ਸਕੀ ਟੂਰਿਜ਼ਮ ਲਈ ਜਾਣਿਆ ਜਾਂਦਾ ਹੈ। ਕੋਰੋਗਲੂ ਪਹਾੜ ਦੀ ਚੋਟੀ ‘ਤੇ ਸਥਿਤ ਬੋਲੂ ਸ਼ਹਿਰ ਦੇ ਕੇਂਦਰ ਤੋਂ 38 ਕਿਲੋਮੀਟਰ, ਅੰਕਾਰਾ ਅਤੇ ਇਸਤਾਂਬੁਲ ਤੋਂ 180 ਕਿਲੋਮੀਟਰ ਦੂਰ, ਸਕੀ ਐਂਡ ਮਾਉਂਟੇਨ ਹੋਟਲ 60,000 ਵਰਗ ਮੀਟਰ ਦੇ ਖੇਤਰ ਨੂੰ ਕਵਰ ਕਰਦਾ ਹੈ।
ਉਨ੍ਹਾਂ ਕਿਹਾ ਕਿ ਬਦਕਿਸਮਤੀ ਨਾਲ ਮਰਨ ਵਾਲਿਆਂ ਦੀ ਗਿਣਤੀ ਵਧ ਕੇ 76 ਹੋ ਗਈ ਹੈ। ਸਾਡੀਆਂ ਟੀਮਾਂ ਨੇ ਆਪਣੇ ਖੋਜ ਯਤਨਾਂ ਨੂੰ ਅੰਤਿਮ ਰੂਪ ਦੇ ਦਿੱਤਾ ਹੈ, ਅਤੇ ਜਾਂਚ ਜਾਰੀ ਹੈ। ਤੁਰਕੀ ਦੇ ਰਾਸ਼ਟਰਪਤੀ ਰੇਸੇਪ ਤੈਯਪ ਏਰਦੋਗਨ ਨੇ ਬੁੱਧਵਾਰ ਨੂੰ ਕੌਮੀ ਸੋਗ ਦੇ ਦਿਨ ਦਾ ਐਲਾਨ ਕੀਤਾ। ਉਨ੍ਹਾਂ ਕਿਹਾ, “ਜਿਨ੍ਹਾਂ ਲੋਕਾਂ ਨੇ ਕਿਸੇ ਵੀ ਤਰੀਕੇ ਨਾਲ ਅਜਿਹੀ ਤਬਾਹੀ ਕੀਤੀ, ਜਿਨ੍ਹਾਂ ਦੀ ਲਾਪਰਵਾਹੀ ਅਤੇ ਕਸੂਰ ਹੈ, ਉਨ੍ਹਾਂ ਨੂੰ ਕਾਨੂੰਨ ਦੇ ਸਾਹਮਣੇ ਜਵਾਬਦੇਹ ਠਹਿਰਾਇਆ ਜਾਵੇਗਾ।”
