ਅਕਸਰ ਜਨੂੰਨ ਵਿਅਕਤੀ ਨੂੰ ਅਪਰਾਧੀ ਬਣਾ ਦਿੰਦਾ ਹੈ ਅਤੇ ਅਜਿਹਾ ਹੀ ਕੁਝ ਰਾਜਸਥਾਨ ਦੇ ਚੁਰੂ ‘ਚ ਹੋਇਆ, ਜਿੱਥੇ ਉਸ ਦੇ ਜਨੂੰਨ ਨੇ ਇਕ ਵਿਅਕਤੀ ਨੂੰ ਅਜਿਹਾ ਅਪਰਾਧੀ ਬਣਾ ਦਿੱਤਾ ਕਿ ਉਹ ਆਪਣੀ ਬਾਕੀ ਦੀ ਜ਼ਿੰਦਗੀ ਸਲਾਖਾਂ ਪਿੱਛੇ ਹੀ ਕੱਟੇਗਾ। ਇਸ ਨੂੰ ਪਾਗਲਪਨ ਕਹੋ ਜਾਂ ਫਿਰ ਪਤਨੀ ਦੇ ਵਿਸ਼ਵਾਸਘਾਤ ਦਾ ਬਦਲਾ ! ਹਨੂੰਮਾਨਗੜ੍ਹ ਦੀ ਭਾਦਰਾ ਤਹਿਸੀਲ ਦੇ ਇਕ ਛੋਟੇ ਜਿਹੇ ਪਿੰਡ ਦੇ ਇਕ ਵਿਅਕਤੀ ਨੇ ਆਪਣੀ ਪਤਨੀ ਨਾਲ ਗੁੱਸੇ ਕਾਰਨ ਆਪਣੇ ਸਹੁਰੇ ਘਰ ‘ਤੇ ਹੀ ਦੇਸੀ ਬੰਬ ਸੁੱਟ ਦਿੱਤਾ, ਇਸ ਹਮਲੇ ਵਿਚ ਇਕ ਔਰਤ ਝੁਲਸ ਗਈ ਅਤੇ ਇਕ ਨੌਜਵਾਨ ਦੀ ਮੌਤ ਹੋ ਗਈ। ਸਾਰਾ ਮਾਮਲਾ ਸਾਲ 2023 ਦਾ ਹੈ ਅਤੇ ਹੁਣ ਇਹ ਦੋਸ਼ ਸਾਬਤ ਹੋਣ ਤੋਂ ਬਾਅਦ ਅਦਾਲਤ ਨੇ ਦੋਸ਼ੀ ਨੂੰ ਉਮਰ ਕੈਦ ਅਤੇ 75 ਹਜ਼ਾਰ ਰੁਪਏ ਦੇ ਵਿੱਤੀ ਜ਼ੁਰਮਾਨੇ ਦੀ ਸਜ਼ਾ ਸੁਣਾਈ ਹੈ।
ਦਰਅਸਲ, ਹਨੂੰਮਾਨਗੜ੍ਹ ਦੀ ਭਾਦਰਾ ਤਹਿਸੀਲ ਦੇ ਪਿੰਡ ਗੱਡਾ ਦੇ ਰਹਿਣ ਵਾਲੇ ਝਬਰ ਸਿੰਘ ਦਾ ਵਿਆਹ ਚੁਰੂ ਦੇ ਪੋਟੀ ਪਿੰਡ ‘ਚ ਹੋਇਆ ਸੀ, ਜਿਸ ਤੋਂ ਬਾਅਦ ਪਤੀ-ਪਤਨੀ ‘ਚ ਤਕਰਾਰ ਹੋਣ ਤੋਂ ਬਾਅਦ ਝਬਰ ਸਿੰਘ ਦੀ ਪਤਨੀ ਆਪਣੇ ਪੇਕੇ ਘਰ ਆ ਗਈ ਅਤੇ ਗੈਰ ਮਰਦ ਨਾਲ ਲਿਵ-ਇਨ ਰਿਲੇਸ਼ਨਸ਼ਿਪ ‘ਚ ਰਹਿਣ ਲੱਗੀ ਅਤੇ ਇਸ ਗੱਲ ਤੋਂ ਝੱਬਰ ਸਿੰਘ ਆਪਣੇ ਸਹੁਰੇ ਅਤੇ ਪਤਨੀ ਨਾਲ ਨਰਾਜ਼ ਰਹਿਣ ਲੱਗਾ, ਜਿਸ ਤੋਂ ਬਾਅਦ ਜਦੋਂ ਉਸ ਨੂੰ ਕੋਈ ਹੋਰ ਹਥਿਆਰ ਨਾ ਮਿਲਿਆ ਤਾਂ ਉਸ ਨੇ ਖੁਦ ਹੀ ਅਜਿਹਾ ਖਤਰਨਾਕ ਦੇਸੀ ਬੰਬ ਤਿਆਰ ਕਰ ਲਿਆ, ਜਿਸ ਦੇ ਧਮਾਕੇ ਨਾਲ ਸਾਰਾ ਪਿੰਡ ਦਹਿਸ਼ਤ ਵਿੱਚ ਆ ਗਿਆ।
ਅਦਾਲਤ ਨੇ ਸੁਣਾਈ ਉਮਰ ਕੈਦ ਦੀ ਸਜ਼ਾ…
ਸਹੁਰੇ ਘਰ ਪਹੁੰਚ ਕੇ ਝੱਬਰ ਸਿੰਘ ਨੇ ਗੇਟ ਦੇ ਬਾਹਰੋਂ ਬੰਬ ਸੁੱਟਿਆ, ਜਿਸ ਵਿਚ ਝਬਰ ਸਿੰਘ ਦੇ ਸਾਲੇ ਦੀ ਪਤਨੀ ਅਤੇ ਸਾਲੇ ਦਾ ਲੜਕਾ ਮੋਨੂੰ ਬੁਰੀ ਤਰ੍ਹਾਂ ਨਾਲ ਝੁਲਸ ਗਏ। ਝਬਰ ਸਿੰਘ ਵੱਲੋਂ ਸੁੱਟਿਆ ਗਿਆ ਬੰਬ ਇੰਨਾ ਖ਼ਤਰਨਾਕ ਸੀ ਕਿ ਮੋਨੂੰ ਦਾ ਇੱਕ ਹੱਥ ਕੱਟ ਕੇ ਅਲੱਗ ਹੋ ਗਿਆ ਅਤੇ ਉਸ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਵਾਰਦਾਤ ਤੋਂ ਬਾਅਦ ਸੁਰਿੰਦਰ ਸਿੰਘ ਨੇ ਰਤਨ ਨਗਰ ਥਾਣੇ ‘ਚ ਮਾਮਲਾ ਦਰਜ ਕਰਵਾਇਆ ਸੀ, ਜਿਸ ਤੋਂ ਬਾਅਦ 21 ਗਵਾਹ ਅਤੇ ਉਹ 68 ਦਸਤਾਵੇਜ਼ ਅਦਾਲਤ ‘ਚ ਪੇਸ਼ ਕੀਤੇ ਗਏ ਅਤੇ ਸਾਰੇ ਸਬੂਤਾਂ ਅਤੇ ਗਵਾਹਾਂ ਨੂੰ ਸੁਣਨ ਤੋਂ ਬਾਅਦ ਜ਼ਿਲਾ ਅਤੇ ਸੈਸ਼ਨ ਜੱਜ ਰਵਿੰਦਰ ਕੁਮਾਰ ਨੇ ਸ਼ੁੱਕਰਵਾਰ ਨੂੰ ਝਬਰ ਸਿੰਘ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਹੈ।
- First Published :
