ਬਾਲੀਵੁੱਡ ਤੋਂ ਇੱਕ ਬਹੁਤ ਹੀ ਹੈਰਾਨ ਕਰਨ ਵਾਲੀ ਖਬਰ ਸਾਹਮਣੇ ਆਈ ਹੈ। ਅਦਾਕਾਰਾ ਨਰਗਿਸ ਫਾਖਰੀ ਦੀ ਭੈਣ ਆਲੀਆ ਫਾਖਰੀ ਨੂੰ ਸੋਮਵਾਰ ਸ਼ਾਮ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਜਾਣਕਾਰੀ ਮੁਤਾਬਕ ਆਲੀਆ ‘ਤੇ ਆਪਣੇ ਐਕਸ ਬੁਆਏਫ੍ਰੈਂਡ ਅਤੇ ਆਪਣੀ ਮਹਿਲਾ ਦੋਸਤ ਦੀ ਹੱਤਿਆ ਦਾ ਦੋਸ਼ ਹੈ। ਅਦਾਕਾਰਾ ਨਰਗਿਸ ਫਾਖਰੀ ਦੀ ਭੈਣ ਆਲੀਆ ‘ਤੇ ਇਲਜ਼ਾਮ ਹੈ ਕਿ ਉਨ੍ਹਾਂ ਈਰਖਾ ਕਾਰਨ ਅੱਗ ਲਗਾਈ ਸੀ, ਜਿਸ ‘ਚ ਦੋ ਲੋਕਾਂ ਦੀ ਮੌਤ ਹੋ ਗਈ ਸੀ। ਉਸ ‘ਤੇ ਇਹ ਦੋਸ਼ ਚਸ਼ਮਦੀਦਾਂ ਨੇ ਲਾਏ ਹਨ।
ਨਰਗਿਸ ਫਾਖਰੀ ਦੀ ਭੈਣ ਗ੍ਰਿਫਤਾਰ
43 ਸਾਲਾ ਆਲੀਆ ਫਾਖਰੀ ਨੂੰ ਨਿਊਯਾਰਕ ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ ਹੈ। ਜਾਣਕਾਰੀ ਮੁਤਾਬਕ ਆਲੀਆ ਫਾਖਰੀ ਨੂੰ ਨਿਊਯਾਰਕ ‘ਚ ਆਪਣੇ ਸਾਬਕਾ ਪ੍ਰੇਮੀ ਅਤੇ ਉਨ੍ਹਾਂ ਦੀ ਪ੍ਰੇਮਿਕਾ ਦੇ ਕਤਲ ਦੇ ਦੋਸ਼ ‘ਚ ਗ੍ਰਿਫਤਾਰ ਕੀਤਾ ਗਿਆ ਹੈ। ਖਬਰਾਂ ਦੀ ਮੰਨੀਏ ਤਾਂ ਆਲੀਆ ਫਾਖਰੀ ਨੇ ਈਰਖਾ ਦੇ ਚੱਲਦੇ ਦੋ ਮੰਜ਼ਿਲਾ ਗੈਰੇਜ ਨੂੰ ਅੱਗ ਲਗਾ ਦਿੱਤੀ ਸੀ। ਐਡਵਰਡ ਜੈਕਬਜ਼ (35) ਅਤੇ ਅਨਾਸਤਾਸੀਆ ‘ਸਟਾਰ’ ਈਟੀਨ (33) ਦੀ ਅੱਗ ‘ਚ ਮੌਤ ਹੋ ਗਈ। ਇਹ ਖਬਰ ਸਾਹਮਣੇ ਆਉਂਦੇ ਹੀ ਸੋਸ਼ਲ ਮੀਡੀਆ ‘ਤੇ ਹਲਚਲ ਮਚ ਗਈ।
News14 ਮੁਤਾਬਕ ਚਸ਼ਮਦੀਦ ਨੇ ਦੱਸਿਆ ਕਿ ਜਦੋਂ ਉਹ ਇਹ ਬਦਬੂ ਸੁਣ ਕੇ ਬਾਹਰ ਆਇਆ ਤਾਂ ਉਸ ਨੇ ਪੌੜੀਆਂ ‘ਤੇ ਸੋਫਾ ਸੜਦਾ ਦੇਖਿਆ। ਜਿਸ ਕਾਰਨ ਉਸ ਨੂੰ ਉਸ ਥਾਂ ਤੋਂ ਛਾਲ ਮਾਰਨੀ ਪਈ ਅਤੇ ਆਲੀਆ ਵੀ ਉਸ ਦੇ ਨਾਲ ਛਾਲ ਮਾਰ ਕੇ ਬਾਹਰ ਆ ਗਈ। ਹਾਲਾਂਕਿ, ਉਹ ਜੈਕਬਸ ਨੂੰ ਅੱਗ ਤੋਂ ਬਚਾਉਣ ਲਈ ਵਾਪਸ ਚਲੀ ਗਈ। ਚਸ਼ਮਦੀਦਾਂ ਨੇ ਖੁਲਾਸਾ ਕੀਤਾ ਹੈ ਕਿ ਆਲੀਆ ਦਾ ਆਪਣੇ ਐਕਸ ਬੁਆਏਫ੍ਰੈਂਡ ਨਾਲ ਰਿਸ਼ਤਾ ਕਾਫੀ ਬਦਸਲੂਕੀ ਵਾਲਾ ਸੀ। ਆਲੀਆ ਅਕਸਰ ਸਾਰਿਆਂ ਨੂੰ ਕਹਿੰਦੀ ਸੀ ਕਿ ਉਹ ਘਰ ਨੂੰ ਅੱਗ ਲਾ ਦੇਵੇਗੀ ਅਤੇ ਐਡਵਰਡ ਜੈਕਬਸ ਨੂੰ ਮਾਰ ਦੇਵੇਗੀ।
- First Published :
