ਲੰਬੇ ਸਮੇਂ ਤੋਂ Earphones ਦੀ ਕਰ ਰਹੇ ਹੋ ਵਰਤੋਂ? ਇਹ ਆਦਤ ਤੁਹਾਨੂੰ ਬਣਾ ਸਕਦੀ ਹੈ ਬਹਿਰਾ, ਜਾਣੋ ਹੱਲ!
ਅੱਜ ਦੇ ਸਮੇਂ ਵਿੱਚ ਟੈਕਨਾਲੋਜੀ ਸਸਤੀ ਹੋ ਗਈ ਹੈ, ਇਸ ਕਰਕੇ ਈਅਰਬਡਸ ਅਤੇ ਨੈਕਬੈਂਡਸ ਬਹੁਤ ਸਾਰੇ ਲੋਕਾਂ ਦੀ ਰੋਜ਼ਾਨਾ ਲੋੜ ਦਾ ਹਿੱਸਾ ਬਣ ਗਏ ਹਨ। ਪਰ ਲੰਬੇ ਸਮੇਂ ਤੱਕ ਈਅਰਬਡਸ ਅਤੇ ਨੈਕਬੈਂਡਸ ਦੀ ਵਰਤੋਂ ਕਰਨ ਨਾਲ ਕੰਨਾਂ ਨੂੰ ਗੰਭੀਰ ਨੁਕਸਾਨ ਹੋ ਸਕਦਾ ਹੈ, ਜਿਸ ਨਾਲ ਸੁਣਨ ਦੀ ਸਮਰੱਥਾ ਘੱਟ ਸਕਦੀ ਹੈ ਅਤੇ ਹੋਰ ਵੀ ਕਈ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ, ਤਾਂ ਆਓ ਜਾਣਦੇ ਹਾਂ ਇਨ੍ਹਾਂ ਸੰਬੰਧੀ ਤੁਹਾਨੂੰ ਕਿਹੜੀਆਂ ਸਾਵਧਾਨੀਆਂ ਵਰਤਣੀਆਂ ਚਾਹੀਦੀਆਂ ਹਨ।
ਸੁਣਨ ਦੀ ਸਮਰੱਥਾ ਘਟਦੀ ਹੈ:
ਤੁਹਾਨੂੰ ਦੱਸ ਦੇਈਏ ਕਿ ਜੇਕਰ ਤੁਸੀਂ ਲੰਬੇ ਸਮੇਂ ਤੱਕ ਈਅਰ ਪੋਡਸ ਜਾਂ ਨੈਕਬੈਂਡ ਦੀ ਵਰਤੋਂ ਕਰਦੇ ਹੋ ਤਾਂ ਇਹ ਤੁਹਾਡੇ ਕੰਨਾਂ ਨੂੰ ਗੰਭੀਰ ਨੁਕਸਾਨ ਪਹੁੰਚਾ ਸਕਦੇ ਹਨ। ਇਹ ਨਾ ਸਿਰਫ਼ ਸੁਣਨ ਦੀ ਸਮਰੱਥਾ ਨੂੰ ਘਟਾਉਂਦੇ ਹਨ, ਸਗੋਂ ਕੰਨਾਂ ਵਿੱਚ “ਰਿੰਗਿੰਗ ਸਾਊਂਡ” ਦੀ ਸਮੱਸਿਆ ਵੀ ਪੈਦਾ ਕਰ ਸਕਦੇ ਹਨ।
ਕੰਨ ਦੇ ਪਰਦੇ ਦੇ ਨੇੜੇ ਆਉਂਦੀ ਹੈ ਆਵਾਜ਼:
ਤੁਹਾਨੂੰ ਦੱਸ ਦੇਈਏ ਕਿ ਈਅਰਪੌਡ ਅਤੇ ਨੈਬੈਂਡ ਦੀ ਆਵਾਜ਼ ਪੈਦਾ ਕਰਨ ਦਾ ਤਰੀਕਾ ਹੈੱਡਫੋਨ ਅਤੇ ਈਅਰਫੋਨ ਵਰਗਾ ਹੈ। ਉਹ ਕੰਨ ਦੇ ਪਰਦੇ ਦੇ ਬਹੁਤ ਨੇੜੇ ਹੁੰਦੇ ਹਨ, ਜਿਸ ਨਾਲ ਸੁਣਨ ਵਿੱਚ ਸਮੱਸਿਆ ਹੋ ਸਕਦੀ ਹੈ। ਇਨ੍ਹਾਂ ਦੇ ਈਅਰਪੀਸ ਕੰਨ ਦੇ ਕਾਫੀ ਅੰਦਰ ਤੱਕ ਚਲੇ ਜਾਂਦੇ ਹਨ, ਜੋ ਕਿ ਕੰਨ ਦੀ ਗੰਦਗੀ ਨੂੰ ਹੋਰ ਅੰਦਰ ਧੱਕ ਕੇ ਸੁਣਨ ਵਿਚ ਰੁਕਾਵਟ ਪੈਦਾ ਕਰਦੇ ਹਨ।
ਬਲੂਟੁੱਥ ਤਕਨਾਲੋਜੀ, ਪਰ ਕੋਈ ਵਿਸ਼ੇਸ਼ ਸੁਰੱਖਿਆ ਨਹੀਂ:
ਹਾਲਾਂਕਿ ਈਅਰਪੌਡ ਅਤੇ ਨੈਕਬੈਂਡਸ ਵਾਇਰਲੈੱਸ ਹਨ ਅਤੇ ਬਲੂਟੁੱਥ ਤਕਨਾਲੋਜੀ ਦੀ ਵਰਤੋਂ ਕਰਦੇ ਹਨ, ਕੰਨਾਂ ਦੀ ਸਿਹਤ ਲਈ ਇਹਨਾਂ ਡਿਵਾਈਸਾਂ ਵਿੱਚ ਕੋਈ ਵਿਸ਼ੇਸ਼ ਸੁਰੱਖਿਆ ਉਪਾਅ ਪ੍ਰਦਾਨ ਨਹੀਂ ਕੀਤੇ ਗਏ ਹਨ।
ਤੇਜ਼ ਆਵਾਜ਼ ਨਾਲ ਵੱਧਦਾ ਹੈ ਜੋਖਮ:
ਈਅਰ ਪੋਡਸ ਜਾਂ ਨੈਕਬੈਂਡ ਨੂੰ ਲੰਬੇ ਸਮੇਂ ਤੱਕ ਤੇਜ਼ ਆਵਾਜ਼ ਦੇ ਨਾਲ ਵਰਤਣਾ, ਸੁਣਨ ਸ਼ਕਤੀ ਗੁਆਉਣ ਦਾ ਜੋਖਮ ਵਧਾ ਸਕਦਾ ਹੈ। ਕਈ ਸਿਹਤ ਮਾਹਿਰਾਂ ਦਾ ਕਹਿਣਾ ਹੈ ਕਿ ਵਾਇਰਲੈੱਸ ਹੈੱਡਸੈੱਟ ਅਤੇ ਨੇਕਬੈਂਡ ਦੀ ਵਰਤੋਂ ਕਰਦੇ ਸਮੇਂ ਕਦੇ ਵੀ ਆਵਾਜ਼ ਨੂੰ ਜ਼ਿਆਦਾ ਉੱਚੀ ਨਾ ਕਰੋ ਕਿਉਂਕਿ ਇਹ ਕੰਨਾਂ ਦੇ ਬਹੁਤ ਨੇੜੇ ਹੁੰਦੇ ਹਨ, ਇਸ ਲਈ ਉਨ੍ਹਾਂ ਦੀ ਆਵਾਜ਼ ਜਿੰਨੀ ਘੱਟ ਹੋਵੇਗੀ, ਓਨਾ ਹੀ ਚੰਗਾ ਹੋਵੇਗਾ।
ਜਾਗਰੂਕਤਾ ਅਤੇ ਸਾਵਧਾਨੀ ਜ਼ਰੂਰੀ ਹੈ:
ਜੇਕਰ ਤੁਸੀਂ ਇਨ੍ਹਾਂ ਡਿਵਾਈਸਾਂ ਦੀ ਵਰਤੋਂ ਕਰਦੇ ਹੋ ਤਾਂ ਆਵਾਜ਼ ਨੂੰ ਘੱਟ ਰੱਖਣਾ ਅਤੇ ਵਰਤੋਂ ਦੇ ਸਮੇਂ ਨੂੰ ਸੀਮਤ ਰੱਖਣਾ ਜ਼ਰੂਰੀ ਹੈ। ਇਹ ਲੰਬੇ ਸਮੇਂ ਤੱਕ ਤੁਹਾਡੀ ਸੁਣਨ ਸ਼ਕਤੀ ਨੂੰ ਸੁਰੱਖਿਅਤ ਰੱਖਣ ਵਿੱਚ ਮਦਦ ਕਰੇਗਾ।
(Disclaimer: ਉੱਪਰ ਦਿੱਤੇ ਤੱਥ-ਜਾਣਕਾਰੀ ਆਮ ਜਾਣਕਾਰੀ ‘ਤੇ ਅਧਾਰਿਤ ਹਨ। ਨਿਊਜ਼ 18 ਇਨ੍ਹਾਂ ਦੀ ਪੁਸ਼ਟੀ ਨਹੀਂ ਕਰਦਾ। ਇਨ੍ਹਾਂ ਨੂੰ ਅਜ਼ਮਾਉਣ ਤੋਂ ਪਹਿਲਾਂ ਸਬੰਧਤ ਮਾਹਿਰਾਂਦੀਸਲਾਹਲਵੋ।)
