ਲਗਾਤਾਰ ਮਦਦ ਮੰਗਦੇ ਰਹੇ ਅਮਰੀਕੀ ਸੈਨਿਕ, ਚੀਨ ਦੀ ਸੈਨਾ ਦੂਰੋਂ ਦੇਖਦੀ ਰਹੀ ਤਮਾਸ਼ਾ

ਸਾਲ 2021 ‘ਚ ਅਮਰੀਕਾ ਦੀ ਪਰਮਾਣੂ ਪਣਡੁੱਬੀ ਨਾਲ ਵਾਪਰੀ ਘਟਨਾ ਨੂੰ ਲੈ ਕੇ ਚੀਨ ਨੇ ਵੱਡਾ ਖੁਲਾਸਾ ਕੀਤਾ ਹੈ। ਦਾਅਵਾ ਕੀਤਾ ਗਿਆ ਸੀ ਕਿ ਇੱਕ ਅਮਰੀਕੀ ਪਣਡੁੱਬੀ ਸਮੁੰਦਰ ਵਿੱਚ ਕਰੀਬ 200 ਕਿਲੋਮੀਟਰ ਤੱਕ ਇੱਕ ਵੱਡੇ ਤੂਫ਼ਾਨ ਵਿੱਚ ਫਸ ਗਈ ਸੀ। ਹੁਣ ਇਹ ਜਾਣਕਾਰੀ ਚੀਨੀ ਆਪਰੇਸ਼ਨ ਦੇ Declassified ਹੋਣ ਤੋਂ ਬਾਅਦ ਸਾਹਮਣੇ ਆ ਰਹੀ ਹੈ। ਦੱਸਿਆ ਗਿਆ ਕਿ ਸਤੰਬਰ 2021 ‘ਚ ਚੀਨ ਨੇ ਕਰੀਬ 200 ਕਿਲੋਮੀਟਰ ਚੌੜੇ ਇਸ ਵੱਡੇ ਤੂਫਾਨ ਦੀ ਖੋਜ ਲਈ ਮੁਹਿੰਮ ਸ਼ੁਰੂ ਕੀਤੀ ਸੀ। ਇਹ ਤੂਫਾਨ ਦੱਖਣੀ ਚੀਨ ਸਾਗਰ ‘ਚ ਪੈਰਾਸਲ ਟਾਪੂ ਦੇ ਪੂਰਬ ‘ਚ ਨਜ਼ਰ ਆਇਆ ਸੀ।

ਸਾਊਥ ਚਾਈਨਾ ਮਾਰਨਿੰਗ ਪੋਸਟ ਦੀ ਰਿਪੋਰਟ ਮੁਤਾਬਕ ਚੀਨ ਦਾ ਸਭ ਤੋਂ ਉੱਨਤ ਜਹਾਜ਼ ਯਾਨੀ ਰਿਸਰਚ ਵੈਸਲ ਅਤੇ ਇੱਕ ਵੱਡਾ ਡਰੋਨ ਫਲੀਟ ਉੱਥੇ ਖੋਜ ਲਈ ਭੇਜਿਆ ਗਿਆ ਸੀ। ਇਹ ਟੀਮ ਹਵਾ, ਸਮੁੰਦਰ ਦੀ ਸਤ੍ਹਾ ਅਤੇ ਪਾਣੀ ਦੇ ਹੇਠਾਂ ਤੋਂ ਇਸ ਤੂਫ਼ਾਨ ਦੀ ਜਾਂਚ ਕਰਨ ਅਤੇ ਟਰੈਕ ਕਰਨ ਲਈ ਗਈ ਸੀ। ਦਾਅਵਾ ਕੀਤਾ ਗਿਆ ਸੀ ਕਿ

ਕਰੀਬ ਉਸੇ ਸਮੇਂ ਅਮਰੀਕੀ ਜਲ ਸੈਨਾ ਦੀ ਸੀਵੁਲਫ ਸ਼੍ਰੇਣੀ ਦੀ ਪਰਮਾਣੂ ਸੰਚਾਲਿਤ ਪਣਡੁੱਬੀ USS Connecticut ਵੀ ਉੱਥੇ ਪਹੁੰਚ ਗਈ। ਇਹ ਪਣਡੁੱਬੀ 2 ਅਕਤੂਬਰ 2021 ਨੂੰ ਕਿਸੇ ਅਣਜਾਣ ਵਸਤੂ ਨਾਲ ਟਕਰਾ ਗਈ ਸੀ ਅਤੇ ਬੁਰੀ ਤਰ੍ਹਾਂ ਨਾਲ ਨੁਕਸਾਨੀ ਗਈ ਸੀ। US Investigation Military Team ਨੇ ਜਾਂਚ ਦੌਰਾਨ ਜਹਾਜ਼ ‘ਤੇ ਮੌਜੂਦ ਅਧਿਕਾਰੀਆਂ ਅਤੇ ਅਮਲੇ ਨੂੰ ਇਸ ਘਟਨਾ ‘ਚ ਲਾਪਰਵਾਹੀ ਦਾ ਦੋਸ਼ੀ ਪਾਇਆ।

ਚੀਨ ਦੀ ਟੀਮ ਨੇ ਮਦਦ ਨਹੀਂ ਕੀਤੀ
ਅਮਰੀਕੀ ਪਣਡੁੱਬੀ ਵਿੱਚ ਫਸੇ ਲੋਕਾਂ ਦੀ ਜਾਨ ਖ਼ਤਰੇ ਵਿੱਚ ਸੀ ਪਰ ਚੀਨੀ ਜਲ ਸੈਨਾ ਦੇ ਅਧਿਕਾਰੀ ਉਨ੍ਹਾਂ ਦੀ ਮਦਦ ਲਈ ਅੱਗੇ ਨਹੀਂ ਆਏ। ਚੀਨੀ ਜਲ ਸੈਨਾ ਨੇ ਹੁਣ ਇਸ ਘਟਨਾ ਨੂੰ ਤਿੰਨ ਸਾਲ ਬਾਅਦ ਜਨਤਕ ਕੀਤਾ ਹੈ ਅਤੇ ਇਸ ਨੂੰ ਪਿਛਲੇ ਮਹੀਨੇ ਚੀਨੀ ਭਾਸ਼ਾ ਦੇ ਅਕਾਦਮਿਕ ਜਨਰਲ Scientia Sinica Terra ਵਿੱਚ ਪ੍ਰਕਾਸ਼ਿਤ ਕੀਤਾ ਹੈ। ਹਾਲਾਂਕਿ ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਹੋ ਸਕਿਆ ਹੈ ਕਿ ਅਮਰੀਕੀ ਪਣਡੁੱਬੀ ਦੀ ਟੱਕਰ ਅਤੇ ਤੂਫਾਨ ਵਿਚਾਲੇ ਕੋਈ ਸਬੰਧ ਹੈ ਜਾਂ ਨਹੀਂ।

ਚੀਨ ਨੇ ਇਸ ਤੂਫਾਨ ਨੂੰ 15 ਸਤੰਬਰ ਤੋਂ 22 ਸਤੰਬਰ ਤੱਕ ਟਰੈਕ ਕੀਤਾ। ਇਹ ਟੱਕਰ ਤੂਫਾਨ ਦੇ ਬਣਨ ਤੋਂ 10 ਦਿਨ ਬਾਅਦ 2 ਅਕਤੂਬਰ ਨੂੰ ਹੋਈ ਸੀ। ਅਮਰੀਕਾ ਦੀ ਪਣਡੁੱਬੀ ਨੂੰ ਗੰਭੀਰ ਨੁਕਸਾਨ ਪਹੁੰਚਿਆ ਸੀ। 3 ਅਕਤੂਬਰ ਨੂੰ ਲਈ ਗਈ ਇੱਕ ਸੈਟੇਲਾਈਟ ਫੋਟੋ ਵਿੱਚ ਇੱਕ ਪਣਡੁੱਬੀ ਸਮੁੰਦਰ ਦੀ ਸਤ੍ਹਾ ‘ਤੇ ਤੈਰਦੀ ਦਿਖਾਈ ਦਿੱਤੀ ਜੋ ਪੈਰਾਸਲ ਟਾਪੂ ਦੇ ਦੱਖਣ-ਪੂਰਬ ਵਿੱਚ 42.8 ਸਮੁੰਦਰੀ ਮੀਲ ਦੂਰ ਹੈ।