ਐਕਟਿੰਗ ਤੋਂ ਹੱਟ ਕੇ ਕੁੱਝ ਨਵਾਂ ਕਰਨ ਜਾ ਰਹੇ ਇਹ 5 ਅਦਾਕਾਰ, ਕੋਈ ਬਣ ਰਿਹਾ ਨਿਰਮਾਤਾ, ਤਾਂ ਕੋਈ ਬਣ ਰਿਹਾ ਨਿਰਦੇਸ਼ਨ
ਬਾਲੀਵੁੱਡ ਅਭਿਨੇਤਾ ਹੁਣ ਸਿਰਫ ਪਰਦੇ ‘ਤੇ ਐਕਟਿੰਗ ਕਰਨ ਤੱਕ ਹੀ ਸੀਮਤ ਨਹੀਂ ਰਹੇ ਹਨ, ਬਲਕਿ ਪਰਦੇ ਦੇ ਪਿੱਛੇ ਆਪਣੀ ਪ੍ਰਤਿਭਾ ਦਿਖਾ ਕੇ ਭਾਰਤੀ ਫਿਲਮ ਉਦਯੋਗ ਨੂੰ ਇੱਕ ਨਵੇਂ ਅਤੇ ਰੋਮਾਂਚਕ ਤਰੀਕੇ ਨਾਲ ਪ੍ਰਮੋਟ ਕਰ ਰਹੇ ਹਨ। 2025 ਵਿੱਚ, ਕਈ ਸਿਤਾਰੇ ਨਿਰਦੇਸ਼ਨ, ਪ੍ਰੋਡਕਸ਼ਨ ਅਤੇ ਹੋਰ ਭੂਮਿਕਾਵਾਂ ਵਿੱਚ ਆਪਣਾ ਹੁਨਰ ਦਿਖਾਉਣ ਜਾ ਰਹੇ ਹਨ। ਆਓ ਜਾਣਦੇ ਹਾਂ ਅਜਿਹੇ ਕੁੱਝ ਅਦਾਕਾਰਾਂ ਬਾਰੇ…
Ajay Devgn
ਅਜੇ ਦੇਵਗਨ ਇੱਕ ਵਾਰ ਫਿਰ ਨਿਰਦੇਸ਼ਨ ਦੇ ਖੇਤਰ ਵਿੱਚ ਕਦਮ ਰੱਖਣ ਜਾ ਰਹੇ ਹਨ। ਉਹ ਆਪਣੇ ਕਰੀਬੀ ਦੋਸਤ ਅਤੇ ਸਹਿ-ਸਟਾਰ ਅਕਸ਼ੈ ਕੁਮਾਰ ਨਾਲ ਇੱਕ ਅਨ-ਟਾਇਟਲ ਪ੍ਰੋਜੈਕਟ ਦਾ ਨਿਰਦੇਸ਼ਨ ਕਰਨਗੇ। ਇਸ ਸਾਂਝੇਦਾਰੀ ਨੂੰ ਲੈ ਕੇ ਪ੍ਰਸ਼ੰਸਕਾਂ ‘ਚ ਜ਼ਬਰਦਸਤ ਉਤਸ਼ਾਹ ਹੈ ਅਤੇ ਹਰ ਕੋਈ ਅਜੇ ਦੇ ਵਿਲੱਖਣ ਸਟੋਰੀ ਟੈਲਿੰਗ ਅੰਦਾਜ਼ ਦਾ ਇੰਤਜ਼ਾਰ ਕਰ ਰਿਹਾ ਹੈ।
Vir Das
ਅਭਿਨੇਤਾ ਅਤੇ ਸਟੈਂਡ-ਅੱਪ ਕਾਮੇਡੀਅਨ ਵੀਰ ਦਾਸ ਹੁਣ ਨਿਰਦੇਸ਼ਕ ਵਜੋਂ ਆਪਣੀ ਸ਼ੁਰੂਆਤ ਕਰ ਰਹੇ ਹਨ। ਵੀਰ ਦਾਸ ਦੀ ਫਿਲਮ ਹੈਪੀ ਪਟੇਲ ‘ਚ ਇਮਰਾਨ ਖਾਨ ਮੁੱਖ ਭੂਮਿਕਾ ਨਿਭਾਉਣਗੇ। ਇਮਰਾਨ ਦੇ ਮਾਮਾ ਆਮਿਰ ਖਾਨ ਇਸ ਫਿਲਮ ਨੂੰ ਪ੍ਰੋਡਿਊਸ ਕਰਨਗੇ। ਦਿੱਲੀ ਬੇਲੀ ਵਿੱਚ ਵੀਰ ਅਤੇ ਇਮਰਾਨ ਦੀ ਜੋੜੀ ਪਹਿਲਾਂ ਹੀ ਹਿੱਟ ਸਾਬਤ ਹੋ ਚੁੱਕੀ ਹੈ ਅਤੇ ਇਸ ਪ੍ਰੋਜੈਕਟ ਨੂੰ ਲੈ ਕੇ ਉਨ੍ਹਾਂ ਨੂੰ ਉਮੀਦਾਂ ਵੀ ਬਹੁਤ ਜ਼ਿਆਦਾ ਹਨ।
ਕੀ Pregnancy ਦੌਰਾਨ ਕੇਸਰ ਵਾਲਾ ਦੁੱਧ ਪੀਣਾ ਚਾਹੀਦਾ ਹੈ?
Anshuman Jha
ਅੰਸ਼ੁਮਨ ਝਾਅ ਪਹਿਲੀ ਵਾਰ ਨਿਰਦੇਸ਼ਨ ਵਿੱਚ ਕਦਮ ਰੱਖ ਰਹੇ ਹਨ। ਉਸ ਦੀ ਬਲੈਕ ਕਾਮੇਡੀ ਥ੍ਰਿਲਰ ਲਾਰਡ ਕਰਜ਼ਨ ਕੀ ਹਵੇਲੀ, ਜਿਸਦੀ ਸ਼ੂਟਿੰਗ ਪੂਰੀ ਤਰ੍ਹਾਂ ਯੂ.ਕੇ. ਵਿੱਚ ਕੀਤੀ ਗਈ ਹੈ, ਵਿੱਚ ਅਰਜੁਨ ਮਾਥੁਰ, ਰਸਿਕਾ ਦੁੱਗਲ, ਪਰੇਸ਼ ਪਾਹੂਜਾ ਅਤੇ ਜ਼ੋਇਆ ਰਹਿਮਾਨ ਹਨ। ਫਿਲਮ ਨੂੰ ਕਈ ਅੰਤਰਰਾਸ਼ਟਰੀ ਫਿਲਮ ਫੈਸਟੀਵਲ ਵਿੱਚ ਪ੍ਰਸ਼ੰਸਾ ਮਿਲੀ ਹੈ ਅਤੇ ਭਾਰਤ ਵਿੱਚ 2025 ਦੀ ਪਹਿਲੀ ਤਿਮਾਹੀ ਵਿੱਚ ਰਿਲੀਜ਼ ਹੋਣ ਵਾਲੀ ਹੈ।
Shahid Kapoor
ਸ਼ਾਹਿਦ ਕਪੂਰ 2025 ਵਿੱਚ ਇੱਕ ਟ੍ਰਿਲਜੀ ਨਾਲ ਨਿਰਮਾਤਾ ਦੀ ਭੂਮਿਕਾ ਵਿੱਚ ਕਦਮ ਰੱਖ ਰਹੇ ਹਨ। ਇਹ ਉਨ੍ਹਾਂ ਦੀ ਪਹਿਲੀ ਪ੍ਰੋਡਕਸ਼ਨ ਫਿਲਮ ਹੋਵੇਗੀ। ਅਮੀਸ਼ ਤ੍ਰਿਪਾਠੀ ਦੇ ਨਾਵਲ ‘ਤੇ ਆਧਾਰਿਤ ਇਹ ਟ੍ਰਿਲਜੀ ਇੱਕ ਪੀਰੀਅਡ ਮਾਈਥੋਲਾਜੀਕਲ ਵਾਰ ਸਾਗਾ ਹੋਵੇਗੀ। ਸ਼ਾਹਿਦ ਨੇ ਇਸ ਪ੍ਰੋਜੈਕਟ ਲਈ Netflix ਨਾਲ ਸਾਂਝੇਦਾਰੀ ਕੀਤੀ ਹੈ। ਇਸ ਨੂੰ ਬਾਹੂਬਲੀ ਵਰਗੀਆਂ ਐਪਿਕ ਫਿਲਮਾਂ ਦੇ ਪੱਧਰ ‘ਤੇ ਡਿਜ਼ਾਈਨ ਕੀਤਾ ਜਾ ਰਿਹਾ ਹੈ।
Rajkummar Rao
2024 ਵਿੱਚ ਸਤ੍ਰੀ 2 ਦੀ ਸਫਲਤਾ ਤੋਂ ਬਾਅਦ, ਰਾਜਕੁਮਾਰ ਰਾਓ ਨਿਰਮਾਤਾ ਦੀ ਭੂਮਿਕਾ ਵਿੱਚ ਕਦਮ ਰੱਖ ਰਹੇ ਹਨ। ਆਪਣੀ ਪਹਿਲੀ ਪ੍ਰੋਡਕਸ਼ਨ ਟੋਸਟਰ, ਜੋ ਕਿ ਨੈੱਟਫਲਿਕਸ ਨਾਲ ਬਣਾਈ ਜਾ ਰਹੀ ਹੈ, ਵਿੱਚ ਉਹ ਸੋਨਾਕਸ਼ੀ ਸਿਨਹਾ ਦੇ ਨਾਲ ਮੁੱਖ ਭੂਮਿਕਾ ਵਿੱਚ ਨਜ਼ਰ ਆਉਣਗੇ। ਇਸ ਕ੍ਰਾਈਮ ਕਾਮੇਡੀ ਦਾ ਨਿਰਦੇਸ਼ਨ ਗਨਜ਼ ਐਂਡ ਰੋਜ਼ਸ ਦੇ ਸਹਾਇਕ ਨਿਰਦੇਸ਼ਕ ਵਿਵੇਕ ਦਾਸ ਚੌਧਰੀ ਕਰਨਗੇ। ਟੋਸਟਰ ਦੀ ਸ਼ੂਟਿੰਗ ਜਨਵਰੀ 2025 ਵਿੱਚ ਸ਼ੁਰੂ ਹੋਵੇਗੀ ਅਤੇ ਇਹ ਸਾਲ ਦੇ ਅੰਤ ਤੱਕ ਰਿਲੀਜ਼ ਹੋਵੇਗੀ।
