ਕਾਲੀ ਮਿਰਚ ਨੂੰ ਦੇਸੀ ਘਿਓ ਨਾਲ ਮਿਲਾ ਕੇ ਖਾਓ, ਇਹ 5 ਬਿਮਾਰੀਆਂ ਤੋਂ ਮਿਲੇਗੀ ਰਾਹਤ Health Tips Mix black pepper with desi ghee and eat it you will get relief from these 5 diseases. – News18 ਪੰਜਾਬੀ
ਕਾਲੀ ਮਿਰਚ, ਭਾਰਤੀ ਰਸੋਈਆਂ ਵਿੱਚ ਇੱਕ ਮੁੱਖ ਮਸਾਲਾ ਹੈ ਜੋ ਕਈ ਸਬਜ਼ੀਆਂ ਬਣਾਉਣ ਲਈ ਵਰਤਿਆ ਜਾਂਦਾ ਹੈ। ਕਾਲੀ ਮਿਰਚ ਨੂੰ “ਮਸਾਲਿਆਂ ਦਾ ਰਾਜਾ” ਵੀ ਕਿਹਾ ਜਾਂਦਾ ਹੈ। ਕਾਲੀ ਮਿਰਚ ਆਪਣੇ ਮਸਾਲੇਦਾਰ ਸੁਆਦ ਅਤੇ ਚਿਕਿਤਸਕ ਗੁਣਾਂ ਕਰਕੇ ਹੀ ਇੰਨੀ ਖਾਈ ਜਾਂਦੀ ਹੈ। ਇਸ ਲਈ ਤੁਹਾਨੂੰ ਕਾਲੀ ਮਿਰਚ ਨੂੰ ਰੋਜ਼ਾਨਾ ਆਪਣੀ ਖੁਰਾਕ ਵਿੱਚ ਸ਼ਾਮਲ ਕਰਨਾ ਚਾਹੀਦਾ ਹੈ। ਆਓ ਜਾਣਦੇ ਹਾਂ ਇਸ ਕਾਲੀ ਮਿਰਚ ਖਾਣ ਨਾਲ ਸਾਨੂੰ ਕੀ-ਕੀ ਲਾਭ ਹੁੰਦੇ ਹਨ।
ਇਮਿਊਨਿਟੀ ਵਧਾਉਂਦੀ ਹੈ ਕਾਲੀ ਮਿਰਚ: ਕਾਲੀ ਮਿਰਚ ਤੁਹਾਡੀ ਇਮਿਊਨ ਸਿਸਟਮ ਨੂੰ ਮਜ਼ਬੂਤ ਕਰਨ ਦਾ ਇੱਕ ਸਧਾਰਨ ਪਰ ਪ੍ਰਭਾਵਸ਼ਾਲੀ ਤਰੀਕਾ ਹੈ। ਇਹ ਵਾਈਟ ਬਲੱਡ ਸੈੱਲਾਂ ਦੀ ਗਿਣਤੀ ਨੂੰ ਵਧਾਉਂਦੀ ਹੈ, ਤੁਹਾਡੇ ਸਰੀਰ ਨੂੰ ਬੈਕਟੀਰੀਆ ਅਤੇ ਵਾਇਰਸਾਂ ਨਾਲ ਲੜਨ ਵਿੱਚ ਮਦਦ ਕਰਦੀ ਹੈ।
ਪਾਚਨ ਸ਼ਕਤੀ ਮਜ਼ਬੂਤ ਕਰਦੀ ਹੈ ਕਾਲੀ ਮਿਰਚ: ਇਹ ਮਸਾਲਾ ਪੇਟ ਵਿੱਚ ਹਾਈਡ੍ਰੋਕਲੋਰਿਕ ਐਸਿਡ ਦੇ ਉਤਪਾਦਨ ਨੂੰ ਉਤੇਜਿਤ ਕਰਦਾ ਹੈ, ਜੋ ਪਾਚਨ ਅਤੇ ਪੌਸ਼ਟਿਕ ਤੱਤਾਂ ਦੀ ਸਮਾਈ ਨੂੰ ਸੁਧਾਰਦਾ ਹੈ। ਇਹ ਪੇਟ ਫੁੱਲਣ, ਗੈਸ ਆਦਿ ਤੋਂ ਵੀ ਰਾਹਤ ਦਿਵਾਉਂਦੀ ਹੈ।
ਵਾਲਾਂ ਤੇ ਸਕਿਨ ਦੀ ਸਿਹਤ ਲਈ ਵੀ ਵਰਦਾਨ ਹੈ ਕਾਲੀ ਮਿਰਚ: ਕਾਲੀ ਮਿਰਚ ਸਕੈਲਪ ਦੀ ਸਿਹਤ ਲਈ ਬਹੁਤ ਵਧੀਆ ਹੈ, ਇਹ ਡੈਂਡਰਫ ਨੂੰ ਘਟਾ ਸਕਦੀ ਹੈ, ਅਤੇ ਸਮੇਂ ਤੋਂ ਪਹਿਲਾਂ ਵਾਲਾਂ ਨੂੰ ਚੁੱਟੇ ਹੋਣ ਤੋਂ ਰੋਕ ਸਕਦੀ ਹੈ। ਕਾਲੀ ਮਿਰਚ ਵਿਟਿਲਿਗੋ (ਜੋ ਸਕਿਨ ਦੀ ਡਿਪਿਗਮੈਂਟੇਸ਼ਨ ਦਾ ਕਾਰਨ ਬਣਦੀ ਹੈ) ਨੂੰ ਠੀਕ ਕਰ ਸਕਦੀ ਹੈ।
ਕੈਂਸਰ ਦੀ ਰੋਕਥਾਮ ਵੀ ਕਰ ਸਕਦੀ ਹੈ ਕਾਲੀ ਮਿਰਚ: ਐਂਟੀਆਕਸੀਡੈਂਟਸ ਨਾਲ ਭਰਪੂਰ, ਕਾਲੀ ਮਿਰਚ ਸਰੀਰ ਵਿੱਚ ਫ੍ਰੀ ਰੈਡੀਕਲਸ ਨੂੰ ਬੇਅਸਰ ਕਰਨ ਵਿੱਚ ਮਦਦ ਕਰਦੀ ਹੈ। ਕਾਲੀ ਮਿਰਚ ਦੇ ਗੁਣ ਟਿਊਮਰ ਦੇ ਵਾਧੇ ਨੂੰ ਨਿਯੰਤਰਿਤ ਕਰਨ ਅਤੇ ਕੈਂਸਰ ਦੇ ਜੋਖਮਾਂ ਨੂੰ ਘਟਾਉਣ ਵਿੱਚ ਭੂਮਿਕਾ ਨਿਭਾ ਸਕਦੇ ਹਨ।
ਬਲੱਡ ਸ਼ੂਗਰ ਨੂੰ ਕੰਟਰੋਲ ਕਰਦੀ ਹੈ ਕਾਲੀ ਮਿਰਚ
ਕਾਲੀ ਮਿਰਚ ਬਲੱਡ ਗਲੂਕੋਜ਼ ਮੈਟਾਬੋਲਿਜ਼ਮ ਨੂੰ ਵਧਾਉਂਦੀ ਹੈ ਅਤੇ ਇਨਸੁਲਿਨ ਸੰਵੇਦਨਸ਼ੀਲਤਾ ਨੂੰ ਸੁਧਾਰਦੀ ਹੈ, ਜਿਸ ਨਾਲ ਇਹ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਮੈਨੇਜ ਕਰਨਾ ਆਸਾਨ ਹੋ ਜਾਂਦਾ ਹੈ।
ਕਿਵੇਂ ਕਰਨਾ ਹੈ ਕਾਲੀ ਮਿਰਚ ਦਾ ਸੇਵਨ, ਆਓ ਜਾਣਦੇ ਹਾਂ: ਵੱਧ ਤੋਂ ਵੱਧ ਸਿਹਤ ਲਾਭਾਂ ਲਈ, ਇੱਕ ਚਮਚ ਦੇਸੀ ਘਿਓ ਵਿੱਚ ਇੱਕ ਚੁਟਕੀ ਕਾਲੀ ਮਿਰਚ ਪਾਊਡਰ ਮਿਲਾਓ। ਸਵੇਰੇ ਖਾਲੀ ਪੇਟ ਇਸ ਮਿਸ਼ਰਣ ਦਾ ਸੇਵਨ ਕਰੋ। ਤੁਹਾਡੀ ਰੁਟੀਨ ਵਿੱਚ ਇਹ ਸਧਾਰਨ ਸੁਮੇਲ ਨਾ ਸਿਰਫ਼ ਸਿਹਤ ਨੂੰ ਵਧਾਉਂਦਾ ਹੈ ਬਲਕਿ ਤੁਹਾਡੀ ਰੋਜ਼ਾਨਾ ਖੁਰਾਕ ਵਿੱਚ ਇੱਕ ਵਿਲੱਖਣ ਤਾਕਤ ਵੀ ਜੋੜਦਾ ਹੈ।
(Disclaimer: ਉੱਪਰ ਦਿੱਤੇ ਤੱਥ-ਜਾਣਕਾਰੀ ਆਮ ਜਾਣਕਾਰੀ ‘ਤੇ ਅਧਾਰਿਤ ਹਨ। ਨਿਊਜ਼ 18 ਇਨ੍ਹਾਂ ਦੀ ਪੁਸ਼ਟੀ ਨਹੀਂ ਕਰਦਾ। ਇਨ੍ਹਾਂ ਨੂੰ ਅਜ਼ਮਾਉਣ ਤੋਂ ਪਹਿਲਾਂ ਸਬੰਧਤ ਮਾਹਿਰਾਂ ਦੀ ਸਲਾਹ ਲਵੋ।)
