Nitish Kumar Reddy hits fours and sixes on Pat Cummins’ balls, hits the bat like a hammer – News18 ਪੰਜਾਬੀ

ਭਾਰਤੀ ਖਿਡਾਰੀਆਂ ਦੀ ਚਰਚਾ ਇਸ ਸਮੇਂ ਪੂਰੀ ਦੁਨੀਆਂ ਵਿੱਚ ਹੋ ਰਹੀ ਹੈ। ਜਿੱਥੇ ਅਰਸ਼ਦੀਪ ਦੀ ਚਰਚਾ T20i ਵਿੱਚ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੇ ਖਿਡਾਰੀ ਦੇ ਰੂਪ ਵਿੱਚ ਹੋ ਰਹੀ ਹੈ ਉੱਥੇ ਹੀ ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਖੇਡੇ ਗਏ ਮੈਚ ਵਿੱਚ ਆਸਟ੍ਰੇਲੀਆ ਦੀ ਦਿੱਗਜ਼ ਖਿਡਾਰੀ ਨੂੰ ਆਪਣੇ ਬੱਲੇ ਨਾਲ ਸ਼ਾਨਦਾਰ ਜਵਾਬ ਦੇਣ ਕਰਕੇ ਨੀਤੀਸ਼ ਕੁਮਾਰ ਰੈੱਡੀ ਵੀ ਚਰਚਾ ਵਿੱਚ ਚੱਲ ਰਿਹਾ ਹੈ।

ਪਰਥ ਦੀ ਵਿਕਟ ‘ਤੇ ਜਿੱਥੇ ਭਾਰਤੀ ਸ਼ੇਰ ਇਕ-ਇਕ ਕਰ ਕੇ ਮਾਰੇ ਜਾ ਰਹੇ ਸਨ, ਉਥੇ ਹੀ ਡੈਬਿਊ ਕਰਨ ਵਾਲੇ ਨਿਤੀਸ਼ ਕੁਮਾਰ ਰੈੱਡੀ (Nitish Kumar Reddy) ਨੇ ਹਥੌੜੇ ਵਾਂਗ ਬੱਲਾ ਚਲਾ ਦਿੱਤਾ। ਇਸ ਨੌਜਵਾਨ ਆਲਰਾਊਂਡਰ ਨੇ ਆਪਣੇ ਕਰੀਅਰ ਦੇ ਪਹਿਲੇ ਟੈਸਟ ਮੈਚ ‘ਚ ਵਿਸ਼ਵ ਪੱਧਰੀ ਗੇਂਦਬਾਜ਼ਾਂ ਨੂੰ ਕਰਾਰਾ ਜਵਾਬ ਦਿੱਤਾ।

ਜਾਂ ਇਸ ਤਰ੍ਹਾਂ ਕਹਿ ਲਈਏ ਕਿ ਉਸਨੇ ਪੈਟ ਕਮਿੰਸ ਵਰਗੇ ਮਹਾਨ ਖਿਡਾਰੀ ਨੂੰ ਬਰਾਬਰ ਦੀ ਟੱਕਰ ਦਿੱਤੀ। ਨਿਤੀਸ਼ ਨੇ ਪੈਟ ਕਮਿੰਸ ਦੇ ਆਊਟ ਹੋਣ ਤੋਂ ਪਹਿਲਾਂ 10 ਗੇਂਦਾਂ ‘ਤੇ ਸ਼ਾਨਦਾਰ ਛੱਕਾ ਲਗਾਇਆ। ਇਸ 21 ਸਾਲ ਦੇ ਨੌਜਵਾਨ ਆਲਰਾਊਂਡਰ ਨੇ ਪਰਥ ਵਰਗੀ ਤੇਜ਼ ਅਤੇ ਉਛਾਲ ਭਰੀ ਪਿੱਚ ‘ਤੇ ਕਮਾਲ ਦਾ ਹੁਨਰ ਦਿਖਾਇਆ। ਦਿੱਗਜ ਖਿਡਾਰੀ ਵੀ ਨਿਤੀਸ਼ ਦੀ ਨਿਡਰ ਬੱਲੇਬਾਜ਼ੀ ਦੀ ਤਾਰੀਫ ਕਰਦੇ ਨਹੀਂ ਥੱਕ ਰਹੇ ਹਨ। ਇਸ ਖਿਡਾਰੀ ਨੂੰ ਭਵਿੱਖ ਦਾ ਸਟਾਰ ਕਿਹਾ ਜਾ ਰਿਹਾ ਹੈ ਜਿਸ ਨੇ ਪਿਛਲੇ ਆਈਪੀਐਲ ਸੀਜ਼ਨ ਵਿੱਚ ਸਨਰਾਈਜ਼ਰਜ਼ ਹੈਦਰਾਬਾਦ (Sunrisers Hyderabad) ਲਈ ਖੇਡਦੇ ਹੋਏ ਬੱਲੇਬਾਜ਼ੀ ਅਤੇ ਗੇਂਦਬਾਜ਼ੀ ਵਿੱਚ ਹਲਚਲ ਮਚਾ ਦਿੱਤੀ ਸੀ।

ਪਰਥ ਦੇ ਓਪਟਸ ਸਟੇਡੀਅਮ ਦੀ ਤੇਜ਼ ਅਤੇ ਉਛਾਲ ਵਾਲੀ ਪਿੱਚ ‘ਤੇ ਵਿਰਾਟ ਕੋਹਲੀ, ਕੇਐੱਲ ਰਾਹੁਲ ਅਤੇ ਯਸ਼ਸਵੀ ਜੈਸਵਾਲ ਵਰਗੇ ਖਿਡਾਰੀ ਸਸਤੇ ‘ਚ ਆਊਟ ਹੋ ਗਏ ਤਾਂ ਫਿਰ ਨਿਤੀਸ਼ ਕੁਮਾਰ ਰੈੱਡੀ ਨੇ ਪਾਰਿ ਨੂੰ ਸੰਭਾਲਿਆ। ਉਸਨੇ 59 ਗੇਂਦਾਂ ਵਿੱਚ 41 ਦੌੜਾਂ ਦੀ ਪਾਰੀ ਖੇਡੀ ਜਿਸ ਵਿੱਚ 6 ਚੌਕੇ ਅਤੇ ਇੱਕ ਛੱਕਾ ਸ਼ਾਮਲ ਸੀ। ਨਿਤੀਸ਼ ਭਾਰਤੀ ਪਾਰੀ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ ਸਨ।

ਨਿਤੀਸ਼ ਦੀ ਸ਼ਾਨਦਾਰ ਪਾਰੀ ਦੇ ਦਮ ‘ਤੇ ਭਾਰਤੀ ਟੀਮ ਨੇ ਪਹਿਲੀ ਪਾਰੀ ‘ਚ 159 ਦੌੜਾਂ ਬਣਾਈਆਂ। ਭਾਰਤ ਦੀ ਪਹਿਲੀ ਪਾਰੀ 49.4 ਓਵਰਾਂ ਵਿੱਚ ਸਿਮਟ ਗਈ। ਭਾਰਤ ਲਈ ਵਿਕਟਕੀਪਰ ਰਿਸ਼ਭ ਪੰਤ ਨੇ 37 ਦੌੜਾਂ ਬਣਾਈਆਂ ਜਦਕਿ ਕੇਐੱਲ ਰਾਹੁਲ 26 ਦੌੜਾਂ ਬਣਾ ਕੇ ਆਊਟ ਹੋਏ। ਕੋਹਲੀ ਨੇ 5 ਦੌੜਾਂ ਦਾ ਯੋਗਦਾਨ ਦਿੱਤਾ ਜਦਕਿ ਜੈਸਵਾਲ ਖਾਤਾ ਵੀ ਨਹੀਂ ਖੋਲ੍ਹ ਸਕੇ।