ਜੇਕਰ ਤੁਸੀਂ iPhone ‘ਤੇ Meta ਦੇ ਮਲਕੀਅਤ ਵਾਲੇ ਇੰਸਟੈਂਟ ਮੈਸੇਜਿੰਗ ਪਲੇਟਫਾਰਮ WhatsApp ਦੀ ਵਰਤੋਂ ਕਰਦੇ ਹੋ ਤਾਂ ਤੁਹਾਡੇ ਲਈ ਅਹਿਮ ਖਬਰ ਹੈ। ਵਾਟਸਐਪ ਪੁਰਾਣੇ ਡਿਵਾਈਸਾਂ ਅਤੇ ਓਪਰੇਟਿੰਗ ਸਿਸਟਮਾਂ ਲਈ ਸਮਰਥਨ (support) ਖਤਮ ਕਰਦਾ ਰਹਿੰਦਾ ਹੈ ਤਾਂ ਜੋ ਪਲੇਟਫਾਰਮ ਨੂੰ ਨਵੇਂ ਫੀਚਰਸ, ਸਕਿਊਰਿਟੀ ਅਪਡੇਟਾਂ ਅਤੇ ਐਡਵਾਂਸ ਆਰਕੀਟੈਕਚਰ ਨਾਲ ਡਿਵੈਲਪ ਕੀਤਾ ਜਾ ਸਕੇ। ਹੁਣ WhatsApp ਅਗਲੇ ਸਾਲ ਤੋਂ ਕੁਝ ਆਈਫੋਨ ਨੂੰ ਸਪੋਰਟ ਕਰਨਾ ਬੰਦ ਕਰਨ ਜਾ ਰਿਹਾ ਹੈ।
ਤਾਜ਼ਾ ਅਪਡੇਟ ਵਿੱਚ, WhatsApp ਨੇ ਪੁਰਾਣੇ iOS ਵਰਜ਼ਨ ਲਈ ਸਪੋਰਟ ਬੰਦ ਕਰਨ ਬਾਰੇ ਯੂਜਰਸ ਨੂੰ ਨੋਟੀਫਿਕੇਸ਼ਨ ਭੇਜਣੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਇਸ ਦਾ ਮਤਲਬ ਹੈ ਕਿ ਪੁਰਾਣੇ ਆਪਰੇਟਿੰਗ ਸਿਸਟਮ ਦੀ ਵਰਤੋਂ ਕਰਨ ਵਾਲੇ ਆਈਫੋਨ ਯੂਜ਼ਰ ਵਟਸਐਪ ਦੀ ਵਰਤੋਂ ਨਹੀਂ ਕਰ ਸਕਣਗੇ।
WhatsApp ਇਹਨਾਂ iOS ਵਰਜ਼ਨ ਲਈ ਸਮਰਥਨ ਖਤਮ ਕਰ ਰਿਹਾ ਹੈ
ਨੋਟੀਫਿਕੇਸ਼ਨ ਅਨੁਸਾਰ, WhatsApp iOS 15 ਤੋਂ ਪਹਿਲਾਂ ਦੇ ਵਰਜ਼ਨ ਲਈ ਸਮਰਥਨ ਬੰਦ ਕਰ ਦੇਵੇਗਾ। ਇਸ ਦਾ ਮਤਲਬ ਹੈ ਕਿ iOS 15 ਜਾਂ ਇਸ ਤੋਂ ਪੁਰਾਣੇ ਵਰਜ਼ਨ ‘ਤੇ ਚੱਲ ਰਹੇ ਆਈਫੋਨ ‘ਤੇ WhatsApp ਕੰਮ ਨਹੀਂ ਕਰੇਗਾ। ਇਹ ਬਦਲਾਅ 5 ਮਈ, 2025 ਤੋਂ ਲਾਗੂ ਹੋਵੇਗਾ।
5 ਮਈ ਤੋਂ ਬਦਲਾਅ
ਵਰਤਮਾਨ ਵਿੱਚ WhatsApp iOS 12 ਜਾਂ ਨਵੇਂ ਵਰਜ਼ਨ ਦਾ ਸਮਰਥਨ ਕਰਦਾ ਹੈ। ਪਰ 5 ਮਈ ਤੋਂ, ਪਲੇਟਫਾਰਮ ਸਿਰਫ iOS 15.1 ਜਾਂ ਇਸ ਤੋਂ ਨਵੇਂ ਵਾਲੇ ਆਈਫੋਨਾਂ ਨੂੰ ਸਪੋਰਟ ਕਰੇਗਾ।
ਤੁਸੀਂ ਕੀ ਕਰ ਸਕਦੇ ਹੋ
ਕੁਝ ਚੀਜ਼ਾਂ ਹਨ ਜਿਨਾਂ ਨੂੰ ਤੁਸੀਂ ਅਜ਼ਮਾ ਸ਼ਿਸ਼ ਕਰ ਸਕਦੇ ਹੋ। ਸਭ ਤੋਂ ਪਹਿਲਾਂ, ਆਪਣੇ ਆਈਫੋਨ ਨੂੰ ਉਪਲਬਧ ਲੇਟੈਸਟ ਆਈਓਐਸ ਵਰਜ਼ਨ ਵਿੱਚ ਅਪਗ੍ਰੇਡ ਕਰੋ। ਉਦਾਹਰਨ ਲਈ, ਜੇਕਰ ਤੁਹਾਡੀ ਡਿਵਾਈਸ iOS 15.1 ਨੂੰ ਸਪੋਰਟ ਕਰਦੀ ਹੈ ਅਤੇ ਤੁਸੀਂ ਹਾਲੇ ਵੀ iOS 15 ਜਾਂ ਇਸ ਤੋਂ ਪੁਰਾਣੇ ਦੀ ਵਰਤੋਂ ਕਰ ਰਹੇ ਹੋ, ਤਾਂ ਤੁਸੀਂ ਇਸਨੂੰ ਅੱਪਡੇਟ ਕਰ ਸਕਦੇ ਹੋ ਅਤੇ 5 ਮਈ, 2025 ਤੋਂ ਬਾਅਦ WhatsApp ਦੀ ਵਰਤੋਂ ਕਰਨਾ ਜਾਰੀ ਰੱਖ ਸਕਦੇ ਹੋ।
