ਇਸ ਮਹੀਨੇ ਬੈਂਕ ਕਰਮਚਾਰੀਆਂ ਦੀਆਂ ਮੌਜਾਂ ਅੱਧਾ ਮਹੀਨਾ ਬੰਦ ਰਹਿਣਗੇ ਬੈਂਕ – News18 ਪੰਜਾਬੀ

ਸਾਲ ਦਾ ਆਖਰੀ ਮਹੀਨਾ ਸ਼ੁਰੂ ਹੋ ਗਿਆ ਹੈ। ਇਸ ਮਹੀਨੇ ਜੇਕਰ ਤੁਹਾਨੂੰ ਵੀ ਕੋਈ ਜ਼ਰੂਰੀ ਕੰਮ ਪੂਰਾ ਕਰਨ ਲਈ ਬੈਂਕ ਬ੍ਰਾਂਚ ਜਾਣਾ ਹੈ ਤਾਂ ਪਹਿਲਾਂ ਬੈਂਕ ਦੀਆਂ ਛੁੱਟੀਆਂ ਦੀ ਲਿਸਟ ਦੇਖ ਲਓ। ਅਜਿਹਾ ਨਾ ਹੋਵੇ ਕਿ ਜਿਸ ਦਿਨ ਤੁਸੀਂ ਬੈਂਕ ਜਾਓ ਤੇ ਪਤਾ ਲੱਗੇ ਬੈਂਕ ਬੰਦ ਹੈ। ਅਜਿਹਾ ਇਸ ਲਈ ਕਿਉਂਕਿ ਦਸੰਬਰ 2024 ਵਿੱਚ ਕੁੱਲ 17 ਦਿਨਾਂ ਦੀਆਂ ਬੈਂਕ ਛੁੱਟੀਆਂ ਹੋਣਗੀਆਂ। ਇਸ ਦਾ ਮਤਲਬ ਹੈ ਕਿ ਇਸ ਮਹੀਨੇ ਬੈਂਕ ਕਰਮਚਾਰੀਆਂ ਨੂੰ ਮਸਤੀ ਕਰਨ ਦੇ ਬਹੁਤ ਮੌਕੇ ਮਿਲਣਗੇ। ਹਫਤਾਵਾਰੀ ਛੁੱਟੀਆਂ ਤੋਂ ਇਲਾਵਾ, ਰਾਸ਼ਟਰੀ ਅਤੇ ਖੇਤਰੀ ਛੁੱਟੀਆਂ ਕਾਰਨ ਬੈਂਕ ਇਸ ਮਹੀਨੇ ਅੱਧੇ ਤੋਂ ਵੱਧ ਦਿਨ ਬੰਦ ਰਹਿਣਗੇ।

ਭਾਰਤੀ ਰਿਜ਼ਰਵ ਬੈਂਕ ਨੇ ਛੁੱਟੀਆਂ ਦੀ ਸੂਚੀ ਜਾਰੀ ਕੀਤੀ। ਆਰਬੀਆਈ ਦੀ ਸੂਚੀ ਵਿੱਚ ਰਾਸ਼ਟਰੀ ਅਤੇ ਖੇਤਰੀ ਛੁੱਟੀਆਂ ਸ਼ਾਮਲ ਹਨ। ਰਾਸ਼ਟਰੀ ਛੁੱਟੀਆਂ ‘ਤੇ ਦੇਸ਼ ਭਰ ‘ਚ ਸਾਰੇ ਬੈਂਕ ਬੰਦ ਰਹਿੰਦੇ ਹਨ। ਖੇਤਰੀ ਛੁੱਟੀਆਂ ਕਿਸੇ ਖਾਸ ਰਾਜ ਜਾਂ ਖੇਤਰ ਨਾਲ ਸਬੰਧਤ ਹੁੰਦੀਆਂ ਹਨ। ਇਨ੍ਹਾਂ ਦਿਨਾਂ ਵਿੱਚ ਸਿਰਫ਼ ਸਬੰਧਤ ਰਾਜ ਜਾਂ ਖੇਤਰ ਦੇ ਬੈਂਕ ਹੀ ਬੰਦ ਰਹਿੰਦੇ ਹਨ। ਤੁਸੀਂ RBI ਦੀ ਵੈੱਬਸਾਈਟ https://rbi.org.in/Scripts/HolidayMatrixDisplay.aspx ‘ਤੇ ਜਾ ਕੇ ਆਪਣੇ ਰਾਜ ਵਿੱਚ ਬੈਂਕ ਛੁੱਟੀਆਂ ਬਾਰੇ ਜਾਣ ਸਕਦੇ ਹੋ।

ਦਸੰਬਰ ਵਿਚ ਬੈਂਕ ਛੁੱਟੀਆਂ ਦੀ ਸੂਚੀ

3 ਦਸੰਬਰ (ਸ਼ੁੱਕਰਵਾਰ) : ਗੋਆ ਵਿਚ ਸੇਂਟ ਫਰਾਂਸਿਸ ਜ਼ੇਵੀਅਰ ਦੇ ਕਾਰਨ ਬੈਂਕ ਬੰਦ ਰਹਿਣਗੇ।
8 ਦਸੰਬਰ 2024 – ਐਤਵਾਰ – ਹਫਤਾਵਾਰੀ ਛੁੱਟੀ।
12 ਦਸੰਬਰ (ਮੰਗਲਵਾਰ): ਮੇਘਾਲਿਆ ਵਿੱਚ ਪਾ-ਟੋਗਨ ਨੇਂਗਮਿੰਜਾ ਸੰਗਮਾ ਕਾਰਨ ਬੈਂਕ ਬੰਦ ਰਹਿਣਗੇ।
14 ਦਸੰਬਰ 2024- ਦੂਜਾ ਸ਼ਨੀਵਾਰ – ਹਫਤਾਵਾਰੀ ਛੁੱਟੀ।
15 ਦਸੰਬਰ 2024- ਐਤਵਾਰ – ਹਫਤਾਵਾਰੀ ਛੁੱਟੀ।
18 ਦਸੰਬਰ (ਬੁੱਧਵਾਰ) : ਮੇਘਾਲਿਆ ‘ਚ ਯੂ ਸੋਸੋ ਥਾਮ ਦੀ ਬਰਸੀ ਕਾਰਨ ਬੈਂਕਾਂ ‘ਚ ਛੁੱਟੀ ਰਹੇਗੀ।
19 ਦਸੰਬਰ (ਵੀਰਵਾਰ) : ਗੋਆ ਮੁਕਤੀ ਦਿਵਸ ਕਾਰਨ ਗੋਆ ਵਿੱਚ ਬੈਂਕ ਬੰਦ ਰਹਿਣਗੇ।
22 ਦਸੰਬਰ 2024 – ਐਤਵਾਰ – ਹਫਤਾਵਾਰੀ ਛੁੱਟੀ
24 ਦਸੰਬਰ (ਵੀਰਵਾਰ): ਮਿਜ਼ੋਰਮ, ਨਾਗਾਲੈਂਡ ਅਤੇ ਮੇਘਾਲਿਆ ਵਿੱਚ ਬੈਂਕ ਬੰਦ ਰਹਿਣਗੇ।
25 ਦਸੰਬਰ (ਬੁੱਧਵਾਰ) : ਕ੍ਰਿਸਮਿਸ ਕਾਰਨ ਦੇਸ਼ ਭਰ ਵਿੱਚ ਬੈਂਕ ਬੰਦ ਰਹਿਣਗੇ।
26 ਦਸੰਬਰ (ਵੀਰਵਾਰ): ਮਿਜ਼ੋਰਮ, ਨਾਗਾਲੈਂਡ ਅਤੇ ਮੇਘਾਲਿਆ ਵਿੱਚ ਬੈਂਕ ਬੰਦ ਰਹਿਣਗੇ।
27 ਦਸੰਬਰ (ਸ਼ੁੱਕਰਵਾਰ) : ਨਾਗਾਲੈਂਡ ‘ਚ ਕ੍ਰਿਸਮਿਸ ਦੇ ਜਸ਼ਨਾਂ ਕਾਰਨ ਸੂਬੇ ‘ਚ ਬੈਂਕਾਂ ‘ਚ ਛੁੱਟੀ ਰਹੇਗੀ।
28 ਦਸੰਬਰ 2024 – ਚੌਥਾ ਸ਼ਨੀਵਾਰ – ਹਫਤਾਵਾਰੀ ਛੁੱਟੀ।
29 ਦਸੰਬਰ 2024 – ਐਤਵਾਰ – ਹਫਤਾਵਾਰੀ ਛੁੱਟੀ।
30 ਦਸੰਬਰ (ਸੋਮਵਾਰ) : ਮੇਘਾਲਿਆ ‘ਚ ਯੂ ਕੀਆਂਗ ਨੰਗਬਾਹ ਤਿਉਹਾਰ ‘ਤੇ ਬੈਂਕ ਬੰਦ ਰਹਿਣਗੇ।
31 ਦਸੰਬਰ (ਮੰਗਲਵਾਰ): ਮਿਜ਼ੋਰਮ ਅਤੇ ਸਿੱਕਮ ਵਿੱਚ ਨਵੇਂ ਸਾਲ ਦੀ ਪੂਰਵ ਸੰਧਿਆ/ਲੋਸੋਂਗ/ਨਮਸੂਂਗ ਕਾਰਨ ਬੈਂਕ ਛੁੱਟੀ ਰਹੇਗੀ।

ਜਾਰੀ ਰਹਿਣਗੀਆਂ ਆਨਲਾਈਨ ਸੇਵਾਵਾਂ
ਬੈਂਕਾਂ ਦੀਆਂ ਆਨਲਾਈਨ ਸੇਵਾਵਾਂ ਛੁੱਟੀਆਂ ਦੇ ਦਿਨ ਵੀ ਚਾਲੂ ਰਹਿਣਗੀਆਂ। ਆਨਲਾਈਨ ਅਤੇ ਡਿਜੀਟਲ ਬੈਂਕਿੰਗ ਸੇਵਾਵਾਂ ਚਾਲੂ ਹੋਣ ਨਾਲ ਗਾਹਕਾਂ ਨੂੰ ਜ਼ਿਆਦਾ ਪਰੇਸ਼ਾਨੀ ਦਾ ਸਾਹਮਣਾ ਨਹੀਂ ਕਰਨਾ ਪਵੇਗਾ।