ਸਰਦੀਆਂ ਵਿੱਚ ਜ਼ਰੂਰ ਖਾਓ ਮਖਾਣਾ, ਇਹਨਾਂ 6 ਫ਼ਾਇਦਿਆਂ ਕਾਰਨ ਡਾਕਟਰ ਇਸਨੂੰ ਮੰਨਦੇ ਹਨ ਸੁਪਰਫੂਡ, ਪੜ੍ਹੋ ਡਿਟੇਲ

ਵਰਤਾਂ ਅਤੇ ਤਿਉਹਾਰਾਂ ਦੌਰਾਨ ਲੋਕ ਬਹੁਤ ਸਾਰਾ ਮਖਾਣਾ ਖਾਂਦੇ ਹਨ। ਮਖਾਣੇ ਦੀ ਖੀਰ, ਭੁੰਨਿਆ ਮਖਾਣਾ ਜ਼ਿਆਦਾਤਰ ਲੋਕਾਂ ਦਾ ਪਸੰਦੀਦਾ ਹੈ। ਮਖਾਣਾ ਇੱਕ ਬਹੁਤ ਹੀ ਸਿਹਤਮੰਦ ਸੁਪਰਫੂਡ ਹੈ। ਇਸਨੂੰ ਫੋਕਸ ਨਟਸ (Focus Nuts) ਵੀ ਕਿਹਾ ਜਾਂਦਾ ਹੈ। ਮਖਾਣੇ ਵਿੱਚ ਫਾਈਬਰ, ਪ੍ਰੋਟੀਨ, ਕੈਲਸ਼ੀਅਮ, ਫਾਸਫੋਰਸ, ਆਇਰਨ, ਪੋਟਾਸ਼ੀਅਮ, ਮੈਗਨੀਸ਼ੀਅਮ, ਜ਼ਿੰਕ, ਐਂਟੀਆਕਸੀਡੈਂਟ ਆਦਿ ਬਹੁਤ ਸਾਰੇ ਪੌਸ਼ਟਿਕ ਤੱਤ ਹੁੰਦੇ ਹਨ।

ਬਹੁਤ ਸਾਰੇ ਪੌਸ਼ਟਿਕ ਤੱਤ ਹੋਣ ਕਾਰਨ ਇਸ ਨੂੰ ‘ਸੁਪਰਫੂਡ’ ਕਿਹਾ ਜਾਂਦਾ ਹੈ। ਮਖਾਣਾ ਇੱਕ ਸੁੱਕਾ ਮੇਵਾ ਹੈ। ਜੇਕਰ ਤੁਸੀਂ ਇਸ ਦਾ ਨਿਯਮਿਤ ਸੇਵਨ ਕਰਦੇ ਹੋ ਤਾਂ ਤੁਹਾਨੂੰ ਕਈ ਫਾਇਦੇ ਮਿਲ ਸਕਦੇ ਹਨ। ਆਓ ਜਾਣਦੇ ਹਾਂ ਮਖਾਣੇ ਖਾਣ ਦੇ ਫਾਇਦਿਆਂ ਬਾਰੇ।

ਮਖਾਣੇ ਦੇ ਲਾਭ

ਫੋਕਸ ਨਟਸ (Focus Nuts) ਅਰਥਾਤ ਮਖਾਣਾ ਇੱਕ ਛੋਟਾ, ਗੋਲ, ਚਿੱਟੇ ਰੰਗ ਦਾ ਅਤੇ ਬਹੁਤ ਹਲਕਾ ਸੁੱਕਾ ਫਲ ਹੈ। ਜਿਵੇਂ ਕਿ ਅਸੀਂ ਤੁਹਾਨੂੰ ਪਹਿਲਾਂ ਹੀ ਦੱਸ ਚੁੱਕੇ ਹਾਂ ਕਿ ਇਸ ‘ਚ ਕਈ ਤਰ੍ਹਾਂ ਦੇ ਪੋਸ਼ਕ ਤੱਤ ਹੁੰਦੇ ਹਨ, ਜੋ ਸਰੀਰ ਨੂੰ ਕਈ ਤਰ੍ਹਾਂ ਦੇ ਫਾਇਦੇ ਦਿੰਦੇ ਹਨ। ਇਹ ਖਾਣ ‘ਚ ਬਹੁਤ ਹੀ ਸਵਾਦਿਸ਼ਟ ਅਤੇ ਕੁਰਕੁਰਾ ਹੁੰਦਾ ਹੈ।

-ਜੇਕਰ ਮਖਾਣੇ ਦੇ ਪੋਸ਼ਕ ਤੱਤਾਂ ਦੀ ਗੱਲ ਕਰੀਏ ਤਾਂ ਇਸ ਵਿੱਚ 20 ਫੀਸਦੀ ਫਾਈਬਰ ਅਤੇ ਲਗਭਗ 12 ਗ੍ਰਾਮ ਪ੍ਰੋਟੀਨ ਹੁੰਦਾ ਹੈ। ਇਸ ਤੋਂ ਇਲਾਵਾ ਜੇਕਰ ਖਣਿਜਾਂ ਦੀ ਗੱਲ ਕਰੀਏ ਤਾਂ ਇਸ ਵਿੱਚ 10 ਫੀਸਦੀ ਵਿਟਾਮਿਨ ਬੀ, 10 ਫੀਸਦੀ ਫਾਸਫੋਰਸ, 15 ਫੀਸਦੀ ਮੈਗਨੀਸ਼ੀਅਮ, 5 ਫੀਸਦੀ ਆਇਰਨ ਅਤੇ 12 ਫੀਸਦੀ ਪੋਟਾਸ਼ੀਅਮ ਹੁੰਦਾ ਹੈ।

– ਕਿਉਂਕਿ ਇਸ ਵਿੱਚ ਭਰਪੂਰ ਮਾਤਰਾ ਵਿੱਚ ਫਾਈਬਰ ਹੁੰਦਾ ਹੈ। ਫਾਈਬਰ ਨਾਲ ਭਰਪੂਰ ਚੀਜ਼ਾਂ ਦਾ ਸੇਵਨ ਪਾਚਨ ਤੰਤਰ ਨੂੰ ਠੀਕ ਰੱਖਦਾ ਹੈ। ਪੇਟ ਦੀ ਸਿਹਤ ਠੀਕ ਰਹਿੰਦੀ ਹੈ। ਪਾਚਨ ਪ੍ਰਣਾਲੀ ਨੂੰ ਸੁਧਾਰਦਾ ਹੈ। ਇਸ ‘ਚ ਓਮੇਗਾ-3 ਫੈਟੀ ਐਸਿਡ ਵੀ ਕਾਫ਼ੀ ਮਾਤਰਾ ‘ਚ ਹੁੰਦਾ ਹੈ, ਜੋ ਦਿਲ ਨੂੰ ਸਿਹਤਮੰਦ ਰੱਖਦਾ ਹੈ।

-ਮਖਾਣੇ ‘ਚ ਮੌਜੂਦ ਫਾਈਬਰ ਅਤੇ ਪ੍ਰੋਟੀਨ ਦੀ ਜ਼ਿਆਦਾ ਮਾਤਰਾ ਭਾਰ ਘਟਾਉਣ ਲਈ ਜਾਣੀ ਜਾਂਦੀ ਹੈ। ਸ਼ੂਗਰ ਨੂੰ ਕੰਟਰੋਲ ਕਰਨ ‘ਚ ਫਾਇਦੇਮੰਦ ਹੁੰਦੇ ਹਨ। ਇਸ ‘ਚ ਵਿਟਾਮਿਨ ‘ਬੀ’ ਅਤੇ ਵਿਟਾਮਿਨ ‘ਈ’ ਵੀ ਪਾਇਆ ਜਾਂਦਾ ਹੈ, ਜੋ ਚਮੜੀ ਅਤੇ ਵਾਲਾਂ ਲਈ ਚੰਗਾ ਹੁੰਦਾ ਹੈ।

ਉਮਰ ਦੇ ਹਿਸਾਬ ਨਾਲ ਬਦਲਦਾ ਹੈ ਨੀਂਦ ਦਾ ਸਮਾਂ!
ਹੋਰ ਖਬਰਾਂ…