ਅਗਲੇ ਮਹੀਨੇ ਹੋ ਸਕਦੈ ‘ਮਾਫੀ ਯੋਜਨਾ’ ਦਾ ਐਲਾਨ, ਮੁਲਾਜ਼ਮਾਂ ਹੋਵੇਗਾ ਫਾਇਦਾ… Explainer What is EPFO amnesty scheme to be announced next month now benefits – News18 ਪੰਜਾਬੀ
ਜੇਕਰ ਤੁਸੀਂ ਵੀ ਤਨਖਾਹਦਾਰ ਹੋ ਅਤੇ ਤੁਹਾਡਾ PF ਹਰ ਮਹੀਨੇ ਕੱਟਿਆ ਜਾਂਦਾ ਹੈ, ਤਾਂ ਤੁਹਾਡੇ ਲਈ ਇਸ ਖਬਰ ਨਾਲ ਅਪਡੇਟ ਰਹਿਣਾ ਜ਼ਰੂਰੀ ਹੈ। ਜੀ ਹਾਂ, ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (Employees Provident Fund Organization) (EPFO) ‘ਮਾਫੀ ਸਕੀਮ’ ਸ਼ੁਰੂ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਇਸ ਸਕੀਮ ਨੂੰ ਲਿਆਉਣ ਦਾ ਉਦੇਸ਼ ਕੰਪਨੀਆਂ ਨੂੰ ਲਾਭ ਪਹੁੰਚਾਉਣਾ ਹੈ।
ਇਸ ਯੋਜਨਾ ਦੇ ਤਹਿਤ, ਅਜਿਹੀਆਂ ਕੰਪਨੀਆਂ ਅਤੇ ਫਰਮਾਂ ਨੂੰ ਫਾਇਦਾ ਹੋਵੇਗਾ, ਜੋ ਵਿੱਤੀ ਬੋਝ ਜਾਂ ਕਿਸੇ ਹੋਰ ਕਾਰਨ ਕਰਕੇ EPFO ਨਾਲ ਰਜਿਸਟ੍ਰੇਸ਼ਨ ਦੀ ਪ੍ਰਕਿਰਿਆ ਨੂੰ ਪੂਰਾ ਨਹੀਂ ਕਰ ਸਕੀਆਂ ਹਨ ਜਾਂ ਆਪਣੇ EPFO ਖਾਤੇ ਨੂੰ ਕਿਰਿਆਸ਼ੀਲ ਨਹੀਂ ਰੱਖ ਸਕੀਆਂ ਹਨ। ਇਸ ਸਬੰਧੀ ਕੇਂਦਰੀ ਕਿਰਤ ਅਤੇ ਰੁਜ਼ਗਾਰ ਮੰਤਰਾਲੇ ਦੇ ਹੁਕਮਾਂ ‘ਤੇ ਯੋਜਨਾ ਦਾ ਬਲੂਪ੍ਰਿੰਟ ਤਿਆਰ ਕੀਤਾ ਜਾ ਰਿਹਾ ਹੈ। ਹਿੰਦੁਸਤਾਨ ਅਖਬਾਰ ‘ਚ ਛਪੀ ਖਬਰ ਮੁਤਾਬਕ ਉਮੀਦ ਕੀਤੀ ਜਾ ਰਹੀ ਹੈ ਕਿ ਨਵੀਂ ਸਕੀਮ ਦਾ ਐਲਾਨ ਦਸੰਬਰ (December) ਦੇ ਅੰਤ ਤੱਕ ਹੋ ਸਕਦਾ ਹੈ।
ਮਾਫੀ ਸਕੀਮ ਕੀ ਹੈ?
ਸੂਤਰਾਂ ਮੁਤਾਬਕ ਸਰਕਾਰ ਦੀ ਮਾਫੀ ਸਕੀਮ ਇੰਪਲਾਇਮੈਂਟ ਲਿੰਕਡ ਇਨਸੈਂਟਿਵ ਸਕੀਮ (Employment Related Incentive Scheme) (ਈਐਲਆਈ) ਦਾ ਹਿੱਸਾ ਹੋਵੇਗੀ। ਵਿੱਤੀ ਸਾਲ 2024-25 ਦੇ ਆਮ ਬਜਟ ਵਿੱਚ, ਰੁਜ਼ਗਾਰ ਵਧਾਉਣ ਅਤੇ ਸੰਗਠਿਤ ਖੇਤਰ ਨਾਲ ਕਾਮਿਆਂ ਨੂੰ ਜੋੜਨ ਲਈ ਕੇਂਦਰ ਦੁਆਰਾ ELI ਯੋਜਨਾ ਦਾ ਐਲਾਨ ਕੀਤਾ ਗਿਆ ਸੀ। ਇਸ ਤਹਿਤ EPFO ਨਾਲ ਰਜਿਸਟਰਡ ਕਰਮਚਾਰੀਆਂ ਨੂੰ 15,000 ਰੁਪਏ ਤਿੰਨ ਕਿਸ਼ਤਾਂ ਵਿੱਚ ਦਿੱਤੇ ਜਾਣਗੇ। ਇਹ ਪੈਸਾ ਲਗਭਗ ਇੱਕ ਮਹੀਨੇ ਦੀ ਤਨਖਾਹ ਦੇ ਬਰਾਬਰ ਹੈ।
ਦੇਸ਼ ਦੇ ਨੌਜਵਾਨਾਂ ਲਈ ਵੱਡੀ ਰਾਹਤ ਦੀ ਖਬਰ ਹੈ
ਮੰਨਿਆ ਜਾ ਰਿਹਾ ਹੈ ਕਿ ਨਵੀਂ ਪਹਿਲਕਦਮੀ ELI ਸਕੀਮ ਦਾ ਇੱਕ ਹਿੱਸਾ ਹੋਵੇਗੀ ਅਤੇ ਇਸਦਾ ਉਦੇਸ਼ ਨੌਜਵਾਨਾਂ ਨੂੰ ਰੁਜ਼ਗਾਰ ਲਈ ਉਤਸ਼ਾਹਿਤ ਕਰਨਾ ਅਤੇ ਸੰਗਠਿਤ ਖੇਤਰ ਵਿੱਚ ਰੁਜ਼ਗਾਰ ਦੇ ਮੌਕੇ ਵਧਾਉਣਾ ਹੈ। ਇਹ ਸਕੀਮ ਦੇਸ਼ ਦੇ ਨੌਜਵਾਨਾਂ ਲਈ ਇੱਕ ਵੱਡੀ ਰਾਹਤ ਵਾਲੀ ਖ਼ਬਰ ਹੈ, ਕਿਉਂਕਿ ਇਹ ਉਨ੍ਹਾਂ ਨੂੰ ਨੌਕਰੀਆਂ ਲੱਭਣ ਵਿੱਚ ਮਦਦ ਕਰੇਗੀ ਅਤੇ ਉਨ੍ਹਾਂ ਨੂੰ ਆਰਥਿਕ ਤੌਰ ‘ਤੇ ਮਜ਼ਬੂਤ ਹੋਣ ਦਾ ਮੌਕਾ ਵੀ ਦੇਵੇਗੀ। ਸਰਕਾਰ ਨਿਰਮਾਣ ਖੇਤਰ ਵਿੱਚ ਨਵੀਆਂ ਨੌਕਰੀਆਂ ਪੈਦਾ ਕਰਨ ਲਈ ਕੁਝ ਵਿਸ਼ੇਸ਼ ਕਦਮ ਚੁੱਕ ਰਹੀ ਹੈ।
ਨਵੇਂ ਕਰਮਚਾਰੀਆਂ ਨੂੰ ਹਰ ਮਹੀਨੇ 3000 ਰੁਪਏ ਦੀ ਸਹਾਇਤਾ
ਸਰਕਾਰ ਅਜਿਹੀਆਂ ਕੰਪਨੀਆਂ ਨੂੰ ਪੈਸੇ ਦੇਵੇਗੀ ਜੋ ਨਵੇਂ ਕਰਮਚਾਰੀ ਨਿਯੁਕਤ ਕਰਨਗੀਆਂ। ਜਿਹੜੀਆਂ ਕੰਪਨੀਆਂ ਨਵੇਂ ਮੁਲਾਜ਼ਮਾਂ ਨੂੰ ਨੌਕਰੀਆਂ ਦੇਣਗੀਆਂ, ਉਨ੍ਹਾਂ ਨੂੰ ਸਰਕਾਰ ਵੱਲੋਂ ਹਰ ਮਹੀਨੇ 3000 ਰੁਪਏ ਦਿੱਤੇ ਜਾਣਗੇ। ਇਹ ਪੈਸਾ ਦੋ ਸਾਲਾਂ ਲਈ ਦਿੱਤਾ ਜਾਵੇਗਾ।
ਜੇਕਰ ਕੋਈ ਕੰਪਨੀ ਨਵੇਂ ਕਰਮਚਾਰੀ ਨੂੰ ਨੌਕਰੀ ‘ਤੇ ਰੱਖਦੀ ਹੈ, ਤਾਂ ਉਸ ਨੂੰ ਉਸ ਕਰਮਚਾਰੀ ਨੂੰ ਈਪੀਐੱਫ ‘ਚ ਪਾਉਣਾ ਪੈਂਦਾ ਹੈ। ਸਰਕਾਰ ਈਪੀਐਫ (EPF) ਦੇ ਪੈਸੇ ਨਾਲ ਕੰਪਨੀਆਂ ਦੀ ਵੀ ਮਦਦ ਕਰੇਗੀ। ਇਹ ਸਭ ਸਰਕਾਰ ਵੱਲੋਂ ਇਸ ਲਈ ਕੀਤਾ ਜਾ ਰਿਹਾ ਹੈ ਤਾਂ ਜੋ ਕੰਪਨੀਆਂ ਵੱਧ ਤੋਂ ਵੱਧ ਲੋਕਾਂ ਨੂੰ ਨੌਕਰੀਆਂ ਪ੍ਰਦਾਨ ਕਰ ਸਕਣ।
ਦੁਬਾਰਾ EPFO ’ਚ ਸ਼ਾਮਲ ਹੋਣ ਦਾ ਦਿੱਤਾ ਜਾਵੇਗਾ ਮੌਕਾ
ਕੁਝ ਕੰਪਨੀਆਂ ਨੇ ਨਿਯਮਾਂ ਦੀ ਤਰ੍ਹਾਂ ਕਰਮਚਾਰੀਆਂ ਦੇ ਈਪੀਐੱਫ ‘ਚ ਪੈਸੇ ਜਮ੍ਹਾ ਨਹੀਂ ਕਰਵਾਏ। EPF ਇੱਕ ਤਰ੍ਹਾਂ ਦਾ ਖਾਤਾ ਹੈ ਜਿਸ ਵਿੱਚ ਕੰਪਨੀ ਅਤੇ ਕਰਮਚਾਰੀ ਦੋਵੇਂ ਪੈਸੇ ਜਮ੍ਹਾ ਕਰਦੇ ਹਨ। ਜਦੋਂ ਕੋਈ ਕੰਪਨੀ EPF ‘ਚ ਪੈਸੇ ਜਮ੍ਹਾ ਨਹੀਂ ਕਰਵਾਉਂਦੀ ਤਾਂ ਉਸ ਦੇ ਕਰਮਚਾਰੀਆਂ ਦਾ EPF ਖਾਤਾ ਕੰਮ ਨਹੀਂ ਕਰਦਾ। ਇਹ ਸਕੀਮ ਅਜਿਹੀਆਂ ਕੰਪਨੀਆਂ ਲਈ ਲਿਆਉਣ ਦੀ ਯੋਜਨਾ ਹੈ ਜਿਨ੍ਹਾਂ ਨੇ 2017 ਤੋਂ 2024 ਦਰਮਿਆਨ ਈਪੀਐੱਫ ਨਿਯਮਾਂ ਦੀ ਪਾਲਣਾ ਨਹੀਂ ਕੀਤੀ। ਹੁਣ ਸਾਰੀਆਂ ਕੰਪਨੀਆਂ ਨੂੰ ਇਸ ਯੋਜਨਾ ਦੇ ਤਹਿਤ ਰਾਹਤ ਦਿੱਤੀ ਜਾਵੇਗੀ ਅਤੇ EPFO ਵਿੱਚ ਦੁਬਾਰਾ ਸ਼ਾਮਲ ਹੋਣ ਦਾ ਮੌਕਾ ਦਿੱਤਾ ਜਾਵੇਗਾ।
ਨਿਯਮ ਕੀ ਕਹਿੰਦਾ ਹੈ?
ਜੇਕਰ ਕਿਸੇ ਕੰਪਨੀ ਵਿੱਚ 20 ਤੋਂ ਵੱਧ ਲੋਕ ਕੰਮ ਕਰਦੇ ਹਨ, ਤਾਂ ਉਸ ਕੰਪਨੀ ਨੂੰ ਆਪਣਾ ਨਾਮ EPFO ਵਿੱਚ ਰਜਿਸਟਰ ਕਰਨਾ ਹੋਵੇਗਾ। EPFO ਇੱਕ ਅਜਿਹੀ ਸਕੀਮ ਹੈ ਜਿਸ ਵਿੱਚ ਕੰਪਨੀ ਅਤੇ ਕਰਮਚਾਰੀ ਦੋਵੇਂ ਪੈਸੇ ਜਮ੍ਹਾ ਕਰਦੇ ਹਨ, ਤਾਂ ਜੋ ਕਰਮਚਾਰੀ ਨੂੰ ਭਵਿੱਖ ਵਿੱਚ ਪੈਸਾ ਮਿਲ ਸਕੇ। ਕਈ ਛੋਟੀਆਂ ਕੰਪਨੀਆਂ ਇਸ ਨਿਯਮ ਦੀ ਪਾਲਣਾ ਨਹੀਂ ਕਰਦੀਆਂ ਹਨ। ਯਾਨੀ ਇਨ੍ਹਾਂ ਕੰਪਨੀਆਂ ‘ਚ 20 ਤੋਂ ਜ਼ਿਆਦਾ ਲੋਕ ਕੰਮ ਕਰਦੇ ਹਨ ਪਰ ਉਨ੍ਹਾਂ ਨੇ ਈਪੀਐੱਫਓ ‘ਚ ਨਾਮ ਦਰਜ ਨਹੀਂ ਕਰਵਾਇਆ ਅਤੇ ਨਾ ਹੀ ਸਮੇਂ ‘ਤੇ ਪੈਸੇ ਜਮ੍ਹਾ ਕਰਵਾਏ ਜਿਸ ਕਾਰਨ ਉਨ੍ਹਾਂ ਦੇ ਕਰਮਚਾਰੀਆਂ ਦੇ ਈਪੀਐਫਓ ਖਾਤੇ ਬੰਦ ਕਰ ਦਿੱਤੇ ਗਏ ਹਨ।
